ٴتىلشىمىز ما چىڭلۋ، ەرىكتى ٴتىلشى ياڭ چىن حابارلايدى. موڭعۇلكۇرە اۋدانىنداعى نەگىزگى ساتى پارتيا ۇيىمدارى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتاردا تۇراتىن قىزمەت اترەتتەرى بۇقارا قۋانا تىڭداپ، كوڭىلدەنە كورەتىن فورمالار ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنىپ، دايەكتىلەندىرىپ، وتباسىلارعا دەيىن جەتكىزىپ، ادامدار جۇرەگىنە تەرەڭ ۇيالاتىپ، قالىڭ پارتيالى كادرلار مەن بۇقارانىڭ يدەياسى جانە ارەكەتىن جالپى ٴماجىلىس رۋحىمەن شىنايى بىرلىككە كەلتىردى.

بىرنەشە كۇننەن بەرى موڭعۇلكۇرە اۋدانىنىڭ وقۋ -  اعارتۋ جۇيەسىندەگىلەر كلاس، اترەت جيىنى، نەگىزگى تاقىرىپتىق كلاس جيىنى، قارا تاقتا گازەتى، مەكتەپ راديوسى سياقتى دانەكەرلەر ارقىلى مەكتەپ باسشىلارى باستاماشىلدىقپەن لەكسيا سويلەۋ، پارتيالى وقىتۋشىلار ونەگە بولىپ لەكسيا سويلەۋ، ساباق وقىتۋشىلارى جاپپاي لەكسيا سويلەۋ سياقتى تاسىلدەردى قولدانىپ، جالپى ٴماجىلىس رۋحىنىڭ مەكتەپ اۋلاسىنا، جىلدىقتارعا، كلاستارعا دەيىن جەتكىزىلۋىن جەبەدى؛ ٴىرى «يدەيا - ساياسي ساباعى» قوسىنىن جاساقتاپ، 108 شۋجي مەن مەكتەپ باستىعى، 242 ٴمورال تاربيەشىسى باستاماشىلدىقپەن 732 مايدان - رەت يدەيا - ساياسي ساباعىن ٴوتىپ، جاستار مەن ورەندەردىڭ وتانشىلدىق ىنتاسىن تاسقىنداتىپ، قىزىل گەندى جالعاستىرىپ، جىگەرلى، جالىندى، تەبىندى سوتسياليزمنىڭ قۇرىلىسشىلارى مەن ٴىزباسارلارىن باۋلۋعا كۇش سالدى.

وبلىستىق جۇقپالى اۋرۋلاردان ساقتانۋ جانە ونى تىزگىندەۋ ورتالىعىنان موڭعۇلكۇرە اۋدانى سارقوبى اۋىلى سارقوبى قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن قىستاق «ەكى كوميتەتى» باعىتتامالى تۇردە شوعىرلى ۇيرەنۋگە ۇيىمداستىرۋ، اسەر ٴبولىسۋ، وتباسىلارعا بارىپ ۇگىت - لەكسيا جاساۋ سياقتىلار ارقىلى جالعاستى ۇيرەنۋدىڭ قىزۋ ورلەۋىن كوتەردى.

11 - ايدىڭ 23 - كۇنى سارقوبى قىستاق كوميتەتىنىڭ قيمىل ورتالىعىندا كادرلار مەن بۇقارا ٴبىر اراعا جينالىپ، ۇگىت - لەكسياشىلار ولارعا قاراپايىم دا ۇعىنىقتى تىلدە پارتيا 19 -  كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن جەتكىزدى. «مەملەكەتىمىز بارعان سايىن قۇدىرەتتەنۋدە، ساياسات كۇننەن - كۇنگە جاقسارۋدا، قىستاقتاردىڭ بەت - بەينەسىندە وراسان زور وزگەرىستەر جارىققا شىعۋدا، ٴاربىر وتباسى حالىقتى اۋقاتتاندىرۋ بويىنشا سالىنعان بەيقۇت ۇيلەرگە كوشىپ كىرىپ، تۇرمىسىمىز كۇننەن - كۇنگە جاقساردى. بۇدان بىلاي مەن ٴتىپتى دە قۇلشىنىپ، اناعۇرلىم باقىتتى تۇرمىس كەشىرەمىن» دەدى قىستاق تۇرعىنى سايلان بازارباي ۇلى.

موڭعۇلكۇرە اۋدانى قۇسۇنتوعارسۇن موڭعۇل اۋىلى قاراسۋ قىستاعى كادرلار مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىنەن ۇگىت - لەكسيا شاعىن اترەتىن ۇيىمداستىرىپ قۇرىپ، بۇقارانىڭ ۇيىنە بارىپ، بەتپە - بەت ۇگىت - لەكسيا جاسادى.  قىستاق تۇرعىنى مۇرات مۇسايت ۇلى ۇگىت - لەكسيانى تىڭداعاننان كەيىن اسەرلەنگەن بەينەدە: «مەملەكەتىمىز قۇدىرەتتەندى، بۇقارانىڭ قالتاسى قامپيدى، ٴبىز جۇڭگو كوممۋنيستىك پارتياسىنىڭ باسشىلىعىن، سوتسياليستىك ٴتۇزىمدى باتىل قورعايمىز» دەدى.

ساعانۋسۇن موڭعۇل ۇلتتىق اۋىلى تاسبۇلاق قىستاعىنىڭ 1 - شۋجيى سۇن زىفي بىلاي دەدى: «ٴبىز جالپى ٴماجىلىس رۋحىنىڭ ٴمانىن جەتە يگەرىپ، نەگىزگى ساتىنى تياناق ەتۋدى، بۇقارمەن ەتەنە قارىم - قاتىناس ورناتۋدى، بۇقاراعا قىزمەت وتەۋدى شىعار ٴتۇيىن جانە تابان تىرەر تياناق ەتىپ، اۋىل -  قىستاقتى گۇلدەندىرۋدى جاپپاي ىلگەرىلەتىپ، اۋىل - قىستاقتى جونگە سالۋ قۋاتىن اناعۇرلىم جوعارىلاتىپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى شىنايى شەشىپ، حالىق تۇرمىسىنا قىزمەت وتەۋدى شىنايى جاقسارتۋعا قۇلشىنامىز».