ۋي چيڭ:

ورىك مەكەنىندەگى وقۋشىلاردى جوعارى ساپالى وقۋ ـ اعارتۋدان يگىلىكتەندىرۋگە قۇلشىنامىز

ٴتىلشىمىز گو جۇن حابارلايدى. بىرنەشە كۇننەن بەرى اۆتونوميالى رايوندىق 10 ـ رەتكى پارتيا قۇرىلتايىنىڭ ۋاكىلى، شينجياڭعا كومەككە كەلگەن كادر، قۇلجا اۋداندىق وقۋ ـ اعارتۋ مەكەمەسىنىڭ ورىنباسار باستىعى، قۇلجا اۋداندىق 2 ـ ورتا مەكتەپتىڭ باستىعى ۋي چيڭ شينجياڭعا نەگىزگى ساتىنىڭ وقۋ ـ اعارتۋىنا كومەككە كەلگەن قىزمەتكەر تۇرعىسىنان ٴوزىنىڭ قىزمەت ٴىس جۇزىندىگىمەن ۇشتاستىرىپ، اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ۇگىتتەۋدىڭ قاربالاستىعىندا بولدى. ول وقۋ ـ اعارتۋ جاعىنان شينجياڭعا كومەكتەسۋ قوسىنىن باستاپ نانتۇڭ قالاسىنىڭ وزىق وقىتۋ ۇستانىمىن، جۇيەلى، جوعارى ٴونىمدى وقۋ - اعارتۋ، وقۋ - وقىتۋ، باسقارۋ ۇلگىسىن قۇلجا اۋداندىق 2 ـ ورتا مەكتەپكە ەنگىزىپ، ورىك مەكەنىندەگى وقۋشىلاردىڭ جوعارى ساپالى وقۋ ـ اعارتۋدان يگىلىكتەنۋىنە مۇمكىندىك جاساۋعا بەل بايلادى.

«وسى رەتكى پارتيا قۇرىلتايى بايانداماسىنىڭ نەگىزگى تاقىرىبى ايقىن، ٴتۇيىن كورنەكتىلەندىرىلگەن، بۇل ٴبىزدىڭ بۇدان بىلاي وقۋ ـ اعارتۋ ارقىلى شينجياڭعا كومەكتەسۋ قىزمەتىن ويداعىداي ىستەۋىمىزگە ايقىن باعدار نۇسقادى، سونداي ـ اق سەنىمىمدى اناعۇرلىم كۇشەيتىپ، اناعۇرلىم مول قوزعاۋشى كۇش سيلادى». 11 ـ ايدىڭ 2 ـ كۇنى ۋي چيڭ تەلەفوندا ٴوزىنىڭ پارتيا قۇرىلتايى بايانداماسى جونىندەگى تۇسىنىگى مەن اسەرىن ٴبىلدىردى.

ۋي چيڭ ۇگىت ـ لەكسيا، بايانداما جاساۋ جانە پارتيا قۇرىلتايى بايانداماسىنىڭ مازمۇنىن ەگجەي ـ تەگجەيلى ٴتۇسىندىرۋ ارقىلى وقۋ ـ اعارتۋ جۇيەسىندەگى كادرلار مەن جۇمىسشى ـ قىزمەتكەرلەردىڭ ٴماجىلىس رۋحىن  تەرەڭدەي ۇيرەنىپ، كوكەيگە ۇيالاتىپ، ناقتى تياناقتاندىرۋىن ىلگەرىلەتتى.

ۇگىت ـ لەكسيانى تىڭداعاننان كەيىن قۇلجا اۋداندىق وقۋ ـ اعارتۋ مەكەمەسى قىزمەت كوميتەتىنىڭ مۇشەسى لي حۇڭكۋان: «وقۋ ـ اعارتۋ قىزمەتكەرى رەتىندە بۇدان كەيىن اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ىشكەرىلەي ۇيرەنۋدى ماڭىزدى ساياسي مىندەت ەتىپ، ٴوز ۇيرەنۋىمدى ۇزدىكسىز كۇشەيتىپ، ساياسي جەتىلىمدى ارتتىرامىن. ٴىس جۇزىندىك قىزمەت بارىسىندا قۇرىلتاي رۋحىن ىشكەرىلەي دايەكتى تياناقتاندىرىپ، قىزمەت ادىسىنە ۇزدىكسىز جاڭالىق ەنگىزىپ، قۇلجا اۋدانىنىڭ وقۋ ـ اعارتۋىنىڭ دامۋىنا، قوعامىنىڭ جاراسىمدىلىعى مەن ورنىقتىلىعىنا بەلسەندى ۇلەس قوسامىن» دەدى.

2020 ـ جىلى كوكتەم مەرەكەسى باستالىسىمەن ۋي چيڭ ۇيىمنىڭ ماڭىزدى تاپسىرماسىن قابىلداپ، نانتۇڭ قالاسىنان شينجياڭعا كومەككە كەلگەن وقىتۋشىلاردىڭ جەتەكشىسى بولدى، مىندەتكە تاعايىندالسىمەن قىزمەت وي جەلىسىن تۇراقتاندىردى ٴارى بەرىلە ىسكە كىرىستى. ول مەكتەپ باستىعىنىڭ جىلدىقتارمەن بايلانىس جاساۋ ٴتۇزىمى، جىلدىق گرۋپپا باستىقتارىنىڭ جەتەكشىلىك ەتۋ ٴتۇزىمى، كۇندىك باعالاۋ ٴتۇزىمى سياقتىلاردى اتقاردى ٴارى نانتۇڭنىڭ ارتقى شەپ بايلىعىنان پايدالانىپ، «قۇلجا اۋداندىق 2 ـ ورتا مەكتەپتىڭ ساباق دايىنداۋ گرۋپپاسى قۇرىلىسى جوباسىن» العا قويىپ، شينجياڭعا كومەككە كەلگەن وقىتۋشىلار مەن جەرگىلىكتى وقىتۋشىلار بىرگە ساباق دايىندايتىن قوس گرۋپپا باستىعى ٴتۇزىمىن اتقاردى. وقۋ ـ اعارتۋ ارقىلى شينجياڭعا كومەكتەسۋ قىزمەت مەحانيزمىندە جاڭالىق اشىپ، وقۋ ـ اعارتۋ ارقىلى شينجياڭعا كومەكتەسۋ قوسىنىنىڭ مەكتەپ باسقارۋعا قاتىناسۋ سەرپىنىن ارتتىرىپ، «ۇيىرمە قۇرىپ باسقارۋ، كاسىپتىك قىزمەتتى اماناتتاۋ»، «وقىتۋدى زەرتتەۋ ۇيىرمەلەرىن ۇيىمداستىرىپ، پاندەردى تولىق قامتۋ»، «ارتقى شەپ ۇيىرمەسىن ۇيىمداستىرىپ، كومەكتەسۋدە ەرەكشەلىكتى كورنەكتىلەندىرۋ» جاڭا ۇلگىسىن اتقاردى.

ۋي چيڭ بىلاي دەدى: «شينجياڭعا كومەككە كەلگەن وقىتۋشى رەتىندە پارتيا ۋاكىلى بولىپ، جۇڭگو كوممۋنيستىك پارتياسى اۆتونوميالى رايوندىق 10 ـ رەتكى پارتيا قۇرىلتايىنا قاتىناسقانىمدى ايرىقشا داڭق جانە ماقتانىش سەزىنەمىن. ٴبىز <پارتيا ٴۇشىن ادام تاربيەلەپ، مەملەكەت ٴۇشىن دارىندى باۋلۋىمىز>، جاڭا داۋىردەگى سوتسياليزمنىڭ تولىمدى قۇرۋشىلارى مەن ٴىزباسارلارىن قۇلشىنا جەتىلدىرۋىمىز كەرەك. وقىتۋشىلىق ٴمورال، ۇستازدىق ستيل، ۇستازدىق قابىلەت قۇرىلىسىن كۇشەيتىپ، جوعارى ساپالى وقىتۋشىلار قوسىنىن قۇرىپ، جەرگىلىكتى ورىننىڭ وقۋ ـ اعارتۋ دەڭگەيىن ۇزدىكسىز جوعارىلاتۋ كەرەك. بۇدان بىلاي ٴبىز قازىرگىنى تياناق ەتىپ، ۇزاق بولاشاقتى جوسپارلاپ، دالمە ـ ٴدال كۇش قوسىپ، قۇلجا اۋدانىنىڭ وقۋ ـ اعارتۋ ىستەرىنە اقىل ـ پاراساتىمىز بەن كۇش ـ قۋاتىمىزدى ارنايمىز. وقۋ ـ اعارتۋ ارقىلى شينجياڭعا كومەكتەسۋ ىستەرىنە، ٴسوز جوق، ادال بولىپ، ورىك مەكەنىنىڭ وقۋ ـ اعارتۋ ىستەرىنە قىزۋ ىنتامەن ات سالىسامىز».