− باس شۋجي شي جينپيڭنىڭ ورتالىقتىڭ حالىق قۇرىلتايى قىزمەت ماجىلىسىندە سويلەگەن ماڭىزدى ٴسوزى ىلە وبلىسىندا قىزۋ اڭىس قوزعادى

تىلشىلەرىمىز جاۋ يان، جاڭ لياڭ، حۋاڭ يان، ياڭ جيڭ - ي حابارلايدى. 10 - ايدىڭ 13 -، 14 - كۇندەرى ورتالىقتىڭ حالىق قۇرىلتايى قىزمەتى ٴماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى، ىلە وبلىسىنداعى پارتيالى كادرلار، اسىرەسە، حالىق قۇرىلتايى ۋاكىلدەرى مەن حالىق قۇرىلتايى كادرلارى حاباردى تىڭداپ ٴارى كورىپ، ٴماجىلىس رۋحىن مۇقيات ۇيرەنۋگە ۇيىمداستىرىپ، قىزۋ اڭىس قوزعادى. كوپشىلىك ٴبىر اۋىزدان مىنانى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ مازمۇنى باي، يدەياسى تەرەڭ، ماركسيزمنىڭ اقيقات كۇش - قۋاتىنا تولى باعدارنامالىق قۇجات، ٴبىز بۇدان تەرەڭ اسەر الدىق.

اۆتونوميالى رايوندىق حالىق قۇرىلتايىنىڭ ۋاكىلى، ىلە شينكۋاڭ كومىر كاسىبى ادام كۇشى بايلىعى تاراۋىنىڭ ورىنباسار مەڭگەرۋشىسى اينۇر اسقاربەك قىزى بىلاي دەدى: «بۇدان بىلاي حالىق قۇرىلتايى ۋاكىلىندىك رولىمدى ويداعىداي ساۋلەلەندىرىپ، قاي - قاشان دا حالىقتىڭ جانىنان تابىلامىن. حالىق قۇرىلتايى ۋاكىلى بولۋ سىندى داڭقتى مىندەتتى حالىق ٴوزى جۇكتەگەن، سوندىقتان دا ساياسي مايداندا بەرىك تۇرىپ، ساياسي جاۋاپكەرلىكتى اتقارىپ، حالىق جۇرتشىلىعىمەن ەتەنە بايلانىس ورناتىپ، جاڭا داۋىردەگى حالىق قۇرىلتايى ۋاكىلدەرىنىڭ بەينەسىن ايگىلەيمىن. باس شۋجيدىڭ ٴسوزى حالىق ٴۇشىن قىزمەت ىستەۋ سەنىمىمدى اناعۇرلىم بەكەمدەپ، زاڭ بويىنشا مىندەت اتقارۋ كۇش - قۋاتىمدى تاسقىنداتتى. كاسىپورىن سالاسىنىڭ حالىق قۇرىلتايى ۋاكىلى بولۋ، كاسىپورىننىڭ ادام كۇشى بايلىعىن باسقارۋشى سالاۋاتىممەن باس شۋجيدىڭ ماڭىزدى سوزىندەگى تالاپتار بويىنشا جۇمىسشى - قىزمەتشىلەرمەن، بۇقارامەن بايلانىستى تەرەڭدەتىپ، ولاردىڭ مۇڭ - مۇقتاجىن تىڭداپ، كاسىپورىن جۇمىسشى - قىزمەتشىلەردىڭ ەڭبەك ۇقىعىن تولىق قامتاماسىزداندىرىپ، «ەڭبەك زاڭى»، «ەڭبەك توقتامى زاڭى» سياقتى زاڭ - ەرەجەلەردى قاتاڭ اتقارىپ، اناعۇرلىم كوپ جۇمىسشى - قىزمەتشىگە، بۇقاراعا پارتيا مەن مەملەكەتتىڭ ٴتۇزىم ابزالدىعىن ۇعىندىرىپ، حالىق قۇرىلتايى ۋاكىلدەرىنىڭ ماڭىزدى رولىن ساۋلەلەندىرەمىن».

اۆتونوميالى رايوندىق حالىق قۇرىلتايىنىڭ ۋاكىلى، كۇنەس اۋدانى ارالتوبە قالاشىعى قاراسۋ قىستاعى پارتيا ياچەيكاسىنىڭ شۋجيى راشيدەن ٴابدۇعاني بىلاي دەدى: «نەگىزگى ساتىداعى حالىق قۇرىلتايىنىڭ ۋاكىلى رەتىندە، ٴبىر جاعىنان، حالىق قۇرىلتايىنىڭ زاڭ شىعارۋ، تەكسەرۋ - زەرتتەۋ قىزمەتىنە بەلسەنە قاتىناسىپ، ٴار ۇلت ايەل باۋىرلاستاردىڭ ايەلدەردىڭ ۇقىق - مۇددەسىن قورعاۋ جاعىنداعى زاڭ شىعارۋعا قاتىسىتى پىكىر - ۇسىنىستارىن جانە  ايەلدەردىڭ ۇقىق - مۇددەسىن قورعاۋعا ساياتىن جەرگىلىكتى زاڭ - ەرەجەلەرگە وزگەرىس ەنگىزۋ جونىندەگى پىكىرلەرىن كەڭ كولەمدى جيناقتايمىن؛ ەندى ٴبىر جاعىنان، نەگىزگى ساتىمەن ەتەنە بولۋ، بۇقارامەن ەتەنە بولۋ ابزالدىلىعىن تولىق ساۋلەلەندىرىپ، نەگىزگى ساتىداعى ايەلدەرگە باس شۋجيدىڭ ماڭىزدى ٴسوزىنىڭ رۋحىن ىشكەرىلەي ۇگىتتەپ، لەكسيا جاساپ، ولاردى ايەلدەردىڭ ۇقىق - مۇددەسىن قورعاۋ زاڭى، نەكە زاڭى سياقتى زاڭ بىلىمدەرىن ۇيرەنۋگە بەلسەنە شابىتتاندىرىپ، زاڭدى ۇيرەنىپ، زاڭدى ٴتۇسىنىپ، زاڭدى قولدانىپ، زاڭ قۇرالمەن وزدەرىنىڭ ۇقىق - مۇددەسىن قورعاۋعا، جارتى الەمدىك رولدارىن شىنايى ساۋلەلەندىرۋگە باستايمىن.

اۆتونوميالى رايوندىق حالىق قۇرىلتايىنىڭ ۋاكىلى، نىلقى اۋداندىق پارتكومىنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اكىم ي سانتاي بىلاي دەدى: «60 جىلدان بەرى، اسىرەسە، رەفورما جاساپ، ەسىك اشقان 40 نەشە جىلدان بەرى، حالىق قۇرىلتايى ٴتۇزىمى پارتيانىڭ حالىققا باسشىلىق ەتىپ، ەكونوميكانىڭ جەدەل دامۋى مەن قوعامنىڭ باياندى ورنىقتىلىعى جاعىندا كەرەمەتتەر جاراتىپ، ماڭىزدى تۇزىمدىك كەپىلمەن قامتاماسىزداندىردى. نەگىزگى ساتىداعى حالىق قۇرىلتايىنىڭ  ۋاكىلى رەتىندە، مەن ورتالىقتىڭ حالىق قۇرىلتايى قىزمەتى ٴماجىلىسىنىڭ رۋحىن ۇيرەنۋدى پارتيا تاريحىن ۇيرەنۋ تاربيەسىمەن، باس شۋجي شي جينپيڭنىڭ 1 - شىلدەدەگى ماڭىزدى ٴسوزىنىڭ رۋحىن ىشكەرىلەي ۇيرەنۋمەن، اۆتونوميالى رايوندىق  10 - رەتكى پارتيا قۇرىلتايىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرا وتىرىپ، حالىق قۇرىلتايى ۋاكىلىندىك رولىمدى تولىق ساۋلەلەندىرىپ، نىلقى اۋدانى ەكونوميكاسىنىڭ جوعارى ساپالى دامۋى مەن قوعام ورنىقتىلىعىنا اناعۇرلىم زور ۇلەس قوسامىن».

«ٴبىز جاڭا داۋىردەگى حالىق قۇرىلتايى قىزمەتىنە بۇلجىماي تاباندى بولىپ، داۋىرمەن بىرگە العا باسىپ، ونى كۇشەيتۋىمىز جانە جاقسارتۋىمىز كەرەك». مەملەكەتتىك حالىق قۇرىلتايىنىڭ ۋاكىلى، قۇلجا اۋدانى جاڭاتام قالاشىعى تومەنگى ون قىستاعى پارتيا ياچەيكاسىنىڭ  شۋجيى مۋساجان نۇردۇن بىلاي دەدى: «تەك پارتيانىڭ باسشىلىعىندا، حالىق قۇرىلتايى تۇزىمىنە تاباندى بولعاندا جانە ونى كەمەلدەندىرگەندە عانا، قالىڭ شارۋالاردىڭ دەموكراتيالىق ۇقىعىن اناعۇلىم بەلسەنە جۇرگىزىپ، حالىقتىڭ وزىنە ٴوزى قوجايىن بولۋىن شىنايى جۇزەگە اسىرىپ، جاسامپازدىق كۇشىن قاۋلاتۋعا بولادى. رەفورما جاساپ، ەسىك اشقاننان بەرى، شينجياڭداعى ٴار ۇلت بۇقاراسىنىڭ تۇرمىسىندا وراسان زور وزگەرىستەر تۋىلدى، اۋىل - قىستاقتاردا مەكتەپتەر، بالالار باقشاسى جانە رەتتى بەيقۇت ۇيلەر جاڭادان سالىندى، اسفالت جول جانە ينتەرنەت تۇتاستىرىلدى، جول شىراقتارى مەن راديو ورناتىلدى، حالىق تۇرمىسىنىڭ باقىت كورسەتكىشى بارعان سايىن جوعارىلادى». ول پارتيانىڭ باسشىلىعىنا بويسۇنۋدان جازباي، بۇقارانىڭ ٴىسىن ويداعىداي ىستەپ، پارتيانىڭ ٴتۇرلى ساياساتتارىن ويداعىداي ۇگىتتەپ، حالىق قۇرىلتايى ۋاكىلىندىك قاسيەتتى بورىشىن ويداعىداي اتقاراتىندىعىن ٴبىلدىردى.