ەرىكتى ٴتىلشى جۋ يۇي حابارلايدى. جاڭا جىل باستالىسىمەن نىلقى اۋدانىنداعى ٴارقايسى ٴىرى ٴوندىرۋ، مانەرلەۋ كاسىپورىندارى تاپسىرىستى كۇش سالا يگەرىپ، قاربالاس ٴوندىرىس جۇرگىزىپ، ساتۋ جولىن كەڭەيتىپ، جاڭا جىلداعى «العاشقى تاپسىرىستى» دايىنداۋ ٴۇشىن كۇش سالدى.

ىلە مييۋەچۋان بيوتەحنيكا شەكتى سەرىكتەستىگى − نىلقى اۋدانىنداعى ورتا، شاعىن، ۇساق كاسىپورىنداردىڭ شارۋاشىلىق قۇرۋ باقشاسىنا ورنالاسقان، نەگىزىنەن اۋىز سۋ، اجارلاندىرۋ بۇيىمدارى، تەرى قورعاۋ بۇيىمدارى سياقتىلاردى ٴوندىرۋ، مانەرلەۋ جانە ساتۋدى ٴبىر تۇلعالاندىرعان كاسىپورىن. 2022 ـ جىلى العاشقى توپتاعى تاپسىرىسقا ساي، ٴبىر تۇتاس زارارسىزداندىرىلعان كيىم كيگەن جۇمىسشىلار تۇگەلدەي جۇمىسقا شىعىپ، ٴارقايسى ٴوندىرىس لەنيالارىندا قىزۋ ىنتامەن ىسكە كىرىستى، ناق مايداندا قاربالاس كورىنىس مەنمۇندالايدى. قۇمىراعا تولتىرىلعان تەرىگە سۋ تولىقتاۋ بۇرىكپە سۋى اۆتوماتتى ٴوندىرىس جەلىسىندە قوراپتالىپ شينجياڭنىڭ ٴىشى - سىرتىنا جونەلتىلەدى.

ۇعىسۋعا قاراعاندا، ىلە مييۋەچۋان بيوتەحنيكا شەكتى سەرىكتەستىگى «جەلىدە + جەلىدەن تىس» ساتۋ ۇلگىسىنە سۇيەنىپ، ٴوندىرۋ مەن ساتۋ تەڭ ارتقان تاماشا دامۋ جاعدايىن جارىققا شىعارعان.

«2021 - جىلى سەرىكتەستىگىمىز كونە جابدىقتاردى جاڭالاپ، جاڭا ونىمدەردى اشۋ جانە جەلىدە ساتۋ ارناسىن كەڭەيتۋ ارقىلى تۇتاس جىلداعى ساتىلىم سوماسىن 2020 - جىلداعىدان %300 ارتتىرىپ، جالپى ساتىلىم سوماسىن 20 - 30 ميلليون يۋانعا جەتكىزدى. وسى ٴبىر جىلدا سەرىكتەستىك قاربالاس ٴوندىرىس كۇيىندە تۇردى، بۇل بارلىق قىزمەتكەردىڭ قايراتىن تاسقىنداتتى» دەدى ىلە مييۋەچۋان بيوتەحنيكا شەكتى سەرىكتەستىگىنىڭ ٴونىم ساپاسىنا جاۋاپتى باس ينجەنەر چىن جيانميڭ.

كاسىپورىن 1 ـ توقساندا - اق كوپتەگەن تاپسىرىسقا قول قويدى، تاپسىرىستىڭ جوعارى ونىمدىلىكپەن وندىرىلۋىنە كەپىلدىك ەتۋ ٴۇشىن جاڭا جىل دەمالىسى كەزىندە دە بارلىق جۇمىسشى ـ قىزمەتكەر ٴوندىرىستىڭ الدىڭعى شەبىندە جۇمىس جۇرگىزىپ، جاڭا جىلداعى تاپسىرىستىڭ ورىندالۋىن جەدەل ىلگەرىلەتتى، بۇل كاسىپورىننىڭ جاڭا ٴبىر جىلداعى دامۋىنا بەرىك نەگىز قالادى.

چىن جيانميڭ بىلاي دەدى: «2022 - جىلعى دامۋعا سەنىمىمىز كامىل. قازىر جىڭجوۋدان 2 ميلليون قۇمىرا تەرىگە سۋ تولىقتاۋ بۇرىكپەسىنە تاپسىرىس قابىلدادىق، قالعان تاپسىرىس رەتىمەن كەزەككە تۇرعىزىلدى، وسى بىرنەشە كۇندە ٴوندىرىس تەزدەتىلىپ، تاپسىرىستىڭ %80 ى ورىندالدى. 2022 ـ جىلى ٴبىز اناعۇرلىم كوپ تاڭداۋلى زەرتتەۋ ـ اشۋ دارىندىلارىن قابىلداپ، زەرتتەۋ ـ اشۋ باسىمدىعىن ۇزدىكسىز ساۋلەلەندىرىپ، ساپانى جوعارىلاتۋمەن بىرگە، بازار ۇلەسىن ونان ارى كەڭەيتىپ، كاسىپورىننىڭ ونىمدىلىگىن جوعارىلاتۋدى جوسپارلاپ وتىرمىز».