جۇرەك توعىستىرىپ، كۇش ۇيىستىرىپ، جوعارى ساپالى تۇرمىس جاراتۋعا قۇلشىندى
ٴتىلشىمىز مىڭ شيا حابارلايدى. بىرنەشە كۇننەن بەرى قۇلجا قالاسى سايبويى ٴمالى باسقارماسى چيڭچۋانلي الەۋمەتتىك اۋماعى پارتيالى كادرلار مەن جۇرتشىلىقتى شوعىرلى ۇيرەنۋگە ۇيىمداستىرۋ، ساۋدا دۇكەندەرىنە بارىپ ىشكەرىلەي ٴتۇسىندىرۋ سياقتى فورمالار ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن بەلسەنە ۇگىتتەپ، كوپشىلىكتى يدەيا مەن ارەكەتتى جالپى ٴماجىلىس رۋحىمىن بىرلىككە كەلتىرۋگە باستاپ، جۇرەك توعىستىرىپ، كۇش ۇيىستىرىپ، ەكونوميكانىڭ جوعارى ساپالى دامۋىن جەبەپ، جوعارى ساپالى تۇرمىس جاراتۋعا قۇلشىندى.
«تۇرعىندار، سالەمەتسىزدەرمە؟ بۇگىن ٴبىز پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن بىرلىكتە ۇيرەنەيىك». 11 - ايدىڭ 30 - كۇنى چيڭچۋانلي الەۋمەتتىك اۋماعىنىڭ شاعىن الاڭىندا تۇرعىندار ەكىدەن، ۇشتەن توپتاسىپ، تايكونداۋعا جاتتىعىپ، سەيىلدەپ جۇرگەن ەدى ، الەۋمەتتىك اۋماق پارتيا ياچەيكاسىنىڭ ورىنباسار شۋجيى گاۋ ليمەي ولاردىڭ جانىنا كەلىپ، جالپى ٴماجىلىس رۋحىن ۇگىتتەي باستاعان ەدى، ۇگىت - لەكسيا تۇرعىنداردى بىردەن باۋرادى.
چيڭچۋانلي الەۋمەتتىك اۋماعى - قالا ورتالىعىنداعى ساۋدا رايونىنا ورنالاسقان كونە تۇرعىندار رايونى بولاتىن، نەگىزگى قۇرىلعىلارى كونەرۋ، كورشىلەر ارا قايشىلىق كورنەكتى بولۋ سياقتى ماسەلەلەر ٴبىر مەزگىل وسىنداعى تۇرعىنداردى مازالاپ كەلگەن بولاتىن. جۋىقتاعى جىلداردان بەرى الەۋمەتتىك اۋماق تۇرعىندار ٴوزى ارالاسۋ، كورشىلەر ٴوزارا كومەكتەسۋ، قوعام سەلبەسۋ، ۇكىمەت الەۋمەتتىك جاقتان كومەكتەسۋ سياقتى تاسىلدەردى قولدانىپ، ٴوزىن - ٴوزى جونگە سالۋ، زاڭمەن جونگە سالۋ، ٴمورال ارقىلى جونگە سالۋدى ٴوزارا ۇشتاستىرۋ ارقىلى الەۋمەتتىك اۋماقتى جونگە سالۋدى قوعامداندىرۋ، زاڭمەن جونگە سالۋ، ارنايىلاندىرۋ دەڭگەيىن ۇزدىكسىز جوعارىلاتىپ، تۇرعىندار رايونىنىڭ ومىرشەڭدىك قۋاتىن جالىنداتتى.
«الەۋمەتتىك اۋماق ساۋدا دۇكەندەرىمىزدى زارارسىزداندىرۋ سياقتى ىندەتتەن ساقتانۋ - تىزگىندەۋ قىزمەتىن ويداعىداي اتقارۋىمىزعا كومەكتەستى، وسى ارادا الاڭسىز ساۋدامەن اينالىساتىن بولدىق» دەدى وسىنداعى ساۋداگەر مايرا سەرىك قىزى.
«بيىل الەۋمەتتىك اۋماق جاسىلداندىرۋ، كورىكتەندىرۋ، جارىقتاندىرۋ سياقتى حالىق تۇرمىسى ينجەنەرياسىن اتقارىپ، بىزگە جايلى دا راقات تۇرمىس ورتاسىن جاراتىپ بەردى» دەدى 36 جىلدىق پارتيا ستاجىنا يە الەۋمەتتىك اۋماقتىڭ تۇرعىنى جوۋ شياۋيۇن، ول تاعى بىلاي دەدى: «قازىرگى تاماشا تۇرمىستى بىزگە پارتيا بەرگەن، وتانىمىزدىڭ ٴتىپتى دە كوركەيىپ، قۇدىرەتتەنۋىن تىلەيمىن».
«بۇدان بىلاي ٴبىز نازاردى بۇقارانىڭ ارمان - تىلەگىنە شوعىرلاندىرىپ، قىزمەتتەگى ولقىلىقتاردى تولىقتاپ، قاراستىلىعىمىزداعى تۇرعىندار عيماراتىنىڭ ٴىشى - سىرتى، دەنە شىنىقتىرۋ جابدىقتارى، سەيىل - سەرۋەن ورىندىعى سياقتى قوسالقى قۇرىلعىلاردى كورىكتەندىرىپ، جاڭالاپ، بۇقارانىڭ باقىت سەزىمىن جوعارىلاتامىز» دەدى گاۋ ليمەي.
چيڭچۋانلي الەۋمەتتىك اۋماعى ٴتۇرلى فورما ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇگىتتەپ، بۇقارا ۇناتىپ كورىپ، جاقتىرىپ تىڭدايتىن فورمالار ارقىلى جالپى ٴماجىلىس رۋحىن بۇقارانىڭ كوكەيىنە تەرەڭ ۇيالاتتى.