باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
موڭعۇلكۇرە اۋداندىق ساياسي كەڭەس حالىق تۇرمىسىنا نازار اۋدارىپ، جۇرت تىلەگىن ىشكەرىلەي ۇعىستى
2022-01-26 11:44:27     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴبىرىنشى شەپكە بارىپ، بۇقارامەن ىشكەرىلەي ارالاستى

موڭعۇلكۇرە اۋداندىق ساياسي كەڭەس حالىق تۇرمىسىنا نازار اۋدارىپ، جۇرت تىلەگىن ىشكەرىلەي ۇعىستى


ٴتىلشىمىز جي سۇنلي، ەرىكتى ٴتىلشى يۇي بيجياڭ حابارلايدى. تەرەزە سىرتىندا قار قاپالاقتاپ جاۋىپ تۇرسا دا، موڭعۇلكۇرە اۋدانى شاتى قىرعىز ۇلتتىق اۋىلى ىنتىماق كيىم - كەشەك زاۆودى ٴوندىرىس سەحىنىڭ ٴىشى قىزۋ قاربالاسقا ٴتۇسىپ، جۇمىسشىلار تاپسىرىستى ورىنداۋدىڭ ابىگەرلىگىندە. اۋدانداعى، اۋىلداعى ساياسي كەڭەس مۇشەلەرى جۇمىسشىلارمەن پىكىر اۋىستىرىپ، ٴوندىرىس، كىرىس جاعدايىن يەلەدى. 

جۋىقتا، موڭعۇلكۇرە اۋداندىق ساياسي كەڭەس 2022 - جىلعى كوزدەن كەشىرۋ قيمىلىن جانە اۋىل - قالاشىق ساياسي كەڭەس قىزمەتى كوميتەتىنىڭ قىزمەتتەرىن ىلگەرىلەتۋ ٴماجىلىسىن اشتى، ساياسي كەڭەس مۇشەلەرى اۋداندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ساياسي كەڭەستىڭ ٴتوراعاسى بەردىبەك تۇرسىنباي ۇلىنىڭ جەتەكشىلىگىندە ىلگەرىندى - كەيىندى شاتى اۋىلى ىنتىماق كيىم - كەشەك زاۆودىنا، ساعانسۇن موڭعۇل ۇلتتىق اۋىلى لانميڭ وتباسى فەرماسىنا، شاتى اۋىلى بەسقاراعاي قىستاعى جىلقى شارۋاشىلىعى كاسىپتىك سەلبەستىك كووپەراتيۆىنە بارىپ، كاسىپ ارقىلى كەدەيلەردى سۇيەمەلدەۋ، ەرەكشە كاسىپ ارقىلى اۋىل - قىستاقتى گۇلدەندىرۋگە دەم بەرۋ جاعدايىن ۇعىستى.

شاتى اۋىلى ىنتىماق كيىم - كەشەك زاۆودىنداعى جۇمىسشىلارمەن بەتپە - بەت اڭگىمەلەسۋ ارقىلى ساياسي كەڭەس مۇشەلەرى قاتىستى جاعدايلار جونىندە تەرەڭ تۇسىنىككە يە بولدى. شاتى اۋىلىنداعى ٴار ۇلت ايەلدەرى وسى زاۆودتا جۇمىس ىستەۋ ارقىلى اقشا تابۋدى دا، وتباسى جۇمىسىن تىندىرۋدى دا اقساتپاعان، بۇل اۋىل كاسىپتىك - تەحنيكالىق تاربيەلەۋدى باعىتتامالى ورىستەتىپ، كاسىپورىننىڭ «جۇمىسشى قابىلداۋ قيىن بولۋ، جۇمىسشى ىستەتۋ قيىن بولۋ» ماسەلەلەرىن شەشتى.

موڭعۇلكۇرە − اۋدانى مال شارۋاشىلىعىنداعى ٴىرى اۋدان، تاماشا بايلىق ابزالدىعىنا جانە ەكولوگيالىق ابزالدىلىققا يە، ٴارقايسى اۋىل - قالاشىق مال شارۋاشىلىعى كاسىپ قۇرىلىمىن بەلسەنە رەتتەپ، وسى زامانعى مال شارۋاشىلىعىنىڭ اقاۋسىز دامۋىن ىلگەرىلەتتى. ساعانسۇن اۋىلى لانميڭ وتباسى فەرماسىندا مۇشەلەر شينجياڭ قوڭىر سيىر باعىمشىلىعىنىڭ جاعدايىن جانە تاماشا ادىستەرىن يەلەپ، جاۋاپكەرلىكتى، مىندەت ارقالاۋدى اناعۇرلىم كۇشەيتىپ، نەگىزگى ساتىنى جونگە سالۋعا ات سالىسۋ قابىلەتىن جانە ورەسىن جوعارىلاتتى.

بەردىبەك تۇرسىنباي ۇلى بىلاي دەدى: «ساياسي كەڭەس مۇشەلەرى ٴوندىرىستىڭ ٴبىرىنشى شەبىنە بارىپ، بۇقارامەن ىشكەرىلەي ارالاسىپ، اۋىل - قىستاقتى گۇلدەندىرۋگە، بۇكىل اۋداننىڭ ٴتۇيىندى قىزمەتىنە ٴتىپتى دە ويداعىداي قىزمەت ەتىپ، حالىق تۇرمىسىنا ايرىقشا نازار اۋدارىپ، بۇقارانىڭ ارمان - تىلەگىنە قۇلاق ٴتۇرىپ، ساياسي كەڭەستىڭ فۋنكتسياسىن نەگىزگى ساتىعا شىنايى ٴسىڭىرىپ، ەكونوميكانىڭ جوعارى ساپالى دامۋىن ىلگەرىلەتۋگە ساياسي كەڭەستىڭ اقىل - پاراساتى مەن كۇش - قۋاتىن ارناۋ كەرەك».

موڭعۇلكۇرە اۋداندىق ساياسي كەڭەستىڭ مۇشەسى، تيانگۇڭ قوڭىر سيىر كاسىپتىك سەلبەستىك كووپەراتيۆىنىڭ ديرەكتورى شۇي ي - جيان بىلاي دەدى: «ساياسي كەڭەس مۇشەسى بولعاندىقتان جاۋاپكەرلىگىمدى، بورىشىمدى ادا ەتىپ، رولىمدى ساۋلەلەندىرىپ، كاسىپتەندىرۋدى جەبەپ، بۇقارا ٴۇشىن ٴتىپتى دە كوپ ناقتى، يگى ىستەردى ىستەيمىن». 

موڭعۇلكۇرە اۋداندىق ساياسي كەڭەس نەگىزگى ساتىمەن ىشكەرىلەي ارالاسىپ، بۇقارانىڭ جاعدايىن ۇعىسىپ، جۇرت رايىنا قۇلاق ٴتۇرىپ، الىمدى اقىل، كەلەلى كەڭەس بەرىپ، نازاردى نەگىزگى جاۋاپكەرلىككە، نەگىزگى كاسىپكە شوعىرلاندىرىپ، ساياسي كەڭەس قىزمەتىن جوعارى ساپالى دامىتتى. كەلەسى ساتىدا، موڭعۇلكۇرە اۋداندىق ساياسي كەڭەس مۇشەلەردى نەگىزگى ساتىنىڭ ٴبىرىنشى شەبىنە بارىپ، قوعامدى جونگە سالۋعا بەلسەنە ات سالىسىپ، ساياسات، زاڭ - ەرەجەلەردىڭ ۇگىتشىسى، دەموكراتيالىق كەڭەسۋدىڭ باستاماشىسى، وركەنيەت قۇرىلىسىنىڭ ۇلگى كورسەتۋشىسى، الەۋمەتتىك ىستەردى جەبەۋشى، قيىنشىلىعى بار بۇقاراعا كومەكتەسىپ، سۇيەمەلدەۋشى جانە حالىق رايىن اڭىس ەتۋشى بولۋعا ۇزدىكسىز ۇيىمداستىرادى. سونىمەن بىرگە، نەگىزگى ساتىداعى ساياسي كەڭەستىڭ نەگىزگى ساتىنى جونگە سالۋعا ات سالىسۋ فورماسىندا جاڭالىق اشىپ، «جۇمىس بولسا كەڭەسۋ» تەكشەسىن ساپالىلاندىرىپ، الۋەتتەندىرىپ، ساياسي كەڭەستى قالاشىققا، قىستاققا (الەۋمەتتىك اۋماق) دەيىن كەڭەيتىپ، ساياسي كەڭەستىڭ ىقپالى ارقىلى نەگىزگى ساتىداعى كەڭەسۋگە باستاماشىلىق ەتىپ،  نەگىزگى ساتىداعى بۇقارانى كەڭەسۋگە قاتىناستىرىپ، كەڭ كولەمدە دەرەك جيناپ، دەموكراتيالىق كەڭەسۋدى، اقىل - پاراسات توعىستىرۋدى نەگىزگى ساتىداعى  قوعامدى جونگە سالۋدىڭ ماڭىزدى شاراسىنا جانە  يكەمدى ادىسىنە اينالدىرادى.