«شينجياڭ گازەتىنىڭ» حابارى (ٴتىلشى ٴپاريزات ابدۋ). «دوۋيىن جانە ٴۇنحات شاعىن كەسكىنى ارقىلى ٴبىز پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەندىك. بۇل كەسكىندەردىڭ مازمۇنى ىقشام، جاندى، فورماسى ٴار الۋان بولىپ، جاستاردىڭ قىزۋ قارسى الۋىنا بولەندى» دەدى 11 - ايدىڭ 25 - كۇنى شاعانتوعاي اۋدانى قارابۋرا اۋىلى قوسقاباق قىستاعىنداعى پارتيا مۇشەسى حۋاڭ شياڭفەي.

جۋىقتان بەرى حۋاڭ شياڭفەي تارباعاتاي ايماعى مەن ٴارقايسى اۋدان، قالانىڭ ٴۇنحات الەۋمەتتىك نومىرىنە جازىلىپ، وندا ىلگەرىندى - كەيىندى جاريالانعان التىنشى جالپى ٴماجىلىس رۋحى جونىندەگى ۇگىت - لەكسيا قىسقا بەينە كەسكىندەرىن دوستار اۋماعىنا شىعارعان سوڭ، قىستاق تۇرعىندارىنىڭ قىزۋ قارسى الۋىنا يە بولدى.

پارتيا 19 - كەزەكتى ورتالىق كوميتەتى التىنشى جالپى ٴماجىلىسى اشىلعاننان بەرى تارباعاتاي ايماعى جانە ٴارقايسى اۋدان، قالا جالپى ٴماجىلىس رۋحىن نەگىزگى مازمۇن ەتكەن 70 جاڭا مەديا تۋىندىسىن جاساپ، دوۋيىن، ٴۇنحات الەۋمەتتىك ٴنومىرى سياقتى جاڭا مەديالاردا جاريالاپ، «بۇلتتىق تەرمينال» ارقىلى جالپى ٴماجىلىس رۋحىن قالا، اۋىلداردىڭ تۇكپىر - تۇكپىرىنە جەتكىزدى.