تىلشىلەرىمىز ۋاڭ جىحۋا، مىڭ شيا، دۋ لەي حابارلايدى. 3 - ايدىڭ 10 - كۇنىنەن 11 - كۇنىنە دەيىن اۆتونوميالى رايوننىڭ پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ بۇقارالىق ارالاپ ۇگىت - لەكسيا جاساۋ ۇيىرمەسى ىلگەرىندى - كەيىندى قۇلجا قالاسى، قۇلجا اۋدانى، چاپچال سىبە اۆتونوميالى اۋدانى سياقتى جەرلەرگە بارىپ، بۇقاراعا جاناسىمدى تىلمەن، جاندى دا تارتىمدى اڭگىمەلەرمەن ٴماجىلىس رۋحىن كادر - جۇرتشىلىقتىڭ كوڭىلىنە ۇيالاتىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسى رۋحىنىڭ وبلىسقا توتە قاراستى اۋدان، قالالاردا تۇبەگەيلى تياناقتانۋىن جەبەدى.

التاي ايماعى، قارامايلى قالاسى، اقسۋ قالاسى سياقتى جەرلەردەن كەلگەن بەس نەگىزگى ساتى ۇگىت - لەكسياشىسى جەكە - جەكە «ٴداۋىردىڭ، حالىقتىڭ ٴۇمىتىن اقتاپ، شينجياڭ حيكاياسىن ىقىلاس قويا جاقسى اڭگىمەلەيىك»، «كوكيار رۋحىن جالعاستىرىپ، باتىلدىقپەن ٴداۋىردىڭ جاۋاپ قايتارۋشىسى بولايىق»، «ٴورىس اشا جاڭالىق جاراتىپ، ارمانعا قانات قاعايىق»، «توڭكەرىستىك ەستەمە، وشپەس ەڭبەك»، «بايتاق دالاعا كوكتەم كەلىپ، جۇرت كوڭىلى جىلىندى، دوڭگەلەك داۋلەتتى تۇرمىستا وزگەرىستەردى اڭگىمەلەيمىز» تاقىرىبىندا ۇگىت - لەكسيا جاسادى. ولار پارتيانىڭ 100 جىلدىق كۇرەسىنىڭ كەلەلى تابىستارىن، ماڭىزدى ٴمانىن جانە تاريحي تاجىريبەلەرىن توڭىرەكتەي وتىرىپ، ٴوز كەشىرمەلەرىمەن، اۋىلىنداعى وزگەرىستەرمەن جانە مەملەكەتتىڭ دامۋىمەن ۇشتاستىرىپ، پارتيانىڭ تۇرلىشە تاريحي داۋىردەگى اسەرلى اڭگىمەلەرىن جاندى باياندادى. ۇگىت - لەكسيالاردىڭ ٴتىلى قاراپايىم ٴارى ۇعىنىقتى بولىپ، جۇرت كوڭىلىن جەلپىندىردى، لەكسيا الاڭىنان قول شاپالاق ٴۇنى تولاستامادى.

«وسى جولعى ۇگىت - لەكسيانىڭ نەگىزگى ماقساتى كورنەكتى، تۇرعىسى بيىك، مازمۇنى تەرەڭ بولىپ، ٴبىزدىڭ اۋەلگى ماقساتتى امالياتتا ايگىلەپ، بورىش پەن جاۋاپكەرشىلىك ارقالايتىن كۇرەس جۇرگىزۋ قىزعىندىلىعىمىزدى تاسقىنداتتى. ٴبىز جالپى ٴماجىلىستىڭ رۋحىن ويداعىداي ۇيرەنىپ، دايەكتىلەندىرىپ، باتىلدىقپەن جاۋاپكەرلىك ارقالاپ، ىسكەرىلىك كورسەتىپ، ونەگە كورسەتىپ، ادام تاربيەلەۋ ۇستانىمىن وقىتۋدىڭ جالپى بارىسىنا سىڭىرەمىز» دەدى ۇگىت - لەكسيانى تىڭداعاننان كەيىن قۇلجا قالالىق 22 - ورتا مەكتەپتىڭ وقىتۋشىسى جاڭ شياۋجيە،ول تاعى بىلاي دەدى: «وقىتۋشى بولۋ تۇرعىسىنان پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ٴمورال، اقىل - وي، دەنە، ەستەتيكا، ەڭبەك جاعىندا جاپپاي جەتىلگەن سوتسياليزمنىڭ قۇرۋشىلارى مەن ٴىزباسارلارىن تاربيەلەيمىن».

ۇگىت - لەكسياشىلار ۇگىت - لەكسيا ارەدىگىندە توڭكەرىستىك ٴان ايتۋ، ناق مايداندا سۇراۋلارعا جاۋاپ بەرۋ، بەينە - كەسكىن قويۋ سياقتى بۋىنداردى  اۋىق - اۋىق كىرىستىرىپ، «شاعىن تاقىرىپ» ارقىلى «نەگىزگى تاقىرىپتى» كورنەكتىلەندىرىپ، ۇگىت - لەكسيانى ٴتىپتى دە اسەرلى، جاندى بەينەگە ەنگىزىپ، جاناسىمدى ەتىپ، اسەرلەندىرۋ قۋاتىن جانە ۇندەۋ قۋاتىن بارىنشا كۇشەيتىپ، ناق مايدانداعى كادر - جۇرتشىلىقتىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن نىعايتتى.

قۇلجا قالاسى ليانچۋاڭ توبى پارتكومىنىڭ مۇشەسى، ورىنباسار باس ديرەكتور ۋاڭ داحاي بىلاي دەدى: «بۇگىنگى ۇگىت - لەكسيانى تىڭداعاننان كەيىن جالپى ٴماجىلىستىڭ رۋحى جونىندە اناعۇرلىم تەرەڭ تۇسىنىككە يە بولدىم. مەملەكەت مەنشىگىندەگى كاسىپورىننىڭ قىزمەتكەرى رەتىندە بۇدان كەيىنگى قىزمەت بارىسىندا، كۇش ۇستىنە كۇش قوسىپ، قۇلجا قالاسىنىڭ ەكونوميكالىق قۇرىلىسىنا ٴتيىستى ۇلەسىمدى قوسامىن».

قۇلجا قالالىق دەنساۋلىق ساقتاۋ، سالاماتتىق كوميتەتى پارتكومىنىڭ مۇشەسى، ورىنباسار مەڭگەرۋشى شى حۇڭيۇن بىلاي دەدى: «دەنساۋلىق ساقتاۋ، سالاماتتىق جۇيەسىنىڭ ٴبىر مۇشەسى رەتىندە، مەن ەڭ اۋەلى ساياسي دەڭگەيىمدى جوعارىلاتىپ، يدەيا مەن ارەكەتتى جالپى ٴماجىلىس رۋحىمەن بىرلىككە كەلتىرىپ، «بۇقارا ٴۇشىن ناقتى ٴىس ىستەيمىن» امالياتتىق قيمىلىندا تياناقتاندىرامىن ٴارى ۇيرەنۋ ونىمدىلىگىن قۇلجا قالاسىنىڭ دەنساۋلىق ساقتاۋ، سالاماتتىق ىستەرىنىڭ جوعارى ساپالى دامۋىن ىلگەرىلەتۋدىڭ كۇشتى قوزعاۋشى كۇشىنە اينالدىرىپ، ەمدەۋ ساپاسىن، شۇعىل جاعدايعا توتەپ بەرۋ ورەسىن جوعارىلاتۋدى ويداعىداي تىڭعىلىقتى ىستەپ، جالپى حالىقتىڭ دەنساۋلىعىن تەكسەرۋ، نەگىزگى الەۋمەتتىك دەنساۋلىق ساقتاۋعا قىزمەت ەتۋ سياقتى قىزمەتتەر بارىسىندا جاۋاپكەرلىك ارقالاۋدى تياناقتاندىرىپ، ٴتۇيىندى قىزمەتتەردە تاعى دا كۇش سالىپ، تاعى دا جەدەلدەتەمىن».

«ۇگىت - لەكسيا بيىك ساياسي تۇرعىعا، يدەيالىق تەرەڭدىككە يە بولىپ قالماستان، نازاريالىق جانە امالياتتىق مانگە يە، بۇل ٴبىر رەتكى جوعارى ساپالى نازاريالىق پىسىقتاۋ ساباعى ٴارى جوعارى دەڭگەيدەگى امالياتقا جەتەكشىلىك ەتۋ ساباعى بولدى. ٴبىز بۇدان مول ٴبىلىم الىپ، تاريحي سەنىمىمىزدى بەكەمدەپ، جاڭا ەمتيحان تاپسىرۋ جولىمەن ويداعىداي جۇرۋدە اناعۇرلىم تەرەڭ اسەر الدىق» دەدى ۇگىت - لەكسيانى تىڭداۋعا قاتىناسقان قۇلجا اۋدانىنىڭ ٴبىر كادرى تىلشىگە.

«ۇگىت - لەكسيا ۇيىرمەسىنىڭ 5 مۇشەسى اسەرلى دە جاندى مىسالدار ارقىلى كوپشىلىكتىڭ جالپى ٴماجىلىس رۋحىن ىشكەرىلەي تۇسىنۋىنە مۇمكىندىك جاسادى، قاراپايىم ٴتىل ارقىلى تەرەڭ وي اڭعارتقان، ٴماجىلىس رۋحىن ساناعا قوندىرىپ، كوكەيگە ۇيالاتقان جوعارى ساپالى ۇگىت - لەكسيا بولدى». قۇلجا اۋداندىق پارتكوم پارتيا مەكتەبىنىڭ ورىنباسار باستىعى ما كۇيپيڭ بىلاي دەدى: «نەگىزگى ساتى پارتيا مەكتەبىنىڭ كادرى رەتىندە، بۇدان بىلايعى ساباقحانادا مەن جالپى ٴماجىلىس رۋحىن پارتيا مۇشەلەرىنە تەرەڭدەي، جەتە ٴتۇسىندىرىپ، يدەيا مەن ارەكەتتى جالپى ٴماجىلىستىڭ رۋحىمەن بىرلىككە كەلتىرەمىن».

قۇلجا اۋدانى ونيار قالاشىعىنىڭ ورىنباسار باستىعى پارھات مەجيت مىنانى ٴبىلدىردى: اۋىل - قالاشىق كادرى بولۋ سالاۋاتىممەن جالپى ٴماجىلىس رۋحىن مۇقيات ۇيرەنىپ، دايەكتىلەندىرىپ، ودان اقىل - پاراسات جانە كۇش - قۋات قابىلداپ، بۇقارا ٴۇشىن جاقسى، ناقتى ىستەردى كوپتەپ ىستەپ، حالىقتى كوڭىلدەن شىعارماي، ەڭ زور قۇلشىنىسىم ارقىلى بۇقارانىڭ شۇعىل، قيىن، ۋايىمداعان، ٴزارۋ بولعان ماسەلەلەرىن شەشەمىن.

ۇگىت - لەكسيانى مۇقيات تىڭداعاننان كەيىن چاپچال اۋداندىق ايەلدەر بىرلەستىگى ايەلدەر مەن بالالار قىزمەتى كوميتەتىنىڭ ارناۋلى مىندەتتەگى ورىنباسار مەڭگەرۋشىسى ٴراميلا ابلەت بىلاي دەدى: «ايەلدەر بىرلەستىگىنىڭ نەگىزگى ساتىداعى كادرى رەتىندە باستان - اياق جالپى ٴماجىلىس رۋحىن قىزمەت بارىسىندا تياناقتاندىرىپ، شوگەلدىكپەن قىزمەت ىستەپ، شىنايى سۇيىسپەنشىلىك ارقىلى حالىقتىڭ كوڭىلىنەن شىعۋعا قۇلشىنامىن. سونىمەن بىرگە، ٴماجىلىس رۋحىن نەگىزگى ساتىداعى ايەلدەرگە ۇگىتتەپ، ايەلدەر قاۋىمىنىڭ ىنتىماقتاسا كۇرەس جۇرگىزىپ، تاماشا تۇرمىسقا تالپىنۋعا اناعۇرلىم زور سەنىم ورناتۋىنا مۇمكىندىك جاسايمىن». 

چاپچال اۋداندىق ٴتارتىپ تەكسەرۋ، باقىلاۋ - تەكسەرۋ كوميتەتىنىڭ مەڭگەرۋشى قىزمەتكەرى يۇڭ شياۋيۇن بىلاي دەدى: «بۇگىنگى ۇگىت - لەكسيانى تىڭداپ توتەنشە اسەرلەندىم. ۇگىت - لەكسيا ۇيىرمەسىنىڭ مۇشەلەرى اۋىلىمىزدىڭ وزگەرىستەرىمەن ۇشتاستىرا وتىرىپ، نازاريا جانە اماليات سىندى ەكى تاراپتان جالپى ٴماجىلىس رۋحىنىڭ وزەكتى مازمۇنىن ىشكەرىلەي ٴتۇسىندىردى، ٴبىز بۇدان ەرەن شابىت الدىق. ٴتارتىپ تەكسەرۋ، باقىلاۋ - تەكسەرۋ كوميتەتىنىڭ كادرى بولۋ تۇرعىسىنان امانشىلىقتا جامانشىلىقتىڭ بولاتىنىن دا ويلاپ، پارتيانىڭ تاڭداۋلى ستيلىن ۇزدىكسىز ساقتاپ، شىت جاڭا بەينە كورسەتىپ، نەگىزگى ساتىداعى باقىلاۋ قىزمەتىن ويداعىداي ىستەپ، چاپچال اۋدانىنىڭ دامۋى ٴۇشىن كۇش - قۋاتىمدى ارنايمىن».