باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
​نازاردى باس نىساناعا شوعىرلاندىرىپ، جاڭا ىسكەرلىك تانىتامىز
2021-11-06 14:57:42     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

وبلىسقا توتە قاراستى ورىندارداعى ٴار دارەجەلى پارتيا ۇيىمدارى اۆتونوميالى رايوندىق پارتيا قۇرىلتايىنىڭ رۋحىن بارشا وتباسىنا جەتكىزدى


گازەتىمىزدىڭ جيناق حابارى. بىرنەشە كۇننەن بەرى وبلىسقا توتە قاراستى ورىندارداعى ٴار دارەجەلى پارتيا ۇيىمدارى ٴتۇرلى تاسىلدەر ارقىلى قاراستى رايونداعى ٴار ۇلت كادرلارى مەن بۇقارانى اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن مۇقيات ۇيرەنۋگە ۇيىمداستىردى. كوپشىلىك ٴبىر اۋىزدان بىلاي دەدى: «قۇرىلتاي رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، قىزمەت ورنىمىزدى تياناق ەتىپ، جاڭا ىسكەرلىك تانىتامىز».

11 ـ ايدىڭ 1 ـ كۇنى نىلقى اۋداندىق «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسى كەڭسەسى پارتيا مۇشەلەرىنىڭ الىس ارالىقتى وقىتۋ پۋنكتىنەن پايدالانىپ، تۇتاس اۋدانداعى 800 دەن استام ٴبىرىنشى شۋجيدى، قىستاق پارتيا ياچەيكاسىنىڭ شۋجيىن، قىزمەت اترەتىنىڭ مۇشەلەرىن، قىستاق كادرلارىن اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ۇيرەنۋگە ۇيىمداستىردى. ٴارقايسى قىستاق ( الەۋمەتتىك اۋماق) پارتيا ياچەيكاسىنىڭ شۋجيلەرى اۋدانداعى نەگىزگى ٴماجىلىس الاڭىندا ماجىلىسكە قاتىناستى، قالعان جولداستار بولىمشە ٴماجىلىس الاڭىندا ماجىلىسكە قاتىناستى.

نىلقى قالاشىعى 6 ـ الەۋمەتتىك اۋماعىنىڭ ٴبىرىنشى شۋجيى ليۋ حۇڭچاۋ: «ۇيرەنۋدەن ەرەكشە شابىت الىپ، ايرىقشا اسەرلەندىم. بۇدان كەيىن مەن اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىمەن ۇشتاستىرىپ، ورنىقتىلىقتى قورعاۋ، ىندەتتەن ساقتانۋ - تىزگىندەۋ، اۋىل ـ قىستاقتى گۇلدەندىرۋ، نەگىزگى ساتى ۇيىمدىق قۇرىلىسى سياقتى قىزمەتتەردى كۇش سالا ويداعىداي تياناقتاندىرامىن» دەدى.

قۇلجا قالاسى شوڭكوپىر ٴمالى باسقارماسى باقىت الەۋمەتتىك اۋماعى پارتيا ياچەيكاسى اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ۇيرەندى، الەۋمەتتىك اۋماق «ەكى كوميتەت» القاسى، قىزمەت اترەتىنىڭ مۇشەلەرى، «وقىتۋشى ـ شاكىرت» جۇبى سياقتى گرۋپپالار جەكە ـ جەكە شوعىرلى ۇيرەنۋ، تالقىلاۋ، سىرلاسۋ، اسەرلەرىن اڭگىمەلەۋ سياقتى تاسىلدەر ارقىلى ۇيرەنۋ، تاجىريبە اۋىستىرۋ قيمىلىن ورىستەتتى ٴارى ۋيچات تەكشەسى ارقىلى قاتىستى مازمۇنداردى جەتكىزىپ، قاراستى رايونداعى پارتيا مۇشەلەرىن باستاماشىلدىقپەن ۇيرەنۋگە، اسەرلەرىن اڭگىمەلەۋگە باستادى.

الەۋمەتتىك اۋماق پارتيا ياچەيكاسىنىڭ شۋجيى ما جۇنلۇڭ: «وسى 5 جىلدا باقىت الەۋمەتتىك اۋماعى بىرگە قۇرۋدى، بىرگە جونگە سالۋدى، بىرگە يگىلىكتەنۋدى تەرەڭدەتۋ ارقىلى الەۋمەتتىك اۋماقتىڭ جونگە سالۋ جۇيەسى قۇرىلىسىن كۇشەيتىپ، مىعىم بىرىككەن كۇش قالىپتاستىردى. قازىر الەۋمەتتىك اۋماقتىڭ اسفالت جولى جان - جاققا تۇتاسىپ، عيماراتتار اراسى جاسىل اعاشتارمەن كورىكتەنىپ، مادەنيەت الاڭى دۋمانعا بولەندى. كەلەسى قادامدا الەۋمەتتىك اۋماق پارتيا ياچەيكاسى پارتيا قۇرىلىسى ارقىلى جەتەكشىلىك ەتۋگە تاباندى بولىپ، قوسىندى كۇشەيتىپ، مادەنيەتتى گۇلدەندىرىپ، ناقتى ٴىس ىستەپ، تۇرعىندارعا باقىتتى كوركەم بولاشاق جاراتۋعا قۇلشىنادى» دەدى.

توعىزتاراۋ اۋداندىق بازار باقىلاۋ - باسقارۋ مەكەمەسىنىڭ ٴدوڭمالى قالاشىعى ٴدوڭمالى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاق كادرلارى مەن قىزمەت اترەتىنىڭ مۇشەلەرىن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن شوعىرلى ۇيرەنۋگە ۇيىمداستىردى ٴارى ۇيرەنۋ ەستەلىگى مەن اسەرىن جازىپ، قۇرىلتاي رۋحىنىڭ كوكەيگە ۇيالاۋىنا شىنايى كەپىلدىك ەتتى.

قىزمەت اترەتىنىڭ ورىنباسار باستىعى يۇي جينليان بىلاي دەدى: «قۇرىلتاي رۋحىن ىشكەرىلەي ۇيرەنىپ، جەتە تۇسىنگەندە عانا، ٴاربىر تۇرعىنعا اناعۇرلىم ويداعىداي جەتكىزۋگە بولادى. بۇدان بىلاي ٴبىز پارتيا تاريحىن ۇيرەنۋ تاربيەسىن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، حالىق ٴۇشىن قىزمەت ىستەۋ قابىلەتىن ۇزدىكسىز جوعارىلاتىپ، قىستاق تۇرعىندارىنىڭ شۇعىل، قيىن، ۋايىمداعان، ٴزارۋ ماسەلەلەرىن شىن مانىندە ويداعىداي شەشەمىز».

تەكەس اۋداندىق ۇكىمەت كەڭسەسىنىڭ شولاقتەرەك قالاشىعى سارقوبى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى جەدەل ارەكەتتەنىپ، قىزمەت اترەتىنىڭ مۇشەلەرىن جانە قىستاق «ەكى كوميتەتىندەگى» پارتيالى كادرلاردى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزۋگە، ۇيرەنۋگە ۇيىمداستىردى.

قىستاق كادرى قاليما ورازباي قىزى بىلاي دەدى: «اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ ٴبىزدى ايرىقشا شابىتتاندىردى. 5 جىلدان بەرى پارتيانىڭ حالىققا تيىمدىلىك جاساۋ ساياساتىنان يگىلىكتەنىپ كەلەمىز، ٴار ۇلت بۇقاراسىنىڭ تۇرمىسىندا وراسان زور وزگەرىس تۋىلىپ، قىستاق تۇرعىندارىنىڭ قالتاسى بارعان سايىن قامپايدى. بۇدان بىلاي قۇلشىنا قىزمەت ىستەپ، بۇقارانىڭ ٴىس جۇزىندىك قيىنشىلىعىن شىنايى شەشىپ، قىستاق تۇرعىندارىنىڭ اناعۇرلىم باقىتتى تۇرمىس كەشىرۋى ٴۇشىن قۇلشىنامىن».

كۇيتۇن قالاسى كەگەنشي اۋىلى بەرىكشي قىستاعىنىڭ كادرلارى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى اۆتونوميالى رايوندىق 10 - رەتكى پارتيا قۇرىلتايىنىڭ ارناۋلى حابارىن تىڭداپ، كورىپ، توپتىق ۇيرەنۋ، جەكە ۇيرەنۋ، تاجىريبە اۋىستىرۋ، تالقىلاۋ سياقتى تاسىلدەر ارقىلى قۇرىلتاي رۋحىن جەتكىزدى، ۇيرەندى.

توپتىق ۇيرەنۋ بارىسىندا وسى قىستاق پارتيا ياچەيكاسىنىڭ شۋجيى دۋان ران بارشا پارتيا مۇشەلەرىن باستاپ پارتياعا كىرۋ سەرتىن قايتا پىسىقتاپ، كوپشىلىكتى اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇقارانىڭ قاجەتىن قاناعاتتاندىرۋدى نىسانا ەتىپ، بۇقارا ٴۇشىن شىن ىقىلاسپەن ويداعىداي قىزمەت وتەۋگە تاربيەلەدى، جەتەكتەدى.

دۋان ران مىنانى ٴبىلدىردى: «نەگىزگى ساتى پارتيا ياچەيكاسىنىڭ شۋجيى رەتىندە مەن پارتيا قۇرىلتايىنىڭ رۋحىن كورىكتى اۋىل - قىستاق قۇرىلىسىمەن، ەكونوميكانى دامىتۋمەن، ەگىنشى - مالشىلاردىڭ كىرىسىن ارتتىرۋمەن تىعىز ۇشتاستىرىپ، ەگىنشى - مالشىلاردىڭ قالتانى قامپايتىپ، باقىتتى تۇرمىس كەشىرۋىنە مۇمكىندىك جاساۋعا قۇلشىنامىن».