اۆتونوميالى وبلىستا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ قىزۋ ورلەۋى كوتەرىلدى

تىلشىلەرىمىز لي شين - ان، لي يافىڭ حابارلايدى. جۋىقتاعى كۇندەردەن بەرى اۆتونوميالى وبلىستاعى تاراۋلار مەن ورىنداردا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ قىزۋ ورلەۋى كوتەرىلدى. كوپشىلىك ٴبىر اۋىزدان بىلاي دەدى: يدەيا مەن ارەكەتتى جالپى ٴماجىلىستىڭ رۋحىمەن بىرلىككە كەلتىرىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنەن اقىل - پاراسات جانە كۇش - قۋات قابىلداپ، نازاردى پارتيا ورتالىق كوميتەتىنىڭ جانە اۆتونوميالى رايوندىق پارتكومنىڭ، اۆتونوميالى وبلىستىق پارتكومنىڭ ٴتۇرلى شەشىم، ورنالاستىرۋلارىن ويداعىداي دايەكتىلەندىرۋگە شوعىرلاندىرىپ، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العاباسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جاڭا ىلەنى كۇش سالا قۇرىپ، ۇزدىك ناتيجەمەن پارتيا 20 - قۇرىلتايىنىڭ  جەڭىسپەن اشىلۋىن قارسى الامىز.

وبلىستىق پارتكوم ۇيىمداستىرۋ ٴبولىمىنىڭ ورىنباسار باستىعى حاميت اكىم بىلاي دەدى: «جالپى ٴماجىلىس رۋحىن ۇيرەنۋ ارقىلى الداعى جەردەگى قىزمەتتى ويداعىداي ىستەۋ سەنىمىم ٴتىپتى دە ارتىپ، قىزمەت وي جەلىم ٴتىپتى دە جاڭالانىپ، نىسانام ٴتىپتى دە ايقىندالدى. بۇدان بىلاي يدەيالىق - ساياسي قۇرىلىستى ۇزدىكسىز كۇشەيتىپ، جاڭا كەزەڭدەگى جاقسى كادر ولشەمىمەن ٴار تۇردەگى دارىندىلاردى تاربيەلەۋ، ەنگىزۋ، ىستەتۋدىڭ تۇتاس تىزبەكتى مەحانيزمىن كەمەلدەندىرۋگە تاباندى بولىپ، نەگىزگى ساتىداعى پارتيا ۇيىمى مەن پارتيالى كادرلاردى ٴتۇيىندى قىزمەتتە اتويلاپ الدىعا شىعۋعا، ۇلگى بولۋعا ۇيىمداستىرىپ جانە باستاپ، پارتيا ۇيىمىنىڭ ۇيىمدىق ابزالدىعىنىڭ، ۇيىمدىق يقۋاتىنىڭ، ۇيىمدىق قۋاتىنىڭ تۇتاس وبلىستىڭ جوعارى ساپالى دامۋىن ىلگەرىلەتۋدىڭ سارقىلماس قوزعاۋشى كۇشىنە اينالۋىن جەبەپ، جاڭا داۋىردەگى جاڭا ىلە قۇرۋدى بەرىك ۇيىمدىق كەپىلمەن قامتاماسىزداندىرۋعا قۇلشىنامىن».

وبلىستىق پارتكوم وقۋ - اعارتۋ قىزمەتى كوميتەتىنىڭ ورىنباسار شۋجيى چىڭ بىنكاڭ بىلاي دەدى: «جالپى ٴماجىلىس رۋحىن مەكتەپ اۋلاسىنا، ساباقحاناعا ەنگىزۋدى، ادامداردىڭ كوكەيىنە ۇيالاتۋدى جەبەپ، پارتيانىڭ وقۋ - اعارتۋ قىزمەتىنە جاپپاي باسشىلىعىن ۇزدىكسىز كۇشەيتۋ ارقىلى پارتيا تاريحىن ۇيرەنۋ تاربيەسىن ۇزدىكسىز مىقتى يگەرىپ، مەكتەپتەردىڭ يدەولوگيا قىزمەتىن ۇزدىكسىز تەرەڭدەتىپ، وتانشىلدىق جانە ۇلتتار ىنتىماعى تاربيەسىن ۇزدىكسىز كۇشەيتىپ، مەكتەپتەردىڭ حاۋىپسىزدىك ساقتىق سىزىعىن ۇزدىكسىز بەكەمدەپ، <ەكىنى ازايتۋ> قىزمەتىن ۇزدىكسىز مىقتى يگەرىپ، اۆتونوميالى رايوندىق وقۋ - اعارتۋ جۇيەسىنىڭ «باعىتتى مىقتى يگەرۋ، تومەنگى شەكتى ساقتاۋ، شەشۋشى ٴتۇيىندى مىقتى يگەرۋ، رەفورمانى جەبەۋ، قامتاماسىزداندىرۋدى كۇشەيتۋ» قىزمەت تالابىن ويداعىداي تياناقتاندىرامىز».

اۆتونوميالى وبلىس اۆتونوميالى رايوننىڭ ماڭىزدى استىق بازاسىنىڭ ٴبىرى. بيىل استىق ەگىلگەن جالپى جەر كولەمى 5 ميلليون 860 مىڭ مۋ بولىپ، ٴونىم مولشەرى 3 ميلليون 150 مىڭ تونناعا جەتىپ، تۇتاس شينجياڭ بويىنشا الدىڭعى ورىندا تۇردى.

وبلىستىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ەلدوس بازىكەن ۇلى بىلاي دەدى: «جالپى ٴماجىلىستىڭ رۋحىمەن بىرلەستىرە وتىرىپ، اۋىل - قىستاقتى كوركەيتۋ ستراتەگياسىن تاباندىلىقپەن اتقارىپ، مەملەكەتتىڭ استىق حاۋىپسىزدىگى ستراتەگياسىن ويداعىداي تياناقتاندىرىپ، استىق حاۋىپسىزدىگى جاۋاپكەرلىگىن اناعۇرلىم ناقتىلاندىرىپ، جوعارى ولشەمدى ەگىنجاي قۇرىلىسىن ۇزدىكسىز اتقارىپ، اۋىل شارۋاشىلىعىن وسىزامانداندىرۋ تەحنيكالىق قىزمەت وتەۋىن كۇش سالا ورىستەتىپ، استىق ٴوندىرىسى جانە ماڭىزدى اۋىل شارۋاشىلىق ونىمدەرىمەن ٴونىمدى قامداۋدى كۇش سالا ويداعىداي ىستەپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، اۆتونوميالى وبلىستىڭ اۋىل شارۋاشىلىعىن، اۋىل - قىستاقتى وسىزامانداندىرۋ مەن اۋىل - قىستاقتى كوركەيتۋدى جاپپاي جەدەلدەتۋىن پارمەندى تىرەكپەن قامتاماسىز ەتەمىز».

وبلىستىق ساناق مەكەمەسى پارتيا باسشىلىق گرۋپپاسىنىڭ شۋجيى گۇلناز مۋسا قىزى بىلاي دەدى: «پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنەن اقىل - پاراسات جانە كۇش - قۋات قابىلداپ، قايراتتانا ۇزدىكسىز العا ىلگەرىلەپ، بيىلعى ەكونوميكالىق دامۋدىڭ ٴتۇرلى نىسانا - مىندەتتەرىن جاپپاي ورىنداۋدى جوعارى ساپالى ساناق قىزمەت وتەۋىمەن قامتاماسىز ەتەمىز».

وبلىستىق قاتىناس - تاسىمال مەكەمەسىنىڭ باستىعى ۋاڭ چىڭ بىلاي دەدى: «تىڭ دامۋ ساتىسىنداعى قاتىناس ىستەرى بورىشىن تەرەڭ تانىپ جەتىپ، جالپى ٴماجىلىستىڭ رۋحىن ۇيرەنۋ جەتىستىگىن قاتىناس - تاسىمال ىستەرىن وسىزامانداندىرۋ قۇرىلىسىن ىلگەرىلەتۋ جاڭا وي جەلىسىنە، جاڭا جولىنا، جاڭا شاراسىنا شىنايى اينالدىرىپ، جالپى ٴماجىلىس رۋحىنىڭ كەزەكتەگى ٴتۇرلى قىزمەت پەن مىندەتتە تۇبەگەيلى تياناقتانۋىن تىڭعىلىقتى ىلگەرىلەتەمىز».

وبلىستىق مادەنيەت جانە ساياحات كاسىبى توبى شەكتى سەرىكتىگىنىڭ باس القاسى تاۋ چۇنلەي بىلاي دەدى: «مەملەكەت مەنشىگىندەگى كاسىپورىن بولۋ تۇرعىسىنان جالپى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭىزدى ساياسي مىندەت ەتىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن جاپپاي ىلگەرىلەتىپ، كاپيتال كولەمىن زورايتۋ، نىسان قۇرىلىسىن جەدەلدەتۋ، قىسقى ساياحات كاسىبىن بايىتۋ، ٴوز اۆتوكولىگىمەن ساياحاتتاۋ جۇيەسىن قۇرۋ، ينتەللەكتى ساياحاتتى دامىتۋ سياقتى 5 جاقتان تىڭ ناتيجە جاراتىپ، ۇيرەنۋ جەتىستىكتەرىن اۆتونوميالى وبلىستىڭ ساياحات ەكونوميكاسىنىڭ دامۋىن جەبەۋدىڭ ٴىس جۇزىندىك ارەكەتىنە اينالدىرىپ، ساياحاتتا الۋەتتى وبلىس قۇرۋدا مەملەكەت مەنشىگىندەگى كاسىپورىننىڭ جاۋاپكەرلىكتى باتىلدىقپەن ارقالايتىن سەنىمى مەن بەكىمىن ايگىلەيمىز».