باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
كۇنەس «مىڭ ساقا كادردى پارتيا مەكتەبىنە كىرگىزۋ» ينجەنەرياسىن ورىستەتىپ، ساقا كادرلاردىڭ ۇيرەنۋدە «قاتاردان قالماۋىنا» كەپىلدىك ەتتى
2021-12-03 11:15:17     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز پاتيما، ەرىكتى ٴتىلشى سۇن جىنجىن حابارلايدى. تاياۋدان بەرى كۇنەس اۋدانى پارتيا مەكتەبىن نەگىزگى بازا، «مىڭ ساقا كادردى پارتيا مەكتەبىنە كىرگىزۋ» ينجەنەرياسىن اتقارۋدى تۇتقا ەتىپ، زەينەتكە، دەمالىسقا شىققان كادرلاردى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنۋگە ۇيىمداستىرىپ، جالپى ٴماجىلىس رۋحىنىڭ ادامدار جۇرەگىنە ۇيالاۋىن جەبەدى.

«كادرلار ماعان سابىرلىلىقپەن پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ٴتۇسىندىردى، ۇيدە وتىرسام دا <قاتاردان قالماۋىما> مۇمكىندىك جاراتتى»،- دەدى 11 - ايدىڭ 29 - كۇنى كۇنەس اۋدانىنداعى زەينەتكە شىققان كادر جاڭ انفۋ قۋانا. ول تاعى بىلاي دەدى: دەنساۋلىق جاعدايىم سەبەبىنەن زەينەتكە، دەمالىسقا شىققان باسقا كادرلارمەن بىرگە ۇيرەنۋگە قاتىناسا الماي، كوڭىلىمدە تۇيىتكىلسۋ پايدا بولعان ەدى، اۋداننىڭ زەينەتكە، دەمالىسقا شىققان كادرلارعا «جەتكىزۋ، ۇيرەنۋ، قىزمەت وتەۋىن» ورىستەتەرىن ويلاماپپىن، ۇيرەنۋ ارمانىم ورىندالدى.

كۇنەس اۋدانى وتباسىلاردى ارالاپ جاعداي ۇعىسۋ، ساۋالناما ارقىلى تەكسەرۋ جۇرگىزۋ، تالقى ورىستەتىپ، پىكىر اۋىستىرۋ ادىستەرى ارقىلى تۇتاس اۋدانداعى ٴبىر مىڭ 200 دەن استام زەينەتكە، دەمالىسقا شىققان كادرلار جاعدايىن ٴبىلىپ، زەينەتكە، دەمالىسقا شىققان كادرلاردىڭ تاربيەلەۋگە قاتىناسۋ جاعدايىن جالپى بەتتىك ۇعىسىپ، تۇتاس اۋدانداعى زەينەتكە، دەمالىسقا شىققان كادرلاردىڭ تاربيەلەۋگە تيىستىلەرىن تۇگەل تاربيەلەپ، بىردە - ٴبىرىن قالدىرماۋعا كەپىلدىك ەتتى. سونىمەن بىرگە ٴجۇرىپ - ٴتۇرۋى قولايسىز، شوعىرلى ۇيرەنۋگە قاتىناسۋ مۇمكىندىگى جوق زەينەتكە، دەمالىسقا شىققان ٴبىر ٴبولىم كادردىڭ ٴىس جۇزىندىك جاعدايىنا قاراتا ۇيرەنۋ ۇلگىسىندە جاڭالىق اشىپ، جاعداي ۇعىسۋ، حال سۇراۋ جانە «ۇيرەنۋدى وتباسىنا جەتكىزۋدى» ورگانيكالى ۇشتاستىرىپ، 50 دەن استام پارتيا ۆستاۋى، پارتيا ەرەجەسى، باس شۋجي شي جينپيڭنىڭ جەلىلەس سوزدەرى سياقتى ۇيرەنۋ ماتەريالىن ساتىپ الىپ، زەينەتكە، دەمالىسقا شىققان ساقا كادرلار وتباسىنا جەتكىزىپ بەرىپ، «بىرگە ٴبىر» جۇپ قۇراۋ ادىسىمەن ٴاربىر زەينەتكە، دەمالىسقا شىققان كادر ٴۇشىن «ۇيرەنۋدى وتباسىنا جەتكىزدى». 

سونىمەن بىرگە بۇل اۋدان «N+3+1» ۇلگىسىنەن پايدالانىپ،  پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن، باس شۋجي شي جينپيڭنىڭ «1 - شىلدەدەگى» سويلەگەن ٴسوزىنىڭ رۋحىن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ٴتۇيىندى ساباق ەتىپ، باعىتتامالى تاربيە جۇرگىزىپ، بۇقارامەن جاناسىپ، جۇرت تىلەگىن توعىستىردى. 

«ساقا كادر بولۋ سالاۋاتىممەن پارتيانىڭ ٴتۇرلى باعىت - ساياساتتارىن ىشكەرىلەي ۇيرەنىپ، تەرەڭ ۇعىنۋمەن بىرگە، كۇش - قۋاتىمدى ۇزدىكسىز ساۋلەلەندىرىپ، اتا مەكەنىمنىڭ ەكونوميكاسى مەن قوعام دامۋىنا تىنباي ۇلەس قوسامىن»،- دەدى كۇنەس اۋدانىنىڭ دەمالىسقا شىققان 74 جاستاعى كادرى دوۋ چيڭ اسەرلەنە. 

ۇعىسۋعا قاراعاندا، كۇنەس اۋدانى زەينەتكە، دەمالىسقا شىققان كادرلاردىڭ دەنساۋلىق جاعدايى، تۇرار جايى سياقتى وبيەكتيۆ ٴىس جۇزىندىگىنە ساي ٴتۇرلى تاربيەلەۋ ۇلگىسىن پايدالانىپ، دالمە - ٴدال شارا قولدانىپ، تۇرلەرگە ٴبولىپ ىلگەرىلەتىپ، تاربيەلەۋدىڭ ناقتى ونىمدىلىككە يە بولۋىنا كەپىلدىك ەتكەن. سونىمەن بىرگە زەينەتكە، دەمالىسقا شىققان كادرلاردىڭ ٴوز ابزالدىقتارىنان پايدالانىپ، ساقا عىلىم - تەحنيكا قىزمەتكەرلەرىن، ساقا مامانداردى الدىڭعى شەپكە بارۋعا باستاپ، 360 مايدان - رەتتەن استام ۇگىت - لەكسيا ورىستەتىپ، زەينەتكە، دەمالىسقا شىققان كادرلاردى قايشىلىقتاردى ٴبىر جاقتى ەتۋ، ۇگىت - لەكسيا جاساۋ، ەرىكتى قىزمەت وتەۋ سياقتى 120 مايدان - رەتتەن استام الەۋمەتتىك يگىلىك قيمىلىن ورىستەتۋگە شابىتتاندىرعان جانە قولداۋ كورسەتكەن؛ زەينەتكە، دەمالىسقا شىققان كادرلاردىڭ اڭگىمە ٴماجىلىسىن، تالقى ٴماجىلىسىن وتكىزۋگە ۇيىمداستىرعان، اۋدان كولەمىندەگى توڭكەرىستىك بايلىقتاردان تولىق پايدالانىپ، تۇتاس اۋدان كولەمىندە 70 تەن استام ۇيرەنۋگە قاتىناسقان ورىنداعى زەينەتكە، دەمالىسقا شىققان كادرلاردى پارتيا تاريحى سارايى، قۇرباندار ەسكەرتكىش سارايى، بيڭتۋان 4 - ديۆيزياسى 72- تۋان الاڭىنداعى قىزىل ارميا پولكى ەسكەرتكىش كورمە سارايى سياقتى پارتيالىلىق تاربيە بازاسىنا بارۋعا ۇيىمداستىرىپ، پارتياعا كىرۋ سەرتىن قايتالاي پىسىقتاۋ سياقتى قيمىلداردى ورىستەتىپ، پارتيا تاريحىن ۇيرەنۋ تاربيەسىنىڭ تەرەڭدەتىلۋىن، ناقتىلانۋىن ىلگەرىلەتكەن.