− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (3)

شينجياڭ گازەتىنىڭ شولۋشىسى

اۋقىمدى يگەرىپ، ورايدى قولدان جىبەرمەۋ كەرەك. تاريحي وراي قاشان دا ٴاپ - ساتتە وتە شىعادى، تەك كەلەلى ورايدى مىقتى يگەرگەندە عانا دامۋدىڭ ىرىقتىلىق ۇقىعىن مىقتى ۇستاۋعا بولادى. قازىرگى ۋاقىتتا شينجياڭ قىزمەتى جاڭا تاريحي باستامادا تۇر، ٴبىز ٴدوپ كەلگەن ەرەكشە جاعداي مەن كەلەلى ورايدى ٴدال يگەرىپ، نازاردى باس نىساناعا شوعىرلاندىرىپ، شىنايى يگەرىپ، ناقتى ىستەپ، نىسانا - مىندەتتەردىڭ تياناقتانۋىن، ناقتىلانۋىن ىلگەرىلەتۋىمىز كەرەك.

ارمانعا قانات قاققاندار مۇراتىنا جەتەدى. 5 جىلدان بەرى شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋى بۇرىن بولماعان تابىستارعا قول جەتكىزىپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، قوعام ورنىقتى، حالىق تىنىش ٴومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، بۇدان كەيىنگى ٴبىر مەزگىلدە شينجياڭ قىزمەتىن ويداعىداي ىستەۋگە بەرىك نەگىز قالادى. الايدا ٴبىز مىنانى سەرگەكتىكپەن تاني ٴبىلۋىمىز كەرەك: كەزەكتە قىم - قۋىت، كۇردەلى حالىقارالىق ورتا جاڭا قايشىلىقتار، جاڭا سىن - سايىستار الا كەلدى، سونىمەن بىرگە شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەس جاعدايى ٴالى دە قاتاڭ دا كۇردەلى، ەكونوميكالىق، قوعامدىق دامۋداعى بوگەتتەر مەن شەكتەمەلەر ٴالى دە ٴبىرشاما كورنەكتى، كاسىپ سالالارىن دامىتۋداعى قۇرىلىمدى رەتتەۋ، تاسىلگە بۇرىلىس جاساۋ مىندەتى جاپالى، ەكونوميكالىق، قوعامدىق دامۋداعى وسى ماسەلەلەر مەن سىن - سايىستارعا ٴبىز، ٴسوز جوق، بارىنشا ٴمان بەرۋىمىز، بەلسەنە توتەپ بەرۋىمىز، بار قايراتتى سالۋىمىز، قامال الىپ، قيىندىقتاردى جەڭۋىمىز كەرەك.

جاعدايدى دۇرىس ايقىن تانىپ، سىن - سايىستارعا بەلسەنە توتەپ بەرۋدە، ٴسوز جوق، ورايدى قولدان بەرمەي، شىنايى يگەرىپ، ناقتى ىستەۋ كەرەك. بۇدان كەيىنگى 5 جىلدا شينجياڭ قىزمەتى تاپتىرماس كەلەلى ورايعا، اسا تاماشا شارت - جاعدايعا يە ەرەكشە ابزالدىلىققا ٴدوپ كەلەدى: پارتيا ورتالىق كوميتەتىنىڭ وسكەلەڭ ٴمان بەرۋى، كوڭىل ٴبولۋى جانە قامقورلىق جاساۋى؛ ٴتۇرلى ساياساتتاردىڭ قاباتتاسىپ ونىمدىلىكتى ارتتىرۋى؛ شينجياڭعا باعىتتامالى كومەكتەسۋ ابزالدىلىعىنىڭ وزىندىك ەرەكشەلىگى؛ بايلىقتى كادەگە جاراتۋ كومەسكى كۇشىنىڭ زور بولۋى؛ ورنىقتىلىق پايداسىنىڭ تولىق جارىققا شىعارىلۋى؛ حالىق تىلەگىنىڭ، جۇرت تىلەگىنىڭ بارىنشا ۇيىسۋى. جاراسىمدى دا ورنىقتى قوعامدىق ورتادا ٴار ۇلت كادر - بۇقاراسى ٴبىر نيەتپەن ىنتىماقتاسىپ، ماڭداي تەرلەرى مەن اقىل - پاراساتتارىن كورىكتى شينجياڭ قۇرۋدىڭ تەلەگەي كۇشىنە اينالدىرۋى كەرەك.

ۋاقىتتى بوسقا وتكىزبەۋ؛ ورايدى قولدان بەرمەۋ كەرەك. اۆتونوميالى رايوندىق 10 - رەتكى پارتيا قۇرىلتايى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن شينجياڭنىڭ ٴىس جۇزىندىگىمەن تىعىز ۇشتاستىرىپ، الداعى 5 جىلداعى، ٴتىپتى، ونان دا ۇزاق ٴبىر مەزگىلدەگى شينجياڭ قىزمەتىنىڭ جالپى تۇلعالىق تالابىن، نىسانا - مىندەتتەرىن جانە كەلەلى شارالارىن ايقىن العا قويىپ، جاڭا باستامادا سىن - سايىستاردى قارسى الىپ، ورايدى يگەرىپ، شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ ٴۇشىن ايقىن بەتالىس كورسەتتى.

الداعى 5 جىلداعى شينجياڭ قىزمەتىن ويداعىداي ىستەۋ ٴۇشىن، ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، «بەستى ٴبىر تۇلعالاندىرۋ» جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، «ٴتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ٴدال، جان - جاقتى دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، دامۋ مەن حاۋىپسىزدىكتى ٴبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋىمىز كەرەك.

بەتالىس ايقىندالدى، دابىل قاعىلدى، ٴبىز باستان - اياق ستراتەگيالىق تاباندىلىقتى ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، نىسانا - مىندەتتەردى بۇلجىماستان ويداعىداي دايەكتىلەندىرۋىمىز، تياناقتاندىرۋىمىز كەرەك: قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاپ، قوعامدىق باسقارۋدىڭ زاڭمەن جونگە سالىنۋ، وسىزاماندانۋ دەڭگەيىن كورنەكتى جوعارىلاتىپ، باياندى تىنىشتىققا بەرىك نەگىز قالاۋىمىز؛ جاڭا دامۋ ۇستانىمىن دايەكتىلەندىرىپ، جوعارى ساپالى دامۋ دەڭگەيىن كورنەكتى جوعارىلاتىپ، وسىزاماندانعان ەكونوميكالىق جۇيە قۇرىلىسىندا ماڭىزدى ىلگەرىلەۋشىلىككە قول جەتكىزۋىمىز؛ حالىق تۇرمىسىن ۇزدىكسىز جاقسارتىپ، نەگىزدىك الەۋمەتتىك قىزمەت وتەۋدى بىركەلكىلەندىرۋدى تىڭعىلىقتى ىلگەرىلەتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم نىعايتۋ، اناعۇرلىم قامتاماسىزداندىرۋ، اناعۇرلىم باياندى ەتۋىمىز؛ جۇڭحۋا ۇلتى ورتاق تۇلعا تانىمىن ٴار ۇلت بۇقاراسىنىڭ كوكەيىنە تەرەڭ ۇيالاتىپ، ۇلتتار ىنتىماعىن بەكەمدەپ، دامىتىپ، «بەستى شىنايى مويىنداۋدى» جۇرت جۇرەگىنە تەرەڭ ۇيالاتۋىمىز؛ شينجياڭدا ٴىسلام ٴدىنىن جۇڭگوشالاندىرۋ دەڭگەيىن ۇزدىكسىز جوعارىلاتىپ، ٴدىن سالاسىن اناعۇرلىم تاتۋ، ۇيلەسىمدى ەتۋىمىز؛ شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، يدەولوگيا شەبىن بەكەمدەۋىمىز، كۇشەيتۋىمىز؛ ەكولوگيالىق ورتانى ۇزدىكسىز جاقسارتىپ، كورىكتى شينجياڭ قۇرۋىمىز؛ شينجياڭدى زاڭمەن جونگە سالۋدى ورنىقتى قاداممەن ىلگەرىلەتىپ، دەموكراتيا، زاڭمەن جونگە سالۋ قۇرىلىسىن تىڭ ساتىعا كوتەرۋىمىز؛ بيڭتۋاننىڭ رەفورمانى تەرەڭدەتۋى مەن وڭتۇستىككە قاراي دامۋىندا تىڭ ىلگەرىلەۋشىلىككە قول جەتكىزىپ، بيڭتۋان مەن جەرگىلىكتى ورىننىڭ توعىسا دامۋىندا جاڭا جاعداي اشۋىمىز؛ پارتيانىڭ شينجياڭ قىزمەتىنە جاپپاي باسشىلىعىن ونان ارى كۇشەيتىپ، بيلىك جۇرگىزۋ نەگىزىن اناعۇرلىم بەكەمدەۋىمىز كەرەك.

وراي ەكپىندەي ىلگەرىلەۋگە جىگەرلەندىرەدى، دامۋدا ۋاقىت كۇتىپ تۇرمايدى. جاعدايدى تانىپ، نىسانانى كوزدە ۇستاپ، قازىرگىنى تياناق ەتىپ، ۇزاق بولاشاقتى كوزدەپ، سەنىمدى بەكەمدەپ، قولايلى جاعدايدان ۇتىمدى پايدالانىپ، كەلەلى تاريحي ورايدى ۇلى جوبانى جۇزەگە اسىراتىن وراسان زور قوزعاۋشى كۇشكە اينالدىرايىق!