چيۋ شۋحۋا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە ۇگىت - لەكسيا بايانداماسىن جاسادى

ٴتىلشىمىز لي شين - ان حابارلايدى. 12 - ايدىڭ 2 - كۇنى تۇستەن بۇرىن وبلىستىق پارتكومنىڭ شۋجيى، وبلىستىق ۇگىت - لەكسيا ۇيىرمەسىنىڭ باستىعى چيۋ شۋحۋا «پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، جاڭا داۋىردەگى جاڭا ىلەنى كۇش سالا قۇرايىق» دەگەن تاقىرىپتا وبلىسقا توتە قاراستى ورىندارداعى بارشا پارتيالى كادرلارعا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە ۇگىت - لەكسيا بايانداماسىن جاسادى.

وبلىستىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى ليۋ شينلي بايانداما ٴماجىلىسىن باسقاردى، اۆتونوميالى رايوندىق حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ ورىنباسار مەڭگەرۋشىسى، اۆتونوميالى رايوندىق پارتيا تاريحىن ۇيرەنۋ تاربيەسىنە ارالاپ جەتەكشىلىك ەتۋ 1 - گرۋپپاسىنىڭ باستىعى گاۋ جيانلۇڭ جانە جەتەكشىلىك ەتۋ گرۋپپاسىنىڭ مۇشەلەرى، وبلىس باسشىلارىنان جاۋ تيانجيە، ابدۇسالام سادىق، جياۋ ي - مين، سەرجان ۇعىباي ۇلى، جۋ بين، رازبەك قامزا ۇلى، ەلشات تۇرسىنباي ۇلى، چىن شياڭ قاتارلىلار ماجىلىسكە قاتىناستى.

چيۋ شۋحۋا ۇگىت - لەكسيا بايانداماسىندا التىنشى جالپى ٴماجىلىستىڭ ماڭىزدى ٴمانىن جەتە تانۋدى، رۋحاني مايەگىن شىنايى ۇعىنۋدى ٴتۇيىندى تۇردە توڭىرەكتەي وتىرىپ، يدەيا مەن ارەكەتتى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىمەن شىنايى بىرلىككە كەلتىرۋ، ىشكەرىلەي ۇيرەنىپ، ۇگىتتەپ، دايەكتىلەندىرۋدى، تياناقتاندىرۋدى مىقتى يگەرىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسى رۋحىنىڭ ادامدار ساناسىنا ۇيالاپ، تۇبەگەيلى تياناقتانۋىن ۇزدىكسىز جەبەۋ؛ پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋدى وراي جانە قوزعاۋشى كۇش ەتىپ، ٴتۇيىندى قىزمەتتەردى تىڭعىلىقتى ويداعىداي ىستەپ، تۇتاس جىلدىق نىسانا - مىندەتتەردى تابىسپەن ورىنداۋعا كەپىلدىك ەتۋ سياقتى جاقتاردا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ىشكەرىلەي تۇسىنىك جاساپ، تەرەڭ بايىمدادى.

چيۋ شۋحۋا مىنانى اتاپ كورسەتتى: پارتيا 19 - كەزەكتى ورتالىق كوميتەتى التىنشى جالپى ٴماجىلىسى − پارتيامىز قۇرىلعاندىعىنىڭ 100 جىلدىعى سىندى ماڭىزدى تاريحي ساتتە، پارتيا مەن حالىق ٴبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام قۇرىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا ارشىندى قادام تاستاعان كەلەلى تاريحي ساتتە اشىلعان بەلەستىك مانگە يە ماڭىزدى ٴماجىلىس. باس شۋجي شي جينپيڭنىڭ جالپى ماجىلىستەگى ماڭىزدى بايانداماسى، ماڭىزدى تۇسىندىرمەسى، ماڭىزدى ٴسوزى بۇكىل پارتيانىڭ جاڭا، كەلەلى تاريحي ساتتە اۋەلگى ماقساتتى ۇمىتپاي، ەرلىكپەن العا تارتۋىنا ايقىن العا باسۋ بەتالىسىن كورسەتىپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ ەكىنشى 100 جىلدىق كۇرەس نىساناسىنا قادام تاستاۋىنا  ٴتۇبىرلى بويسۇنۋ ولشەمىن ازىرلەدى. جالپى ماجىلىستە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» شۇعىلا شاشقان ماركسيزمدىك تۇعىرنامالىق قۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى، بۇكىل پارتيانىڭ يدەيانى بىرلىككە كەلتىرۋىن، ەرىك - جىگەردى بىرلىككە كەلتىرۋىن، ارەكەتتى بىرلىككە كەلتىرۋىن ىلگەرىلەتىپ، بۇكىل ەلدەگى ٴار ۇلت حالقىن ىنىماقتاستىرىپ، باستاپ، جاڭا داۋىردە پارتيا مەن مەملەكەت ىستەرىندە ٴتىپتى دە جاقسى جاڭا جاعداي اشۋدا، ٴسوز جوق، زور ٴارى تەرەڭ ىقپال جاسايدى. ٴبىز پارتيا 19 - كەزەكتى ورتالىق كوميتەتى التىنشى جالپى ٴماجىلىسى اشىلۋىنىڭ، پارتيانىڭ 100 جىلدىق كەلەلى تابىستارى مەن تاريحي تاجىريبەلەرىنىڭ ماڭىزدى ٴمانىن؛ پارتيا 19 - كەزەكتى ورتالىق كوميتەتى بەسىنشى جالپى ماجىلىسىنەن بەرى پارتيا مەن مەملەكەتتىڭ ٴتۇرلى ىستەرىندە قول جەتكىزىلگەن كەلەلى ىلگەرىلەۋشىلىكتەردى؛ پارتيانىڭ 100 جىلدىق كۇرەسىنىڭ اۋەلگى ماقساتى مەن بورىشىن جانە كەلەلى تابىستارىن؛ جۇڭگوشا سوتسياليستىك جاڭا داۋىردەگى تاريحي تابىستار مەن تاريحي وزگەرىستەردى تەرەڭ تانىپ جەتىپ، تاريحتى اينا ەتىپ، بولاشاققا جول اشۋدىڭ ماڭىزدى تالاپتارىن ىشكەرىلەي ۇعىنىپ، پارتيانىڭ 100 جىلدىق كۇرەسىنىڭ تاريحي بارىسىنان اقىل - پاراسات جانە كۇش - قۋات قابىلداۋىمىز كەرەك. چيۋ شۋحۋا پارتيانىڭ 100 جىلدىق كۇرەس بارىسى مەن شۇعىلالى تابىستارىن ٴتورت تاريحي كەزەڭ تۇرعىسىنان ىشكەرىلەي ٴتۇسىندىردى. ول بىلاي دەدى: «100 جىلدان بەرى پارتيامىز جۇڭگو حالقىنىڭ باقىتىن كوزدەۋدى، جۇڭحۋا ۇلتىنىڭ گۇلدەنۋىن كوزدەۋدى باستان ـ اياق ٴوزىنىڭ اۋەلگى ماقساتى، بورىشى ەتىپ، كوممۋنيزم مۇراتى مەن سوتسياليزم سەنىمىنە باستان ـ اياق تاباندى بولىپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ قۇدىرەتتەنۋىن، حالىقتىڭ باقىتىن جۇزەگە اسىرۋ جولىندا قاجىماي ـ تالماي كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىندا ەڭ ايبىندى داستان جازدى. اسىرەسە، پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحپەن، اسا زور ساياسي باتىلدىقپەن، كۇشتى جاۋاپكەرشىلىكپەن ەل ٴىشى جانە حالىقارا سىندى ەكى جالپى جاعدايدى ٴبىر تۇتاس جوسپارلاپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى ستراتەگياسىن دايەكتىلەندىرىپ، ۇلى كۇرەستى، ۇلى ينجەنەريانى، ۇلى ٴىستى، ۇلى ارماندى ٴبىر تۇتاس مەڭگەرىپ، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباي، ٴبىرقىدىرۋ كەلەلى باعىت - ساياساتتار شىعارىپ، ٴبىرقىدىرۋ كەلەلى شارالاردى العا قويىپ، ٴبىرقىدىرۋ كەلەلى قىزمەتتەردى ىلگەرىلەتىپ، ٴبىرقىدىرۋ اۋىر حاۋىپ - قاتەر مەن سىن - سايىستاردى جەڭدى. ۇزاق ۋاقىتتان بەرى شەشۋدى ويلاسا دا شەشە الماعان كوپتەگەن قيىن ماسەلەلەردى شەشىپ، بۇرىن ىستەگىسى كەلسە دە ىستەي الماعان كوپتەگەن ٴىرى ىستەردى ىستەدى. جاپپاي دوڭگەلەك داۋلەتتى قوعام قۇرۋ نىساناسى ۋاعىندا ورىندالىپ، پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر تۋىلىپ، جۇڭگوشا سوتسياليزمنىڭ قۇدىرەتتى ومىرشەڭدىك كۇشى ايگىلەنىپ، پارتيانىڭ، ارميانىڭ، حالىقتىڭ تىلەگى بۇرىن بولىپ كورمەگەن دارەجەدە توعىسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى اناعۇرلىم كەمەلدى تۇزىمدىك كەپىلمەن، اناعۇرلىم بەرىك زاتتىق نەگىزبەن، اناعۇرلىم ىرىقتى رۋحاني كۇشپەن قامتاماسىزداندىردى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرىستى قارسى العاندىعىن جاريالادى.

چيۋ شۋحۋا بىلاي دەپ اتاپ كورسەتتى: «<قاراردا> <وندى ايقىنداۋ> ارقىلى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ وزەكتى مازمۇنى ونان ارى جيناقتالدى. اماليات شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ زامانىمىزداعى جۇڭگونىڭ ماركسيزمى، 21 ـ عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى ەكەندىگىن، ماركسيزمنىڭ جۇڭگوشالانۋىنىڭ جاڭا سەكىرىسىن جۇزەگە اسىرعاندىعىن تولىق دالەلدەدى. پارتيا شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىردى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىردى، بۇل − جاڭا داۋىردەگى كەلەلى نازاريالىق جانە امالياتتىق جەتىستىك ٴارى كەلەلى ساياسي جەتىستىك، ول بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە».

چيۋ شۋحۋا مىنالاردى اتاپ كورسەتتى: «<قارار> پارتيانىڭ 100 جىلدىق كۇرەسىنىڭ تاريحي ٴمانىن 5 جاقتان قورىتىندىلادى. وسى 5 تۇجىرىم ٴارى جۇڭحۋانىڭ بايتاق دالاسىن تياناق ەتىپ، ٴارى ادامزاتتىڭ بولاشاعىنا كوز جىبەرىپ، جۇڭگو كوممۋنيستىك پارتياسى مەن جۇڭگو حالقىنىڭ، جۇڭحۋا ۇلتىنىڭ قاتىناسىن، جۇڭگو كوممۋنيستىك پارتياسى مەن ماركسيزمنىڭ، دۇنيە ٴجۇزى سوتسياليزمىنىڭ، ادامزات قوعام دامۋىنىڭ قاتىناسىن ايگىلەپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي لوگيكاسىمەن، نازاريالىق لوگيكاسىمەن، امالياتتىق لوگيكاسىمەن ساباقتاستى».

پارتيامىزدىڭ 100 جىلدان بەرى جيناقتاعان تاريحي تاجىريبەسى − «ونعا تاباندى بولۋدى» جان - جاقتى تۇسىندىرگەننەن كەيىن چيۋ شۋحۋا بىلاي دەپ اتاپ كورسەتتى: «تاريحتى اينا ەتىپ، بولاشاققا جول اشۋ ماڭىزدى تالابىن مىقتى يگەرۋ كەرەك. جاڭا داۋىردەگى تىڭ ٴارى ۇلى جورىقتا، جۇڭگو كوممۋنيستىك پارتياسى دەگەن نە، نە ىستەۋىمىز كەرەك دەگەن ٴتۇبىرلى ماسەلەنى ەستە بەرىك ساقتاپ، تاريحي دامۋدىڭ جالپى اۋقىمىن يگەرىپ، مۇرات - سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، قاشان دا كىشپەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن قۇلشىنا كۇرەس جۇرگىزىپ، العان بەتىنەن قايتپايتىن قايسارلىقپەن بەلگىلەنگەن نىسانانى قۇلشىنا جۇزەگە اسىرۋىمىز كەرەك. <100 شاقىرىمدىق جولدىڭ 90 شاقىرىمىن باسساڭ دا ٴالى جولدامىن دەپ ٴبىل> دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋىمىز كەرەك. پارتيانىڭ 100 جىلدىق كۇرەسى بارىسىنان اقىل ـ پاراسات پەن كۇش ـ قۋات الىپ، تاريحي سەنىمدى بەكەمدەپ، مۇرات ـ سەنىمنەن سانالى تۇردە جازباۋىمىز؛ پارتيانىڭ ساياسي قۇرىلىسىنا تاباندى بولىپ، پارتيانىڭ ىنتىماعىن باستان ـ اياق ساقتاۋىمىز؛ جاۋاپكەرشىلىكتى باتىل ارقالاۋ، ۇلى كۇرەس جۇرگىزۋ جىگەرى مەن قابىلەتىن ۇزدىكسىز كۇشەيتىپ، وزىنە توڭكەرىس جاساۋعا تاباندى بولىپ، پارتيانىڭ سيپاتىنىڭ وزگەرمەۋىنە، ٴتۇسىنىڭ وزگەرمەۋىنە، قاسيەتىنىڭ وزگەرمەۋىنە كەپىلدىك ەتۋىمىز كەرەك.

چيۋ شۋحۋا مىنانى باسا دارىپتەدى: «بۇكىل وبلىستاعى ٴار دارەجەلى پارتيا ۇيىمدارى مەن بارشا پارتيالى كادرلار <ٴتورت تانىمدى> كۇشەيتىپ، <ٴتورت سەنىمدى> بەكەمدەپ، <ەكىنى قورعاۋدى> ورىنداپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعىٴبىر مەزگىلدەگى كەلەلى ساياسي مىندەت ەتىپ، پارتيا ورتالىق كوميتەتىنىڭ ورنالاستىرۋى جانە اۆتونوميالى رايوندىق پارتكومنىڭ ورنالاستىرۋى بويىنشا، ۇيرەنۋ، ۇگىتتەۋ، دايەكتىلەندىرۋ قىزمەتىن زەيىن قويىپ مىقتى يگەرىپ، ۇيرەنۋ، ۇگىتتەۋ، ۇگىت - لەكسيا جاساۋ، تاربيەلەۋ، جالپىلاستىرۋ، تالقىلاۋ سىندى <التىٴتۇرلى قيمىلدى> تىڭعىلىقتى ورىستەتىپ، وسكەلەڭ ساياسي سانالىلىق، يدەيالىق سانالىلىق جانە ارەكەت سانالىلىعى ارقىلى پارتيا 19 ـ كەزەكتى ورتالىق كوميتەتى التىنشى جالپى ٴماجىلىسى رۋحىنىڭ جۇرت جۇرەگىنە  ۇيالاپ، تەرەڭ تامىر تارتۋىن ۇزدىكسىز ىلگەرىلەتۋى كەرەك».

چيۋ شۋحۋا مىنانى باسا دارىپتەدى: «پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى وراي، قوزعاۋشى كۇش ەتىپ، قوعامدىق جالپى جاعدايدىڭ باياندى ورنىقتىلىعىن باتىل قورعاپ، ۇدايىلانعان ىندەتتەن ساقتانۋ - تىزگىندەۋدى تىڭعىلىقتى يگەرىپ، ٴوندىرىس حاۋىپسىزدىگىن جالپى بەتتىك مىقتى ۇستاپ، ەكونوميكانىڭ جوعارى ساپالى دامۋىن بار كۇشپەن ىلگەرىلەتىپ، ساياسي جاۋاپكەرشىلىكتى باتىل ارقالاپ، تۇتاس جىلدىق نىسانا ـ مىندەتتەردى تىعىز توڭىرەكتەپ، جىگەرلەنە العا ۇمتىلىپ، بار كۇشپەن قامال الىپ، ٴتۇيىندى قىزمەتتەردى تياناقتاندىرۋدى ۇزدىكسىز مىقتى يگەرىپ، ٴىس جۇزىندىك ارەكەتىمىز ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسى رۋحىنىڭ تياناقتانىپ، ونىمدىلىك جاراتۋىنا كەپىلدىك ەتىپ، ورنىقتىلىق، دامۋ ىستەرىندە ۇزدىكسىز جاڭا جاعداي جاراتىپ، جاڭا داۋىردەگى جاڭا ىلەنى قۇلشىنا قۇرىپ، پارتيا 20 ـ قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الۋىمىز كەرەك».

وبلىستىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القالارىنىڭ مۇشەلەرى، وبلىستىق سوتتىڭ، پروكۋراتۋرانىڭ نەگىزگى جاۋاپتى جولداستارى، اۆتونوميالى وبلىستىڭ ٴبولىم، كوميتەت، كەڭسە، مەكەمە، حالىقتىق ۇيىمدارىنداعى نەگىزگى جاۋاپتى جولداستار، وبلىسقا توتە قاراستى تاراۋلارداعى ورىنباسار اكىم دارەجەلىدەن جوعارى كادرلار ۋاكىلدەرى، نەگىزگى ساتىداعى وزات تيپتەردىڭ ۋاكىلدەرى، وبلىستىق پارتيا مەكتەپ وقىتۋشىلارى ۋاكىلدەرى، وبلىسقا توتە قاراستى ورىندارداعى ۇگىت ـ لەكسيا تىرەكتىلەرى نەگىزگى ٴماجىلىس الاڭىندا جانە پاراللەل ٴماجىلىس الاڭىندا ۇگىت ـ لەكسيانى تىڭدادى.

ۇگىت ـ لەكسيا ٴماجىلىسى بەينە ەكران فورماسىمەن وتكىزىلىپ، وبلىسقا توتە قاراستى اۋدان، قالالاردا (وتكەل) بولىمشە ٴماجىلىس الاڭى ورنالاستىرىلدى.