قۇلجا قالاسىنداعى ٴار ۇلت پارتيالى كادرلارى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قىزۋ تالقىلادى

ەرىكتى تىلشىلەر بايىرتا، ماۋلەن، جاڭ كاڭ حابارلايدى. بۇرىنعىعا مۇراگەر، كەيىنگىگە بۇيداگەر بولۋ ۇلى بورىشىن ارقالاعان، بۇكىل دۇنيە كوز تىككەن جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ٴماجىلىسى 11 - ايدىڭ 8 - كۇنىنەن 11 - كۇنىنەن دەيىن بەيجيڭدە وتكىزىلدى. قۇلجا قالاسىنداعى بارشا پارتيالى كادرلار جالپى ٴماجىلىستى دەر كەزىندە كورىپ جانە تىڭداپ، جالپى ٴماجىلىستىڭ رۋحىن ۇيرەندى، يگەردى. كوپشىلىك مىنانى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي ىشكەرىلەي ۇيرەنىپ، دايەكتىلەندىرىپ، تاريحتى اينا ەتىپ، بولاشاققا جول الىپ، بار پەيىلمەن ىسكە كىرىسىپ، قايسارلىقپەن العا ىلگەرىلەپ، ەكىنشى ٴجۇز جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىندەگى  جۇڭگو ارمانىن جۇزەگە اسىرۋ ٴۇشىن تالىقپاي كۇرەس جۇرگىزەمىز.

قۇلجا قالالىق وقۋ - اعارتۋ مەكەمەسى پارتيالى كادرلاردى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋگە، تۇسىنۋگە ۇيىمداستىردى. كوپشىلىك مىنانى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ٴمورال ارقىلى ادام تاربيەلەۋ ٴتۇبىرلى مىندەتىن تياناقتاندىرىپ، حالىق ريزا بولاتىن وقۋ - اعارتۋدى كۇش سالا جۇرگىزەمىز.

قۇلجا قالالىق وقۋ - اعارتۋ مەكەمەسى ورگان پارتيا ياچەيكاسىنىڭ  ورىنباسار شۋجيى لۇي فىڭ بىلاي دەدى: «پارتيا 19 - كەزەكتى ورتالىق كوميتەتى  التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋدى كەزەكتەگى جانە بۇدان كەيىنگى ٴبىر مەزگىلدەگى ماڭىزدى ساياسي مىندەت رەتىندە قاراپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرى جانە ورنالاستىرۋلارىمەن بىرلىككە كەلتىرەمىن. ياچەيكاداعى پارتيا مۇشەلەرىن ۇيىمدىق تۇرمىسقا جالعاستى ۇيىمداستىرىپ، مەكەمە ورگانى پارتيا قۇرىلىسى قىزمەتىن ويداعىداي يگەرىپ، ياچەيكاداعى پارتيا مۇشەلەرىن تاربيەلەۋ، باسقارۋدى ويداعىداي يگەرىپ، سەنىمدى اناعۇرلىم بەكەمدەپ، كۇش - قۋاتتى ۇيىستىرىپ، تاسقىنداعان رۋحاني بەت - بەينەمەن قۇلجا قالاسىنىڭ وقۋ - اعارتۋ ىستەرىن دامىتۋدىڭ جاڭا تاراۋىن جازۋعا ٴوز ۇلەسىمدى قوسامىن».

قۇلجا قالالىق توعىسپالى مەديا ورتالىعى بارلىق قىزمەتكەرلەردى  پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مۇقيات ۇيرەنۋگە ۇيىمداستىردى. كوپشىلىك مىنانى ٴبىلدىردى: الدىن الا ۇيرەنۋگە، الدا جۇرۋگە تاباندى بولىپ،  جالپى ٴماجىلىس رۋحىنىڭ باي مازمۇنى مەن وزەكتى ٴتۇيىنىن جان - جاقتى، جۇيەلى ۇيرەنىپ، ۇعىنىپ، دۇرىس ساياسي باعىتتى مىقتاپ يگەرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتۋدى جەبەپ، اقپارات دانەكەرلەرىن شوعىرلى ۇگىت - لەكسيا جاساۋعا، نازاريالىق جاقتان تۇسىندىرۋگە، سىرتقا قاراتا ۇگىتتەۋگە مۇقيات ۇيىمداستىرىپ، پارتيانىڭ ٴجۇز جىلدىق كۇرەسىندەگى كەلەلى تابىستارى مەن تاريحي تاجىريبەلەرىن جان - جاقتى ايگىلەپ، جۇڭگوشا سوتسياليزمنىڭ جاڭا داۋىرگە قادام تاستاعان تاريحي تابىستارى مەن تاريحي وزگەرىستەرىن جاندى بەينەلەپ، كادرلار مەن بۇقارانى ساياسي سانالىلىقتارىن ارتتىرىپ، تاسقىنداعان جىگەرمەن بولاشاققا جول الۋعا جەتەكشىلىك ەتتى.

قۇلجا قالالىق توعىسپالى مەديا ورتالىعى اۋدارۋ - جاساۋ ورتالىعىنىڭ مەڭگەرۋشىسى كاناريايارمامەت بىلاي دەدى: «كەشەگى ازاپ  اۋىرىتپالىق پەن شۇعىلالى ناتيجەنى ەستەن شىعارماي، بۇگىنگى جاۋاپكەرلىك پەن مىندەتتى ادال اتقارىپ، ەرتەڭگى ۇلى ارماندى ورىندايمىن، اقپارات - ۇگىت قىزمەتكەرى بولعان مەن تاپسىرمانى ەستە بەرىك ساقتاپ، جاڭالىق اشىپ، ناقتى ىستەپ، جاڭا ٴداۋىردىڭ جاڭا تاراۋىن جازۋعا كۇش سالامىن. قولىمداعى قالام مەن كەسكىن اپپاراتى ارقىلى بار نيەتپەن، شىنايى كوڭىلمەن حالىق تۇرمىسىمەن جاناسقان، جاندى دا جالىندى، وڭ ەنەرگيالى ٴتىپتى دە مول تاماشا تۋىندى جاراتۋعا كۇش سالامىن».