وبلىس باسشىلارى نەگىزگى ساتىعا ىشكەرىلەي بارىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاسادى

تىلشىلەرىمىز يان جيانشيا، لي يافىڭ حابارلايدى. وبلىستىق پارتكومنىڭ ٴبىر تۇتاس ورنالاستىرۋىنا ساي وبلىس باسشىلارىنان پارحات ٴسايدى، رازبەك قامزا ۇلى، ەلشات تۇرسىنباي ۇلى نەگىزگى ساتىعا ىشكەرىلەي بارىپ، قالىڭ پارتيالى كادرلارعا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاسادى.

12 - ايدىڭ 3 - كۇنى اۆتونوميالى وبلىستىڭ پارتيا 19 - كەزەكتى ورتالىق كوميتەتى التىنشى جالپى ٴماجىلىسنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى ۇگىت - لەكسيا بايانداماسىن جاساۋ ٴماجىلىسى تەكەس اۋدانىندا اشىلدى. وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى پارحات ٴسايدى ۇگىت - لەكسيا بايانداماسىن جاسادى.

بايانداما جاساۋ ماجىلىسىندە پارحات ٴسايدى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ اشىلىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى قورىتىندىلانعاندىعىنىڭ كەلەلى ٴمانىن جەتە ٴتۇسىنۋ، پارتيانىڭ 100 جىلدىق كۇرەسىنىڭ اۋەلگى ماقساتى مەن بورىشىن جانە كەلەلى تابىستارىن جەتە ٴتۇسىنۋ، جۇڭگوشا سوتسياليستىك جاڭا ٴداۋىردىڭ تاريحي تابىستارى مەن تاريحي وزگەرىسىن جەتە ٴتۇسىنۋ، پارتيانىڭ 100 جىلدىق كۇرەسىنىڭ تاريحي ٴمانى مەن تاريحي تاجىريبەلەرىن جەتە ٴتۇسىنۋ سياقتى جاقتاردان تەرەڭ تۇسىنىك جانە جان - جاقتى بايىمداۋ جاسادى. 

پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن اناعۇرلىم ىشكەرىلەي ۇيرەنۋ، ۇگىتتەۋ، دايەكتىلەندىرۋ ٴۇشىن، 12 - ايدىڭ 6 - كۇنى پارحات ٴسايدى بىرلىكساپ، دەنساۋلىق ساقتاۋ - سالاماتتىق جۇيەسىندەگى پارتيالى كادرلارعا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاسادى. پارحات ٴسايدى بىلاي دەپ باسا دارىپتەدى: «پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − اسا ماڭىزدى ساياسي مىندەت، بارشا پارتيالى كادرلار وسى رەتكى ۇگىت - لەكسيانى وراي ەتىپ، پارتيا تاريحىن ۇيرەنۋ تاربيەسىن ىشكەرىلەي تەرەڭدەتىپ جانە كەڭەيتىپ، رۋحاني مايەگىن شىنايى مىقتى يگەرۋى كەرەك. جالپى ٴماجىلىس رۋحىن ٴىس ىستەۋ، شارۋاشىلىق قۇرۋدىڭ قوزعاۋشى كۇشىنە اينالدىرىپ، ٴوزى ۇلگى بولىپ، باستاماشىلىقپەن ۇيرەنىپ، باستاماشىلىقپەن ۇگىت - لەكسيا جاساپ، باستاماشىلىقپەن امالياتتا ايگىلەپ، ٴتۇرلى قىزمەتتىڭ شىنايى تياناقتانىپ، ناقتى ونىمدىلىك جاراتۋىن جەبەۋى كەرەك».

12 - ايدىڭ 6 - كۇنى وبلىستىق پارتكومنىڭ تۇراقتى مۇشەسى رازبەك قامزا ۇلى وبلىستىق پارتكوم اۋىل - قىستاق قىزمەتى باسشىلىق گرۋپپاسى كەڭسەسى، وبلىستىق اۋىل شارۋاشىلىعى، اۋىل - قىستاق مەكەمەسى، وبلىستىق ورمان شارۋاشىلىعى جانە جايىلىم مەكەمەسى، وبلىستىق سۋ يگىلىگى مەكەمەسى، وبلىستىق مال شارۋاشىلىعى، مال شيپاگەرلىگى مەكەمەسى سياقتى ورىندارداعى پارتيالى كادرلارعا پارتيا 19 - كەزەكتى ورتالىق كوميتەتى التىنشى جالپى ٴماجىلىسنىڭ رۋحى جونىندە ۇگىت - لەكسيا جاسادى.

رازبەك قامزا ۇلى مىنالاردى تالاپ ەتتى: «بارلىق پارتيالى كادرلار يدەيا مەن ارەكەتتى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىمەن اناعۇرلىم بىرلىككە كەلتىرىپ، جالپى ٴماجىلىس رۋحىمەن بۇدان بىلايعى قىزمەتتەرگە جەتەكشىلىك ەتۋى كەرەك. اۋىل شارۋاشىلىعى ٴوندىرىسى جاعىندا دۇمبە ٴبيدايدى قىستان وتكىزۋگە تەحنيكالىق جەتەكشىلىك ەتۋدى، قىزمەت وتەۋدى كۇشەيتىپ، تەكسەرۋ - باقىلاۋ - ولشەۋ، تالداۋ جاساۋ قىزمەتتەرىن ورىستەتىپ، ەگىنشىلەردىڭ باسقارۋ، باپتاۋ شارالارىن ويداعىداي تياناقتاندىرۋىنا جەتەكشىلىك ەتىپ، دۇمبە ٴبيدايدى قىستان امان وتكىزۋگە شىنايى كەپىلدىك ەتىپ، استىق حاۋىپسىزدىگىن شىنايى قامتاماسىزداندىرىپ، كەلەسى جىلى جازعى استىقتىڭ بىرلىك ٴونىمىن ارتتىرىپ، مول ٴونىم الۋعا بەرىك نەگىز قالاۋ كەرەك. مال شارۋاشىلىعى ٴوندىرىسى جاعىندا اسىل  تۇقىمدى مال ەنگىزۋ تەبىنىن بەلسەنە، ورنىقتى ارتتىرۋمەن بىرگە، جەرگىلىكتى ورىنداعى كاسىپورىندار مەن باعىمشىلىق كاسىپتىك كووپەراتيۆتەرىن، باعىمشىلىق ٴىرى وتباسىلارىن جەتىلدىرۋ جانە قولداۋ قىزمەتىن ويداعىداي جاقسى ىستەپ، مال شارۋاشىلىعىنىڭ اقاۋسىز، ورنىقتى، جوعارى ساپالى دامۋىن جەبەۋ كەرەك. سۋ يگىلىگى جانە ورمان شارۋاشىلىعى قىزمەتىن بەلسەنە جاقسارتىپ، اۋىل شارۋاشىلىعىنداعى اپاتتان ساقتانۋ، اپات زيانىن ازايتۋ جانە اۋىل شارۋاشىلىعىنا قاتىستى ٴوندىرىس حاۋىپسىزدىگى قىزمەتىن بوساڭسىتپاي مىقتى يگەرۋ كەرەك. اۋىل - قىستاقتاعى ارتىق ەڭبەككۇشتى قىس ماۋسىمىندا قاۋىرت تاربيەلەۋ جانە قوعامدىق قامتاماسىزداندىرۋ قىزمەتتەرىن تىڭعىلىقتى ىلگەرىلەتىپ، كەلەسى جىلعى ٴتۇيىندى قىزمەتتەردى مۇقيات، ويداعىداي جوسپارلاۋ كەرەك».

ۇگىت - لەكسيانى تىڭداعاننان كەيىن وبلىستىق جايىلىم قىزمەتى پۋنكتىنىڭ باستىعى تۇرسىنجان الىمبەك ۇلى بىلاي دەدى: «بۇدان بىلايعى قىزمەت بارىسىندا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، ساياسي دەڭگەيدى جوعارىلاتىپ، ىرىقتىلىقپەن باتىل مىندەت ارقالاپ، ىسكەرلىك كورسەتىپ، تاۋ، وزەن، ورمان، اتىز، كول، جايىلىم، ٴشولدى ٴبىر تۇلعالاندىرىپ جونگە سالۋ جوبا - جوسپارىن جاساپ، اۆتونوميالى وبلىستىڭ ورمان، جايىلىم ىستەرىنىڭ جوعارى ساپالى دامۋى ٴۇشىن ۇلەس قوسامىن».

12 - ايدىڭ 11 - كۇنى وبلىستىق پارتكومنىڭ تۇراقتى مۇشەسى ەلشات تۇرسىنباي ۇلى موڭعۇلكۇرە اۋدانىندا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە ۇگىت - لەكسيا بايانداماسىن جاساپ، ٴار ۇلت پارتيالى كادرلارىنان پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، جالپى ٴماجىلىس رۋحىمەن يدەيانى، ەرىك - جىگەردى، ارەكەتتى شىنايى بىرلىككە كەلتىرىپ، ٴتىپتى دە اسقاق بەينەمەن جاڭا جورىقتا ارشىنداي العا ىلگەرىلەپ، جاڭا داۋىردە تىڭ بەينە بايقاتۋدى تالاپ ەتتى.

ەلشات تۇرسىنباي ۇلى بىلاي دەپ باسا دارىپتەدى: «ٴار دارەجەلى، ٴارقايسى تاراۋلار پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قاز - قالپىندا، جاپپاي، جۇيەلى ۇيرەنىپ جانە ٴتۇسىنىپ، رۋحاني ٴمانىن جەتە ۇعىنىپ، وزەكتى ٴمانىن تولىق يگەرىپ، پارتيانىڭ 100 جىلدىق كۇرەسىنىڭ ۇلى تابىستارىن، تاريحي ٴمانىن، قىمباتتى تاجىريبەلەرىن جانە العا باسۋ باعىتىن ىشكەرىلەي يگەرىپ، ۇزدىكسىز العا ۇمتىلۋ سەنىمى مەن بەكىمىن اناعۇرلىم بەكەمدەپ، جالپى ٴماجىلىس رۋحىن ەكونوميكالىق، قوعامدىق دامۋ قىزمەتتەرىن ىلگەرىلەتۋ بارىسىندا شىنايى دايەكتىلەندىرۋى كەرەك. جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ٴتۇرلى قىزمەتتى تىڭعىلىقتى جاقسى ىستەپ، ەكىنشى 100 جىلدىق كۇرەس  نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ٴۇشىن قاجىرلىلىقپەن كۇرەس جۇرگىزۋى كەرەك».