− اۆتونوميالى وبلىستاعى قالىڭ پارتيالى كادرلار اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەندى، دايەكتىلەندىردى، تياناقتاندىردى

تىلشىلەرىمىز جاڭ لياڭ، جاۋ يان، حۋاڭ يان، ياڭ جيڭ - ي حابارلايدى. تىڭ ساپارعا ارشىندى قادام تاستاپ، زەيىن - زەردەنى، كۇش - قۋاتتى شوعىرلاندىرىپ، ۇلى جوبانى ايگىلەدى. بىرنەشە كۇننەن بەرى اۆتونوميالى رايوندىق 10 - رەتكى پارتيا قۇرىلتايى اۆتونوميالى وبلىسىمىزدا قوعامنىڭ ٴار سالاسىنداعىلاردىڭ كۇشتى اڭىسىن قوزعادى. كوپشىلىك جابال بىلاي دەستى: 5 جىلدان بەرى تيانشان تاۋىنىڭ تۇستىگى مەن تەرىستىگىندەگى وراسان زور وزگەرىستەر جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تەڭدەسسىز دانىشپاندىعىن، دۇرىستىعىن، شينجياڭنىڭ ٴىس جۇزىندىك جاعدايىنا بۇكىلدەي ۇيلەسەتىندىگىن، ٴار ۇلت كادر - جۇرتشىلىعىنىڭ تىلەگىنە ۇيلەسەتىندىگىن تولىق دالەلدەدى، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، ٴوز قىزمەتىمىزدى تياناق ەتىپ، ىنتىماقتاسا كۇرەس جاساپ، ورنىقتىلىق، دامۋ قىزمەتتەرىن ٴبىر تۇتاس جوسپارلاپ ىلگەرىلەتەمىز.

جوبا جاسالدى، ۇندەۋ تاستالدى.

بىرنەشە كۇننەن بەرى وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىندەگى بارلىق كادر اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەندى.

وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى مۇقانعالي داۋلەت ۇلى بىلاي دەدى: «ٴبىز اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، ٴار ۇلت جۇمىسشى - قىزمەتشىلەرىنە شىن نيەتىمىزبەن، سۇيىسپەنشىلىگىمىزبەن ويداعىداي قىزمەت ەتەمىز. <بۇقارا ٴۇشىن ناقتى ىستەر ىستەيمىن> امالياتتىق قيمىلىمەن ۇشتاستىرىپ، حالىق تۇرمىسىنا قاتىستى ناقتى ىستەردى ويداعىداي ىستەيمىز. جۇمىسقا ورنالاستىرۋ ارقىلى حالىققا تيىمدىلىك جاساۋدى ۇزدىكسىز ىلگەرىلەتىپ، جۇمىسقا ورنالاستىرۋ ارناسىن كەڭەيتۋگە، جۇمىسقا ورنالاستىرۋ، يگىلىك جاراتۋ تۇعىرىن ورناتۋعا، جۇمىسقا ورنالاستىرۋ قۋاتىن جوعارىلاتۋعا، ەڭبەكشىلەردىڭ كىرىسىن ارتتىرۋعا كۇش سالامىز. قوعامدىق قامتاماسىزداندىرۋ ارقىلى حالىققا تيىمدىلىك جاساۋدى ۇزدىكسىز ىلگەرىلەتىپ، قوعامدىق قامسىزداندىرۋدىڭ <ورنىقتىرعىش، حاۋىپسىزدىك تورى> بولۋ رولىن ساۋلەلەندىرىپ، قوعامدىق قامتاماسىزداندىرۋ ٴتۇزىمىنىڭ باياندى دامۋىن جەبەيمىز. قالا، اۋىل تۇرعىندارىنىڭ زەينەتكەرلىك قامسىزداندىرۋىن ٴتۇيىن ەتىپ، قوعامدىق قامسىزداندىرۋ كولەمىن كەڭەيتۋ ارناۋلى قيمىلىن تىڭعىلىقتى ورىستەتىپ، ٴتۇرلى قوعامدىق قامسىزداندىرۋ مامىلەسىن ۋاعىندا، بەلگىلەمەگە ساي تياناقتاندىرىپ، ورگان، كاسىپورىن، ٴىسورىنداردان زەينەتكە شىققانداردىڭ نەگىزگى زەينەتاقى دەڭگەيىن دەر كەزىندە جوعارىلاتىپ، جۇمىسسىزداردىڭ جۇمىسسىزدىقتى قامسىزداندىرۋ قاراجاتىنىڭ مامىلە دەڭگەيىن لايىقتى رەتتەپ، قوعامدىق قامسىزداندىرۋ قورىن باسقارۋدى كۇشەيتىپ، قوردىڭ حاۋىپسىزدىگىنە كەپىلدىك ەتەمىز».

ىلە جىبەك جولى كاسىپتىك شۋەيۋانى (دايىندىق) پارتكومىنىڭ شۋجيى جاۋ تايفىڭ بىلاي دەدى: «ىلە جىبەك  جولى كاسىپتىك شۋەيۋانى (دايىندىق) 2019 - جىلى رەتكە سالىنىپ، قۇرىلعاننان بەرى شۋەيۋان پارتكومى پارتيانىڭ باسشىلىعىنا تاباندى بولۋدى مەكتەپ باسقارۋ، مەكتەپتى جونگە سالۋ، ٴمورال ارقىلى ادام تاربيەلەۋ بارىسىندا تياناقتاندىرىپ، كاسىپتىك - تەحنيكالىق قابىلەت جارىستارىنىڭ مەملەكەت دارەجەلى 21 سيلىعىن، اۆتونوميالى رايون دارەجەلى 142 سيلىعىن ەنشىلەدى. ٴبىز اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، الۋان ونەرلى دارىندىلاردى تاربيەلەۋ، تەحنيكالىق قابىلەتتى جالعاستىرۋ، جۇمىستانۋ، كاسىپ اشۋدى جەبەۋ سىندى ماڭىزدى جاۋاپكەرلىكتى ارقالاپ، ۇستالىق رۋحتى ساۋلەلەندىرىپ، ىلە ٴۇشىن جوعارى ساپالى تەحنيكالىق دارىندىلاردى ٴتىپتى دە مولىنان تاربيەلەيمىز». 

توعىزتاراۋ اۋداندىق توعىسپالى مەديا ورتالىعى پارتگرۋپپاسىنىڭ شۋجيى تاڭ لي بىلاي دەدى: «ۇگىت سالاسىنىڭ كادرى رەتىندە ٴبىز قۇرىلتاي رۋحىن مۇقيات ۇيرەنۋ، دايەكتىلەندىرۋ، تياناقتاندىرۋ جاعىندا كۇش سالىپ، پارتيا مەدياسىنىڭ رولىن تولىق ساۋلەلەندىرىپ، ٴار ۇلت بۇقاراسىنا ۇگىت جۇرگىزىپ، ولاردى تاربيەلەپ جانە جەتەكتەپ، قۇرىلتاي رۋحىنىڭ ٴار سالا، ٴار كاسىپتىڭ دامۋ، العا باسۋ جاعىندا ايگىلەنۋىنە، كورىكتى مەكەنىمىزدى ويداعىداي قۇرۋعا مۇمكىندىك جاراتۋىمىز كەرەك».

اۆتونوميالى رايوندىق 10 - رەتكى پارتيا قۇرىلتايىنىڭ بايانداماسىندا بىلاي دەپ اتاپ كورسەتىلدى: «نازاردى باس نىساناعا شوعىرلاندىرىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، ٴار ۇلت بۇقاراسىنىڭ ىرىس - قۇتىن ارتتىرۋ كەرەك. جۇمىستاندىرۋدى كەڭەيتۋ، كىرىستى ارتتىرىپ بايۋ، وقۋ - اعارتۋ دەڭگەيىن جوعارىلاتۋ، جالپى حالىقتىق سالاماتتىق، قوعامدىق قامسىزداندىرۋدىڭ اياسىن كەڭەيتىپ، ساپاسىن جوعارىلاتۋ، بەيقۇت ٴۇي ارقىلى قامتاماسىزداندىرۋ، <كومىردى ەلەكترگە وزگەرتۋ>، شەكارانى گۇلدەندىرىپ حالىقتى بايىتۋ، الەۋمەتتىك حاۋىپسىزدىك ارقىلى قامتاماسىزداندىرۋ، ورنىقتىلىق ارقىلى حالىققا تيىمدىلىك جاساۋ ينجەنەريالارىن كۇش سالا اتقارىپ، ٴار ۇلت بۇقاراسىنىڭ جاپپاي دوڭگەلەك داۋلەتتىلىكتەن بىرگە بايۋ نىساناسىنا قاراي نىق قادام تاستاۋىن جەبەۋ كەرەك».

بۇل جونىندە قۇلجا اۋدانى قاس قالاشىعى پارتكومىنىڭ شۋجيى جۋ گۇيلين بىلاي دەدى: «جاڭا باستالۋ تۇيىنىندە قالاشىعىمىزداعى بارشا پارتيالى كادرلار <قۋزاۋسىز - اق ەرلىكپەن العا ۇمتىلۋ> رۋحى ارقىلى قىزمەتتى بەلسەنە ىستەپ، تيانشان گۇل تەڭىزى ساياحات ايگىلى ماركاسىنىڭ ىقپالى ارقىلى تۇتاس قالاشىقتىڭ نەگىزدىك قۇرىلعىلارىن كورىكتەندىرۋ، جارىقتاندىرۋ ينجەنەرياسىن كۇش سالا اتقارىپ، قاتىناس، زات اينالىمى، اس - سۋ، تۇسەلحانا، ساياحاتتاۋ، كوڭىل اشۋ، مادەنيەت - دەنەتاربيە ٴبىر تۇلعالانعان ۇلتتىق ەرەكشەلىككە يە باستان كەشىرۋ رايونىن قۇرىپ، قالاشىقتىڭ ەكونوميكالىق، قوعامدىق ىستەرىنىڭ دامۋىن نىق قاداممەن ىلگەرىلەتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرماقشى».

چاپچال سىبە اۆتونوميالى اۋداندىق پارتكوم بىرلىكساپ ٴبولىمىنىڭ ورىنباسار باستىعى ۋاڭ كىبين بىلاي دەدى: «بايانداما كوڭىلىمىزدى جەلپىندىرىپ، كۇرەس جىگەرىمىزدى تاسقىنداتىپ، بۇدان كەيىنگى قىزمەتىمىزگە ايقىن باعىت كورسەتتى. اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ جانە ۇعىنىپ، <ۇلتتار ىنتىماعىنىڭ بەرەكەلى شاڭىراعى> جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ۇلتتاردىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭ توعىسۋىن جەبەيمىز».