وبلىسقا توتە قاراستى قاتىناس جۇيەسى پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قىزۋ تالقىلادى

ٴتىلشىمىز لي يافىڭ حابارلايدى. عاسىرلىق ساپار قۇلاشىن كەڭ جايىپ، عاسىرلىق كۇرەس شۇعىلالى تابىستارعا قول جەتكىزدى. بىرنەشە كۇننەن بەرى وبلىسقا توتە قاراستى قاتىناس ـ تاسىمال جۇيەسىندەگى بارشا پارتيالى كادرلار پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ ورلەۋىن كوتەردى. كوپشىلىك ٴبىر اۋىزدان بىلاي دەدى: «پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن تەرەڭ يگەرىپ، <ەكىنى تۇراقتاندىرۋدى> تەرەڭ ٴتۇسىنىپ، <ەكىنى قورعاۋدى> باتىل ورىنداپ، يدەيانى ونان ارى بىرلىككە كەلتىرىپ، ورتاق تانىمدى ۇيىستىرىپ، سەنىمدى بەكەمدەپ، كۇرەس جىگەردى تاسقىنداتىپ، جۇڭگونىڭ وسىزاماندانۋىنىڭ اتويشىسى بولۋعا قۇلشىنامىز». 

وبلىستىق قاتىناس ـ تاسىمال مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى جوۋ شياڭچياڭ بىلاي دەدى: «قاتىناس ـ تاسىمال مەكەمەسى بارشا پارتيالى كادرلاردان جالپى ٴماجىلىس رۋحىن ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، ونىڭ باي مازمۇنى مەن وزەكتى ٴمانىن تەرەڭ ٴتۇسىنىپ، دۇرىس يگەرىپ، ۇيرەنۋدىڭ تەرەڭدەۋىن، ناقتىلانۋىن، كوكەيگە ۇيالاۋىن ىلگەرىلەتىپ، جاڭا داۋىردە ەكپىندەي ىلگەرىلەۋدىڭ، جاڭا بورىشتى ارقالاۋدىڭ، جاڭا ساپاردى باستاۋدىڭ قۇدىرەتتى كۇشىن شىنايى توپتاۋدى تالاپ ەتتى. ناقتىلاپ ايتقاندا، 8 ميلليارد 200 ميلليون يۋاندىق ٴتۇيىندى قۇرىلىس مىندەتىن قۇلشىنا ورىنداپ، 15 ٴتۇيىندى ينجەنەريانى ارقاۋ ەتىپ، الدىڭعى مەرزىمدىك قىزمەتتى ويداعىداي ىستەپ، قارجى قوسۋ مىندەتىنىڭ ٴساتتى ورىندالۋىنا كەپىلدىك ەتەمىز. اۋىل ـ قىستاقتى گۇلدەندىرۋ قۇرىلىسىن ىلگەرىلەتىپ، 500 ميلليون يۋاندىق اۋىل ـ قىستاق تاس جول قۇرىلىسى مىندەتىن قۇلشىنا ورىندايمىز. سونىمەن بىرگە، اۋىل ـ قىستاق تاس جولىنىڭ <جول باستىعى ٴتۇزىمى> قىزمەتىن جاپپاي جاقسى ىستەپ، اۋىل ـ قىستاق تاس جولىن شىن مانىندە ويداعىداي سالىپ، ويداعىداي باسقارىپ، ويداعىداي قورعاپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى جەدەل ىلگەرىلەتۋدى قامتاماسىز ەتەمىز». 

وبلىستىق قاتىناس ـ تاسىمال مەكەمەسى تاسىمال باسقارماسىنىڭ باستىعى ساۋ دۇڭحۇڭ بىلاي دەدى: «تاس جول تاسىمالىن باسقارۋ تاراۋى رەتىندە جالپى ٴماجىلىس رۋحىن ۇيرەنۋدى، دايەكتىلەندىرۋدى، تياناقتاندىرۋدى قاتىناستا قۋاتتى ەل قۇرۋدى جەدەلدەتۋمەن ۇشتاستىرامىز. كەزەكتە، ٴوندىرىس حاۋىپسىزدىگىن، قاتىناس ـ تاسىمالدى ىركىلىسسىزدەندىرۋدى، حالىق تۇرمىسىنا كەپىلدىك ەتۋدى مىقتى يگەرۋىمىز كەرەك. اۆتونوميالى رايوندىق قاتىناس ـ تاسىمال مەڭگەرمەسىنىڭ اۋىل ـ قىستاق جولاۋشى تاسىمالىن دامىتۋعا قاتىستى ساياساتتارىمەن ۇشتاستىرىپ، قورعاس قالاسىنىڭ مەملەكەت بويىنشا قالا، اۋىل قاتىناسىن ٴبىر تۇلعالاندىرۋدان ۇلگى كورسەتەتىن قالا قۇرىلىسىن قۇرۋدى بار كۇشپەن ىلگەرىلەتىپ، قاراستى رايونداعى قالا، اۋىل قاتىناس ـ تاسىمالىن ٴبىر تۇلعالاندىرىپ دامىتۋ دەڭگەيىن جوعارىلاتامىز».

سولتۇستىگى قۇلجا قالاسى توعىراق اۋىلىنا، وڭتۇستىگى چاپچال سىبە اۆتونوميالى اۋدانى ميلياڭچۋان حۇيزۋ اۋىلىنا، 4 ـ ديۆيزيا 69 ـ تۋانىنىڭ ىلە وزەنى 4 ـ كوپىرى − G218 جەلىسىنىڭ قۇلجا قالاسى شەكاراسىنان وتەتىن تاس جول قۇرىلىسىنداعى ٴتۇيىندى نىسان، كوپىردىڭ جالپى ۇزىندىعى 1677.5 مەتر. سالىنىپ بىتكەننەن كەيىن ىلە وزەنىنىڭ وڭتۇستىگى مەن سولتۇستىگىن تۇتاستىرىپ، قۇلجا قالاسىنىڭ قالا جول قاتىناس قىسىمىن جەڭىلدەتىپ، جۇك تاسىمال ارناسىن ىركىلىسسىزدەندىرىپ، قالانىڭ دامۋ ٴورىسىن كەڭەيتىپ، <قۇلجا قالاسى مەن قۇلجا اۋدانىن، قورعاس قالاسى مەن قورعاس اۋدانىن> ٴبىر تۇلعالاندىرىپ دامىتۋ ستراتەگياسىن ىلگەرىلەتەدى. قازىر ىلە وزەنى 4 ـ كوپىرىنىڭ تومەنگى بولەگىنىڭ قۇرىلىمى تۇگەلدەي ورىندالىپ، جوعارعى بولەگىنىڭ قۇرىلىمدىق قۇرىلىس جۇرگىزۋ كەزەڭىنە ٴوتىپ، كەلەر جىلدىڭ سوڭىندا كولىك قاتىناۋ جوسپارلانعان. 

جۇڭگو تەمىر جول 5 ـ مەكەمەسى G218 جەلىسى قۇلجا قالاسى شەكارادان وتەتىن تاس جول قۇرىلىسى قولباسشىلىق شتابىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى سۇڭ جيڭ بىلاي دەدى: «ەكونوميكانى دامىتۋدا قاتىناستى الدىمەن دامىتۋ كەرەك. كوپىر قۇرىلىسشىسى رەتىندە جالپى ٴماجىلىس رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز ـ قالپىندا ٴىس جۇزىندىك قىزمەت بارىسىندا تياناقتاندىرىپ، 100 جىلدىق پارتيا تاريحىنان قاجىماي ـ تالماي كۇرەس جۇرگىزەتىن كۇش ـ قۋات الىپ، بۇگىنگى بورىشقا لايىق جاۋاپكەرشىلىك ارقالاپ، قاجىرلىلىقپەن ىستەپ، جاڭا ٴداۋىردىڭ جاڭا جورىعىندا ەرلىكپەن العا باسامىز». 

ىلە قاتىناس قارجى قوسۋ توبى شەكتى سەرىكتەستىگى قاتىناس نەگىزدىك قۇرىلعى قۇرىلىسىن نەگىز ەتكەن، كوپ ٴتۇرلى كاسىپ قاتار دامىعان ۋنيۆەرسالدى مەملەكەت مەنشىگىندەگى كاسىپورىن. سەرىكتەستىكتىڭ باس جوراسى، باس ديرەكتورى لي ميڭ بىلاي دەدى: «پارتيا 19 ـ كەزەكتى ورتالىق كوميتەتىنىڭ التىنشى جالپى ٴماجىلىسى پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرىن جان ـ جاقتى قورىتىندىلاپ، جاڭا جورىققا ەكپىندەي ىلگەرىلەۋدىڭ دابىلىن قاعىپ، ادامدى ايرىقشا جەلپىندىرىپ، جىگەرلەندىردى. ۇيرەنۋ، ۇگىتتەۋ، زەرتتەۋ، جوبالاۋ، جاڭالىق اشۋ امالياتى ارقىلى جاڭا دامۋ ساتىسىندا قاتىناس ىستەرىندەگى بورىشتى تەرەڭ تانىپ جانە يگەرىپ، ىلە وبلىسىنىڭ <14 ـ بەسجىلدىق> قاتىناس ـ تاسىمالىن دامىتۋ جوباسىنا ساي، قاتىناس نەگىزدىك قۇرىلعىلارىنا قارجى قوسۋ، قارجى قۇراۋ قىزمەتىن ويداعىداي ىستەپ، وبلىسقا توتە قاراستى تاس جول قۇرىلىسىنىڭ اياق الىسىن جەدەلدەتەمىز».