ىلە مەملەكەتتىك اۋىل شارۋاشىلىعى عىلىم - تەحنيكا باقشا رايونى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى جاۋ شيۇڭۋي اۆتونوميالى رايوندىق 10 - رەتكى پارتيا قۇرىلتايىنا قاتىناسقانداعى اسەرىن اقتارىلا اڭگىمەلەدى

2021 - كۇنى 10 - ايدىڭ 21 - كۇنىنەن 25 - كۇنىنە دەيىن مەن تولقىعان ٴارى ماقتانىشتى كوڭىل كۇيمەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - رەتكى پارتيا قۇرىلتايىنا قاتىناستىم. بۇل رەتكى قۇرىلتايدا شىندىقتى ٴىس جۇزىنەن ىزدەۋ تۇرعىسىنان وتكەن بەس جىلداعى ناتيجەلەر قورىتىندىلانىپ، بۇدان كەيىنگى 5 جىلداعى ٴىرى جوبالار سەنىمدى تۇردە جوسپارلانىپ، كوڭىلدەردى جەلپىندىردى.

پارتيا 18 - قۇرىلتايىنان بەرى اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، ٴتۇرلى ىستەردى كۇش سالا ىلگەرىلەتىپ، قوعامدىق جالپى جاعدايدىڭ جاپپاي ورنىقتىلىعىن ساقتادى. بۇگىنگى شينجياڭدا ەكونوميكا مەن قوعام اقاۋسىز دامىپ، ٴار ۇلت بۇقاراسىنىڭ تۇرمىسى ٴۇرتىس جاقسارىپ، ۇلتتار ىنتىماعى ۇزدىكسىز نىعايدى، بارشا كادرلار مەن بۇقارا نازار مەن كۇش - قۋاتتى شوعىرلاندىرىپ، تىنىش تا ىنتىماقتى كورىكتى مەكەندى بىرگە قۇردى، شينجياڭنىڭ بايتاق دالاسىندا وراسان زور وزگەرىستەر جارىققا شىقتى.

اۆتونوميالى رايوندىق 10 - رەتكى پارتيا قۇرىلتايىندا جاڭا  ۇلى جوسپار جاسالدى، ٴبىز يدەيانى، تانىمدى، اياق الىستى، ارەكەتتى بىرلىككە كەلتىرىپ، بارلىق قىزمەتتەردى باس نىسانانى توڭىرەكتەي وتىرىپ جوسپارلاۋىمىز، ورىستەتۋىمىز، ىلگەرىلەتۋىمىز كەرەك. كۇشتى جاۋاپكەرلىك، كوكەيتەستىلىك، بورىشتىلىق سەزىمدە بولا وتىرىپ، بارلىق ادام جاۋاپكەرلىك ارقالاپ، بارلىق ادام جاۋاپكەرلىگىن ادا ەتىپ، قۇرىلتاي رۋحىنىڭ تياناقتانىپ، ونىمدىلىك جاراتۋىنا كەپىلدىك ەتۋىمىز كەرەك.

اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى رەتىندە بورىشىمنىڭ داڭىقتى، جاۋاپكەرلىگىمنىڭ اۋىر ەكەنىن تەرەڭ سەزىندىم. بۇدان كەيىنگى قىزمەت بارىسىندا، مەن، ٴسوزسىز،  كۇش سالا ۇيرەنىپ، ارەكەت بارىسىندا تياناقتاندىرۋدى يگەرىپ، ۇيرەنۋدى، وي جۇگىرتۋدى، امالياتتا ايگىلەتۋدى، ٴتۇسىنۋدى ۇشتاستىرىپ، ۇيرەنگەندى امالياتپەن بىرلەستىرىپ، ۇيىمنىڭ ٴۇمىتى مەن سۇيىسپەنشىلىگىن باتىل اقتاپ، ٴتۇرلى قىزمەتتەردى تىڭعىلىقتى ويداعىداي ىستەيمىن. بىرىنشىدەن، ۇيرەنۋ ناتيجەمدى ساياسي قابىلەتتى جوعارىلاتۋ جاعىندا بەينەلەيمىن، «ەكى جالپى جاعدايدى» جادىمنان شىعارماي، «مەملەكەتتىڭ زور ٴىسىن» ەستە بەرىك ساقتاپ، يدەيا، ساياسي، ارەكەت جاعىندا باس شۋجي شي جينپيڭدى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، ساياسيدا اڭعارلى، قۇنىتتى ادام بولىپ، بەلدى بەكەم بايلاپ پارتياعا ىلەسىپ، قاي - قاشان دا العان بەتىمنەن قايتپايمىن. ەكىنشىدەن، ۇيرەنۋ ناتيجەمدى سۋبيەكتيۆ دۇنيەنى وزگەرتۋ جاعىنان ايگىلەيمىن. ماركسيزم سەنىمىن، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن بەرىك ورناتىپ، حالىقتىڭ كوركەم تۇرمىسقا بولعان ٴۇمىتىن كۇرەس نىساناسى ەتۋدەن جازباي، ٴوز ٴومىرىمدى پارتياعا، مەملەكەتكە ارناپ، پارتياعا، مەملەكەتكە جاۋاپ قايتارامىن. ۇشىنشىدەن، ۇيرەنۋ ناتيجەمدى، قىزمەت قابىلەتىمدى جوعارىلاتۋ جاعىندا ايگىلەيمىن. عىلمي شەشىم قابىلداۋ قابىلەتىمدى، رەفورمادان قامال الۋ قابىلەتىمدى، شۇعىل جاعدايعا توتەپ بەرۋ، شۇعىل جاعدايدى ٴبىر جاقتى ەتۋ قابىلەتىمدى، تياناقتاندىرۋدى يگەرۋ قۋاتىن اناعۇرلىم ارتتىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحى مەن ناقتى نىسانا - مىندەتتەردى بۇلجىتپاي تياناقتاندىرامىن. تورتىنشىدەن، ۇيرەنۋ ناتيجەمدى ماڭىزدى مىندەتتەردى تياناقتاندىرۋ جاعىندا ايگىلەيمىن. جاڭا دامۋ ساتىسىن يگەرىپ، جاڭا دامۋ كوزقاراسىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزىكتى ٴبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكانى، قوعامدى دامىتۋدى ٴبىر تۇتاس جوسپارلاپ، قوعامدىق جالپى جاعدايدىڭ ٴۇرتىس ورنىقتىلىعىن ساقتاپ،  ۇدايىلانعان ىندەتتەن ساقتانۋ - تىزگىندەۋدى ەش بوساڭسىماي جاقسى ىستەپ، ٴوندىرىس حاۋىپسىزدىگى ساقتىق دابىلىن ۇزدىكسىز قاعۋدى ويداعىداي يگەرىپ، حالىق تۇرمىسىنا تىعىز جاناسىپ، ەكونوميكا مەن قوعامنىڭ جوعارى ساپالى دامۋىن ىلگەرىلەتىپ، باقشا رايونىنىڭ ٴىس جۇزىندىگىمەن بىرلەستىرە وتىرىپ جوبالاۋدى، نىساندى، باسقارۋدى، رەتتەۋ - تۇزەتۋدى مىقتى يگەرىپ، ىلە مەملەكەتتىك اۋىل شارۋاشىلىعى عىلىم - تەحنيكا باقشا رايونىنىڭ تۇتاس جىلدىق ەكونوميكالىق جانە قوعامدىق دامۋىنىڭ نىسانا - مىندەتتەرىن كۇش سالا ورىنداپ، «14 - بەس جىلدىقتا» تاماشا باستاما اشۋدى جۇزەگە اسىرامىن.

ساۋ يۋەمەي رەتتەگەن.