اۆتونوميالى رايوندىق 10 - رەتكى پارتيا قۇرىلتايىنىڭ رۋحى الەۋمەتتىك اۋماقتارعا جەتتى

قول ۇستاسا بىرگە ىلگەرىلەپ، كورىكتى مەكەندى بىرگە قۇرامىز

انار بۇلت / شينجياڭ گازەتىنىڭ تىلشىلەرى

جاڭا ساپاردا زەيىن - زەردەنى ۇيىستىرىپ، كۇشتى شوعىرلاندىرىپ، قول ۇستاسىپ، ءبىر نيەتپەن قايتا اتتاندى. بىرنەشە كۇننەن بەرى رايونىمىزداعى قالىڭ پارتيالى كادرلار الەۋمەتتىك اۋماقتارعا بارىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەندى. كوپشىلىك مىنالاردى ءبىلدىردى: اۆتونوميالى رايوندىق 10 - رەتكى پارتيا قۇرىلتايىنىڭ رۋحىن باتىلدىقپەن ويداعىداي دايەكتىلەندىرىپ، تياناقتاندىرىپ، بۇقارامەن بايلانىس ورناتۋدىڭ جانە قىزمەت وتەۋدىڭ ”ەڭ سوڭعى ءبىر كيلومەترىن“ قۇلشىنا تۇتاستىرىپ، ءار ۇلت بۇقاراسىن ىنتىماقتاستىرىپ جانە باستاپ، سەنترلەس شەڭبەر سىزىپ، سەنترگە تارتۋ كۇشىن ۇيىستىرىپ، قول ۇستاسا بىرگە ىلگەرىلەپ، كورىكتى مەكەندى بىرگە قۇرامىز.

ءۇرىمجى قالاسى تيانشان رايونى ۇلكەن بازار اۋماعى ۇلكەن بازار الەۋمەتتىك اۋماعى دۇكەنشىلەر اڭگىمە ءماجىلىسىن اشۋ، الەۋمەتتىك اۋماق پارتيالى كادرلارىنىڭ وتباسىلارىن ارالاۋى سياقتى تاسىلدەر ارقىلى الەۋمەتتىك اۋماق تۇرعىندارى مەن دۇكەنشىلەرگە اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇگىتتەدى. الەۋمەتتىك اۋماق پارتيا ياچەيكاسىنىڭ شۋجيى باي يۇنجيان بىلاي دەدى: ءار ۇلت بۇقاراسى ناقتى مول تيىمدىلىكتەرگە يە بولدى، بالداي ءتاتتى تۇرمىس كەشىردى، بۇل جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شەكسىز كەمەڭگەر، دۇرىس ەكەندىگىن، شينجياڭنىڭ ءىس جۇزىندىگىنە بۇكىلدەي ۇيلەسەتىندىگىن، ءار ۇلت كادر - بۇقاراسىنىڭ تىلەگىنە سايكەسەتىندىگىن تولىق دالەلدەدى. الەۋمەتتىك اۋماق پارتيا ياچەيكاسى پارتيا قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، جۇمىستانۋ ارناسىن كەڭەيتۋ، جۇمىستانۋ، شارۋاشىلىق قۇرۋ تۇعىرىن قۇرۋ، جۇمىستانۋ قابىلەتىن جوعارىلاتۋ، ەڭبەكشىلەردىڭ كىرىسىن مولايتۋ جاعىندا قۇلشىنا كۇش سالىپ، ءتۇرلى شارالاردى قولدانىپ جۇمىستانۋدى ورنىقتىرىپ، جۇمىستانۋدى قامتاماسىزداندىرىپ، حالىق تۇرمىسىن قامتاماسىزداندىرۋدىڭ نەگىزىن بار كۇشپەن بەكەمدەيدى.

اڭگىمە ءماجىلىس، زەرتتەۋ - تالقى ءماجىلىسىن اشتى، وتباسىلارىنا بارىپ ۇگىت لەكسيا جاسادى... سانجى قالاسىنداعى ءارقايسى الەۋمەتتىك اۋماقتار كوپتەگەن تاسىلدەر ارقىلى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەندى. ”وتكەن 5 جىلداعى تابىستار ادامدى جەلپىندىرەدى، بولاشاقتاعى شينجياڭنىڭ دامۋىنىڭ ايبىندى جوباسى ءبىزدى تولىق سەنىمگە يە ەتتى. مەن باستاماشىلدىقپەن پارتيانىڭ ’جاقسى ءۇنىن‘ ويداعىداي جەتكىزىپ، پارتيانىڭ حالىققا ءتيىمدى ساياساتتارىن تىڭعىلىقتى تياناقتاندىرىپ، بۇقارا ءۇشىن كوبىرەك جاقسى ءىس ىستەپ، ناقتى ءىس تىندىرامىن“، - دەدى سانجى قالاسى يان - ان سولتۇستىك جولى ءمالىسى تيانشان حۋايۋان الەۋمەتتىك اۋماعى پارتيا باس ياچەيكاسىنىڭ شۋجيى، تۇرعىندار كوميتەتىنىڭ مەڭگەرۋشىسى ۋاڭ چيۇڭ.

شونجى اۋدانى شونجى قالاشىعى ليحۋاجيان الەۋمەتتىك اۋماعىنىڭ كادر - بۇقاراسى الەۋمەتتىك اۋماقتا تۇراتىن قىزمەت اترەتىنىڭ ۇيىمداستىرۋىمەن گازەت، تەلەۆيزور، راديو سياقتى تۇرلىشە تۇعىرلار ارقىلى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەندى ءارى ۇيرەنۋ جوسپارىن جاسادى. مۇنىمەن ءبىر ۋاقىتتا الەۋمەتتىك اۋماقتىڭ ادەبيەت - كوركەمونەر ۇيىرمەسى بەلسەندى تۇردە ادەبيەت - كوركەمونەر تۋىندىلارىن شىعارىپ، كۋايبان، شياۋچۇيزى سياقتى بۇقارا قۋانا قابىلدايتىن ءادىس ارقىلى ۇگىت جۇرگىزىپ، پارتيا قۇرىلتايى رۋحىن بارشا جۇرتتىڭ تەگىس بىلۋىنە مۇمكىندىك جاسادى.

بىرنەشە كۇننەن بەرى قاشقار قالاسىنىڭ ءارقايسى الەۋمەتتىك اۋماقتارىنداعى قالىڭ كادر - بۇقارا اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەندى. قاشقار قالاسى چاسا ءمالىسى حالىق الاڭى الەۋمەتتىك اۋماعى پارتيا باس ياچەيكاسىنىڭ شۋجيى ياڭ رۇنلين بىلاي دەدى: ”پارتيا قۇرىلتايىنىڭ بايانداماسىندا ايتىلعانداي، وسى 5 جىلدا ۇلتتار ىنتىماعى دامىپ، العا باسىپ، انار گۇلىندەي قۇلپىرىپ، ءبىر وتباسىنداي ەتەنە بولدى. بۇدان كەيىن ءبىز پارتيالى كادرلاردىڭ ۇلگىلىك، باستاماشىلدىق رولىن، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن شىن مانىندە ساۋلەلەندىرىپ، تۇرعىنداردى ’ۇلتتار ىنتىماعىنىڭ بەرەكەلى شاڭىراعى‘ جانە ۇلتتار ىنتىماعى بىرلەسكەن دوستىق قيمىلىنا ۇزاق ۋاقىت تاباندى بولۋعا، ۇزدىكسىز تەرەڭدەتۋگە جەتەكتەپ، ۇلتتار ىنتىماعى گۇلىنىڭ ۇزاق ۋاقىت قۇلپىرا اشىلۋىنا مۇمكىندىك جاسايمىز“.

بۋرىلتوعاي اۋدانى بۋرىلتوعاي قالاشىعى يۇڭ - ان جولى الەۋمەتتىك اۋماعى قاراستى اۋماقتاعى پارتيا مۇشەلەرىن ”وتباسىلىق پارتيا مەكتەبى“، ”بىرلەسكەن وتباسىلارىنىڭ ءىس قاراۋ ءماجىلىسى“ سياقتى تاسىلدەر ارقىلى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنۋگە ۇيىمداستىردى. الەۋمەتتىك اۋماق پارتيا باس ياچەيكاسىنىڭ شۋجيى وۋياڭ يۇيلان مىنانى ءبىلدىردى: پارتيا قۇرىلتايىنىڭ رۋحىن ويداعىداي دايەكتىلەندىرىپ، تياناقتاندىرىپ، الەۋمەتتىك اۋماقتىڭ دەموكراتيالىق كەڭەسۋ، ءىس قاراۋ ءتۇزىمىن اقاۋسىزداندىرىپ، پارتيا مۇشەلەرىنىڭ ءىس قاراۋ ءماجىلىسى، تۇرعىنداردىڭ ءىس قاراۋ ءماجىلىسى، حالىق جاعدايىن بۇكپەسىز اڭگىمەلەسۋ ءماجىلىسى سياقتىلار ارقىلى الەۋمەتتىك اۋماقتاعى پارتيا مۇشەلەرى مەن تۇرعىنداردى الەۋمەتتىك اۋماقتىڭ كەلەلى ىستەرگە شەشىم جاساۋىنا جانە ماڭىزدى الەۋمەتتىك ىستەردى باسقارۋىنا زاڭ بويىنشا تارتىپپەن ات سالىسۋعا باستايمىز.

ونسۋ اۋدانى ونسۋ قالاشىعىندا ءارقايسى الەۋمەتتىك اۋماقتار ءىس جۇزىندىكتى تياناق ەتىپ، كوپتەگەن تاسىلدەر ارقىلى بۇقاراعا اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزدى، ۇيرەتتى. ونسۋ قالاشىعىنىڭ لۇڭچۋان الەۋمەتتىك اۋماعىنىڭ قالا كىتاپ ۇيىندە نەگىزگى ساتى ۇگىت لەكسياشىسى تۇرسۇنگۇل تۇنياز ءوزىنىڭ ۇيرەنۋ اسەرىمەن ۇشتاستىرىپ، الەۋمەتتىك اۋماق تۇرعىندارىنا پارتيا قۇرىلتايىنىڭ رۋحىنان ۇگىت لەكسيا جاسادى.

پارتيا قۇرىلتايى بايانداماسىندا ”10 ءتۇرلى حالىققا تيىمدىلىك جەتكىزۋ ينجەنەرياسىن“ ۇزدىكسىز ىشكەرىلەي جاقسى اتقارۋ كەرەكتىگى العا قويىلدى، بۇل لۇڭچۋان الەۋمەتتىك اۋماعىنىڭ تۇرعىنى ابليمىت قادىردى قاتتى اسەرلەندىردى. ول بىلاي دەدى: ”حالىققا ءتيىمدى ساياسات جۇرت جۇرەگىن جىلىتتى، ءبىز پارتيا قۇرىلتايىنىڭ رۋحىن ۇيرەنگەندە ىشتەي قاتتى مەيىرگە بولەندىك. مەن شينجياڭنىڭ ەرتەڭىنىڭ، ءسوز جوق، اناعۇرلىم كوركەم بولاتىندىعىنا كامىل سەنەمىن“.

(ءتىلشى يۇي شي، قاتىناسقان تىلشىلەر ۋي حۇڭپيڭ، حان چين − يان، جاڭ تيڭ، جاڭ جىلي، ەرىكتى تىلشىلەر شى لين، ديڭ ان، شيە گۋاڭشۇن)