− قورعاس قالاسىنداعى بارشا پارتيالى كادرلار پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قىزۋ تالقىلادى

ەرىكتى تىلشىلەر لي يۇڭ، ۋاڭ جىنيۇي، يۇڭ چىڭفان، ليۋ يۇيلۇڭ حابارلايدى. ۇلى تابىس كىسىنى جەلپىندىرەدى، تاريحي بورىش ادامدى العا باسۋعا جىگەرلەندىرەدى. بىرنەشە كۇننەن بەرى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى قورعاس قالاسىنداعى بارشا پارتيالى كادرلار اراسىندا ۇزدىكسىز كۇشتى اڭىس قوزعادى. كوپشىلىك جالپى ٴماجىلىس رۋحىن مۇقيات ۇيرەنىپ، ىشكەرىلەي ۇعىنىپ، جالپى ٴماجىلىس رۋحىن ۇيرەنۋ، دايەكتىلەندىرۋدى قوزعاۋشى كۇش ەتىپ، العا ىلگەرىلەۋگە كۇش - قۋات ۇيىستىرىپ، بورىش پەن مىندەتتى ادالدىقپەن ادا ەتىپ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا قاجىرلىلىقپەن كۇرەس جۇرگىزەتىندىكتەرىن ٴبىلدىردى. 

پارتيا 19 - كەزەكتى ورتالىق كوميتەتى التىنشى جالپى ٴماجىلىسى − ٴبىر رەتكى بەلەستىك ٴمان الاتىن ماڭىزدى ٴماجىلىس، ماجىلىستە قارالىپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىندا» پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جاپپاي قورىتىندىلانعان،  جاڭا داۋىردەگى جۇڭگو كوممۋنيستەرىنىڭ اۋەلگى ماقساتى مەن بورىشى ەستە بەرىك ساقتالعان، بۇل جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ ساياسي جارناماسى، سونداي - اق تاريحتى اينا ەتىپ، بولاشاققا جول اشىپ، جوڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى ارەكەت باعدارناماسى.

حالىق − پارتيانىڭ بيلىك جۇرگىزۋىنىڭ ەڭ ۇلكەن تىرەگى ٴارى پارتيانىڭ بيلىك جۇرگىزۋىنىڭ ەڭ بەرىك نەگىزى. جالپى ماجىلىستە بىلاي دەپ باسا دارىپتەلدى: بۇكىل پارتيا حالىق بۇقاراسىمەن ەتەنە بايلانىسىن، ٴسوز جوق، ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ٴتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ٴار ۇلت حالقىن ىنتىماقتاستىرا باستاپ، تاماشا تۇرمىس جولىندا ۇزدىكسىز كۇرەس جۇرگىزۋى كەرەك. 

قورعاس قالالىق باس جۇمىسشى ۇيىمىنىڭ ورىنباسار ٴتوراعاسى، كەگەن الەۋمەتتىك اۋماعى پارتيا ياچەيكاسىنىڭ شۋجيى ليۋ چۋانمەي بىلاي دەدى: «قازىر ٴبىزدىڭ  قىستاقتارىمىزعا دەيىن اسفالت جول تۇتاستىرىلىپ، وتباسى سايىن سىلكىنىسكە ٴتوزىمدى بەيقۇت ٴۇي سالىندى. مەن ارىسى ەلىمىزدە، بەرىسى الەۋمەتتىك اۋماعىمىزدا جارىققا شىققان وزگەرىستەردى، كوپشىلىكتىڭ تۇرمىسىنىڭ كۇننەن كۇنگە جاقسارعانىن تەرەڭ سەزىندىم. بۇدان بىلاي ٴبىز كەدەيلەردى سۇيەمەلدەۋدەن قامال الۋ جەتىستىكتەرىن اۋىل - قىستاقتى گۇلدەندىرۋمەن ٴونىمدى ۇشتاستىرىپ، بۇقارانى كىرىستى ارتتىرىپ، اۋقاتتانۋعا باستايمىز».

قورعاس قالاسى ازيا - ەۆروپا شىعىس جولى ٴمالى باسقارماسى جىبەك جولى الەۋمەتتىك اۋماعىنىڭ 1 - شۋجيى، قالالىق حالىق قۇرىلتايى كەڭسەسىنەن «ۇعىسۋ، تيىمدىلىك جاساۋ، توعىستىرۋ» بويىنشا الەۋمەتتىك اۋماققا تۇسكەن قىزمەت اترەتىنىڭ باستىعى ياڭ مىڭجياۋ بىلاي دەدى: «الەۋمەتتىك اۋماقتىڭ 1 - شۋجيى بولۋ تۇرعىسىنان ٴوز قىزمەتىمدى تياناق ەتىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، الەۋمەتتىك اۋماقتى جونگە سالۋدا جاڭالىق اشۋدىڭ تىڭ ۇلگىسىن قاراستىرىپ، الەۋمەتتىك اۋماقتى جونگە سالۋداعى قيىن ماسەلەلەردى شەشىپ، الەۋمەتتىك اۋماقتىڭ قىزمەت وتەۋ دەڭگەيىن جوعارىلاتىپ، تۇرعىنداردى الەۋمەتتىك اۋماقتى باسقارۋ جۇمىستارىنا كوپتەپ قاتىناستىرىپ، جىبەك جولى الەۋمەتتىك اۋماعىن بۇقارانىڭ جانعا جايلى، الاڭسىز تىرشىلىك ەتەتىن جاراسىمدى مەكەنىنە اينالدىرامىز».

قورعاس قالالىق وقۋ - اعارتۋ مەكەمەسى پارتكومىنىڭ مۇشەسى لي حۇڭفي بىلاي دەدى: «وقۋ - اعارتۋ قىزمەتكەرى بولۋ تۇرعىسىنان پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، ۇعىنىپ،  پارتيا ٴۇشىن ادام تاربيەلەۋ، مەملەكەت ٴۇشىن دارىندى جەتىلدىرۋ اۋەلگى ماقساتى مەن بورىشىن ەستە بەرىك ساقتاپ، ىرىقتىلىقپەن مىندەت ارقالاپ، ىسكەرلىك كورسەتىپ،  مىندەتىمدى ادالدىقپەن ادا ەتىپ، ٴمورال ارقىلى ادام تاربيەلەۋ ٴتۇبىرلى مىندەتىن مۇقيات دايەكتىلەندىرىپ، احلاق، اقىل - وي، دەنە، ەستەتيكا، ەڭبەك جاعىنان جاپپاي تولىسقان سوتسياليزمنىڭ قۇرۋشىلارى مەن ٴىزباسارلارىن تاربيەلەۋگە قۇلشىنامىن».