باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭحۋا ۇلتى ورتاق تۇلعا تانىمىن جۇرەك تۇكپىرىنە تەرەڭ ۇيالاتايىق
2021-11-03 20:50:17     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (7)

 گازەتىمىزدىڭ شولۋشىسى


جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ ارقاۋى، رۋحاني كۇشتىڭ جان جۇيەسى. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرۋدە، تياناقتاندىرۋدا، ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، نازاردى باياندى تىنىشتىققا ساياتىن تەرەڭ قاتپارلى ماسەلەلەرگە كۇش سالۋعا شوعىرلاندىرۋ كەرەك. اۆتونوميالى رايوندىق 10 - رەتكى پارتيا قۇرىلتايىندا: نازاردى باس نىساناعا شوعىرلاندىرىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ كەرەك، - دەپ اتاپ كورسەتىلدى.

بيىل 8 - ايدا اشىلعان ورتالىقتىڭ ۇلت قىزمەتى ماجىلىسىندە باس شۋجي شي جينپيڭ بىلاي دەپ باسا دارىپتەدى: جاڭا داۋىردەگى پارتيانىڭ ۇلت قىزمەتىن ويداعىداي ىستەۋدە جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك.

جۇڭحۋا ۇلتى ورتاق تۇلعا تانىمىن بەرىك ورناتۋ ءار ۇلتتىڭ ءتۇبىرلى مۇددەسىن قورعاۋدىڭ قاجەتتى تالابى، جۇڭحۋا ۇلتى ورتاق تۇلعا تانىمىن بەرىك ورناتىپ، مەملەكەتتىڭ تۇتاستىعى مەن ۇلتتار ىنتىماعىن قورعاۋدىڭ بەرىك يدەيالىق قورعانىن ورناتىپ، ءار ۇلت مەملەكەتتىڭ حاۋىپسىزدىگى مەن قوعام ورنىقتىلىعىن بىرگە ويداعىداي قورعاعاندا عانا، ءتۇرلى ۇشقارىلىق، بولشەكتەۋشىلىك يدەيالاردىڭ سىنالاپ كىرۋىن، قۇلاتۋىن ءونىمدى تەجەۋگە بولادى، ءار ۇلت حالقىنىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋعا، ءار ۇلتتىڭ ءتۇبىرلى مۇددەسىن ويداعىداي جۇزەگە اسىرۋعا، ويداعىداي قورعاۋعا، ويداعىداي دامىتۋعا بولادى. جۇڭحۋا ۇلتى ورتاق تۇلعا تانىمىن بەرىك ورناتۋ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى، جۇڭحۋا ۇلتى ورتاق تۇلعا تانىمىن بەرىك ورناتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بارىسىندا ۇلت سالاسىندا تۋىلۋى مۇمكىن بولعان حاۋىپ - قاتەرلەر مەن سىن - سايىستارعا ءونىمدى توتەپ بەرۋگە، پارتيا مەن مەملەكەتتىڭ گۇلدەنىپ - كوركەيۋىنە، باياندى تىنىشتىعىنا ماڭىزدى يدەيالىق كەپىلدىك ازىرلەۋگە بولادى.

وتكەن 5 جىلدا رايونىمىز پارتيانىڭ ۇلت ساياساتىن جالپى بەتتىك دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت قىزمەتىن ويداعىداي ىستەۋگە تاباندى بولىپ، ءار ۇلتتىڭ بىرگە ىنتىماقتاسا كۇرەس جۇرگىزۋىن، بىرگە گۇلدەنۋىن، دامۋىن ىلگەرىلەتتى. ءار ۇلت كادرلارى، بۇقاراسى ەتەنە تۋىستاسىپ، ءبىر - بىرىنە قارايلاسىپ، ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتىپ، ”بەستى شىنايى مويىنداۋدى“ كۇشەيتىپ، جۇڭحۋا ۇلتى ورتاق تۇلعا تانىمىن كۇن سايىن نىعايتتى؛ ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلى ىشكەرىلەي ورىستەتىلىپ، ءار ۇلت كادرلارىنىڭ، بۇقاراسىنىڭ ارالاسۋى، ىشتەسۋى، توعىسۋى بارعان سايىن جيىلەدى، سۇيىسپەنشىلىگى بارعان سايىن ەتەنە بولدى؛ سونىمەن ءبىر ۋاقىتتا ۇلتتار ىنتىماعىنداعى، العاباسارلىعىنداعى وزاتتاردان بولۋ تابىسى كورنەكتىلەندى، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسى اناعۇرلىم بەكەمدەلىپ، تيانشان الابىندا جاڭا داۋىردەگى جۇڭحۋا ۇلتى ۇلى ىنتىماعىنىڭ ماداق جىرى شىعاندادى.

وسىناۋ انار گۇلىندەي قۇلپىرىپ، ءبىر وتباسىنداي ەتەنە بولعان جاراسىمدى كورىنىس جۇڭحۋا ۇلتى ورتاق تۇلعا تانىمىنىڭ شينجياڭنىڭ بايتاق دالاسىندا بەرىك ورناعاندىعىنىڭ جاندى بەينەسى بولدى. اماليات مىنانى تولىق دالەلدەدى: جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، جۇڭحۋا ۇلتى ورتاق تۇلعا تانىمىن ءار ۇلت كادرلارىنىڭ، بۇقاراسىنىڭ جۇرەك تۇكپىرىنە تەرەڭ ۇيالاتقاندا عانا، شينجياڭدا قوعام ورنىقتى بولعان، ەكونوميكا دامىعان، حالىق تۇرمىسى جاقسارعان، ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن اسا تاماشا جاعداي بولادى.

جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ − جاڭا داۋىردەگى شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋدىڭ قاجەتتى تالابى. اۆتونوميالى رايوندىق 10 - رەتكى پارتيا قۇرىلتايى الداعى 5 جىلداعى، ءتىپتى، ونان دا ۇزاق ۋاقىتتاعى شينجياڭ قىزمەتىن ورنالاستىرعاندا بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك. جۇڭحۋا ۇلتى ورتاق تۇلعا تانىمى جونىندەگى زەرتتەۋدى، بايىمداپ ءتۇسىندىرۋدى جانە ۇگىت تاربيەنى كۇشەيتىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا جەتەكتەۋ كەرەك. جۇڭحۋا ۇلتى ورتاق رۋحاني مەكەنى قۇرىلىسىن جالپى بەتتىك ىلگەرىلەتىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، جۇڭحۋانىڭ تاڭداۋلى، ءداستۇرلى مادەنيەتىن جالعاستىرۋ، دامىتۋ ينجەنەرياسىن ىشكەرىلەي اتقارىپ، ءار ۇلتتىڭ تاڭداۋلى، ءداستۇرلى مادەنيەتىنىڭ جالعاسۋىن، قورعالۋىن جانە ءوزارا ۇلگى الىپ توعىسۋىن جەبەپ، وسى زامانعى ۇستانىم مەن ارەكەت ءتاسىلىن كۇش سالا تاراتۋ كەرەك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنا ۇزاق ۋاقىت تاباندى بولىپ، ونى ۇزدىكسىز تەرەڭدەتىپ، ”ۇشكە كىرۋ، ەكىمەن بايلانىس ورناتۋ، بىرمەن دوستاسۋ“ قيمىلىن ۇزدىكسىز ىشكەرىلەي، ۇدايى ورىستەتىپ، ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى وڭىرلەردى بەلسەنە قۇرىپ، ۇلتتار ءوزارا كىرىككەن قوعامدىق قۇرىلىم مەن الەۋمەتتىك اۋماق ورتاسىن بەلسەنە قالىپتاستىرۋ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن بۇلجىماستان ىلگەرىلەتۋ كەرەك. بولاشاقتى بەتكە العاندا، ءبىز، ءسوز جوق، مىنانى تەرەڭ تانۋىمىز كەرەك: ءار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اشتى - تۇشتىنى بىرگە تاتاتىن، تاعدىرلاس بولاتىن ورتاق تۇلعا تانىمىن بەرىك ورناتۋعا جەتەكتەگەندە عانا، كورىكتى شينجياڭ قۇراتىن، وتان ارمانىن بىرگە ورىندايتىن قۋاتتى كۇش ۇيىستىرۋعا بولادى.

تامىر تەرەڭگە تارتسا، جاپىراق جايقالادى، ءدىڭى مىقتى بولسا، بۇتاق قاۋلاپ وسەدى. جاڭا تاريحي باستامادا ءبىز جۇڭحۋا ۇلتى ورتاق تۇلعا تانىمىن بەرىك ورناتۋدىڭ تاريحي قاجەتتىلىگىن، توتەنشە ماڭىزدىلىعىن جانە رەال باعىتتامالىلىعىن جەتە تانىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتىپ، ءار ۇلت حالقىنىڭ تىلەگىنىڭ توعىسۋىنا، رۋحاني جاقتا ءبىر - بىرىنە سۇيەنۋىنە مۇمكىندىك جاساپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەرىك يدەيالىق نەگىز قالاۋىمىز كەرەك.