ابدۇرەيىم اباباكري:

پارتيا قۇرىلتايىندا بەلگىلەنگەن دامۋ جوسپارىن كوركەم رەالدىققا اينالدىرۋعا قۇلشىنامىن

ەرىكتى تىلشىلەر ۋاڭ جىنيۇي، لي يۇڭ، جاي چيۋپيڭ قورعاستان حابارلايدى. اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، قورعاس قالاسى مۇقىر رايونى پارتيا قىزمەتى كوميتەتىنىڭ مۇشەسى، بىرلىكساپ كادرى ابدۇرەيىم اباباكري 11 - ايدىڭ 3 - كۇنى سەكسەن ٴۇي الەۋمەتتىك اۋماعىنىڭ تۇرعىنى ما يۇيچىڭنىڭ وتباسىنا بارىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحى جونىندە ۇگىت - لەكسيا جاسادى.

كوپشىلىك قورالانا وتىرىپ، جۇمىستاندىرىپ، كىرىستى ارتتىرۋ، وقۋ - اعارتۋ دەڭگەيىن جوعارىلاتۋ، جالپى حالىقتىق سالاماتتىق، بەيقۇت ۇيمەن قامتاماسىز ەتۋ سياقتى جاقتاردى توڭىرەكتەي وتىرىپ، قىزۋ تالقى ورىستەتتى.

جۋىق جىلداردان بەرى ما يۇيچىڭنىڭ وتباسىندا وراسار زور وزگەرىس تۋىلدى، ول ەمدەۋ، باعىمشىلىق، قوعامدىق قامسىزداندىرۋ سياقتى جاقتاردا ساياساتتىق قوسىمشا قاراجاتتاردان يگىلىكتەنىپ قالماستان، تاعى جاڭادان سيىر قورا سالىپ، باعىمشىلىق كولەمىن كەڭەيتىپ، مال ساۋدالاۋ، جۇك اۆتوموبيلىمەن زات تاسىمالداۋ ارقىلى جىلدىق كىرىسىن 200 مىڭ يۋاننان اسىردى.

ما يۇيچىڭ بىلاي دەدى: «بۇرىن قىستاعىمىزدىڭ جولدارى ويلى - شۇڭقىر بولىپ، جاڭبىر جاۋسا بولدى لاي - باتپاق بولاتىن، ونىڭ ۇستىنە كەشتە كوشە شىراعى دا جوق بولاتىن، ال قازىر اسفالت جول ەسىك الدىمىزعا دەيىن جەتكىزىلدى، كەشتە سىرتقا شىققاندا كوشە شىراقتارى جارقىراپ تۇرادى. قىستاق تۇرعىندار كوميتەتى مەرزىم بويىنشا كۋرس اشىپ، ٴبىزدىڭ جۇمىستانۋىمىزعا كومەكتەسەدى، قازىر كوپشىلىكتىڭ تۇرمىسى كۇننەن - كۇنگە جاقساردى».

ما يۇيچىڭنىڭ وتباسىنان شىققان ابدۇرەيىم قاراوي الەۋمەتتىك اۋماعىنىڭ تۇرعىنى جاڭ فىڭنىڭ وتباسىنا باردى. جاڭ فىڭ بيىل 100 نەشە مۋ جەرگە ەگىن ەكتى، مۇندا ەكونوميكالىق داقىلدار نەگىز ەتىلگەن، ول وسى الەۋمەتتىك اۋماقتاعى ٴىرى ەگىمشىلىك وتباسى.

جۋىق جىلداردان بەرى قورعاس قالاسىنىڭ بەت - بەينەسى مەن ادامداردىڭ تۇرمىس ورەسىندە وراسان زور وزگەرىس  تۋىلدى، بۇلاردى باسىنان كەشىرگەن جانە وعان كۋا بولعان جاڭ فىڭ اسەرلەنە بىلاي دەدى: «مەن بيىل 100 نەشە مۋ جەرگە ەگىن ەگىپ، كىرىسىم 200 مىڭ يۋاننان استى، قارتتىق قامسىزداندىرۋى، ەمدەلۋدى قامسىزداندىرۋ، ەگىمشىلىك قوسىمشا قاراجاتى سياقتىلاردىڭ ۇلەس پايداسىنان تۇگەل يگىلىكتەندىم، مىنە بۇل پارتيانىڭ جاقسى ساياساتىنىڭ ارقاسى. مەن مەكەنىمىزدى ٴتىپتى دە كورىكتى ەتىپ قۇرۋعا بارىنشا قۇلشىنامىن».

ابدۇرەيىم بىلاي دەدى: «مەن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى كەزەكتەگى جانە بۇدان بىلايعى ماڭىزدى ساياسي مىندەت ەتىپ، ٴار ۇلت بۇقاراسىنىڭ يدەياسى مەن ارەكەتىن قۇرىلتاي رۋحىمەن بىرلىككە كەلتىرىپ، پارتيا قۇرىلتايىندا بەلگىلەنگەن دامۋ جوسپارىن كوركەم رەالدىققا اينالدىرۋعا قۇلشىنامىن».