− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (8)

شينجياڭ گازەتىنىڭ شولۋشىسى

شينجياڭ قىزمەتىن جاقسى ىستەۋدىڭ تەتىگى پارتيادا. پارتيانىڭ باسشىلىعىنا تاباندى بولۋ جانە ونى كۇشەيتۋ − شينجياڭ قىزمەتىن ويداعىداي ىستەۋدىڭ ٴتۇبىرلى كەپىلى. اۆتونوميالى رايوندىق 10 - رەتكى پارتيا قۇرىلتايى مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴار دارەجەلى پارتكومداردىڭ باسشىلىق رولىن، قالىڭ پارتيالى كادرلاردىڭ ونەگەلىك، باستاماشىلدىق رولىن، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن تولىق ساۋلەلەندىرىپ، پارتيانىڭ شينجياڭداعى بيلىك جۇرگىزۋ ورنىن ۇزدىكسىز بەكەمدەپ، پارتيانىڭ شينجياڭداعى بيلىك جۇرگىزۋ نەگىزىن نىعايتۋىمىز كەرەك.

پارتيانىڭ باسشىلىعى ٴتۇرلى ىستەردە جەڭىسكە جەتۋدىڭ ٴتۇبىرلى كەپىلى، بارلىق حاۋىپ - قاتەرلەر مەن سىن - سايىستاردى جەڭىپ شىعۋدىڭ ماڭىزدى اسىلى. شينجياڭ قىزمەتىن ويداعىداي ىستەي الۋ - الماۋدىڭ ەڭ ٴتۇبىرلى نەگىزى پارتيانىڭ باسشىلىعىنىڭ پارمەندى بولعان - بولماعاندىعىندا. وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دانىشپاندىق شەشىم جاساۋىندا، پارمەندى باسشىلىعىندا، تۇتاس رايوندا جوعارىدان تومەنگە دەيىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال تياناقتاندىرىپ، پارتيا قۇرىلىسىنىڭ جاڭا جاعدايىن قۇلشىنا اشىپ، ساياسي قۇرىلىس جالپى بەتتىك كۇشەيدى، كادر - دارىندىلار قوسىنى ۇزدىكسىز زورايدى، قالا، اۋىل نەگىزگى ساتىسىنىڭ نەگىزى اناعۇرلىم بەكەمدەلدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسى ىشكەرىلەي ىلگەرىلەتىلدى، نەگىزگى ساتى پارتيا ۇيىمدارى مەن بۇقارالىق قىزمەت شىن مانىندە كۇشەيتىلدى، پارتيانىڭ شينجياڭداعى بيلىك جۇرگىزۋ نەگىزى ۇزدىكسىز بەكەمدەلىپ، ٴار دارەجەلى پارتيا ۇيىمدارىنىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى كورنەكتى نىعايىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەندى.

ٴتۇپ قازىق قۇرىشتاي بەرىك بولدى. 5 جىلدان بەرى شينجياڭ قىزمەتىندە قول جەتكەن كەلەلى تابىستار، تيانشان الابىنىڭ قوعامى ورنىقتى، حالىق تىنىش ٴومىر، شات - شادىمان تىرشىلىك كەشىرگەن اسا تاماشا جاعداي، ساياسي، ەكونوميكا، مادەنيەت، قوعام، ەكولوگيا سياقتى ٴتۇرلى ىستەردىڭ جاپپاي العا باسۋى شينجياڭ قىزمەتىن ويداعىداي ىستەۋ ٴۇشىن، ٴسوز جوق، پارتيانىڭ باسشىلىعىنا تيتتەي دە اۋىتقىماستان تاباندى بولۋ جانە ونى كۇشەيتۋ سىندى قىمباتتى تاريحي تاجىريبەنى جاندى ٴتۇسىندىردى.

جاڭا تاريحي باستامادا، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە ٴجۇزىنىڭ 100 جىلدا بولماعان زور وزگەرىسى الدىندا، شينجياڭ قىزمەتىندە سايىس پەن وراي بىرگە ٴومىر سۇرەدى.

جاعداي نەعۇرلىم كۇردەلى بولعان سايىن، مىندەت نەعۇرلىم جاپالى بولعان سايىن، پارتيانىڭ باسشىلىعىن سولعۇرلىم مىزعىماستان كۇشەيتىپ، پارتيانى باسقارۋ، پارتيانى جونگە سالۋ جاۋاپكەرشىلىگىن كۇشەيتىپ، ٴار دارەجەلى پارتيا ۇيىمدارى قۇرىلىسىن اناعۇرلىم قۋاتتى، پارمەندى ەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ٴتۇپ قازىعىنا اينالدىرۋ كەرەك.

پارتيانىڭ ساياسي قۇرىلىسىن شىن مانىندە كۇشەيتىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋ كەرەك. پارتيانىڭ يدەيالىق قۇرىلىسىن شىن مانىندە كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، ۇيرەنۋ، ۇگىتتەۋ، ۇگىت لەكسيا جاساۋ، باۋلۋ، جالپىلاستىرۋ، زەرتتەۋ - تالقىلاۋ قيمىلدارىن ۇدايىلاندىرا ويداعىداي يگەرىپ، شىن مانىندە وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە پايدالانۋ كەرەك. باسشىلىق القاسى مەن كادر - دارىندىلار قوسىنى قۇرىلىسىن شىن مانىندە كۇشەيتىپ، جاڭا داۋىردەگى پارتيانىڭ ۇيىمدىق لۋشيانىن باتىل دايەكتىلەندىرىپ، جاقسى كادر ولشەمى مەن ۇلتتىق وڭىرلەردەگى كادرلاردىڭ ساياسي ولشەمىنە تاباندى بولىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادر - دارىندىلاردى كۇش سالا باۋلۋ كەرەك. نەگىزگى ساتى پارتيا ۇيىمدارى مەن نەگىزگى ساتىنىڭ بيلىك قۇرىلىسىن شىنايى كۇشەيتىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە ۇزاق ۋاقىت تاباندى بولىپ، ۇزدىكسىز ورىستەتىپ، نەگىزگى ساتى ٴبىرىنشى شەبىنىڭ كۇش - قۋاتىن تولىقتاپ، كۇشەيتىپ، نەگىزگى ساتى پارتيا ۇيىمى قۇرىلىسىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن پارمەندى جاۋىنگەر قورعانعا اينالدىرىپ، پارتياعا مۇشە قابىلداۋ قىزمەتىن ويداعىداي ىستەپ، قابىلدانعان پارتيا مۇشەلەرىنىڭ ساپاسىن جوعارىلاتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز نىعايتۋ كەرەك. ستيل قۇرىلىسىن شىن مانىندە كۇشەيتىپ، ۇلى پارتيا قۇرۋ رۋحىن بار كۇشپەن اسقاقتاتىپ، جۇڭگو كوممۋنيستەرىنىڭ رۋحاني شەجىرەسىن جالعاستىرىپ، توراڭعى رۋحى مەن بيڭتۋان رۋحىن امالياتتا ايگىلەپ، تاماشا ستيل ارقىلى جاڭا داۋىردەگى پارتيالى كادرلاردىڭ تاماشا وبرازىن ورناتۋ كەرەك. پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن شىنايى كۇشەيتىپ، ەشقانداي ەرەكشەلەنبەۋ يدەياسىن بەرىك ورناتىپ، ٴبىر جاعىنان، بولشەكتەۋشىلىككە قارسى تۇرۋ كۇرەسىن مىقتى يگەرۋگە، ەندى ٴبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن مىقتى يگەرۋگە تاباندى بولىپ، يدەيالىق قورعانىس شەبىن بەكەمدەپ، شارلاۋدى، ارالاپ تەكسەرۋدى تەرەڭدەتىپ، شىرىكتەسۋدى جازالاۋدى قاتايتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

اسقار - اسقار تاۋلاردىڭ دا بارىنەن بيىك شىڭى بولادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن مىزعىماستان ىلگەرىلەتىپ، پارتيانىڭ شينجياڭداعى بيلىك جۇرگىزۋ نەگىزىن قۇرىشتاي بەكەمدەپ، تايشان تاۋىنداي ورنىقتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا پارمەندى كەپىلدىك ازىرلەۋىمىز كەرەك.