− اۆتونوميالى رايوننىڭ ۇگىت لەكسيا ۇيىرمەسى جەر - جەرگە بارىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت لەكسيا جاسادى

شينجياڭ گازەتىنىڭ تىلشىلەرى جاڭ يانفاڭ، ۋاڭ نا

تاياۋ كۇندەردەن بەرى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ٴماجىلىسى قاشقار ايماعىندا، بايىنعولين موڭعۇل اۆتونوميالى وبلىسىندا، التاي ايماعىندا وتكىزىلدى، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى ۇگىت لەكسيا بايانداماسىن جاساپ، جالپى ٴماجىلىس رۋحىن جان - جاقتى ٴتۇسىندىردى ٴارى نەگىزگى ساتىداعى كادر - بۇقارامەن ٴوزارا پىكىر اۋىستىرىپ، اۋىس - كۇيىس جاساپ، كوپشىلىك كوڭىل ٴبولىپ وتىرعان ماسەلەلەر جونىندەگى سۇراۋلارعا سول جەردىڭ وزىندە ەگجەي - تەگجەيلى جاۋاپ بەرىپ، ٴتۇسىندىرىپ، جالپى ٴماجىلىس رۋحىنىڭ بارشا جۇرتقا جەتكىزىلىپ، جۇرەكتەرگە تەرەڭ ۇيالاۋىن ىلگەرىلەتتى.

«جالپى ٴماجىلىستىڭ ەڭ كەلەلى جەتىستىگى <جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن> قاراپ ماقۇلداعاندىعى بولدى». 11 - ايدىڭ 30 - كۇنى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ٴماجىلىسى قاشقار قالاسىندا وتكىزىلدى، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، شينجياڭ قازىنا - ەكونوميكا داشۋەسى پارتكومىنىڭ ورىنباسار شۋجيى حى پيڭ قاشقار ايماعىنداعى قالىڭ پارتيالى كادرلارعا ۇگىت لەكسيا بايانداماسىن جاساپ، شينجياڭنىڭ ٴىس جۇزىندىگىنە بىرلەستىرە وتىرىپ جالپى ٴماجىلىس رۋحىن جۇيەلى ٴتۇسىندىردى. ۇگىت لەكسيانى تىڭداعاننان كەيىن قاشقار ايماقتىق پارتكومنىڭ شۋجيى لي نيڭپيڭ مىنالاردى ٴبىلدىردى: ايماعىمىز جوعارىدان تومەنگە دەيىن جالپى ٴماجىلىس رۋحىن ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، نازاريامەن قارۋلانۋدى ۇزدىكسىز تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، باس نىسانانى مىقتى يگەرىپ، پارتيا تاريحىن ۇيرەنۋ تاربيەسىن تەرەڭدەتىپ، كەڭەيتىپ، ورنىقتىلىقتىڭ، دامۋدىڭ ٴتۇرلى قىزمەتتەرىن ويداعىداي ىستەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ قاشقاردا تياناقتانىپ تامىر تارتۋىن ىلگەرىلەتەدى.

سول كۇنى تۇستەن كەيىن حى پيڭ قاشقار قالاسى پاقتاكلا اۋىلىنا ورنالاسقان 100 جىلدىق قاشقار سارايىنا بارىپ، نەگىزگى ساتىداعى كادر - بۇقارامەن بەتپە - بەت وتىرىپ اڭگىمەلەستى، حالىققا جاناسىمدى ۇگىت لەكسيا كوپشىلىكتى ەرەكشە اسەرلەندىردى. «بۇل ٴبىر توتەنشە اسەرلى جالپى ٴماجىلىس رۋحىن پىسىقتاۋ ساباعى بولدى». ساقا پارتيا مۇشەسى عوپۇر قادىر اسەرلەنە بىلاي دەدى: جۇڭگو كوممۋنيسىتك پارتياسى بولماسا، جاڭا جۇڭگو دا بولماق ەمەس، پارتيا 18 - قۇرىلتايىنان بەرى ٴار ۇلت بۇقاراسىنىڭ تۇرمىسى بارعان سايىن شالقي ٴتۇستى، كوپشىلىك پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ بولاشاعىنىڭ، ٴسوز جوق، ٴتىپتى دە تاماشا بولاتىندىعىنا كامىل سەنەدى!

12 - ايدىڭ 1 - كۇنى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ٴماجىلىسى التاي قالاسىندا وتكىزىلدى، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى قايرات ۇگىت لەكسيا بايانداماسىن جاسادى. باياندامانىڭ مازمۇنى باي، ماڭىزدى ٴتۇيىنى كورنەكتى، اسەرلى دە جاندى بولىپ، ماجىلىسكە قاتىناسقان كادر - بۇقارا تەرەڭ تۇسىنىككە يە بولدى. بايانداما جاساۋ ٴماجىلىسى التاي ايماعىنىڭ ٴارقايسى اۋداندارىندا (قالا، كورىنىس ٴوڭىرى)، اۋىلدارىندا (قالاشىق، فەرما، ٴمالى) بەينە ەكران فورماسىندا اشىلدى.

«پارتيانىڭ الدىڭعى ەكى تاريحي قارارىنىڭ نەگىزگى بايىمداۋلارى مەن تۇجىرىمدارىن كۇنى بۇگىنگە دەيىن ٴباز - باياعىداي جارامدى پايدالانىپ وتىرعاندىعىن قالاي تۇسىنۋگە بولادى؟»، «نە ٴۇشىن شي جينپيڭ جاڭا ٴداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ تىڭ سەكىرۋى دەيمىز؟»... سول كۇنى تۇستەن كەيىن، قايرات التاي قالاسى قىزىلتاس قالاشىعى ساياتەرەك قىستاعىنا ورنالاسقان «قورجا» مادەنيەت ۇلكەن اۋلاسىنا، التاي قالاسى جياڭجۇنشان شاڭعى الاڭىنا جانە شاشۋ جولى مالىسىنە بارىپ، نەگىزگى ساتىداعى كادىر - بۇقارامەن بىرگە قورالانا وتىرىپ، كوپشىلىكتىڭ سۇراعان سۇراۋلارىنا جاۋاپ بەردى، ورتا قىزۋ مەرەيگە شومدى.

«ۇگىت لەكسيانى تىڭداعاننان كەيىن، جالپى ٴماجىلىس رۋحى جونىندە ٴتىپتى دە تەرەڭ تانىمعا جانە تۇسىنىككە يە بولدىم». التاي قالاسى قىزىلتاس قالاشىعىنىڭ دومبىرا ۇگىت لەكسيا شاعىن اترەتىنىڭ مۇشەسى سەرعازى توقتىباي ۇلى مىنانى ٴبىلدىردى: ەستىگەندەرىمدى، ۇيرەنگەندەرىمدى دومبىرادا ۇگىت لەكسيا جاساۋمەن توعىستىرىپ، پارتيانىڭ ٴۇنىن دەر كەزىندە بۇقارانىڭ جۇرەگىنە جەتكىزەمىن.

12 - ايدىڭ 1 - كۇنى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ٴماجىلىسى كورلا قالاسىندا وتكىزىلدى. اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (ورىنباسار شۋەيۋان باستىعى) دۋان لياڭ بايىنعولين وبلىسىنداعى قالىڭ پارتيالى كادرلارعا ۇگىت لەكسيا بايانداماسىن جاسادى. دۋان لياڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋدىڭ كەلەلى ماڭىزىن تەرەڭ تانۋ، پارتيانىڭ 100 جىلدىق كۇرەستەگى اۋەلگى ماقساتى مەن بورىشىن جانە كەلەلى تابىستارىن تەرەڭ تانۋ، جۇڭگوشا سوتسياليزمنىڭ جاڭا داۋىردەگى تاريحي تابىستارىن جانە تاريحي وزگەرىستەرىن تەرەڭ تانۋ جاقتارىن ٴتۇيىندى ارقاۋ ەتىپ، جالپى ٴماجىلىس رۋحى جونىندە جۇيەلى ۇگىت لەكسيا جانە تۇسىنىك جاسادى.

سول كۇنى تۇستەن كەيىن، دۋان لياڭ كورلا قالاسى جاڭا ٴداۋىر وركەنيەتىن امالياتتا ايگىلەۋ ورتالىعىنا بارىپ، الەۋمەتتىك اۋماق قىزمەتكەرلەرىمەن، ۇگىت لەكسيا تىرەكتىلەرىمەن، بۇقارا ۋاكىلدەرىمەن بەتپە - بەت وتىرىپ اڭگىمەلەسىپ، پىكىر اۋىستىردى. «ۇگىت لەكسيانى تىڭداپ، ٴبىزدىڭ كۇش - قۋاتىمىز تاسقىندادى». كورلا قالاسى سىلۋ ٴمالىسى شاڭشۇيچىڭ الەۋمەتتىك اۋماعىنىڭ قىزمەتكەرى ٴمارىپ يمىن مىنالاردى ٴبىلدىردى: حالىقتى وزەك ەتۋ سىندى دامۋ يدەياسىنا باستان - اياق تاباندى بولىپ، ۇساق ىستەردەن باستاپ ىستەپ، بۇقاراعا شىن جۇرەكتەن، شىنايى سۇيىسپەنشىلىكپەن قىزمەت وتەيمىن.