باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جالپى ٴماجىلىس رۋحىن جەتەكشى ەتىپ، ايەلدەر مەن بالالار ىستەرىنىڭ جوعارى ساپالى دامۋىن ىلگەرىلەتەمىز
2021-11-27 15:34:50     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

− وبلىسىمىزدىڭ ايەلدەر بىرلەستىگى سالاسىنداعىلار پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قىزۋ تالقىلادى


ٴتىلشىمىز مىڭ شيا حابارلايدى. جاڭا ەمتيحان تاپسىرۋ جولىمەن ٴجۇرىپ، ايەلدەر بىرلەستىگى ۇيىمى قىزمەتىندە تاماشا ناتيجەگە قول جەتكىزدى. جۋىقتاعى كۇندەردەن بەرى وبلىسىمىزداعى ايەلدەر بىرلەستىگى جۇيەسى گازەت، توراپ، تەلەۆيزيا دانەكەرلەرى ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مۇقيات ۇيرەندى. كوپشىلىك ٴبىر اۋىزدان بىلاي دەدى: «جالپى ٴماجىلىس رۋحىن جەتەكشى ەتىپ، جالپى ٴماجىلىس رۋحىمەن يدەيانى، ەرىك - جىگەردى، ارەكەتتى ٴتىپتى، ويداعىداي بىرلىككە كەلتىرىپ، جاڭا داۋىردەگى جاڭا جورىقتا بارشا ايەلدەردى باستاپ جانە جۇمىلدىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جەلەكتىلەردىڭ كۇش - قۋاتىن ارناپ، ۇلەس قوسامىز». 

«پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ اشىلۋى، ٴار ۇلت ايەلدەرىنىڭ يدەيانى اناعۇرلىم بىرلىككە كەلتىرىپ، ٴارقايسى جاقتىڭ كۇشىن ۇيىستىرىپ، تۇتاس وبلىستاعى ايەلدەر مەن بالالار ىستەرىنىڭ جوعارى ساپالى دامۋىن ىلگەرىلەتۋدە اسا ماڭىزدى مانگە يە» دەدى وبلىستىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ايەلدەر بىرلەستىگىنىڭ ٴتورايىمى التايگۇل جۇما قىزى. ول تاعى بىلاي دەدى: «وبلىسقا توتە قاراستى ورىندارداعى ٴار دارەجەلى ايەلدەر بىرلەستىگى جالپى ٴماجىلىس رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، جالپى ٴماجىلىس رۋحىنىڭ ناقتى ٴمانىن جەتە ٴتۇسىنىپ، وزەكتى ٴتۇيىنىن دالمە - ٴدال يگەرىپ، يدەيا مەن ارەكەتتى شىنايى بىرلىككە كەلتىرىپ، جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، جەلەكتىلەردىڭ جەلىلەس قيمىلىن ورىستەتۋدە جاڭالىق اشىپ، بيىلعى ٴتۇرلى ٴتۇيىندى قىزمەت مىندەتتەرىن جاقسى ورىنداپ، كەلەسى جىلعى قىزمەتتەردى جوسپارلاۋدى بار كۇشپەن ويداعىداي ىستەيمىز».

 «پارتيا 19 - كەزەكتى ورتالىق كوميتەتى التىنشى جالپى ٴماجىلىسى وتە ٴدال ۋاعىندا اشىلىپ، ٴبىزدىڭ العا باسۋ باعىتىمىزدى ايقىنداپ، ٴىس تىندىرۋ، كاسىپ اشۋ سەنىمىمىزدى ارتتىردى» دەدى وبلىستىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار ٴتورايىمى ليۋ يۇيمەي، ول تاعى بىلاي دەدى: «وبلىسقا توتە قاراستى ورىندارداعى ٴار دارەجەلى ايەلدەر بىرلەستىگى ۇيىمدارى جالپى ٴماجىلىس رۋحىمەن ايەلدەر بىرلەستىگى قىزمەتىنە جەتەكشىلىك ەتىپ، جەلەكتىلەردىڭ ەرىك - جىگەرىن تاسقىنداتىپ، كۇش - قۋاتىن ۇيىستىرىپ، وتباسىندا قيىنشىلىعى بار ايەلدەر مەن بالالارعا نازار اۋدارىپ، شىن ىقىلاس، تەرەڭ سۇيىسپەنشىلىكپەن ولار ٴۇشىن ناقتى ىستەر تىندىرىپ، قيىن ماسەلەلەردى شەشىپ، پارتيانىڭ سۇيىسپەنشىلىگىن ولارعا شىنايى سەزىندىرۋى كەرەك».

«پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنگەننەن كەيىن تەرەڭ شابىت الىپ، ەرەكشە اسەرلەندىم» دەدى «شينجياڭ ايەلدەرى» جۋرنالى قازاق رەداكسياسىنىڭ رەداكتورى جانار مامىرقان قىزى، ول تاعى بىلاي دەدى: «ايەلدەر ىستەرىنىڭ قىزمەتكەرى بولۋ تۇرعىسىنان مەن جالپى ٴماجىلىس رۋحىنىڭ ٴمانىن مۇقيات يگەرىپ، ٴىس جۇزىندىك ارەكەتىم ارقىلى اۋەلگى ماقساتتى، بورىشتى امالياتتا ايگىلەپ، ٴىس تىندىرۋ، كاسىپ اشۋعا مىعىم كۇش ۇيىستىرىپ، ٴوز قىزمەتىمدى ويداعىداي ىستەيمىن». 

«جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىندا» وتباسى، وتباسى تاربيەسى، وتباسى ستيلى قۇرىلىسىنا ٴمان بەرۋ ورتاعا قويىلىپ، ايەلدەر مەن بالالاردىڭ ۇقىق - مۇددەسى قامتاماسىزداندىرىلعان.

وبلىستىق ايەلدەر بىرلەستىگى ۇيىمداستىرۋ - ۇگىت ٴبولىمىنىڭ باستىعى سۇن داۋلاي بىلاي دەدى: «ٴبىز <ٴجۇز، مىڭ، ون مىڭ جەلەكتىنىڭ قاۋىرت ۇگىت - لەكسيا جاساۋى>، <شينجياڭدى مادەنيەتپەن نارلەندىرۋدى وتباسىلارعا جەتكىزۋ>، <وتباسى مەكتەبىن> وتباسىلارعا ەنگىزۋ جانە <ىلە ايەلدەرى ٴۇنى> تەكشەسى ارقىلى جالپى ٴماجىلىس رۋحى جونىندە كەڭ ٴارى ىشكەرىلەي ۇگىت - لەكسيا جاساپ، جالپى ٴماجىلىس رۋحىن بارلىق وتباسىنا جەتكىزىپ، بارلىق ادامنىڭ كوكەيىنە ۇيالاتۋعا مۇمكىندىك جاراتىپ، وتباسى، وتباسى تاربيەسى، وتباسى ستيلى قۇرىلىسىنىڭ نەگىزگى ساتىنىڭ قوعامدىق جونگە سالۋداعى ماڭىزدى رولىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەكەمدەپ، جاڭا داۋىردەگى جاڭا ىلە قۇرۋعا جەلەكتىلەردىڭ كۇش - قۋاتىن ارنايمىز. 

وبلىستىق ايەلدەر مەن بالالار قيمىل ورتالىعىنىڭ مەڭگەرۋشىسى حۋاڭپۋ شاۋچين بىلاي دەدى: «جالپى ٴماجىلىس رۋحىن قىزمەت قابىلەتىن جوعارىلاتۋ، ايەلدەر مەن بالالارعا ناقتى ٴىس ىستەۋ ارەكەتىنە اينالدىرىپ، ايەلدەر بىرلەستىگىنىڭ وزەكتى قىزمەتىن توڭىرەكتەپ، بالالارعا، وتباسىلارعا جانە ايەلدەرگە قىزمەت وتەپ، ٴىس جۇزىندىك ارەكەتىمىز ارقىلى جاۋاپكەرلىكتى باتىل ارقالاپ، اۆتونوميالى وبلىستىڭ ايەلدەر مەن بالالار ىستەرىنىڭ دامۋىندا تاعى دا كورنەكتى ناتيجە جاراتامىز». 

جەلەكتىلەر تىڭ ۇلەس قوسىپ، تىڭ ناتيجەنى ايگىلەدى. نىلقى اۋداندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتورايىمى ياڭ شۋيچيڭ مىنانى ٴبىلدىردى: «نەگىزگى ساتى ايەلدەر قىزمەتى قىزمەتكەرى رەتىندە اۋەلگى ماقسات پەن بورىشتى ەستە بەرىك ساقتاپ، ٴار ۇلت ايەلدەرىن ىنتىماقتاستىرىپ جانە باستاپ، ٴىس تىندىرۋ، كاسىپ اشۋ رۋحىن سەرپىلتىپ، وتباسى، وتباسى تاربيەسى، وتباسى ستيلى قۇرىلىسىنا ٴمان بەرىپ، ايەلدەر مەن بالالاردىڭ زاڭدى ۇقىق - مۇددەسىن قورعاپ، قىزمەت وتەۋدە ايەلدەردىڭ كوڭىلىنەن شىعىپ، وتباسى جاراسىمدىلىعى مەن قوعامنىڭ جالپى جاراسىمدىلىعىن قالىپتاستىرۋعا ورتاق كۇش سالامىز».