10 - كەزەكتى اۆتونوميالى رايوندىق پارتكوم تۇراقتى كوميتەتى 1 - رەتكى ءماجىلىسىن اشتى

　　　　شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا ساپاردا شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن اشۋعا قايراتتانا قۇلشىنۋ كەرەك

　　　　چىن چۋانگو ءماجىلىستى باسقاردى

　　　ماجىلىستەن كەيىن اۆتونوميالى رايوندىق پارتكومداعى تۇراقتى مۇشە جولداستار شينجياڭ اسكەري رايونى بەلگىلى قىزىل ارميا شىسىنىڭ شى تاريحى سارايىن جانە 8 - ارميانىڭ شينجياڭدا تۇراتىن ءىس باسقارماسىنىڭ ەسكەرتكىش سارايىن توپتىق ەكسكۋرسيالاپ، پارتياعا كىرۋ سەرتىن قايتا پىسىقتادى

10 - ايدىڭ 26 - كۇنى اۆتونوميالى رايوندىق پارتكومداعى تۇراقتى مۇشە جولداستار شينجياڭ اسكەري رايونى بەلگىلى قىزىل ارميا شىسىنىڭ شى تاريحى سارايىن جانە 8 - ارميانىڭ شينجياڭدا تۇراتىن ءىس باسقارماسىنىڭ ەسكەرتكىش سارايىن توپتىق ەكسكۋرسيالادى. سۋرەتتە: اۆتونوميالى رايوندىق پارتكومنىڭ شۋجيى چىن چۋانگو جاڭا كەزەكتى اۆتونوميالى رايوندىق پارتكوم تۇراقتى كوميتەتى القاسىن باستاپ، پارتياعا كىرۋ سەرتىن قايتا پىسىقتاۋدا. □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 26 - كۇنى ۇرىمجىدەن حابارلايدى. 10 - ايدىڭ 26 - كۇنى اۆتونوميالى رايوندىق 10 - رەتكى پارتيا قۇرىلتايى جابىلعاننان كەيىنگى ءبىرىنشى كۇنى 10 - كەزەكتى اۆتونوميالى رايوندىق پارتكوم تۇراقتى كوميتەتى 1 - رەتكى ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن قايتا پىسىقتاپ، القانىڭ ءوز قۇرىلىسىن كۇشەيتۋ قىزمەتىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

چىن چۋانگو سوزىندە بىلاي دەپ اتاپ كورسەتتى: كەزەكتە شينجياڭ قىزمەتى جاڭا تاريحي باستامادا تۇر. جاڭا كەزەكتى اۆتونوميالى رايوندىق پارتكوم تۇراقتى كوميتەتى القاسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ىنتىماقتاسا كۇرەس جۇرگىزىپ، شىنايى يگەرىپ، ناقتى ىستەپ، اۆتونوميالى رايوندىق 10 - رەتكى پارتيا قۇرىلتايى كەسكىندەگەن ايبىندى جوبانى نىق قاداممەن تاماشا رەالدىققا اينالدىرىپ، جاڭا ساپاردا ءتۇرلى قىزمەتتەردىڭ جاڭا جاعدايىن اشۋعا قايراتتانا قۇلشىنىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ۇلى ءىسىن قۇلشىنا ۇزدىكسىز العا ىلگەرىلەتۋ كەرەك.

ءبىرىنشى، ماقساتتان جازباي، ساياسي ادالدىقتى ورىنداۋ كەرەك. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي ءتارتىپ پەن ساياسي قاعيدانى قاتاڭ ساقتاپ، پارتياعا ادال بولۋ ۇلى ءمورالىن بارىنشا اسقاقتاتىپ، بەلدى بەكەم بۋىپ پارتياعا ىلەسۋ، استە بۇلجىماۋ كەرەك.

ەكىنشى، ماقساتتان جازباي، مۇرات - سەنىمدى بەكەمدەۋ كەرەك. ماركسيزم سەنىمىن، كوممۋنيزم ۇلى مۇراتىن، جۇڭگوشا سوتسياليزم ورتاق مۇراتىن بەكەمدەپ، باستان - اياق ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، دۇرىس دۇنيە كوزقاراسىن، ۇقىق كوزقاراسىن، كاسىپ كوزقاراسىن بەرىك ورناتىپ، ۇلى پارتيا قۇرۋ رۋحىن اسقاقتاتىپ، كوممۋنيستەردىڭ ساياسي قاسيەتىن ماڭگى ساقتاۋ كەرەك.

ءۇشىنشى، ماقساتتان جازباي، نازاريامەن قارۋلانۋدى كۇشەيتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى ماڭداي الدى ساياسي مىندەت ەتۋگە تاباندى بولىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا ءۇرتىس كۇش سالىپ، ءتۇپ نۇسقانى ۇيرەنىپ، جاپپاي، جۇيەلى ۇيرەنىپ، دەر كەزىندە ىلەسە ۇيرەنىپ، تەرەڭدەي وي جۇگىرتە ۇيرەنىپ، ءىس جۇزىندىكپەن بىرلەستىرە ۇيرەنىپ، يدەيا ۇلى كۇشىن ءىس تىندىرىپ ناتيجە شىعارۋدىڭ رۋحاني قوزعاۋشى كۇشىنە قۇلشىنا اينالدىرۋ كەرەك.

ءتورتىنشى، ماقساتتان جازباي، شينجياڭدى جونگە سالۋ جالپى جوباسىن تياناقتاندىرۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، باس نىسانانىڭ تياناقتانىپ تامىر تارتۋىن باتىل، مىزعىماي ىلگەرىلەتىپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك.

بەسىنشى، ماقساتتان جازباي، ىنتىماقتى، بىرلىكتى قورعاۋ كەرەك. دەموكراتيالىق ورتالىقتاندىرۋ ءتۇزىمىن مۇقيات دايەكتىلەندىرىپ، اتقارىپ، ويدى ءبىر اراعا شوعىرلاندىرىپ، كۇشتى ءبىر ورىنعا جۇمساپ، ىنتىماقتى، جاراسىمدى، سەلبەسىپ بىرگە ىستەيتىن تاماشا رايدى بىرگە قالىپتاستىرىپ، جۇڭحۋا ۇلتى ورتاق تۇلعا تانىمىن باستاماشىلدىقپەن بەرىك ورناتىپ، ۇلتتار ىنتىماعىنىڭ ۇلگىسى جانە ونەگەسى بولۋ كەرەك.

التىنشى، ماقساتتان جازباي، ىرىقتىلىقپەن جاۋاپكەرشىلىك ارقالاۋ، ىسكەرلىك كورسەتۋ كەرەك. مىندەت وتەپ، جاۋاپكەرشىلىكتى ادا ەتىپ، اقتىق دەمىنە دەيىن ەل ءۇشىن قىزمەت ەتىپ، پرينسيپكە تاباندى بولىپ، باتىلدىقپەن كۇرەس جۇرگىزىپ، ىرىقتىلىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، پارتيا مەن حالىق ىسىنە بارىنشا جاۋاپتى بولۋ پوزيتسياسىمەن اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى باتىل ورىنداپ، وتاننىڭ كەڭ - بايتاق دالاسىن شىن مانىندە ويداعىداي قورعاۋ، ويداعىداي ورنىقتىرۋ، ويداعىداي دامىتۋ كەرەك.

جەتىنشى، ماقساتتان جازباي، ناقتى ءىس ىستەۋ ستيلىن اسقاقتاتۋ كەرەك. شىندىققا جۇگىنىپ، ناقتى ءىس ىستەپ، ىسكەرلىكتى قاستەرلەپ، شىن سويلەۋگە، ناقتى كۇش سالۋعا ىنتالاندىرۋعا، ناقتى امال كورسەتۋگە، ناقتى ءىس ىستەۋگە تاباندى بولۋ؛ ءىس جۇزىندىككە باسا ءمان بەرىپ، ىشكەرىلەي تەكسەرۋ - زەرتتەۋ جۇرگىزىپ، بارلىعىندا ءىس جۇزىندىكتى ارقاۋ ەتۋگە تاباندى بولىپ، ناقتى جاعدايدى تىڭداپ، ناقتى شارا جاساپ، ناقتى ونىمدىلىككە تالپىنىپ، ءتۇرلى قىزمەتتەردى شىن مانىندە تىڭعىلىقتى، ويداعىداي ىستەۋ؛ حۇجاتتاردى ىقشامداپ، جيىندى ازايتىپ، تياناقتاندىرۋدى مىقتى يگەرىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى سياقتى ءتۇرلى ءتۇيىندى قىزمەتتەردى زەيىن - زەردەنى شوعىرلاندىرا وتىرىپ ويداعىداي يگەرىپ، ءىس جۇزىندىك ارەكەت ارقىلى تاماشا وبراز ورناتۋ كەرەك.

سەگىزىنشى، ماقساتتان جازباي، حالىقتى ءسۇيۋ، حالىق ءۇشىن ىستەۋ، حالىققا تيىمدىلىك جاساۋ كەرەك. حالىقتى بارىنەن جوعارى قويۋعا تاباندى بولىپ، باستان - اياق ءار ۇلت حالقىن كوڭىلدىڭ ەڭ جوعارى تورىنە قويىپ، پارتيانىڭ بۇقارامەن ەتەنە بايلانىسىن ۇزدىكسىز نىعايتىپ، ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا ويداعىداي شەشىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك.

توعىزىنشى، ماقساتتان جازباي، پاكتىكتى، كىرشىكسىزدىكتى ساقتاۋ كەرەك. ەرەكشەلەنبەۋ يدەياسىن باستاماشىلدىقپەن بەرىك ورناتىپ، ءبىر جاعىنان، بولشەكتەۋگە قارسى كۇرەستى يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى يگەرۋگە تاباندى بولىپ، ستيلى پاك، سالتى دۇرىس ساياسي ەكولوگيا قالىپتاستىرۋ؛ باستاماشىلدىقپەن پاك، تەجەمدى بولىپ، پارتيا ۋستاۆىنا، پارتيا ەرەجەسىنە جانە پارتيا تارتىبىنە، مەملەكەت زاڭىنا قاتاڭ بويسۇنىپ، پاك، تەجەمدى بولۋ ولشەمىنە سانالى تۇردە بويسۇنىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي − تەگجەيلى ەرەجەسىنىڭ رۋحىن قاتاڭ تياناقتاندىرىپ، تومەنگى شەكتى باتىل ساقتاۋ، قىزىل سىزىقتان اتتاماۋ؛ ءار جاقتىڭ باقىلاۋىن باستاماشىلدىقپەن قابىلداپ، ءوزى كىرشىكسىز بولۋ، ءوزى تۋراشىل بولۋ، ءوزى ىسىلۋ ارقىلى تۇتاس رايونداعى قالىڭ پارتيا مۇشەلەرىنە، كادرلارعا ويداعىداي باستاماشى بولۋ، ۇلگى بولۋ كەرەك.

ماجىلىستەن كەيىن چىن چۋانگو جاڭا كەزەكتى اۆتونوميالى رايوندىق پارتكوم تۇراقتى كوميتەتى القاسىن باستاپ، شەكسىز قۇرمەت سەزىمىمەن شينجياڭ اسكەري رايونى بەلگىلى قىزىل ارميا شىسىنىڭ شى تاريحى سارايىن جانە 8 - ارميانىڭ شينجياڭدا تۇراتىن ءىس باسقارماسىنىڭ ەسكەرتكىش سارايىن ەكسكۋرسيالاپ، پارتياعا كىرۋ سەرتىن قايتا پىسىقتادى. جۇڭگو كوممۋنيستىك پارتياسىنىڭ نارت قىزىل پارتيا تۋىنا قاراپ، چىن چۋانگو اۆتونوميالى رايوندىق پارتكومداعى تۇراقتى مۇشە جولداستاردى باستاپ سالتاناتتى تۇردە قۇرمەتپەن تۇرىپ، پارتياعا كىرۋ سەرتىن قايتا پىسىقتادى، اسقاق تا ەكپىندى سەرت ءۇنى ۇلكەن زالدا جاڭعىردى. چىن چۋانگو بىلاي دەپ باسا دارىپتەدى: بۇلجىماستان شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى، ادال امالياتتا ايگىلەۋشىلەرى بولىپ، ءتۇپ نۇسقانى وقىپ، اۋەلگى ءماتىندى ۇيرەنىپ، قاعيدانى ءتۇسىنىپ، ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز ارتتىرۋ؛ مۇرات - سەنىمگە بۇلجىماي تاباندى بولىپ، كوممۋنيستەردىڭ قۇرىش تۇلعاسىن شىڭداپ، سەنىمدى باتىل ساقتاۋدىڭ قۇرىش قامالىن بەرىك ورناتىپ، كوممۋنيستەردىڭ رۋحاني ارقالىعىن سانالى تۇردە كوتەرۋ؛ اۋەلگى ماقسات پەن بورىشتى بۇلجىماي باتىل ساقتاپ، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى باس ماقساتىنا تاباندى بولىپ، حالىقتى ۇزدىكسىز باستاپ اناعۇرلىم باقىتتى، تاماشا تۇرمىس جاراتۋ؛ داڭقتى توڭكەرىستىك داستۇرگە بۇلجىماي تاباندى بولىپ، اعا بۋىن پرولەتاريات توڭكەرىسشىلەرىنىڭ داڭقتى داستۇرىنە مۇراگەرلىك ەتىپ، قىزىل قان تامىردى ۇلاستىرىپ، قىزىل گەندى جالعاستىرىپ، كىشى پەيىل، بايسالدى بولىپ، داندايسۋدان، ۇشقالاقتىقتان ساقتانىپ، قاجىرلىلىقپەن كۇرەس جۇرگىزىپ، ۇقىپتى دا ۇنەمشىل بولىپ، باتىلدىقپەن كۇرەس جۇرگىزىپ، باتىلدىقپەن جەڭىسكە جەتۋ؛ جاڭا داۋىردەگى پارتيا قۇرىلىسى ۇلى ينجەنەرياسىن بۇلجىتپاي ىلگەرىلەتىپ، پارتيا قۇرىلىسىن جالپى بەتتىك كۇشەيتىپ، ماڭگى جالعاستىراتىن قاجىماس قايسارلىقپەن پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋگە پارمەندى كەپىلدىك ازىرلەۋ كەرەك.

ەركىن تۇنياز، شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن جوعارىداعى قيمىلعا قاتىناستى.