حى جياۋلۇڭ:

پارتيا قۇرىلتايىنىڭ رۋحىن تياناقتاندىرىپ، مادەنيەت، ساياحات كاسىبىنىڭ جوعارى ساپالى دامۋىن جەبەيمىز

ٴتىلشىمىز جاڭ لياڭ حابارلايدى. اۆتونوميالى رايوندىق 10 ـ رەتكى پارتيا قۇرىلتايىنا قاتىناسقاننان كەيىن اۆتونوميالى رايوندىق 10 ـ رەتكى پارتيا قۇرىلتايىنىڭ ۋاكىلى، وبلىستىق مادەنيەت جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حى جياۋلۇڭ وتە قاربالاس بولدى، بىرنەشە كۇننەن بەرى ول اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ، ٴتۇسىنىپ، قىزمەتكە ۇشتاستىرا تەرەڭ وي جۇگىرتتى.

حى جياۋلۇڭ: «قايتىپ كەلگەننەن كەيىن مەكەمەمىزدەگى كادرلار، جۇمىسشى ـ قىزمەتشىلەرمەن بىرگە ٴتۇرلى فورمالار ارقىلى اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن مۇقيات ۇيرەنىپ يگەردىك، مەكەمە پارتيا باسشىلىق گرۋپپاسى پارتيا قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، تياناقتاندىرۋ جونىندە ورنالاستىرۋ جاسادى» دەدى.

حى جياۋلۇڭ بىلاي دەدى: «اۆتونوميالى رايوندىق 10 ـ رەتكى پارتيا قۇرىلتايىنىڭ بايانداماسىندا پارتيانىڭ يدەولوگيا قىزمەتىنە باسشىلىق ەتۋ ۇقىعىن مىقتاپ يگەرىپ، شينجياڭدى مادەنيەتپەن نارلەندىرىپ، جۇرت تىلەگىن توعىستىرۋدى ىشكەرىلەي اتقارىپ، بازا قۇرىلىسىن ۇزدىكسىز كۇشەيتىپ، ٴار ۇلت حالقىنىڭ العاباسار، ىزگىلىككە ۇمتىلعان تاڭداۋلى مادەنيەتىن بەلسەنە اشىپ، جالعاستىرىپ، ٴار ۇلت بۇقاراسىنىڭ شينجياڭدى قىزۋ ٴسۇيۋ، وتاندى قىزۋ ٴسۇيۋ تاماشا سۇيىسپەنشىلىگىن تەرەڭدەتىپ، سوتسياليزم قۇرىلىسشىلارى مەن ٴىزباسارلارىن باۋلىپ، الەۋمەتتىك مادەنيەتكە قىزمەت وتەۋدىڭ بىركەلكىلىگىن بار كۇشپەن جەبەپ، مادەنيەت كاسىبىنىڭ باسەكەلىك قۋاتىن جاپپاي جوعارىلاتىپ، ينتەرنەتتەگى قوعامدىق پىكىردىڭ نەگىزگى اۋەنىن اسقاقتاتىپ، بۇقاراعا اناعۇرلىم جاقسى ۇگىت ـ تاربيە بەرىپ، جۇرت تىلەگىن اناعۇرلىم ويداعىداي ۇيىستىرۋ كەرەكتىگى اتاپ كورسەتىلدى. بۇل جونىندە جاۋاپكەرشىلىگىمنىڭ اۋىر ەكەنىن تەرەڭ سەزىندىم. ٴبىز پارتيا قۇرىلتايىندا بەلگىلەنگەن ٴتۇرلى نىسانا ـ مىندەتتەرگە تۋرالانىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەيمىز؛ ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىبىن ىلە ەكونوميكاسىنىڭ جوعارى ساپالى دامۋىنىڭ ماڭىزدى قوزعالتقىشى جانە ستراتەگيالىق تىرەگىنە اينالدىرىپ، مادەنيەت پەن ساياحات كاسىبىنىڭ جوعارى ساپالى دامۋىن ىلگەرىلەتۋىمىز كەرەك».

تاياۋدا 4 ـ توپتاعى مەملەكەتتىك الەۋمەتتىك مادەنيەتكە قىزمەت وتەۋ جۇيەسىنەن ۇلگى كورسەتۋ رايوندارىنىڭ  (نىسان)  ەسىمدىگى جاريالاندى، ىلە وبلىسى وسى ۇلگى كورسەتۋ رايونى قاتارىنان ورىن الدى. داڭققا قول جەتكىزۋ وڭاي ەمەس، حى جياۋلۇڭ بىلاي دەدى: «وبلىستىق مادەنيەت جانە ساياحات مەكەمەسى پارتيا قۇرىلتايىنىڭ رۋحىمەن ۇشتاستىرىپ، مەملەكەتتىك الەۋمەتتىك مادەنيەتكە قىزمەت وتەۋ جۇيەسىنەن ۇلگى كورسەتۋ رايونىنىڭ الەۋمەتتىك مادەنيەت قۇرىلعىلارى قۇرىلىسى، مادەنيەت ارقىلى حالىققا تيىمدىلىك جاساۋ قيمىلى، مادەنيەت ٴتۇزىلىسى رەفورماسىندا جاڭالىق اشۋ جانە مادەنيەت پەن ساياحاتتى توعىسپالى دامىتۋ سياقتى قاتىستى قىزمەتتەردى جوبالاپ جانە ازىرلىك كورىپ، ٴتۇيىن ارقىلى جالپى كولەمدى جەتەكتەپ، جالپى تۇلعالىق جاقتان ىلگەرىلەۋگە مۇمكىندىك جاراتامىز».

كەلەسى قادامداعى قىزمەت جونىندە حى جياۋلۇڭ بىلاي دەدى: «وبلىسقا توتە قاراستى ورىندارداعى تاڭداۋلى ادەبيەت ـ كوركەمونەر قىزمەتكەرلەرىن ۇيىمداستىرىپ، اناعۇرلىم كوپ وڭ ەنەرگيالى، نەگىزگى اۋەندىك تۋىندىلاردى جاراتىپ، ٴار ۇلت بۇقاراسىن سوتسياليستىك وزەكتى قۇن كوزقاراسىن ورناتۋعا جانە ونى امالياتتا ايگىلەۋگە باستايمىز؛ ماڭايىمىزداعى ادامدار، ماڭايىمىزداعى ىستەر ارقىلى ىلە حيكاياسىن ويداعىداي اڭگىمەلەپ، ىلەنىڭ بەيزاتتىق مادەنيەتىن ٴتۇيىن ەتىپ، ىلە حيكاياسىن ويداعىداي باياندايمىز».