جۇمابەك بازاربەك ۇلى:

سەنىمدى ارتتىرىپ، شىنداپ ىسكە كىرىسىپ، زەيىن - زەردەنى، كۇش - قۋاتتى شوعىرلاندىرىپ، تىڭ داستان جازامىز

ٴتىلشىمىز لۋ جۇڭ نىلقىدان حابارلايدى. اۆتونوميالى رايوندىق 10 - رەتكى پارتيا قۇرىلتايىنا قاتىناسقان نىلقى اۋدانى قاراسۋ اۋىلى ۇلكەن قاراسۋ قىستاعى تۇرعىندار كوميتەتىنىڭ مەڭگەرۋشىسى جۇمابەك بازاربەك ۇلى 10 - ايدىڭ 25 - كۇنى اۋىلىنا ورالدى.

«جۇمابەك مەڭگەرۋشى، تەزىرەك بىزگە پارتيا قۇرىلتايىنىڭ جاقسى حابارىن جەتكىزىڭىزشى»، «جۇمابەك مەڭگەرۋشى، پارتيا قۇرىلتايىندا حالىق تۇرمىسىن جاقسارتۋ جونىندە نەندەي شارالار ايتىلدى؟» دەپ سۇراعان كوپشىلىكتىڭ سۇراۋى تولاستامادى.

جۇمابەك كوپشىلىككە: «اۆتونوميالى رايوندىق 10 - رەتكى پارتيا قۇرىلتايىندا نازاردى باس نىساناعا شوعىرلاندىرۋ، حالىق تۇرمىسىن جاقسارتۋعا كۇش سالا كەپىلدىك ەتۋ، ٴار ۇلت بۇقاراسىنىڭ ىرىس - قۇتىن ارتتىرۋ، جۇمىستاندىرۋدى كەڭەيتۋ، كىرىستى ارتتىرىپ اۋقاتتاندىرۋ، وقۋ - اعارتۋ دەڭگەيىن جوعارىلاتۋ، جالپى حالىقتىڭ سالاماتتىعىن، قوعامدىق قامسىزداندىرۋدىڭ اياسىن كەڭەيتۋ، ساپاسىن جوعارىلاتۋ، بەيقۇت ٴۇي ارقىلى قامتاماسىزداندىرۋ، <كومىردى ەلەكترگە وزگەرتۋ>، شەكارانى گۇلدەندىرىپ حالىقتى اۋقاتتاندىرۋ، الەۋمەتتىك حاۋىپسىزدىك ارقىلى قامتاماسىزداندىرۋ، ورنىقتىلىق ارقىلى حالىققا تيىمدىلىك جاساۋ ينجەنەريالارىن كۇش سالا اتقارۋ، ٴار ۇلت بۇقاراسىنىڭ جاپپاي دوڭگەلەك داۋلەتتىلىكتەن ورتاق اۋقاتتانۋ نىساناسىنا قاراي نىق قادام تاستاۋىن جەبەۋ» العا قويىلعانىن ايتتى.

«كوپشىلىك پارتيا قۇرىلتايىندا العا قويىلعان جۇمىستاندىرۋدى كەڭەيتۋ، كىرىستى ارتتىرىپ اۋقاتتاندىرۋ سياقتى ٴار ۇلت بۇقاراسىنىڭ ٴتول مۇددەسىنە ساياتىن تاقىرىپتارعا بارىنشا نازار اۋدارىپ وتىر ەكەن. پارتيا قۇرىلتايىنىڭ رۋحىن پارتيالى كادرلار مەن شارۋالارعا دەر كەزىندە جەتكىزۋ ٴۇشىن، قىستاققا كەلە سالا قىستاق <ەكى كوميتەتىندەگىلەردى>، <ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتىنىڭ مۇشەلەرىن جانە ساقا پارتيا مۇشەلەرىن شاقىرىپ، پارتيانىڭ ٴۇنىن بارلىق وتباسىلارىنا جەتكىزۋگە ۇيىمداستىردىم» دەدى جۇمابەك بازاربەك ۇلى.

ۇلكەن قاراسۋ قىستاعىنىڭ جەرى سۋ تاپشى، قاعىر كەلەدى، 10 مىڭ مۋدان استام ەگىستىك جەرى تۇگەلدەي ٴشول اتىز، جاۋىن - شاشىنعا سۇيەنىپ استىق الادى، كەدەي جان سانى جالپى جان سانىنىڭ تەڭ جارتىسىنان استامىن قۇرايدى. 2015 - جىلى قۇدىق قازۋ ارقىلى بۇل قىستاق 3 مىڭ مۋ ٴشول اتىزدى سۋلى اتىزعا وزگەرتىپ، مۋ باسىندىق كىرىستەرىن كورنەكتى ارتتىردى.

جۇمابەك بىلاي دەدى: «بەس جىلدان بەرى ۇلكەن قاراسۋ قىستاعىندا زور وزگەرىستەر بولدى، 2020 - جىلى جان باسىندىق ورتاشا كىرىس 8 مىڭ يۋاننان جوعارى بولىپ، ٴاربىر وتباسىنىڭ ىستەيتىن جۇمىسى بولدى، قىستاقتىڭ بەت - بەينەسى كورىكتەندى، ەكونوميكاسى دامىدى، قىستاق تۇرعىندارى بارعان سايىن باقىتتى  تۇرمىس وتكىزۋدە. ٴبىز قالعان 7 مىڭنان استام ٴشول اتىزدى تۇگەلدەي سۋارمالى اتىزعا وزگەرتىپ، كىسى باسىندىق ورتاشا كىرىستى اناعۇرلىم جوعارىلاتۋدى جوسپارلاپ وتىرمىز، ۇلكەن قاراسۋ قىستاعىنداعى كىسى باسىنا تۋرا كەلەتىن ەگىستىك جەر 8 مۋ، مۇنىڭ ىشىندە 2 جارىم مۋى عانا سۋارمالى اتىز، قالعانى تۇگەلدەي ٴشول اتىز. ٴار مۋ ٴشول اتىزداعى جەردى اينالىمعا سالۋ قاراجاتى نەبارى 100 ـ 150 يۋان، ال سۋارمالى اتىز بولسا 300 ـ 350 يۋان، ەگەر، قالعان ٴشول  اتىزدى تۇگەلدەي سۋارمالى اتىزعا اينالدىرعاندا، ٴار مۋىنان 200 يۋان كىرىس كىرگىزۋگە بولادى، كىسى باسىندىق ورتاشا كىرىس مىڭ يۋان جوعارىلايدى. قازىر ٴبىز ٴشول اتىزدى سۋارمالى اتىزعا وزگەرتۋ قۇرىلىسى نىسانىنا بەلسەنە ٴوتىنىش بەردىك، ٴبىز ٴار ۇلت بۇقاراسىن كورىكتى اۋىل - قىستاق قۇرۋعا، اناعۇرلىم باقىتتى تۇرمىس كەشىرۋگە باستايمىز».

ۇلكەن قاراسۋ قىستاعى قاراسۋ اۋىلىنداعى مال شارۋاشىلىعىن نەگىز ەتەتىن ۇلكەن قىستاق، شينجياڭ قوڭىر سيىرى 50 دەن اساتىن كولەمدى باعىمشىلىق وتباسىلاردان 30 دان استامى بار.

جۇمابەك بىلاي دەدى: «اۋلا باعىمشىلىعى تىم شەكتى، بۇل كولەم جاقتاعى شەكتەمەلىك بولىپ قالماستان، كورشىلەردىڭ دە ورتا تازالىعى ماسەلەسىنە كوڭىلى تولمايدى. بيىل ۇلكەن قاراسۋ قىستاعى تۇرعىندار كوميتەتى 20 مىڭ شارشى مەتر كەلەتىن باعىمشىلىق شاعىن رايونى قۇرىلىسى نىسانىنا ٴوتىنىش بەردى. نىسان اتقارىلعاننان كەيىن، قىستاقتىڭ كوللەكتيۆ كىرىسى قازىرگى جىلىنا 100 مىڭ يۋاننان 400 مىڭ يۋانعا جوعارىلايدى، تاعى دا جىلدىق كىرىسى 40 مىڭ يۋان اينالاسىنداعى 40 جۇمىس ورنىن ازىرلەپ وتىرمىز. باعىمشىلىق ٴىرى وتباسىلارى دا كولەمدەنگەن باعىمشىلىقتى بىرتىندەپ قالىپتاستىراتىن بولادى، اۋىل - قىستاقتى گۇلدەندىرۋ جولى اناعۇرلىم كەڭەيە تۇسەدى».