شينجياڭ قىزمەتىندە قول جەتكەن كەلەلى ناتيجەدەن ەكپىندەي ىلگەرىلەيتىن كۇش - قۋات قابىلدايىق

− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (2)

 گازەتىمىزدىڭ شولۋشىسى

5 جىلدىق ساپاردا قايراتتانا ىلگەرىلەدىك، 5 جىلدىق ەڭبەك ماۋەلى جەمىس بەردى. اۆتونوميالى رايوندىق 10 - رەتكى پارتيا قۇرىلتايى 5 جىلدان بەرگى اۆتونوميالى رايوننىڭ قوعام ورنىقتىلىعى، ەكونوميكالىق دامۋ، حالىق تۇرمىسىن جاقسارتۋ سياقتى قىزمەتتەردە قول جەتكىزگەن كورنەكتى ناتيجەلەرىن وبيەكتيۆ تۇردە قورىتىندىلادى، بۇل ادامعا تەرەڭ شابىت بەرىپ، ەرەكشە جىگەرلەندىرەدى. جاڭا ساپاردا ءبىز شينجياڭ قىزمەتىندە قول جەتكەن كەلەلى ناتيجەدەن ەكپىندەي ىلگەرىلەيتىن كۇش - قۋات قابىلداپ، ماقساتتان جازباي، ۇزدىكسىز كۇرەس جاساپ، قامال الىپ، قيىندىقتاردى جەڭە وتىرىپ ۇلى ءىس جاراتىپ، قولايلى جاعدايدان ۇتىمدى پايدالانىپ، جاڭا جاعداي اشۋىمىز كەرەك.

5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى شينجياڭنىڭ بارلىق قىزمەتىنە ءبىر تۇتاس باسشىلىق ەتۋگە تاباندى بولىپ، بۇكىل رايونداعى قالىڭ پارتيا مۇشەلەرىن، كادرلاردى جانە ءار ۇلت بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاستىرا ورنىقتىرىپ، شينجياڭدى مادەنيەتپەن نارلەندىرىپ، حالىقتى اۋقاتتاندىرىپ، شينجياڭدى گۇلدەندىرىپ، شينجياڭدى باياندى كوركەيتىپ، شينجياڭ قىزمەتىندە ەلەۋلى ناتيجەگە قول جەتكىزدى.

وسى 5 جىلدا قوعامدىق كەلەلى جاعداي ءۇرتىس ورنىقتى بولىپ، بۇرىنعى زورلىقتى كۇش لاڭكەستىك ارەكەتتەرى كوپ تۋىلاتىن، ءجيى تۋىلاتىن جاعداي ءبىرجولاتا وڭالىپ، ءار ۇلت بۇقاراسىنىڭ تىنىشتىق، ورنىقتىلىق جونىندەگى ارمان - تىلەگى جۇزەگە استى؛ ەكونوميكا ورنىقتى، اقاۋسىز دامىپ، جالپىلىق ناقتى قۋات كورنەكتى كۇشەيىپ، بۇكىل ەل حالقىمەن بىرگە جاپپاي دوڭگەلەك داۋلەتكە قادام تاستادى؛ بۇقارانىڭ تۇرمىسى كورنەكتى جاقسارىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتتى، حالىق بۇقاراسىن الاڭداتقان، شۇعىل، قيىن، ۋايىمداعان، ءزارۋ ماسەلەلەردەن ءبىر توبى ءونىمدى شەشىلدى؛ ۇلتتار ىنتىماقتى بولىپ، دامىپ، العا باسىپ، ءار ۇلت كادر - بۇقاراسى ارالاسۋ، ىشتەسۋ، توعىسۋ بارىسىندا سۇيىسپەنشىلىكتەرى بارعان سايىن قويۋلاپ، جۇڭحۋا ۇلتى ورتاق تۇلعا تانىمى جۇرەكتەرگە تەرەڭ تامىر تارتتى؛ ءدىن سالاسى تاتۋ، جاراسىمدى بولىپ، توركىنىن تۇزەپ، قاينارىن الاستاۋ، دۇرىستى جەبەپ، بۇرىستى جويۋ جۇزەگە اسىرىلدى؛ يدەولوگيا شەبى بەكەمدەلىپ، كۇشەيتىلىپ، شينجياڭدى مادەنيەتپەن نارلەندىرۋ قوماقتى تابىسقا قول جەتكىزدى، تۇتاس رايوندا جوعارىدان تومەنگە دەيىن نەگىزگى اۋەن اناعۇرلىم اسقاقتاپ، وڭ ەنەرگيا اناعۇرلىم تولىقتاندى؛ ەكولوگيالىق ورتا ءۇرتىس جاقسارىپ، كوركەم شينجياڭنىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق بولدى؛ شينجياڭدى زاڭمەن جونگە سالۋ پارمەندى ىلگەرىلەتىلىپ، ءار ۇلت حالقىنىڭ ءوز − وزىنە قوجايىن بولۋ ۇقىق - مۇددەسى تولىق قامتاماسىز ەتىلدى؛ بيڭتۋان قىزمەتى تىڭعىلىقتى ورىستەتىلىپ، ورنىقتىرعىش، دومنا پەش، ۇلگى كورسەتۋ ءوڭىرى سىندى ەرەكشە رولى ءونىمدى ساۋلەلەندى؛ پارتيا قۇرىلىسى جالپى بەتتىك كۇشەيىپ، ءار دارەجەلى پارتيا ۇيىمدارىنىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى كورنەكتى كۇشەيىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەندى.

شەتسىز - شەكسىز كورىنىس شىت جاڭا بەينەگە ەندى. بۇگىنگى بايتاق شينجياڭ مولشىلىققا كەنەلگەن، تىنىش تا بەيبىت، ءار ۇلت بۇقاراسى ورنىقتىلىقتىڭ، دامۋدىڭ، رەفورمانىڭ جەتىستىكتەرىنەن تولىق يگىلىكتەنىپ، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، التاي تاۋىنان، تيانشان تاۋىنان كۇنلۇن تاۋىنا دەيىن تۇس - تۇسى جالىنداعان ومىرشەڭدىك پەن ۇمىتكە تولدى. اسا تاماشا وسى جاعداي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، ورتالىق پەن مەملەكەت ورگاندارىنىڭ، ورتالىق كاسىپورىندارىنىڭ جانە شينجياڭعا كومەكتەسەتىن ولكە - قالالاردىڭ قالتقىسىز كومەكتەسۋىنىڭ ناتيجەسى، سونداي - اق بۇكىل شينجياڭداعى ءار ۇلت حالقىنىڭ بىرگە ىنتىماقتاسا كۇرەس جاساۋىنىڭ ناتيجەسى.اماليات ءبىزدىڭ ”ءتورت تانىمدى“ شىن مانىندە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، مىزعىماس تاباندىلىقپەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرسەك بولعانى، شينجياڭ قىزمەتىنىڭ بەتالىسى ايقىن، جولى دۇرىس، ناتيجەسى ويداعىداي بولاتىندىعىن، قوعام ورنىقتىلىعى مەن باياندى تىنىشتىق باس نىساناسىنىڭ، ءسوز جوق، جۇزەگە اساتىندىعىن تولىق دالەلدەدى.

تابىس جۇرەكتى جەلپىندىرىپ، ادامدى ەكپىندەي ىلگەرىلەۋگە ۇندەيدى. شينجياڭ قىزمەتىندە قول جەتكىزگەن كەلەلى ناتيجەلەر ءبىر نيەتپەن ىنتىماقتاسىپ، قايسارلىقپەن شايقاس جۇرگىزۋدەن كەلگەن، قوعام ورنىقتىلىعى مەن باياندى تىنىشتىق باس نىساناسىنىڭ جاڭا جاعدايىن اشۋدا ءبىز، ءسوز جوق، اناعۇرلىم ءىس تىندىرىپ ناتيجە شىعاراتىن ەرىك - جىگەردى شىڭداي ءتۇسۋىمىز كەرەك. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىقتىڭ“ باستاما جىلى، وسى شەشۋشى تاريحي تۇيىندە اۆتونوميالى رايوندىق 10 - رەتكى پارتيا قۇرىلتايى بۇدان كەيىنگى 5 جىلعى، ءتىپتى، ونان دا ۇزاق ءبىر مەزگىلدەگى شينجياڭ قىزمەتىنىڭ نىسانا - مىندەتتەرىنە ورنالاستىرۋ، جايعاستىرۋ جاسادى، شينجياڭ قىزمەتى جاڭا تاريحي باستامادا تۇر. وسى رەتكى قۇرىلتاي رۋحىن ويداعىداي دايەكتىلەندىرۋدە، تياناقتاندىرۋدا ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو كوممۋنيستىك پارتياسىنىڭ 100 جىلدىق ساپارىنان ەكپىندەي ىلگەرىلەيتىن ۇلى كۇش قابىلداپ، شينجياڭ قىزمەتىندە قول جەتكىزگەن كەلەلى ناتيجەدەن جوڭكىلگەن قوزعاۋشى كۇش قابىلداپ، ۇلى پارتيا قۇرۋ رۋحىن اسقاقتاتىپ، توراڭعى رۋحىن، بيڭتۋان رۋحىن امالياتتا ايگىلەپ، استە بوساڭسىمايتىن قايراتپەن، جاپالى بولعان سايىن العا باساتىن ارىنمەن، تاباندىلىقپەن، جاپالىلىقپەن كۇرەس جۇرگىزىپ، ادالدىقپەن جاۋاپكەرشىلىك ارقالاپ، قالتقىسىز ۇلەس قوسىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا حالىق رازى بولاتىن جاۋاپناما تاپسىرۋىمىز كەرەك.

ناتيجە وتكەنگە ءتان، بولاشاق كۇرەسپەن كەلەدى. وڭاي - وسپاق قولعا كەلمەگەن ورنىقتىلىق، دامۋ جاعدايىن ەرەكشە قاستەرلەپ، ناتيجەنى ساۋلەلەندىرىپ، كۇش ۇستىنە كۇش قوسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى باس نىساناعا شوعىرلاندىرىپ، جاپالىلىقپەن ىستەپ، ناقتى ىستەپ، ايانباي ىستەپ، ءتۇرلى مىندەتتەردى اناعۇرلىم تەرەڭ، اناعۇرلىم ناقتى، اناعۇرلىم ءونىمدى تياناقتاندىرايىق.