بيڭتۋان پارتكومى تۇراقتى كوميتەتىنىڭ (كەڭەيتىلگەن) ءماجىلىسى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى، دايەكتىلەندىردى

　　باس نىسانانى جۇزەگە اسىرۋعا بيڭتۋاننىڭ تيەسىلى ۇلەسىن قوسايىق

　　ەرىكتى تىلشىلەر شىن يۋانگىڭ، جياڭ شياۋۋي 10 - ايدىڭ 27 - كۇنى ۇرىمجىدەن حابارلايدى. 10 - ايدىڭ 26 - كۇنى اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى لي يفي بيڭتۋان پارتكومى تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشتى، ءماجىلىس اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى، دايەكتىلەندىردى.

　　لي يفي بىلاي دەپ اتاپ كورسەتتى: اۆتونوميالى رايوندىق 10 - رەتكى پارتيا قۇرىلتايى ”قوس 100 جىلدىق“ كۇرەس نىساناسى توعىسقان شەشۋشى تۇيىندە، شينجياڭ قىزمەتى جاڭا باستامادا تۇرعان، جاڭا كەزەڭدەگى جاڭا مىندەتتەرگە ءدوپ كەلگەن ماڭىزدى مەزگىلدە، بۇكىل رايون جوعارى مەن تومەن بولىپ قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، جوعارى ساپالى دامۋدى ىلگەرىلەتىپ، ”14 - بەسجىلدىقتىڭ“ ءتۇرلى ىستەرىنىڭ جاڭا جاعدايىن كۇش سالا اشقان جاعدايدا اشىلعان ءبىر رەتكى ماڭىزدى قۇرىلتاي، بۇكىل رايونداعى قالىڭ پارتيا مۇشەلەرىن، كادرلاردى جانە ءار ۇلت بۇقاراسىن جاڭا تاريحي باستامادا جاڭا داۋىردەگى جۇڭگوشا سوتسياليستىك شينجياڭ قۇرۋعا شابىتتاندىرۋ جانە جۇمىلدىرۋ جونىنەن توتەنشە كەلەلى ءمان الادى. بيڭتۋاننىڭ ءار دارەجەلى تاراۋلارى پارتيا قۇرىلتايى رۋحىن دايەكتىلەندىرۋ، تياناقتاندىرۋ ساياسي سانالىلىعىن كۇشەيتىپ، 5 جىلدان بەرگى كەلەلى تابىستاردى، ماڭىزدى ويلار مەن تاريحي تاجىريبەلەردى تەرەڭ ءتۇسىنىپ، يگەرىپ، سەنىمدى، تاباندىلىقتى كۇشەيتىپ، پارتيا قۇرىلتايىندا كەستەلەنگەن تاماشا جوبانى تەرەڭ ءتۇسىنىپ، يگەرىپ، اسقاق جىگەردى قاۋلاتىپ، بيڭتۋان ارقالاعان مىندەتتى، بورىشتى تەرەڭ ءتۇسىنىپ، يگەرىپ، پارتيا قۇرىلتايى رۋحىن قىزمەتتى ىلگەرىلەتۋدىڭ قۋاتتى قوزعاۋشى كۇشىنە شىن مانىندە اينالدىرىپ، شينجياڭ قىزمەتى باس نىساناسىن جۇزەگە اسىرۋعا، جاڭا داۋىردەگى جۇڭگوشا سوتسياليستىك شينجياڭ قۇرۋعا بيڭتۋاننىڭ تيەسىلى ۇلەسىن قوسۋ كەرەك.

　　لي يفي بىلاي دەپ باسا دارىپتەدى: ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن جەدەل كوتەرىپ، يدەيانى ونان ارى بىرلىككە كەلتىرىپ، كۇش - قۋاتتى ۇيىستىرۋ كەرەك. پارتيا قۇرىلتايى رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى بيڭتۋانداعى ءار دارەجەلى پارتيا ۇيىمدارىنىڭ جانە قالىڭ پارتيا مۇشەلەرىنىڭ، كادرلاردىڭ ماڭىزدى ساياسي مىندەتى ەتىپ، پارتكوم تۇراقتى كوميتەتى باستاماشى بولۋعا، ىشكەرىلەي ۇيرەنىپ، تۇسىنۋگە، دەن قويا ۇگىتتەۋگە، ۇگىت لەكسيا جاساۋعا، قىزمەتتى تياناقتاندىرۋدى مىقتى يگەرۋگە تاباندى بولىپ، قۇرىلتاي رۋحىنىڭ جۇرت جۇرەگىنە تەرەڭ ۇيالاۋىن، ناقتى تياناقتانۋىن ىلگەرىلەتۋ كەرەك.

　　لي يفي بىلاي دەپ باسا دارىپتەدى: بيڭتۋاننىڭ ءىس جۇزىندىك جاعدايىمەن ۇشتاستىرا وتىرىپ پارتيا قۇرىلتايى رۋحىن دايەكتىلەندىرۋدى، تياناقتاندىرۋدى مىقتى يگەرىپ، وي جەلىنى ونان ارى كەمەلدەندىرىپ، جاڭا جاعداي اشۋ كەرەك. ساياسي دەڭگەيدى جوعارىلاتىپ، ساياسي جاۋاپكەرشىلىكتى كۇشەيتىپ، باس شۋجي شي جينپيڭنىڭ شينجياڭ مەن بيڭتۋان قىزمەتى جونىندەگى ماڭىزدى نۇسقاۋىنىڭ رۋحىن دەن قويا دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ كەرەك. بيڭتۋاننىڭ ورنىقتىلىقتى قورعاۋ، شەكارانى كۇزەتۋ قابىلەتىن ۇزدىكسىز جوعارىلاتىپ، مىندەتتى، بورىشتى ويداعىداي وتەۋ كەرەك. بيڭتۋان رەفورماسىن ۇزدىكسىز تەرەڭدەتىپ، رەفورما جەتىستىگىن ۇزدىكسىز بەكەمدەپ، رەفورماعا سايكەس شارالاردى كەمەلدەندىرىپ، قىزمەت ولقىلىقتارىن تولىقتاپ، رەفورمانىڭ ناقتى ونىمدىلىگىن جوعارىلاتۋ كەرەك. بيڭتۋان ەكونوميكاسىنىڭ، قوعامىنىڭ جوعارى ساپالى دامۋىن بار كۇشپەن ىلگەرىلەتىپ، بيڭتۋاننىڭ جالپىلىق ناقتى قۋاتىن ۇزدىكسىز نىعايتۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر وتباسى دەگەنگە تاباندى بولىپ، بيڭتۋان مەن جەرگىلىكتى ورىننىڭ توعىسپالى دامۋىن بەلسەنە ىلگەرىلەتۋ كەرەك. ىندەتتەن ساقتانۋ - تىزگىندەۋ، ءوندىرىس حاۋىپسىزدىگى قىزمەتىن تيتتەي دە بوساڭسىماي مىقتى يگەرىپ، بيڭتۋانداعى جۇمىسشى - قىزمەتشىلەردىڭ، بۇقارانىڭ باس اماندىعى مەن دەنساۋلىعىن بار كۇشپەن ويداعىداي قورعاۋ كەرەك. پارتيا قۇرىلىسىن جاپپاي كۇشەيتىپ، بيڭتۋان ىستەرىنىڭ دامۋى مەن بورىشىن وتەۋىنە پارمەندى كەپىلدىك ازىرلەۋ كەرەك. جىل سوڭىنداعى ءتۇرلى قىزمەتتى ءبىر تۇتاس جوسپارلاپ، مىقتى يگەرىپ، ەكونوميكالىق اينالىمدى ورنالاستىرۋدى كۇشەيتىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، ساياسي - زاڭ قوسىنىن 2 - توپتا تاربيەلەۋدى، وڭاۋدى تىڭعىلىقتى ورىستەتىپ، دامۋ مەن حاۋىپسىزدىكتى ويداعىداي ءبىر تۇتاس جوسپارلاپ، جىل سوڭى مەن كەلەر جىلدىڭ باسىنداعى ءتۇرلى قىزمەتتى جوبالاپ، ويداعىداي ىستەپ، بيىلعى نىسانا - مىندەتتەردى جاپپاي ورىنداۋ كەرەك.