汉文 ىلە اقپارات تورابىنا حوش كەلدىڭىزدەر!
ادەبيەت - كوركەمونەر تۋىندىلارىن نەگىزگى ساتى مەن بۇقاراعا اناعۇرلىم كوبىرەك بەيىمدەۋ كەرەك
2022-04-03 12:37:39     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

وبلىستىق ادەبيەت - كوركەمونەرشىلەر بىرلەستىگى 4 - كەزەكتى كوميتەتىنىڭ 4 - رەتكى جالپى مۇشەلەر جيىنىندا مىناۋ العا قويىلدى

ادەبيەت - كوركەمونەر تۋىندىلارىن نەگىزگى ساتى مەن بۇقاراعا اناعۇرلىم كوبىرەك بەيىمدەۋ كەرەك


ٴتىلشىمىز ۋاڭ جىحۋا حابارلايدى. 3 - ايدىڭ 29 - كۇنى وبلىستىق ادەبيەت - كوركەمونەرشىلەر بىرلەستىگى 4 - كەزەكتى كوميتەتىنىڭ 4 - رەتكى جالپى مۇشەلەر جيىنى قۇلجا قالاسىندا اشىلدى. جيىندا مىنالار تالاپ ەتىلدى: بارشا ادەبيەت - كوركەمونەر قىزمەتكەرلەرى مادەنيەت سەنىمىن اناعۇرلىم بەكەمدەپ، ادەبيەت - كوركەمونەر تۋىندىلارىن ٴداۋىردىڭ دامۋىمەن بىرلىككە كەلتىرىپ، ىلەنى ادەبيەت - كوركەمونەردىڭ ٴورىستى ولكەسى ەتىپ قۇرۋعا ورتاق كۇش سالىپ، تۇتاس وبلىستىڭ ادەبيەت - كوركەمونەر ىستەرىنىڭ جوعارى ساپالى دامۋىن ىلگەرىلەتىپ، شينجياڭدى مادەنيەتپەن نارلەندىرۋگە ادەبيەت - كوركەمونەردىڭ كۇش - قۋاتىن ارناۋى كەرەك.

2021 - جىلى وبلىستىق ادەبيەت - كوركەمونەرشىلەر بىرلەستىگى تۇتاس وبلىستاعى ادەبيەت - كوركەمونەر سالاسىنداعىلاردى «تۋدى بيىك ۇستاۋ، حالىق تىلەگىن ۇيىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبراز ايگىلەۋ» سىندى بورىش پەن مىندەتتى ٴجىتى قاداعالاۋعا، وزەكتى توڭىرەكتەۋگە، جالپى جاعدايعا قىزمەت وتەۋگە، تۇرمىسقا جاناسۋعا، حالىق اراسىنا تامىر تارتۋعا تاباندى بولۋعا ىنتىماقتاستىرا باستاپ، ادەبيەت - كوركەمونەر تۋىندىلارىنىڭ رۋحاني قۋاتىنان پايدالانا وتىرىپ، قوعامنىڭ ٴار سالاسىنداعىلارمەن بىرگە ٴتۇرلى قيىنشىلىقتاردى جەڭىپ، ىلەنىڭ بايتاق دالاسىنداعى قايناعان ٴومىر امالياتىن قالاممەن كەستەلەپ، ىلەنىڭ دامۋىنداعى ادامدى قۋانتارلىقتاي جەتىستىكتەردى جازباشا ورنەكتەپ، ادەبيەت - كوركەمونەر سالاسىنداعى قايراتكەرلەردىڭ جاۋاپكەرلىكتى باتىلدىقپەن ارقالايتىن وسكەلەڭ قاسيەتى مەن تاماشا وبرازىن ايگىلەپ، جان تەبىرەنتەرلىك سارا تۋىندىلاردى قۇلشىنا جاراتتى.

جيىنعا قاتىناسقاندار قايتكەندە ادەبيەت - كوركەمونەر جاسامپازدىعىن بارىنشا گۇلدەندىرىپ، ادەبيەت - كوركەمونەر تۋىندىلارىن نەگىزگى ساتى مەن بۇقاراعا اناعۇرلىم كوبىرەك بەيىمدەۋگە بولادى، ادەبيەت - كوركەمونەر قوعامدارى مەن توپتارى اراسىنداعى بارىس - كەلىستى، سەلبەستىكتى قالاي كۇشەيتۋگە بولادى دەگەن ماسەلەلەر جونىندە تالقى ورىستەتىپ، ادەبيەت - كوركەمونەرشىلەر بىرلەستىگىنىڭ بيىلعى قىزمەتتەرى جونىندەگى ۇسىنىستارى مەن پىكىرلەرىن ورتاعا قويدى.

 بارشا ادەبيەت - كوركەمونەر قىزمەتكەرلەرى باس شۋجي شي جينپيڭنىڭ ادەبيەت - كوركەمونەر قىزمەتى جونىندەگى ماڭىزدى بايىمداۋلارىن بارلىق ادەبيەت - كوركەمونەر جاسامپازدىعىمەن، ادەبيەت - كوركەمونەرلىك قىزمەت كورسەتۋمەن جانە ادەبيەت - كوركەمونەر امالياتتىق قيمىلىمەن توعىستىرىپ، تۇرمىس پەن ٴوندىرىستىڭ ٴبىرىنشى شەبىنە بارىپ جاندى ماتەريال الىپ، قوعام مەن تۇرمىستان، نەگىزگى ساتىدان «ٴنارلى ازىق» جيناۋ، نازاردى پارتيانىڭ 20 - قۇرىلتايى سىندى وسى ٴبىر نەگىزگى جەلىگە شوعىرلاندىرىپ، حالىق تۇرمىسىمەن جاناساتىن، جىلى قابىلداناتىن كوپتەگەن ادەبيەت - كوركەمونەر سارا تۋىندىلارىن جاراتىپ، اۆتونوميالى وبلىستىڭ ادەبيەت - كوركەمونەر ىستەرىن دامىتۋعا ۇلەس قوسۋ جاعىندا ورتاق تانىم قالىپتاستىردى.

2022 - جىلى وبلىستىق ادەبيەت - كوركەمونەرشىلەر بىرلەستىگى پارتيانىڭ 20 - قۇرىلتايىن قارسى الۋدى، ۇگىتتەۋدى، دايەكتىلەندىرۋدى باستى تاقىرىپ، نەگىزگى جەلى ەتۋدى ٴتۇيىندى توڭىرەكتەپ، ادەبيەت - كوركەمونەر قىزمەتكەرلەرىنىڭ پارتيا قۇرۋ ۇلى رۋحىن ساۋلەلەندىرىپ، جۇڭگو حيكاياسىن، ىلە حيكاياسىن ويداعىداي بايانداپ، نەگىزگى اۋەندى جىرلايتىن تۋىندىلاردى جاراتىپ، جەلىلەس وڭ ەنەرگيالى ادەبيەت - كوركەمونەر قيمىلدارىن ورىستەتۋىنە جەتەكشىلىك ەتەدى جانە ۇيىمداستىرادى. ٴارقايسى ادەبيەت - كوركەمونەر قوعامدارى ادەبيەت، كينو، مۋزىكا، حالىقتىق ادەبيەت - كوركەمونەر تۋىندىلارى، ٴبي، تەاتر سياقتى ٴتۇرلى جانرداعى ادەبيەت - كوركەمونەر جاسامپازدىعى قيمىلىن ورىستەتىپ، «20 - قۇرىلتايدى قارسى الىپ، جاڭا ٴداۋىردى جىرلاۋ» تاقىرىبىنداعى اسەمونەر، حاتكەرلىك، فوتو - سۋرەت جەلىلەس كورمەلەرىن وتكىزىپ، اۆتونوميالى وبلىستىڭ ٴتۇرلى ىستەرىنىڭ دامۋىندا قول جەتكىزىلگەن جەتىستىكتەردى، تاماشا ەكولوگيا مەن كوركەم تابيعات كەلبەتىن، باي مازمۇندى، الۋان ٴتۇرلى ۇلتتىق سالت - سانانى، سونداي - اق، ٴار ۇلت بۇقاراسىنىڭ پارتيانى، مەملەكەتتى، اتا - مەكەندى قىزۋ ٴسۇيىپ، ارشىندى قاداممەن العا ىلگەرىلەگەن رۋحاني بەت - بەينەسىن ايگىلەيدى؛ مۋزىكا، ٴبي، تەاتر سياقتى ٴتۇرلى جانرداعى جەلىلەس ويىن - ساۋىق قيمىلدارىن ورىستەتىپ، پارتيانىڭ 20 - قۇرىلتايىنا سۇبەلى تارتۋ سيلايدى؛ كولەمدى اسەمونەر، حاتكەرلىك، فوتو - سۋرەت كورمەسىن جانە جاستاردىڭ ٴان بايقاۋى، تەلەۆيزيالىق ٴبي باسەكەسى سياقتى ۇلگىلىك سيپاتقا، ىقپالعا يە ادەبيەت - كوركەمونەر قيمىلدارىن ورىستەتىپ، جاڭا داۋىردەگى ىلەنىڭ شىت جاڭا بەينەسىن جۇلگەلەيدى؛ اۆتونوميالى وبلىستىڭ پارتيانىڭ 20 - قۇرىلتايىن قارسى الۋ نەگىزگى تاقىرىپتىق ساۋىق كەشىنە بەلسەنە ات سالىسىپ، پارتيانى، وتاندى، حالىقتى، قاھارمان ۇلگىلەردى جىرلاعان تاڭداۋلى ادەبيەت - كوركەمونەر تۋىندىلارىن قۇلشىنا جاراتىپ، بۇقارانىڭ رۋحاني كۇش - قۋاتىن ۇيىستىرىپ، كورىكتى ىلەنى بىرگە قۇرۋ جاعىندا ادەبيەت - كوركەمونەردىڭ كۇش - قۋاتىن ارنايدى.

سونىمەن بىرگە، شينجياڭعا كومەك بەرەتىن ولكە - قالالاردىڭ ادەبيەت - كوركەمونەر بىرلەستىكتەرىمەن بەلسەنە سايكەسىپ، شينجياڭنىڭ ٴىشى - سىرتىنداعى ٴار ۇلت كوركەمونەرشىلەرمەن كوپ ساتىلى، كوپ سالالى، كوپ فورمالى بارىس - كەلىستى ىلگەرىلەتىپ، اۆتونوميالى وبلىستىڭ مول مادەنيەت بايلىعىن ىشكەرىلەي اشىپ، ىلەنىڭ ۇزدىك وڭىرلىك مادەنيەتى مەن باسقا ولكە، رايون، قالالاردىڭ ۇزدىك مادەنيەتىنىڭ اۋىس - كۇيىسىن، ٴوزارا ونەگە الۋىن ىلگەرىلەتەدى؛ بارشا ادەبيەت - كوركەمونەر قىزمەتكەرلەرىن تۇرمىسقا ىشكەرىلەي جاناسۋ، حالىق اراسىنا تەرەڭ تامىر تارتۋ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ، اۋىل - قىستاق مادەنيەتىن گۇلدەندىرۋ، «ۇلتتار ىنتىماعىنىڭ بەرەكەلى شاڭىراعى» سياقتى قىزمەتتەرمەن بىرلەستىرىپ، ادەبيەت - كوركەمونەر جاسامپازدىعى مەن ادەبيەت - كوركەمونەر تۋىندىلارى ارقىلى حالىق تىلەگىن بەينەلەۋگە جۇمىلدىرادى جانە ۇيىمداستىرادى؛ ادەبيەت - كوركەمونەر ەرىكتى قىزمەت وتەۋ قيمىلىن دانەكەر ەتىپ، ادەبيەت - كوركەمونەر ەرىكتىلەرىن نەگىزگى ساتىعا ىشكەرىلەي بارىپ، حال سۇراپ، ويىن قويۋ قيمىلىن كەڭ كولەمدە ورىستەتۋ، تۋىندىلاردى تارتۋ ەتۋ، ادەبيەت - كوركەمونەر جاعىنان تاربيەلەۋ، مادەنيەت جاعىنان سۇيەمەلدەۋ سياقتى جەلىلەس قيمىلداردى وتكىزۋگە ۇيىمداستىرادى؛ مادەنيەت جەتكىزۋمەن، مادەنيەت تۇقىمىن سەبۋمەن، رۋحاني جىگەر سيلاۋمەن تىعىز ۇشتاستىرا وتىرىپ، «ادەبيەت - كوركەمونەردى بارلىق وتباسىلارىنا جەتكىزىپ، سالاماتتى تۇرمىس كەشىرەيىك» اتىنداعى جاڭا ٴداۋىر مادەنيەتىن امالياتتا ايگىلەۋ ەرىكتى قىزمەت وتەۋ مەن «حالىق اراسىنا بارۋ»، «ٴبىزدىڭ جۇڭگو ارمانىمىز − مادەنيەتتى بارلىق وتباسىلارىنا جەتكىزۋ» سياقتى قيمىلداردى ورىستەتىپ، حالىق بۇقاراسىنىڭ رۋحاني، مادەني تۇرمىسىن اناعۇرلىم بايىتىپ، مادەنيەت ارقىلى حالىققا تيىمدىلىك جەتكىزۋدە سارا ماركا جاراتۋ قيمىلىن ۇزدىكسىز ورىستەتىپ، ٴار ۇلت بۇقاراسىنىڭ ورتاق رۋحاني مەكەنىن قۇرۋعا قۇلشىنادى.