ۋاڭ جيانفىڭ:

«ٴبىر قىستاقتا ٴبىر ٴونىم بولۋدى» توڭىرەكتەپ، ەرەكشە ابزالدىققا يە كاسىپتەردى زورايتامىز

شينجياڭ گازەتىنىڭ ٴتىلشىسى جازيرا نەسىپبەك قىزى، ٴوز ٴتىلشىمىز حان شاشا حابارلايدى. «ەرەكشە ەگىمشىلىك − قارابۋرا قالاشىعىنىڭ ابزالدىققا يە كاسىبى، قارابۋرا قالاشىعىنداعى 9 مىڭ 600 مۋدان استام الما، 500 مۋدان استام شاپتول «ەكى ٴونىم، ٴبىر بەلگى»، (ياعني جاسىل ازىق ـ تۇلىك، ورگانيكالىق ازىق ـ تۇلىك، اۋىل شارۋاشىلىق ونىمدەرىنىڭ جاعراپيالىق بەلگىسى) بويىنشا كۋالاندىرىلدى. بيىل قارابۋرا قىستاعى مىڭ مۋ جەرگە داماسكى روزا گۇلىن ەكتى. وسى ەرەكشە ەگىمشىلىك 1 -، 2 -، 3 - كاسىپتەردى بايلانىستىردى. 11 ـ ايدىڭ 2 ـ كۇنى اۆتونوميالى رايوندىق 10 ـ رەتكى پارتيا قۇرىلتايىنىڭ ۋاكىلى، كۇنەس اۋدانىنىڭ ورىنباسار اكىمى، قارابۋرا قالاشىعى پارتكومىنىڭ شۋجيى ۋاڭ جيانفىڭ قارابۋرا قىستاعى مەن كەمە اۋىزى قىستاعىندا ۇگىت ـ لەكسيا جاساعاندا قارابۋرا قالاشىعىنىڭ بولاشاقتاعى كاسىپ سالاسىن دامىتۋ بەتالىسىن تىلگە الدى. «قارابۋرا قالاشىعى مەملەكەت تاس جولى 578 - لەنياسىنىڭ بويىنا ورنالاسقان، كۇنەس اۋدانىنىڭ باتىس قاقپاسى، ەرەكشە وڭىرلىك ابزالدىققا يە، ٴبىز ٴتۇرلى بايلىقتاردى بىرىكتىرىپ، 1 ـ، 2 ـ، 3 ـ كاسىپتەردىڭ توعىسپالى دامۋىن جەبەۋىمىز كەرەك» دەدى ۋاڭ جيانفىڭ.

ۋاڭ جيانفىڭ اۆتونوميالى رايوندىق 10 ـ رەتكى پارتيا قۇرىلتايىنا قاتىناسىپ كەلگەننەن كەيىن كاسىپورىنعا، سەلبەستىك كووپەراتيۆىنە، اتىز باسىنا بارىپ اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن قاراپايىم دا ۇعىنىقتى تىلمەن ٴار ۇلت بۇقاراسىنا جەتكىزدى.

ۋاڭ جيانفىڭ بىلاي دەدى: «ٴبىز قارابۋرا قالاشىعىنىڭ جەمىس ـ جيدەكتى كورمەلەۋ ـ ساتۋ ورتالىعىن دانەكەر ەتىپ، ەرەكشە جەمىس ـ جيدەك، روزا گۇلىنىڭ جىنتىكتەي مانەرلەنگەن ونىمدەرى سياقتى تاۋارلاردى شىعارىپ، قاتىناس، اس ـ سۋ، كوڭىل اشۋ، زات ساتىپ الۋ سياقتى قىزمەتتەردى سايكەستى جاقسى ىستەپ، ساياحات ارقىلى حالىقتى اۋقاتتاندىرۋدى جەبەيمىز».

ۋاڭ جيانفىڭنىڭ ۇگىت ـ لەكسياسى قارابۋرا قالاشىعى كەمە اۋىزى قىستاعىنداعى جەمىس - جيدەك باعىبانى زىڭ شيانۋىننىڭ جەمىس ورمان شارۋاشىلىعىن دامىتۋ سەنىمىن تاسقىنداتتى.

«قىستاعىمىز ەرەكشە جەمىس ورمانىن دامىتۋدى قولدايدى، 2017 ـ جىلى 600 مۋدان استام جەردى اينالىمعا سالىپ الما اعاشىن ەكتىم، مەن وسى بىرنەشە جىلدا ولشەمدەندىرۋگە، عىلمي جولمەن ەگۋگە باستان ـ اياق تاباندى بولدىم. بيىل الما باعىمنان مول ٴونىم الدىم، المانىڭ سورتى، قانت قۇرامى، ٴتۇسى سياقتى جاقتارى ساتىپ الۋشى ساۋداگەردىڭ تالابىنان شىعىپ، جياڭسۋ ولكەسىنىڭ ياڭجوۋ قالاسىنا ساتىلدى. ەندى مەن تاڭداۋلى جەمىس ـ جيدەك ەگۋ جونىندە ۇزدىكسىز ىزدەنىس جاسايمىن» دەدى زىڭ شيانۋىن.

قارابۋرا قالاشىعى قارابۋرا قىستاعى داماسكى روزا باعى بۇرىن شولەيتتەنگەن جايىلىم بولاتىن. بيىل قارابۋرا قالاشىعى ساۋداگەر شاقىرىپ، قارجى ەنگىزۋ ارقىلى شينجياڭ نۇڭچۇنيۋان اۋىل شارۋاشىلىق تەحنيكاسىن دامىتۋ شەكتى سەرىكتەستىگىنىڭ داماسكى روزا گۇلىن ەگۋ نىسانىن ەنگىزىپ، وسى جاي جەردى مول كىرىس قاينارىنا اينالدىردى.

«وسى نىساندى ارقاۋ ەتە وتىرىپ، قارابۋرا قىستاعى جايىلىمدى اينالىمعا سالۋ، زاۆود ۇيلەرىن مايعا بەرۋ سياقتى فورمالارمەن قىستاق كوللەكتيۆىنىڭ ٴار جىلعى كىرىسىن 230 مىڭ يۋان ارتتىردى. بۇدان بىلاي وسى نىساننىڭ پايدا بولىسىندە قىستاق كوللەكتيۆىنىڭ جىلدىق كىرىسىن 450 مىڭ يۋاننان استام ارتتىراتىن بولادى. بۇدان سىرت، 10 مالشى وتباسى جايىلىمدى اينالىمعا سالۋ ارقىلى جىلىنا 20 مىڭ يۋاننان استام كىرىس كىرگىزەدى. ٴبىر توپ قىستاق تۇرعىندارى روزا گۇلىن ەگۋ كاسىبىنىڭ ەگۋ، باسقارۋ، ٴوندىرۋ سياقتى جۇمىستارىمەن شۇعىلدانىپ، كىرىستەرىن ارتتىردى» دەدى قارابۋرا قىستاعى پارتيا ياچەيكاسىنىڭ شۋجيى ۋ جانجىڭ.

«قارابۋرا قالاشىق ۇكىمەتى ۇكىمەت پەن كاسىپورىن سەلبەسۋ تاسىلىمەن ساۋداگەر شاقىرىپ، قارجى ەنگىزىپ، ٴبىزدى تاماشا ٴتيىمدى ساياساتتان يگىلىكتەندىردى، ٴبىز وسى ساياساتتاردان ويداعىداي پايدالانىپ، كەلەسى قادامدا ورگانيكالىق ٴونىم ولشەمىنە تاباندى بولىپ، ەۆروپا وداعى ورگانيكالىق ونىمدەردى كۋالاندىرۋىنە بەلسەنە ٴوتىنىش ەتىپ جانە وعان قول جەتكىزىپ، قارابۋرانىڭ ورگانيكالىق روزا گۇلى كاسىبىن زورايتىپ، الۋەتتەندىرىپ، ٴتىپتى دە كوپ قىستاق تۇرعىنىن كىرىستى ارتتىرىپ، اۋقاتتانۋعا باستايمىز» دەدى اتالعان روزا گۇلى باقشاسىنىڭ جاۋاپتىسى جياۋ نانحۇڭ.

ۋاڭ جيانفىڭ بىلاي دەدى: «اۆتونوميالى رايوندىق 10 ـ رەتكى پارتيا قۇرىلتايىندا <10 ٴىرى كاسىپتى> ويداعىداي دامىتۋ العا قويىلدى، بۇل ماعان زور سەنىم باعىشتادى، كەلەسى قادامدا <ٴبىر قىستاقتا ٴبىر ٴونىم بولۋدى> ارقاۋ ەتىپ، ٴتيىمدى ساياساتتان ويداعىداي پايدالانىپ، جاسىل، ورگانيكالىق جەمىس ـ جيدەكتەردى دامىتۋعا تاباندى بولىپ، قارابۋرا قالاشىعىنىڭ ەرەكشە ەگىمشىلىگىن زورايتىپ، الۋەتتەندىرىپ، ٴتىپتى دە كوپ قىستاق تۇرعىنىن كىرىستى ارتتىرۋ، اۋقاتتانۋ جولىنا باستايمىن».