بۇقارامەن سىرلاسۋ، ادەبيەت - كوركەمونەر + ۇگىت جۇرگىزۋ، شاعىن كىتاپشا تاراتۋ ادىسىمەن ۇگىت جۇرگىزدى
ٴتىلشىمىز حۋاڭ يان حابارلايدى. جاقىنعى كۇندەردەن بەرى قورعاس اۋدانى بۇقارامەن سىرلاسۋ، ادەبيەت - كوركەمونەر ويىن نومىرلەرىن قويۋ، ۇگىت - لەكسيا قيمىلىن ورىستەتۋ، شاعىن كىتاپشا تاراتۋ سياقتى ادىستەرمەن ۇگىت - لەكسيا ۇلگىسىن بايىتىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قاراپايىم بۇقاراعا تولىق جەتكىزدى.
«كوپشىلىك، سالەمەتسىزدەر مە؟ بۇگىنگى تىلگە تيەك ەتەتىن تاقىرىبىمىز پارتيا 19 - كەزەكتى ورتالىق كوميتەتى التىنشى جالپى ماجىلىسىندە نە ايتىلعاندىعى، وندا حالىق بۇقاراسىنىڭ تۇرمىسىمەن تىعىز قاتىستى قانداي جوسپارلار بار ەكەندىگى توڭىرەگىندە بولماق...» 1 - ايدىڭ 5 - كۇنى قورعاس اۋدانى ٴسۇيدۇڭ قالاشىعىنداعى چاۋبەي الەۋمەتتىك اۋماعىنىڭ مادەنيەت اۋلاسىندا وسى الەۋمەتتىك اۋماقتىڭ پارتيا ياچەيكا شۋجيى ما حۇڭمەي 20 دان استام قىستاق تۇرعىنىمەن اڭگىمەلەسۋ ۇلگىسىندە پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاساپ، ۇيرەنۋ اسەرىن اقتارىلا اڭگىمەلەدى.
تارتىمدى ۇگىت - لەكسياعا الاڭداعى قىستاق تۇرعىندارى ٴالسىن - ٴالى شاپالاق سوقتى. «مۇنداي ۇگىت - لەكسيا ۇلگىسى بۇقاراعا وتە جاناسىمدى بولدى، ٴبىز ۇناتىپ تىڭدادىق. ۇگىت - لەكسيانى تىڭداعاننان كەيىن سەنىمىم ارتا ٴتۇستى، پارتيانىڭ باسشىلىعىندا تۇرمىسىمىز كۇننەن - كۇنگە جاقساراتىنىنا كامىل سەنەمىن، مادەنيەت اۋلاسى قىستاق تۇرعىندارىن ۇيرەنۋ، گازەت - كىتاپ وقۋ ورنىمەن قامدادى، ٴبىز بۇل جەردەن كوپتەگەن ٴبىلىم ۇيرەندىك» دەدى الەۋمەتتىك اۋماق تۇرعىنى ٴدىلمۇرات ايۇپ.
«ٴبىز ەرىكتىلەرمەن بىرلەسىپ نەگىزگى ساتى ۇگىت - لەكسيا شاعىن اترەتىن قۇردىق، شارۋالار اۋلاسىن، پارتيا مۇشەلەرىنىڭ قيمىل ٴۇيىن ساباقحانا ەتىپ، قىستاق تۇرعىندارىنىڭ ٴوندىرىس، تۇرمىسىنداعى وزگەرىستەرمەن ۇشتاستىرا وتىرىپ، جەرگىلىكتى ورىنعا سايكەسەتىن، كۇش - قۋات بەرەتىن، جۇرت تىلەگىن توعىستىراتىن ۇعىنىقتى سوزدەرمەن ۇگىت - لەكسيا جاساپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن نەگىزگى ساتىعا جەتكىزىپ، بۇقارانىڭ، حالىقتىڭ كوكەيىنە ۇيالاتتىق» دەدى الەۋمەتتىك اۋماق كادرى ساياحات قالەلحان قىزى.
وسىمەن ٴبىر ۋاقىتتا قورعاس اۋدانى ٴسۇيدۇڭ قالاشىعىنداعى ليۋشۋ شياڭزى قىستاق كوميتەتى دە قىزۋ دۋمانعا بولەنىپ جاتتى. «ۇعىسۋ، تيىمدىلىك جاساۋ، توعىستىرۋ» قىزمەت اترەتى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن نەگىزگى تاقىرىپ ەتىپ، جەكە ٴان ايتۋ، ٴبي بيلەۋ، كومەديا سياقتى بۇقارا ۇناتاتىن ۇلگىدە قىستاق تۇرعىندارىنا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاسادى. بۇدان سىرت، تاعى جالپى ٴماجىلىس رۋحى جونىندە سۇراۋلارعا جاۋاپ بەرۋ قيمىلى دا ورىستەتىلدى.
«بۇل ٴبىر وتە جاندى جالپى ٴماجىلىس رۋحى جونىندەگى پىسىقتاۋ ساباعى بولدى. ۇگىت - لەكسيا تىڭدادىق، ويىن نومىرلەردى كوردىك، بىلىمدىك سۇراۋلارعا جاۋاپ بەردىك، جالپى ٴماجىلىس رۋحى جونىندەگى تانىمىمىز بەن تۇسىنىگىمىز اناعۇرلىم ارتا ٴتۇستى» دەدى قىستاق تۇرعىنى باحتيار يارمامەت.
بۇل اۋدان نەگىزگى ساتىنى باعىت ەتە وتىرىپ، ۇگىت - لەكسيا قيمىلىن ساتىعا، توپقا ٴبولىپ ورىستەتتى. اۋداندىق ساقا كادرلار ۇگىت - لەكسيا ۇيىرمەسىنىڭ، نەگىزگى ساتى تىرەكتى كادرلارىنىڭ، نەگىزگى ساتى ۇگىت - لەكسياشىلارىنىڭ، مۇعالىمدەردىڭ ۋاكىلدەرىن ۇگىت - لەكسيا قوسىنىنا قوسىپ، شوعىرلى ۇگىت - لەكسيا، اڭگىمە ٴماجىلىسى ۇلگىسىندە ۇگىت - لەكسيا جاساۋ، اۋلا شاعىن ساباقحاناسىندا ۇگىت - لەكسيا جاساۋ، وتباسىلارعا بارىپ ۇگىت - لەكسيا جاساۋ سياقتى تاسىلدەر ارقىلى قاراپايىم دا ۇعىنىقتى تىلمەن ۇگىت - لەكسيا ورىستەتىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن نەگىزگى ساتىدا تياناقتاندىرىپ، تامىر تارتتىرۋدى ىلگەرىلەتتى. قازىرگە دەيىن رەت سانى بويىنشا مىڭ مايداننان استام ۇگىت - لەكسيا ورىستەتىلگەن.
«الاقانداي كىتاپشا بولعانىمەن، باي مازمۇندى، ۇيرەنۋگە قولايلى، جانقالتاعا سالىپ الىپ قاي كەزدە دە جالپى ٴماجىلىس رۋحىن ۇيرەنە الاسىز. پارتيا مۇشەسى بولۋ سالاۋاتىممەن جالپى ٴماجىلىس رۋحىن ىشكەرىلەي ۇيرەنىپ، ٴمانىن تەرەڭ ۇعىنامىن، ال قىزمەتكەر بولۋ تۇرعىسىنان قاراپايىم تىلمەن پارتيا نازارياسىن اشالاپ ايتۋعا، انىق ۇعىندىرۋعا، كوپشىلىكتىڭ تۇسىنۋىنە، كوكەيىنە ۇيالاتۋعا باسا نازار اۋدارامىن» دەدى شينجياڭ مەيشىلان ازىق - تۇلىك سەرىكتىگى پارتيا ياچەيكاسىنىڭ شۋجيى ٴنۇرالي ٴومارالي.
كەزەكتە بۇل اۋدان «پارتياعا ماڭگى ىلەسەمىن − پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى بۇقاراعا ارنالعان كىتاپشا» اتتى شاعىن كىتاپشا تاراتىپ، اۋدان بويىنشا مەيلى قاي ۋاقىتتا، قاي جەردە بولسىن ۇيرەنۋدىڭ قويۋ اۋانىن قالىپتاستىردى.
ۇعىسۋعا قاراعاندا، بۇل اۋدان جەلىدەگى قولفون شاعىن كىتاپشاسى مەن قاعاز نۇسقاداعى شاعىن كىتاپشانى ٴوزارا ۇشتاستىرىپ، «قورعاس ٴنول ارالىعى»، «فاڭشياڭ بۇلتتىق ٴۇن - كەسكىنى» سياقتى تەكشەلەردەن پايدالانىپ، «جاڭا جىلدى قۇتتىقتاۋعا ارنالعان جەلىدەگى ادەبيەت - كوركەمونەر ساۋىق كەشىن» ٴتۇسىرىپ، ادەبيەت - كوركەمونەر ۇلگىسىمەن جالپى ٴماجىلىس رۋحىن ۇگىتتەپ، نەگىزگى ساتىدا تامىر تارتۋىن جەبەگەن.