باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
حالىقتى وزەك ەتىپ، ەكونوميكانىڭ جوعارى ساپالى دامۋىن ىلگەرىلەتەيىك
2021-11-01 21:28:51     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (5)

گازەتىمىزدىڭ شولۋشىسى


  ”مەن كىممىن، كىم ءۇشىن ىستەيمىن، كىمگە سۇيەنەمىن“، بۇل دامۋدىڭ نىساناسىنا جانە باعدارىنا سايادى، پارتيانىڭ ءتۇبىرلى باس ماقساتىن امالياتتا ايگىلەۋگە سايادى. جاڭا تاريحي باستامادا تۇرىپ، جوعارى ساپالى دامۋ جولىمەن جۇرۋدە، ءسوز جوق، وسى ءبىر ءداۋىر سۇراعىنا ويداعىداي جاۋاپ بەرۋ كەرەك. اۆتونوميالى رايوندىق 10 - رەتكى پارتيا قۇرىلتايى نازاردى باس نىساناعا شوعىرلاندىرىپ، حالىقتى وزەك ەتىپ، ەكونوميكانىڭ جوعارى ساپالى دامۋىن ىلگەرىلەتۋدى باسا دارىپتەدى.

  حالىقتى وزەك ەتۋ پارتيانىڭ سيپاتى مەن باس ماقساتىن ايگىلەدى. جوعارى ساپالى دامۋدى ىلگەرىلەتۋ − جاڭا داۋىردەگى ەكونوميكالىق، قوعامدىق دامۋدىڭ ءتۇبىرلى تالابى. باس شۋجي شي جينپيڭ: ”جوعارى ساپالى دامۋ جولىمەن جۇرۋدە حالىقتى وزەك ەتكەن دامۋ يدەياسىنا تاباندى بولۋ كەرەك“، - دەپ اتاپ كورسەتتى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ حالىق تۇرمىسىمەن تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولۋ كەرەك دەپ باسا دارىپتەدى. باس شۋجيدىڭ جەلىلەس سوزدەرى جوعارى ساپالى دامۋدىڭ ءمانى حالىقتى وزەك ەتۋ ەكەندىگىن تەرەڭ بايىمداپ، دامۋدا ”كىم ءۇشىن ىستەيمىن، كىمگە سۇيەنەمىن“ دەگەن تەرەڭ تاقىرىپقا عىلمي جاۋاپ بەرىپ، شينجياڭنىڭ ەكونوميكالىق، قوعامدىق دامۋى جانە حالىق تۇرمىسىن جاقسارتۋ قىزمەتتەرىن جاقسى ىستەۋگە ايقىن قۇلشىنۋ بەتالىسىن كورسەتىپ بەردى.

  وتكەن 5 جىلدا رايونىمىز ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ءۇش ۇلكەن قامال الۋ شايقاسىن كۇش سالا ويداعىداي جۇرگىزىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ءونىمدى توتەپ بەرىپ، ەكونوميكانىڭ ورنىقتى، اقاۋسىز دامۋىن ساقتادى. 2016 - جىلدان 2020 - جىلعا دەيىن وڭىرلىك ءوندىرىس جالپى ءونىم قۇنى جىلىنا ورتا ەسەپپەن %6.2 ارتتى، بيىل العاشقى 3 ماۋسىمدا وڭىرلىك ءوندىرىس جالپى ءونىم قۇنى سايكەس مەزگىلدەگىدەن %8.8 ارتىپ، ”14 - بەسجىلدىقتىڭ“ تاماشا باستاماسى جۇزەگە استى. سونىمەن قاتار جۇمىستاندىرۋ جاعدايى ءۇرتىس جاقساردى، كاسىپ سالاسى قۇرىلىمى ۇزدىكسىز ساپالىلاندى، نەگىزدىك قۇرىلعى كۇن سايىن كەمەلدەندى، جىبەك جولى ەكونوميكالىق بەلدەۋى وزەكتى رايون قۇرىلىسى جەدەل ىلگەرىلەدى، رەفورما جاساۋ، ەسىك اشۋ ۇزدىكسىز تەرەڭدەدى، قالا - قالاشىق قۇرىلىسى تىڭعىلىقتى ىلگەرىلەدى، قازىنا - سالىق، فينانس قامتاماسىزدىعى پارمەندى بولىپ، تۇتاس رايوننىڭ ەكونوميكالىق، قوعامدىق دامۋىندا جالىندى ومىرشەڭدىك جارىققا شىقتى.

  5 جىلدان بەرگى دامۋ بارىسىنا قايىرىلا قاراساق، ”حالىقتى وزەك ەتۋ“ باستان - اياق ايقىن نەگىزگى جەلى بولىپ كەلدى. 5 جىلدان بەرى اۆتونوميالى رايوندىق پارتكوم دامۋ حالىق ءۇشىن دەگەنگە تاباندى بولىپ، ”حالىقتىڭ تاماشا تۇرمىسقا تالپىنىسىن“ باستان - اياق كۇرەس نىساناسى ەتىپ، حالىق تۇرمىسىن جاقسارتۋ، جۇرت تىلەگىن ۇيىستىرۋ ەكونوميكالىق، قوعامدىق دامۋدىڭ شىعار ءتۇيىنى جانە تابان تىرەر تياناعى بولدى؛ دامۋدا حالىققا سۇيەنۋگە تاباندى بولىپ، حالىقتىڭ نەگىزگى تۇلعالىق ورنىن ۇزدىكسىز ساۋلەلەندىرىپ، ەڭ قالىڭ حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، جوعارى ساپالى دامۋدى ىلگەرىلەتۋگە سارقىلماس قوزعاۋشى كۇش ۇستەدى؛ دامۋدىڭ جەتىستىگىنەن حالىقتى تەڭ يگىلىكتەندىرۋگە تاباندى بولىپ، ءارى ”بالكۇلشەنى“ ۇزدىكسىز زورايتىپ، ءارى ”بالكۇلشەنى“ ويداعىداي ءبولىپ، ءار ۇلت بۇقاراسىن ءتىپتى كوپ تابىس سەزىمىنە جانە باقىت سەزىمىنە بولەدى. 5 جىلدان بەرى حالىقتى وزەك ەتكەن دامۋ ءار ۇلت بۇقاراسىنىڭ تاماشا تۇرمىسقا دەگەن تالپىنىسىنا ۇيلەسىپ، ”كوركەم شينجياڭ قۇرۋ، وتان ارمانىن بىرگە ورىنداۋدىڭ“ تەلەگەي كۇشىن ۇيىستىردى.

  5 جىلدان بەرگى دامۋ تابىستارى مىنانى تاعى دا دالەلدەدى: حالىقتى وزەك ەتىپ، ەكونوميكانىڭ جوعارى ساپالى دامۋىن ىلگەرىلەتۋگە تاباندى بولۋ ءار ۇلت بۇقاراسىنىڭ ىرىس - قۇتىنا سايادى، شينجياڭنىڭ قوعام ورنىقتىلىعى مەن باياندى تىنىشتىعىنا سايادى، وسىزامانداندىرۋ قۇرىلىسىنىڭ جالپى جاعدايىنا سايادى.

  الداعى 5 جىلدا ءبىز حالىقتى وزەك ەتكەن دامۋ يدەياسىن اناعۇرلىم باتىل دايەكتىلەندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋىنا ساي، ءتۇرلى كەلەلى شارالاردىڭ تياناقتانىپ، ونىمدىلىك كورسەتۋىن شىنايى، ويداعىداي يگەرىپ، رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋىمىز كەرەك. ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن شىنايى، ويداعىداي يگەرىپ، ەكونوميكالىق، قوعامدىق دامۋعا پايدالى ورتا جاراتۋىمىز؛ جاڭالىق اشۋ ارقىلى دامۋعا دەم بەرۋدى شىنايى، ويداعىداي يگەرىپ، جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى قۇرىلىسىن جەدەل ىلگەرىلەتۋىمىز؛ ەرەكشە باسىمدىققا يە كاسىپ سالالارىن شىنايى، ويداعىداي يگەرىپ، 1 -، 2 -، 3 - كاسىپتەردىڭ توعىسا دامۋىن ىلگەرىلەتۋىمىز؛ ىشكى سۇرانىستى كەڭەيتۋ ستراتەگياسىن شىنايى، ويداعىداي يگەرىپ، ۇتىمدى قارجىلاندىرۋدى كۇش سالا كەڭەيتىپ، تۇتىنۋدىڭ ەكونوميكالىق دامۋداعى نەگىزدىك رولىن كۇشەيتۋىمىز؛ جىبەك جولى ەكونوميكالىق بەلدەۋى وزەكتى رايون قۇرىلىسىن شىنايى، ويداعىداي يگەرىپ، ”ءبىر پورت“، ” ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن ىلگەرىلەتۋىمىز؛ ادامدى وزەك ەتكەن جاڭاشا قالا - قالاشىقتاندىرۋدى شىنايى، ويداعىداي يگەرىپ، ءۇرىمجى ورتالىق قالا شەڭبەرىن جەتىلدىرىپ، سولتۇستىك شينجياڭ قالا بەلدەۋىن قۇرىپ، وڭتۇستىك شينجياڭ قالا شوعىرىن قالىپتاستىرۋىمىز؛ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى شىنايى ويداعىداي يگەرىپ، اۋىل - قىستاقتى گۇلدەندىرۋدى جاپپاي ىلگەرىلەتۋىمىز؛ رەفورما جاساۋدى، ەسىك اشۋدى تەرەڭدەتۋدى شىنايى، ويداعىداي يگەرىپ، ءتۇيىندى سالالار مەن شەشۋشى بۋىنداردىڭ رەفورماسىن ءبىر تۇتاس جوسپارلاپ ىلگەرىلەتىپ، ىشكە، سىرتقا ەسىك اشۋ تەبىنىن كۇشەيتۋىمىز؛ قازىنا - سالىق، فينانس تىرەگىن شىنايى ويداعىداي يگەرىپ، فينانستىڭ ناقتى ەكونوميكاعا قىزمەت وتەۋ قابىلەتىن جوعارىلاتۋىمىز؛ وڭتۇستىك شينجياڭنىڭ دامۋىن جەبەۋدى شىنايى، ويداعىداي يگەرۋىمىز؛ شينجياڭعا باعىتتامالى كومەكتەسۋ قىزمەتىن شىنايى، ويداعىداي يگەرۋىمىز كەرەك.

  دامۋ جوباسى كەسكىندەلدى، جاڭا ساپار باستالدى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرىپ، ءار ۇلت بۇقاراسىنىڭ تاماشا تۇرمىس بارىسىندا تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىنە مۇمكىندىك جاسايىق.