باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
پارتيا قۇرىلتايىنىڭ ٴۇنىن جەتكىزىپ، مال شارۋاشىلىعىنىڭ دامۋىنا بارىنشا كۇش سالامىن
2021-11-11 22:10:18     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جانارگۇل مۋسا قىزى:

پارتيا قۇرىلتايىنىڭ ٴۇنىن جەتكىزىپ، مال شارۋاشىلىعىنىڭ دامۋىنا بارىنشا كۇش سالامىن


ٴتىلشىمىز لي يافىڭ، ەرىكتى ٴتىلشى شيە چىڭحۇي موڭعۇلكۇرەدەن حابارلايدى. 11 - ايدىڭ 2 - كۇنى اۆتونوميالى رايوندىق 10 ـ رەتكى پارتيا قۇرىلتايىنىڭ ۋاكىلى، موڭعۇلكۇرە اۋداندىق ورمان شارۋاشىلىعى جانە جايىلىم مەكەمەسى جايىلىم پۋنكتىنىڭ مال شارۋاشىلىق مامانى جانارگۇل مۋسا قىزى موڭعۇلكۇرە اۋدانى موڭعۇلكۇرە قالاشىعى ٴدوڭمالى الەۋمەتتىك اۋماعىندا ٴار ۇلت كادرلارى مەن بۇقاراسىنا اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىن ۇگىتتەپ، پارتيا قۇرىلتايىنىڭ ٴۇنىن جەتكىزدى.

ۇگىت ـ لەكسيادا جانارگۇل ۇگىت مازمۇنىن وتكەن 5 جىلدا شينجياڭنىڭ ٴتۇرلى ىستەرىندە قول جەتكەن كورنەكتى ناتيجەلەر مەن پارتيا قۇرىلتايىنىڭ ماڭىزدى ٴمانى سياقتى جاقتاردان باستاپ اڭگىمەلەپ، كادرلار مەن بۇقاراعا جان ـ جاقتى، دۇرىس، ەگجەي ـ تەگجەيلى تۇسىنىك جاسادى. سونىمەن بىرگە، ول جاقىنعى جىلداردان بەرى الەۋمەتتىك اۋماقتا تۋىلعان وراسان زور وزگەرىستەرگە ۇشتاستىرىپ، پارتيانىڭ حالىققا تيىمدىلىك جاساۋ ساياساتىنىڭ بۇقاراعا اكەلگەن قۋانارلىق وزگەرىسىن ۇگىتتەدى.

ۇگىت ـ لەكسيانى تىڭداعاننان كەيىن ٴدوڭمالى الەۋمەتتىك اۋماعى پارتيا ياچەيكاسىنىڭ شۋجيى چىڭ يۇيدۇڭ: «يدەيا مەن ارەكەتتى، ٴسوز جوق، اۆتونوميالى رايوندىق 10 ـ رەتكى پارتيا قۇرىلتايىنىڭ رۋحىمەن بىرلىككە كەلتىرىپ، اقىل ـ پاراسات پەن كۇش ـ قۋاتتى ٴماجىلىس العا قويعان نىسانالار مەن مىندەتتەردى تياناقتاندىرۋعا شوعىرلاندىرىپ، ٴار ۇلت بۇقاراسىنا اناعۇرلىم جوعارى ٴونىمدى، حالىققا قولايلى قىزمەت وتەۋ ورتاسىن ازىرلەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن قۇلشىنا جوعارىلاتامىز» دەدى.

قوناقاي قالاشىعى قاراسۋ قىستاعى باعىمشىلىق شاعىن رايونىندا كالۆاني قوڭىر سيىرى باعىمشىلىعى كاسىپتىك سەلبەستىك كووپەراتيۆىنىڭ جاۋاپتىسى دولقىن ناسىردەن مەن جۇمىسشىلار جانارگۇلدىڭ اۆتونوميالى رايوندىق 10 ـ رەتكى پارتيا قۇرىلتايىنىڭ رۋحى جونىندەگى ۇگىت ـ لەكسيانى مۇقيات تىڭدادى. وسىدان كەيىن جانارگۇل كوپشىلىكپەن بەتپە ـ بەت اڭگىمەلەسىپ، باعىمشىلىق كاسىبىن دامىتىپ، زورايتىپ، مالشىلاردىڭ كىرىسىن ارتتىرۋ ارناسىن كەڭەيتۋگە، ونان كولەمدەنگەن باعىمشىلىققا دەيىن جاندى مىسالدار ارقىلى كوپشىلىككە قارىشتاپ دامىعان وسى زامانعى مال شارۋاشىلىعىن سەزىندىردى.

دولقىن بىلاي دەدى: «مەن سەلبەستىك كووپەراتيۆىنىڭ جاۋاپتىسى رەتىندە بۇدان كەيىن ۇلگىلىك، باستاماشىلدىق رولىمدى ساۋلەلەندىرىپ، مال باعىمشىلىعىنىڭ كولەمىن ۇزدىكسىز كەڭەيتىپ، ٴتىپتى دە كوپ شارۋالاردى سەلبەستىك كووپەراتيۆىنە مۇشە بولۋعا باۋراپ، كىرىستى بىرگە ارتتىرىپ، بايۋعا قۇلشىنامىن».

جانارگۇل بىلاي دەدى: «موڭعۇلكۇرە اۋدانى مال شارۋاشىلىعىنداعى ٴىرى اۋدان ٴارى مەملەكەتتىڭ ەكولوگيالىق وركەنيەت قۇرىلىسىنان ۇلگى كورسەتەتىن اۋدان، ەگىستىككە اينالعان ورماندى، جايىلىمدى قالپىنا كەلتىرۋدى، جايىلىمدى تىنىقتىرۋدى ۇزدىكسىز اتقارۋدىڭ ماڭىزى زور. مال شارۋاشىلىق قىزمەتىمەن شۇعىلداناتىن نەگىزگى ساتى پارتيا مۇشەسى رەتىندە بۇدان بىلاي بۇقارانىڭ مال شارۋاشىلىق ٴوندىرىسى جاعىندا جولىققان تەحنيكالىق ماسەلەلەرىن ۇزدىكسىز ويداعىداي شەشىپ، بۇقارانىڭ مال شارۋاشىلىعىنىڭ دامۋىنا بولعان قاجەتىن ۇعىسىپ، حالىققا ٴتيىمدى ناقتى ىستەردى كوبىرەك ىستەپ، كۇشتى جاۋاپكەرشىلىك سەزىممەن جانە ىسكەرلىك سەزىممەن پارتيا ۋاكىلىندىك مىندەتىمدى ويداعىداي اتقارىپ، بارشا شارۋالاردىڭ كىرىسىن ۇزدىكسىز ارتتىرۋىنا ۇلەس قوسامىن».