پارتياعا ىلەسۋ ماقساتىنان جازباي، ەسىل شاقتاعى ارمانداردى ورىندايمىز

پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى

اۆتونوميالى رايوننىڭ ۇگىت - لەكسيا ۇيىرمەسى ىلە شىفان داشۋەسىندە ۇگىت - لەكسيا جاسادى

ٴتىلشىمىز لي يافىڭ حابارلايدى. 12 - ايدىڭ 2 - كۇنى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ىلە شىفان داشۋەسىندەگى ارناۋلى ۇگىت - لەكسياسى وسى مەكتەپتىڭ عىلمي بايانداما زالىندا وتكىزىلدى. اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ اۋىل شارۋاشىلىق داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى جاڭ شياۋنان ىلە شىفان داشۋەسىندەگى وقىتۋشى - وقۋشىلارعا ۇگىت - لەكسيا جاسادى. 

جاڭ شياۋنان پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرىن قورىتىندىلاۋدىڭ ماڭىزدى ٴمانىن تەرەڭ تانۋ، پارتيانىڭ 100 جىلدىق كۇرەسىنىڭ اۋەلگى ماقساتى مەن بورىشىن جانە كەلەلى تابىستارىن تەرەڭ تانۋ، جۇڭگوشا سوتسياليزمنىڭ جاڭا داۋىردەگى تاريحي جەتىستىكتەرى مەن تاريحي وزگەرىستەرىن تەرەڭ تانۋ، پارتيانىڭ 100 جىلدىق كۇرەسىنىڭ تاريحي ٴمانى مەن تاريحي تاجىريبەلەرىن تەرەڭ تانۋ، تاريحتى اينا ەتىپ، بولاشاققا جول اشۋدىڭ ماڭىزدى تالاپتارىن تەرەڭ تانۋ، پارتيانىڭ 100 جىلدىق تاريحىنان اقىل - پاراسات جانە كۇش - قۋات قابىلداپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسى رۋحىنىڭ تياناقتانىپ تامىر تارتۋىن ىلگەرىلەتۋ سياقتى 7 جاقتى توڭىرەكتەي وتىرىپ جالپى ٴماجىلىس رۋحى جونىندە ىشكەرىلەي جۇيەلى ۇگىت - لەكسيا جاسادى.

200 دەن استام وقىتۋشى - وقۋشى دەن قويا تىڭداپ، مۇقيات ەستەلىك الىپ، ٴبىر اۋىزدان بىلاي دەستى: ۇگىت - لەكسيانىڭ كوپ پايداسىن كوردىك، جالپى ٴماجىلىس رۋحىن مۇقيات ۇيرەنىپ، جاقسى ۇگىتتەپ، ويداعىداي دايەكتىلەندىرىپ، جالپى ٴماجىلىس رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، جالپى ٴماجىلىس رۋحىنىڭ ناقتى ٴمانى مەن وزەكتى مازمۇنىن ىشكەرىلەي ٴتۇسىنىپ، ۇيرەنۋ ونىمدىلىگىمىز ارقىلى مەكتەبىمىزدىڭ جوعارى ساپالى دامۋىن ىلگەرىلەتەمىز. 

ىلە شىفان داشۋەسى وقۋ - اعارتۋ عىلىمي شۋەيۋانىنىڭ وقۋشىسى پاريزا ٴالىمجان قىزى بىلاي دەدى: «جاڭا ٴداۋىر جاستارى تۇرعىسىنان ٴبىز ۇزاق ۋاقىت تاباندىلىق تانىتىپ، شوگەلدىكپەن تەر توگىپ، باتىلدىقپەن تايسالماي كۇرەس جاساپ، قايسار ەرىك - جىگەر ورناتىپ، پارتياعا ىلەسۋ ماقساتىنان جازباي، ەسىل شاقتارداعى ارمانداردى ورىندايمىز».

ىلە شىفان داشۋەسى جۇڭگو ٴتىل - ادەبيەتى شۋەيۋانىنىڭ وقۋشىسى لينا قايىرقان قىزى بىلاي دەدى: «ستۋدەنت رەتىندە مەن ٴوز مۇراتىمدى پارتيا مەن مەملەكەت ىستەرىنىڭ جالپى بارىسىنا ٴسىڭىرىپ، مۇرات - سەنىمىمدى بەكەمدەپ، ەرلىكپەن قاجىماي - تالماي كۇرەس جاساپ، ۇيرەنۋ ناتيجەمدى ۇزدىكسىز جوعارىلاتىپ، مادەنيەت ساپامدى جەتىلدىرىپ، جان - جاقتى تولىسقان سوتسياليزمنىڭ قۇرۋشىلارى مەن ٴىزباسارى بولۋعا قۇلشىنامىن».

ىلە شىفان داشۋەسى ماركسيزم شۋەيۋانىنىڭ وقىتۋشىسى لۇي مىڭيۇن بىلاي دەدى: «جوعارى مەكتەپتىڭ يدەيا - ساياسي تاربيەشىسى بولۋ تۇرعىسىنان مەن پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مۇقيات ۇيرەنىپ، ٴمانىن جەتە ٴتۇسىنىپ، ويداعىداي دايەكتىلەندىرىپ، ٴوزىمنىڭ قىزمەت ورنىمدى، جاۋاپكەرلىگىمدى تياناق ەتىپ، ۇيرەنگەنىمدى امالياتتا ىستەتىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ساباقحانا، نەگىزگى تاقىرىپتىق كلاس جيىنى، نەگىزگى تاقىرىپتىق وداق ساباعى جانە ستۋدەنتتەردىڭ يدەيا - ساياسي قيمىلىنىڭ بارىسىنا ٴسىڭىرىپ، ستۋدەنت جاستاردى ورتاق تانىم ۇيىستىرۋعا، ىنتىماقتاسا كۇرەس جاساۋعا باستاپ، ٴتىپتى دە تاماشا رۋحاني بەينەمەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاسايمىن».