باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ٴدىن قىزمەتىندە ۇزدىكسىز جاڭا جاعداي اشامىز
2021-12-12 16:15:52     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

وبلىستىق پارتكومنىڭ بىرلىكساپ ٴبولىمى التىنشى جالپى ٴماجىلىس رۋحى مەن بۇكىل مەملەكەتتىك ٴدىن قىزمەتى ٴماجىلىسىنىڭ رۋحىن جەتكىزدى، ۇيرەندى


ٴتىلشىمىز ٴپاتيما حابارلايدى. 12 - ايدىڭ 6 - كۇنى وبلىستىق پارتكومنىڭ بىرلىكساپ ٴبولىمى اڭگىمە ٴماجىلىسىن اشىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن جانە بۇكىل مەملەكەتتىك ٴدىن قىزمەتى ٴماجىلىسىنىڭ رۋحىن جەتكىزدى، ۇيرەندى. 

كوپشىلىك ٴبىر اۋىزدان بىلاي دەپ قارادى: «جالپى ٴماجىلىس رۋحىن جانە باس شۋجي شي جينپيڭنىڭ بۇكىل مەملەكەتتىك ٴدىن قىزمەتى ماجىلىسىندە سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، يدەيانى، تانىمدى جانە ارەكەتتى شىن مانىندە بىرلىككە كەلتىرىپ، ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەپ، جاڭا داۋىردەگى پارتيانىڭ ٴدىن قىزمەتىن ويداعىداي، مۇقيات، تىڭعىلىقتى ىستەۋگە قۇلشىنىپ، ٴدىن قىزمەتىنىڭ جاڭا جاعدايىن ۇزدىكسىز اشامىز». 

«باس شۋجي شي جينپيڭنىڭ ماڭىزدى ٴسوزى مەنى ايرىقشا اسەرلەندىردى، تەرەڭ شابىت الدىم، مەن جالپى ٴماجىلىس رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندەگى ساياسي، يدەيالىق جانە ارەكەت سانالىلىعىمدى شىنايى كۇشەيتەمىن» دەدى شينجياڭ ٴىسلام ٴدىن شۋەيۋانى ىلە بولىمشەسىنىڭ وقىتۋشىسى جوۋ حايجۇن. ول تاعى بىلاي دەدى: «جاڭا داۋىردەگى ٴدىن قىزمەتى كادرى رەتىندە، <ٴتورت تانىمدى> اناعۇرلىم كۇشەيتىپ، <ٴتورت سەنىمدى> بەكەمدەپ، <ەكىنى قورعاۋدى> ويداعىداي ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن بىرلىككە كەلتىرىپ، پارتيانىڭ ٴدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، ٴدىن سالاسىنداعى قايراتكەرلەر مەن دىنگە سەنەتىن بۇقارانىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمىن كۇشەيتەمىن». 

جالپى ٴماجىلىس رۋحى مەن بۇكىل مەملەكەتتىك ٴدىن قىزمەتى ٴماجىلىسىنىڭ رۋحىن ۇيرەنگەننەن كەيىن ماجىلىسكە قاتىناسقاندار ىركەس - تىركەس مىنانى ٴبىلدىردى: «قازىر ىلەدە قوعام ورنىقتى، حالىق الاڭسىز تىرشىلىك ەتەتىن تاماشا جاعداي جارىققا شىعىپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ٴبىز وتانشىلدىق رۋحتى بارىنشا ساۋلەلەندىرىپ، جالپى جاعدايدى، زاڭمەن جونگە سالۋدى، عىلىمدى، باۋىرمالدىقتى دارىپتەپ، ماڭايىمىزداعى دىنگە سەنەتىن بۇقارانى قالىڭ حالىق بۇقاراسىمەن بىرگە جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزۋگە اناعۇرلىم ويداعىداي جەتەكتەيمىز».