باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندار حالىق ٴۇشىن قىزمەت ىستەۋ تانىمىن كۇشەيتىپ، بۇقارانىڭ باقىت كورسەتكىشىن جوعارىلاتتى
2022-01-20 12:08:02     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ما چىڭلۋ (ٴوز ٴتىلشىمىز)

2021 ـ جىلدان بەرى وبلىسقا توتە قاراستى اۋدان، قالالار پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، حالىق ٴۇشىن قىزمەت ىستەۋ تانىمىن كۇشەيتىپ، ٴار ۇلت بۇقاراسى ٴۇشىن شىن نيەتىمەن ناقتى ىستەر ىستەپ، بۇقارانىڭ باقىت سەزىمىن ۇزدىكسىز جوعارىلاتتى.  

 وتباسى شيپاگەرلەرىنىڭ كەلىسىم بويىنشا قىزمەت وتەۋىنەن بۇقارا سالاماتتىقتىڭ يگىلىگىن كوردى 

موڭعۇلكۇرە اۋدانى ساپالى قىزمەت وتەۋدى وزەك ەتىپ، وتباسى شيپاگەرلەرىنىڭ كەلىسىم بويىنشا قىزمەت وتەۋىن ىشكەرىلەي ورىستەتىپ، بۇقارانىڭ سالاماتتىعىنىڭ «قورعاۋشىسى» بولىپ، ٴار ۇلت بۇقاراسىن اناعۇرلىم كوپ «سالاماتتىقتىڭ تيىمدىلىگىنەن» يگىلىكتەندىردى. 

ٴارقايسى قىستاق (الەۋمەتتىك اۋماق) وتباسى شيپاگەرىنىڭ كەلىسىم جاساسىپ قىزمەت وتەۋى بويىنشا ەمدەۋ ـ دەنساۋلىق ساقتاۋ زاڭ ـ ەرەجەلەرى مەن دەنساۋلىق ساقتاۋ كاسىپتىك ـ تەحنيكالىق قىزمەتكەرلەرىنىڭ كاسىپ جۇرگىزۋ ەرەجەسىنە ساي كاسىپ جۇرگىزۋدى قاتاڭ ولشەمدەنگەن، ۇنەمى كەزدەسەتىن اۋرۋلاردى، كوپ تۋىلاتىن اۋرۋلاردى جانە سوزىلمالى اۋرۋلاردى ەمدەۋ تەحنيكاسى مەن نەگىزگى سالاماتتىقتى باسقارۋ بىلىمدەرىنە قانىق 78 ۇيىرمە قۇردى. قازىرگە دەيىن وتباسى شيپاگەرلەرى 108 مىڭ 720 ادامعا كەلىسىم بويىنشا قىزمەت وتەپ، ەمدەۋ قامسىزداندىرۋى بويىنشا قىزمەت وتەۋ جونىندە 54 مىڭ 10 اداممەن كەلىسىم جاساسىپ، اناعۇرلىم كوپ بۇقاراعا ەمدەۋ جاعىنان كەپىلدىك ازىرلەدى. 

«مەنىڭ قانتتى نەسەپ، جوعارى قان قىسىم اۋرۋىم بار، شيپاگەر ۇنەمى ۇيگە كەلىپ تەكسەرىپ، دەنساۋلىق جاعدايىمدى سۇراستىرىپ، ٴدارىنى قالاي ىشۋىمە، قالاي ازىقتانۋىما جەتەكشىلىك ەتىپ وتىرادى، مەن ٴۇشىن وتە قولايلى بولدى» دەدى موڭعۇلكۇرە اۋدانىنىڭ تۇرعىنى ٴشارشا ومار ۇلى.

جەدەل جەتكىزۋ قىزمەت وتەۋى قىستاق تۇرعىندارىن سىرتقا سابىلۋدان ارىلتتى 

قۇلجا اۋدانى «جەدەل جەتكىزۋ كاسىپورىندارى سەلبەستىگى»، «پوچتا مەن جەدەل جەتكىزۋ كاسىپورىندارى سەلبەستىگى» جانە «جەدەل جەتكىزۋ كاسىپورنى مەن ەرەن بازاردىڭ سەلبەستىگى» سياقتى ٴوزارا تيىمدىلىك جاساۋ، تەڭ يگىلىككە كەنەلۋ سەلبەستىك ۇلگىسىن اتقارىپ، جەدەل جەتكىزۋ كاسىپورىندارىن، ەلەكتروندىق ساۋدا پۋنكتتەرىن قىستاقتا (الەۋمەتتىك اۋماق) جەدەل جەتكىزۋ قىزمەت وتەۋ تۇيىندەرىن قۇرۋعا شابىتتاندىرىپ جانە قولداپ، جەدەل جەتكىزۋدى اۋىل - قىستاقتارعا جالپىلاستىرۋدى ىلگەرىلەتىپ، اۋىل - قىستاق بۇقاراسىنىڭ وتباسىنان ۇزاماي - اق قولايلى جەدەل جەتكىزۋ قىزمەت وتەۋىنەن يگىلىكتەنۋىنە مۇمكىندىك جاسادى. قازىرگە دەيىن 28 جەدەل جەتكىزۋ تورابى، 19 پوچتا تورابى، 132 قىستاق دارەجەلى قىزمەت وتەۋ ٴتۇيىنى قۇرىلدى.

بايتوقاي قالاشىعى كالاشىتام قىستاعى «جەدەل جەتكىزۋ كاسىبى+ قىستاقتارعا قىزمەت وتەۋ» ۇلگىسىن قالىپتاستىرىپ، جەلىدەگى ەلەكتروندىق ساۋدا، توپتىق ساتىپ الۋ جانە جەلىدەن تىسقارى جەدەل جەتكىزۋ قىزمەت وتەۋىن توعىستىرىپ، حالىققا قولايلى قىزمەت وتەۋ پۋنكتىن ەرەن بازاردا قۇرىپ، 24 ساعاتتىق قىزمەت وتەۋمەن قامداپ، قىستاق تۇرعىندارىنىڭ قىستاقتان شىقپاي - اق توپتىق ساتىپ الۋ جانە جەدەل جولدامالاردى قابىلداي الۋىن جۇزەگە اسىردى.

 قىستاق تۇرعىنى ما لان جەدەل جولداماسىن تاپسىرىپ الىپ، قۋانىشتى تۇردە: «بۇرىن جەدەل جولداما الۋ ٴۇشىن بىرنەشە كيلومەتر شالعايداعى قالاشىققا باراتىنبىز، قازىر قىستاقتان الاتىن بولدىق، شىنىمەن وتە قولايلى بولدى» دەدى.

«كومىردىڭ ورنىنا ەلەكتر پايدالانۋ» ينجەنەرياسى جۇرت جۇرەگىن مەيىرگە بولەدى

«كومىردىڭ ورنىنا ەلەكتر پايدالانۋ» جۇرت جۇرەگىن جىلىتاتىن حالىق تۇرمىسى ينجەنەرياسى، تەكەس اۋدانى تەكەس قالاشىعى گۇلباق الەۋمەتتىك اۋماعىنىڭ تۇرعىنى حان شاۋبيننىڭ وتباسى كومىردىڭ ورنىنا ەلەكتر پايدالانىپ، كومىر پەشتى ەلەكتر ناسوسقا وزگەرتتى، اۋا رايى جاعدايىنا قاراي جىلۋ تەمپەراتۋراسىن كەز كەلگەن ۋاقىتتا دالمە ـ ٴدال تەڭشەۋگە بولادى، تازا ٴارى ورتانى قورعايدى، حان شاۋبيننىڭ وتباسى دا بۇرىنعى كومىر جاعىپ، كۇل قاپتايتىن تۇرمىس تاسىلىنە تۇبەگەيلى قوش ايتتى. ول بىلاي دەدى: «ەلەكترمەن جىلىتاتىن پار قازان جاقسى، ورتاعا زالالسىز، تازا، قولايلى، ٴبىز سياقتى قارتتاردىڭ پايدالانۋىنا ۇيلەسەدى ەكەن».

«كومىردىڭ ورنىنا ەلەكتر پايدالانۋ» ينجەنەرياسى اتقارىلعاننان بەرى تەكەس اۋدانى بەلسەنە جوبالاپ، ەنەرگيا قۇرىلىمىن رەتتەۋدى قىزمەتتىڭ ٴتۇيىنى ەتۋدى تىڭعىلىقتى ىلگەرىلەتىپ، جەرگىلىكتى جاعدايعا قاراي ىستەپ، تازا ەنەرگيانى جالپىلاستىرۋ تەبىنىن زور كۇشپەن ىلگەرىلەتىپ، بۇقارانىڭ تۇرمىس ورەسىن جوعارىلاتتى. قازىرگە دەيىن جالپى 2 مىڭ 880 نەشە وتباسى ەلەكترمەن جىلىنىپ، كومىر جاعۋ تاريحىنا قوش ايتتى.

مەملەكەت ەلەكتر تورابى تەكەس اۋداندىق ەلەكترمەن قامداۋ سەرىكتەستىگىنىڭ ارناۋلى ۇگىت قىزمەتىنە جاۋاپتى كادرى ليۋ فان بىلاي دەدى: «ٴبىز بيىل قىس پەن كەلەر جىلى كوكتەمدەگى ەلەكترمەن قامداۋدى قامتاماسىزداندىرۋ جوباسىن جاساپ، پارتيا مۇشەلەرى قىزمەت وتەۋ اترەتىن ەلەكترمەن جىلىناتىن شارۋا وتباسىلارىنا، كاسىپورىندارعا، مەكتەپتەرگە بارىپ ەلەكتردەن حاۋىپسىز پايدالانۋ ۇگىتىن جۇرگىزۋگە ۇيىمداستىرىپ، ەلەكترمەن جىلىناتىن پار قازاندارىن اداقتاپ تەكسەرىپ، جوندەپ، ەلەكتردەن پايدالانۋداعى كومەسكى كىناراتتاردى رەتتەۋ - تۇزەتۋگە قۋزاۋشىلىق ەتىپ، قاراستى اۋماقتاعى ەلەكترمەن جىلىنۋ قۇرىلعىسىن پايدالانۋشىلاردىڭ ەلەكتردەن حاۋىپسىز پايدالانۋىنا شىنايى كەپىلدىك ەتىپ، سان مىڭداعان وتباسىنىڭ قىستان جىلى وتۋىنە شىنايى كەپىلدىك ەتتىك».