رايونىمىزداعى كاسىپورىن سالاسى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى

حالىقتى وزەك ەتىپ، ەكونوميكانىڭ جوعارى ساپالى دامۋىن ىلگەرىلەتەمىز

 انار بۇلت / شينجياڭ گازەتىنىڭ تىلشىلەرى

جاڭا باستامادا جاڭا ساپار باستالدى، جاڭا نىسانا جاڭا جاۋاپكەرشىلىك ارقالاۋعا شاقىرۋدا. بىرنەشە كۇننەن بەرى رايونىمىزداعى كاسىپورىن سالاسى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزىپ، ۇيرەنىپ، تەرەڭ شابىت الىپ، ايرىقشا جەلپىنۋمەن بىرگە، جاۋاپكەرشىلىكتەرىنىڭ اسا ماڭىزدى، بورىشتارىنىڭ داڭقتى ەكەندىگىن تەرەڭ سەزىندى. كوپشىلىك مىنالاردى ءبىلدىردى: اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، سەنىمدى بەكەمدەپ، قولايلى جاعدايدان ۇتىمدى پايدالانىپ، ۇزدىكسىز كۇرەس جاساپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، حالىقتى وزەك ەتىپ، ەكونوميكانىڭ جوعارى ساپالى دامۋىن ىلگەرىلەتەمىز.

10 - ايدىڭ 26 - كۇنى شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى ورگان كادرلار جينالىسىن وتكىزىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزىپ، ۇيرەنىپ، بارلىق كادر - جۇمىسشىلاردى جاڭا داۋىردەگى جۇڭگوشا سوتسياليستىك شينجياڭ قۇرۋعا مەملەكەت مەنشىگىندەگى كاسىپورىنداردىڭ كۇش - قۋاتىن ارناۋعا ۇندەدى. سەرىكتەستىكتىڭ پارتكوم شۋجيى، القا باستىعى جاڭ گوحۋا مىنالاردى ءبىلدىردى: شينجياڭ ءتۇستى مەتال توبى اۆتونوميالى رايوندىق 10 - رەتكى پارتيا قۇرىلتايىندا بەلگىلەنگەن نىسانا - مىندەتتەردى تىعىز ارقاۋ ەتىپ، كاسىپ سالاسى ورنىن تياناق ەتىپ، بەلسەندىلىكپەن مىندەت وتەپ، جاۋاپكەرشىلىكتى ادا ەتىپ، تياناقتاندىرۋدى بار كۇشپەن ىلگەرىلەتىپ، ءماجىلىس رۋحىن ۇيرەنۋ، دايەكتىلەندىرۋدى كەزەكتەگى نىسانا - مىندەتتەردى ورىنداۋمەن، بۇدان كەيىنگى قىزمەتتەردى جوسپارلاۋمەن ۇشتاستىرىپ، ءتۇرلى قىزمەتتەردى تىڭعىلىقتى ورىستەتۋدى بار كۇشپەن ىلگەرىلەتەدى، اسىرەسە، جاڭالىق اشۋ ارقىلى دامۋعا دەم بەرۋ، مەملەكەت مەنشىگىندەگى كاسىپورىندار رەفورماسىن تەرەڭدەتۋ، ەكونوميكانىڭ جوعارى ساپالى دامۋىن ىلگەرىلەتۋ سياقتى جاقتاردا كۇش قوسادى.

10 - ايدىڭ 26 - كۇنى جۇڭگو مۇناي، تابيعي گاز توبى جارنا شەكتى سەرىكتەستىگى شينجياڭ مۇناي الابى بولىمشە سەرىكتەستىگى پارتكومى ءماجىلىس اشىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى. سەرىكتەستىك پارتكومىنىڭ شۋجيى، اتقارۋ القاسى حو جين مىنالاردى ءبىلدىردى: اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ناقتى قىزمەت بارىسىمەن ساباقتاستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋاتىمىزدى ارنايمىز.

”تاپسىرىس قارشا بورادى، وتە كەرەمەت! ءتىپتى دە كوپ ادامنىڭ شينجياڭنىڭ نانىن، سامساسىن ۇناتاتىنىنا سەنەمىز“. 10 - ايدىڭ 26 - كۇنى كەشتە شينجياڭ دوۋكۋ ەلەكتروندى ساۋدا شەكتى سەرىكتەستىگىنىڭ باس ديرەكتورى ادىل ابىلانىڭ دوستىق شەڭبەرى سانسىز القاۋعا بولەندى. ول بىلاي دەدى: ”سەرىكتەستىك بارلىق جۇمىسشىلاردى ۇيىمداستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزىپ، ۇيرەندىك. پارتيا قۇرىلتايى بايانداماسىندا ’10ءىرى كاسىپ سالاسىن‘ ءتۇيىندى تۇردە يگەرۋ ورتاعا قويىلدى، بۇل ءبىزدى ايرىقشا جەلپىندىردى، بولاشاقتا سەرىكتەستىك تانىستىرۋ تەبىنىن ۇزدىكسىز كۇشەيتىپ، تىكە تاراتۋ فورماسىنا جاڭالىق اشىپ، اناعۇرلىم كوپ ادامنىڭ شينجياڭنىڭ ءدامدى تاعامىنان ءدام تاتۋىنا مۇمكىندىك جاسايدى“.

10 - ايدىڭ 26 - كۇنى شينجياڭ شينيە مەملەكەت مەنشىگىندەگى مال - مۇلىك تيجارات (توبى) شەكتى جاۋاپكەرشىلىك سەرىكتەستىگى پارتكومىنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ ۇيىمداستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزۋدى، ۇيرەنۋدى ارقاۋ ەتە وتىرىپ، ارناۋلى تاقىرىپتاعى زەرتتەۋ، تالقى وتكىزىپ، اۋىس - كۇيىس جاسادى. جيىنعا قاتىسۋشىلار ءبىر اۋىزدان بىلاي دەپ قارادى: پارتيا قۇرىلتايى بايانداماسى 5 جىلدان بەرگى قول جەتكىزگەن كورنەكتى ناتيجەلەرگە جان - جاقتىلى قايىرىلا قاراپ، بولاشاقتاعى 5 جىلدىڭ ۇلى جوباسىن سالىپ، جۇرت كوڭىلىن جەلپىندىرىپ، ەكپىندەي ىلگەرىلەۋگە جەبەدى. توپ پارتكومىنىڭ شۋجيى، القا باستىعى ۋان جىڭ بىلاي دەدى: ”ءبىز اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتەكشى ەتىپ، ءتۇرلى مىندەتتەردى جان - جاقتىلى، دالمە - ءدال تياناقتاندىرىپ، ناقتى كاسىپ سالاسىنا قارجى قوسۋ، فينانستىق قىزمەت وتەۋ، مال - مۇلىكتى باسقارۋ سياقتى جاقتاردا تاعى دا ەرەن ناتيجە جاراتۋعا كۇش سالامىز“.

10 - ايدىڭ 27 - كۇنى حۋاديان شينجياڭ ەلەكتر تاراتۋ شەكتى سەرىكتەستىگى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى. سەرىكتەستىك پارتكومىنىڭ شۋجيى، القا باستىعى حان سۇڭ مىنالاردى ءبىلدىردى: اۆتونوميالى رايوننىڭ تىرەكتى ەنەرگيا كاسىپورنى رەتىندە، سەرىكتەستىك اۆتونوميالى رايونمەن جاساعان «ەنەرگيا سالاسىنداعى ستراتەگيالىق سەلبەستىك جۇلگە كەلىسىمىن» تياناقتاندىرۋدى جەدەل ىلگەرىلەتىپ، ”14 - بەسجىلدىق“ مەزگىلىندە شينجياڭدا 100 ميلليارد يۋان قارجى قوسۋ، جاڭا ەنەرگيا اگراگاتتارىنان 20 ميلليون كيلوۆاتتى جاڭادان قوسۋ نىساناسىن ورىنداۋدى جوسپارلادى. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسى بويىنشا جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىندە تىرەكتى قوسىن قۇرۋ رولىن ساۋلەلەندىرىپ، ساقتالعان كومىر ەلەكتر اگراگاتتارىنىڭ تازا، تومەن كومىر قىشقىل گازدى، حاۋىپسىز، جوعارى ءونىمدى اينالىسقا ءتۇسۋىن قامتاماسىز ەتىپ، شينجياڭنىڭ مەملەكەت دارەجەلى تازا ەنەرگيا بازاسىن تۇلعالاۋىنا دەم بەرۋىمىز كەرەك.

”جاڭا ەنەرگيا توبى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ’كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ‘ نىساناسىن ارقاۋ ەتىپ، ’جاڭا ەنەرگيا كاسىپ سالاسىن الدىمەن دامىتۋ، ورتانى قورعايتىن كاسىپ سالاسىن جاڭالىق اشا دامىتۋ‘ ستراتەگيالىق ورنالاستىرۋىنا تاباندى بولىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىن وراي ەتىپ، جاسىل كاسىپ سالاسىنىڭ قۇرىلىمى مەن ورنالاسۋىن اناعۇرلىم ساپالىلاندىرىپ، قيىندىقتاردان قامال الىپ، تياناقتاندىرۋدى مىقتاپ يگەرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋاتىمىزدى ارنايمىز“، - دەدى شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، باس ديرەكتورى ۋ حۋا.

شينجياڭ حۋايۋان جارنا مەڭگەرۋ توبى شەكتى سەرىكتەستىگى پارتكومىنىڭ شۋجيى، القا باستىعى لي جۇن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنگەن سوڭ مىنالاردى ءبىلدىردى: سەرىكتەستىكتىڭ ۇلتتىق ءدارى - دارمەك، قالانى جىلۋمەن قامداۋ جانە جاسىل قۇرىلىس، تۇرعىن ءۇي كاسىپ سالاسى تۇگەلدەي ءار ۇلت بۇقاراسىنىڭ تۇرمىسىمەن تىعىز بايلانىستى، بۇدان كەيىن ساياسي دەڭگەيدى اناعۇرلىم جوعارىلاتىپ، يدەيا مەن ارەكەتتى قۇرىلتاي رۋحىمەن بىرلىككە كەلتىرىپ، حالىقتى وزەك ەتكەن، ەكونوميكانىڭ جوعارى ساپالى دامۋىن ىلگەرىلەتەمىز.

(ءتىلشى شى شين، قاتىناسقان تىلشىلەر يۇي جياڭيان، شيە حۇيبيان، چىن چياڭۋي، ما ينيڭ، ەرىكتى تىلشىلەر شى ۋيجيا، گاۋ پىڭ)