ەرىكتى ٴتىلشى ۋاڭ حاۋچۋان كۇيتۇننەن حابارلايدى. 11 - ايدىڭ 5 - كۇنى اۆتونوميالى رايوندىق 10 - رەتكى پارتيا قۇرىلتايىنا قاتىناسقان نەگىزگى ساتىدان شىققان 3 ۋاكىل كۇيتۇن - مايتاۋ ەكونوميكالىق - تەحنيكالىق اشۋ رايونىنا بارىپ، كوپشىلىكپەن ىشكەرىلەي اڭگىمەلەسىپ، وي ورتاقتاستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحى جونىندە ۇگىت - لەكسيا جاسادى.

ماجىلىستە اۆتونوميالى رايوندىق  10 - رەتكى پارتيا قۇرىلتايىنا قاتىناسقان نەگىزگى ساتى ۋاكىلى ۋاڭ فاڭ كوپشىلىككە قۇرىلتاي بايانداماسىنىڭ باستى مازمۇندارىن ەگجەي - تەگجەيلى ٴتۇسىندىرىپ، بيىلعى «1 - شىلدە وردەنىنىڭ» يەگەرى قۇلجا اۋدانى ونيار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ومەردىڭ قىستاق تۇرعىندارىن باستاپ قاجىرلى ەڭبەك ارقىلى بايۋعا بەت العان ىزگى ىستەرىن اڭگىمەلەپ، كوپشىلىكتىڭ جىگەرىن تاسقىنداتىپ، بۇدان كەيىنگى كۇرەس نىساناسىن اناعۇرلىم ايقىندادى.

قۇرىلتاي ۋاكىلى قىمبات مۇسا قىزى اۆتونوميالى رايوننىڭ 5 جىلدان بەرگى قوعام ورنىقتىلىعى، ەكونوميكانىڭ دامۋى، حالىق تۇرمىسىنىڭ جاقسارۋى سياقتى جاقتاردا قول جەتكىزگەن تولاعاي تابىستارى مەن سۇبەلى ناتيجەلەرىن تىلگە تيەك ەتە وتىرىپ ۇگىت - لەكسيا جاسادى. ول: «پارتيانىڭ جاڭا داۋىردەگى شينجياڭدى جونگە سالۋ جالپى جوباسىن دالمە -ٴدال، تولىق دايەكتىلەندىرىپ، اۆتونوميالى رايوندىق پارتكومنىڭ شەشىمدەرىن دايەكتىلەندىرىپ، تياناقتاندىرىپ، شينجياڭ قىزمەتىندە قول جەتكىزىلگەن ماڭىزدى ناتيجەلەردەن العا ىلگەرىلەۋ كۇش - قۋاتىن قابىلداپ، جىگەردى تاسقىنداتىپ، ۇزدىكسىز كۇرەس جۇرگىزىپ، اۋقىمعا قاراي جاڭا جاعداي اشامىز» دەدى.

قۇرىلتاي ۋاكىلى ۋ چۇنپيڭ «جاقسى»، «جوعارى»، «شىنايى»، «مۇقيات»، «تەرەڭ» بولۋ سياقتى 5 جاقتان ماجىلىسكە قاتىناسقاندارعا قۇرىلتاي بايانداماسى جونىندە ىشكەرىلەي تۇسىنىك جاساپ، ولارعا وتكەن 5 جىلدا شينجياڭنىڭ ٴتۇرلى ىستەرىنىڭ  جاپپاي ىلگەرىلەتىلىپ، قوعامدىق جالپى جاعدايىنىڭ ٴۇرتىس ورنىقتى بولىپ، ەكونوميكالىق ناقتى قۋاتتىڭ كورنەكتى كۇشەيىپ، بۇقارانىڭ تۇرمىسىنىڭ بارعان سايىن جاقسارىپ، ۇلتتار ىنتىماعىنىڭ كوركەيىپ العا باسقانى، قوعامىنىڭ ورنىقتى بولىپ، حالىق الاڭسىز تىرشىلىك ەتكەن تاماشا جاعدايدىڭ جارىققا شىققاندىعىن تولىق ۇعىندىردى. سونىمەن بىرگە، كوپشىلىكتىڭ رۋحاني كوڭىل كۇيدى اناعۇرلىم تاسقىنداتىپ، اناعۇرلىم قىزۋ ىنتامەن «14 - بەسجىلدىقتىڭ» ٴتۇرلى ىستەرىندە جاڭا جاعداي اشۋ جولىندا كۇرەس جۇرگىزۋىن ٴۇمىت ەتتى.

كاسىپورىندار مەن نەگىزگى ساتى پارتيا ۇيىمىنىڭ شۋجيلەرى وزدەرىنىڭ قىزمەت ٴىس جۇزىندىگىمەن بىرلەستىرە وتىرىپ، جاقىنعى مەزگىلدەردەگى قىزمەت ورنالاستىرۋلارىن توڭىرەكتەي وتىرىپ نەگىزگى ساتى پارتيا ۇيىمىنىڭ شەپ قۇرىلىسىن، ٴوندىرىس حاۋىپسىزدىگىن كۇشەيتۋ، تىڭ دامۋ كەزەڭىن مىقتى يگەرۋ، تىڭ دامۋ ۇستانىمىن دايەكتىلەندىرۋ، تىڭ دامۋ جاعدايىن قالىپتاستىرۋ، كۇيتۇننىڭ ەكونوميكاسىنىڭ جوعارى ساپالى دامۋىنا دەم بەرۋ سياقتى جاقتاردا ايىرىم - ايىرىم ٴسوز سويلەپ، پوزيتسيا ٴبىلدىردى.

اڭگىمە ماجىلىسىندە اشۋ رايونىنداعى كاسىپورىنداردىڭ پارتيا ۇيىمى مەن بارشا پارتيالى كادرلار ۋاكىلدەرى ٴبىر اۋىزدان بىلاي دەدى: ۇيرەنگەندى كادەگە جاراتۋعا، كادەگە جاراتۋ ارقىلى ۇيرەنۋدى جەبەۋگە تاباندى بولىپ، قۇرىلتاي رۋحىن كاسىپورىننىڭ ورنىقتىلىق، دامۋ سىندى ٴتۇرلى قىزمەتىندە دايەكتىلەندىرىپ، ۇيرەنۋدى، ۇگىتتەۋدى، دايەكتىلەندىرۋدى مىقتى يگەرۋدە كورنەكتى ونىمدىلىك جاراتۋعا قۇلشىنامىز؛ پارتيا تاريحىن ۇيرەنۋ تاربيەسىمەن تىعىز ۇشتاستىرا وتىرىپ ۇدايىلانعان ۇيرەنۋ مەحانيزمىنەن ۇتىمدى پايدالانىپ، باسشى كادرلاردىڭ باستاماشى بولىپ ۇيرەنۋ، ۇيرەنۋدى قۋزاۋ سىندى ۇلگىلىك رولى مەن پارتيا ياچەيكاسىنىڭ تۇلعالىق رولىن ساۋلەلەندىرىپ، قۇرىلتاي رۋحىن نەگىزگى ساتىعا دەيىن جەتكىزەمىز؛ ٴوندىرىس حاۋىپسىزدىگىن تيتتەي دە بوساڭستىپاي مىقتى يگەرۋگە تاباندى بولىپ، ٴوندىرىس حاۋىپسىزدىگى شىرعالاڭىنىڭ تۋىلۋىنان باتىل ساقتانامىز جانە تەجەيمىز؛ ەكونوميكانىڭ جوعارى ساپالى دامۋىنا بارىنشا جەبەۋشى بولىپ، ولقىلىقتاردى تەكسەرىپ جانە تولىقتاپ، ساتى بويىنشا اداقتاۋ جۇرگىزىپ، قاۋىرت قۇرىلىس جۇرگىزىپ، نىسانا - مىندەتتەردىڭ تولىق ورىندالۋىنا كەپىلدىك ەتەمىز.