باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ىلە وبلىسىنىڭ تۇڭعىش كەزەكتى مەملەكەتتە ٴبىر تۇتاس قولدانىلاتىن ٴتىل - جازۋدى ۇيرەنۋ وبراز ەلشىسىن تاڭداۋ جارىسى مارەسىنە جەتتى
2021-02-12 11:59:33كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

 

 

   سۋرەتتە: شەشۋشى جارىستان كورىنىس.

    ما چىڭلۋ فوتوسى

    ٴتىلشىمىز ما چىڭلۋ توعىزتاراۋدان حابارلايدى. 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن اناعۇرلىم دايەكتى تياناقتاندىرىپ، ٴار ۇلت كادر ـ جۇرتشىلىعىنىڭ مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋىنە جەتەكشىلىك ەتۋ ٴۇشىن، 1 ـ ايدىڭ 28 ـ كۇنى «مەملەكەتتە ٴبىرتۇتاس قولدانىلاتىن ٴتىل - جازۋدى ۇيرەنىپ، جۇڭحۋا ۇلتى ورتاق تۇلعا تانىمىن بەكەمدەيىك» اتىنداعى ىلە قازاق اۆتونوميالى وبلىسىنىڭ تۇڭعىش كەزەكتى مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋ وبراز ەلشىسىن تاڭداۋ جارىسى توعىزتاراۋ اۋدانىنىڭ توعىسپالى مەديا ورتالىعىندا وتكىزىلدى.

    وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى پارحات ٴسايدي قيمىلعا قاتىناستى ٴارى ٴسوز سويلەدى.

    پارحات ٴسايدي: «مەملەكەتتە ٴبىرتۇتاس قولدانىلاتىن ٴتىل ـ جازۋ - ەلىمىز حالىقتىق وقۋ ـ اعارتۋىنىڭ ماڭىزدى قۇرامداس ٴبولىمى، ٴار ۇلتتىڭ مادەنيەت جاعىنداعى ورتاق تانىمىنىڭ، كوڭىل توعىستىرۋىنىڭ، ينفورماتسيا اۋىستىرۋىنىڭ كىلتى، ٴار ۇلتقا ورتاق رۋحاني مەكەن قۇرۋدىڭ العى شارتى، جۇڭحۋانىڭ تاڭداۋلى ٴداستۇرلى مادەنيەتىنىڭ جان تامىرى جانە رۋحى، جۇڭحۋا ۇلتى ورتاق تۇلعا تانىمىن بەكەمدەپ، ٴار ۇلتتىڭ ۇلى ىنتىماعىن بەكەمدەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا كەلەلى مانگە يە، مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋدىڭ وبراز ەلشىسى بولىپ سارالانعانداردىڭ اۋەلگى ماقساتتى ۇمىتپاي، كوپشىلىكتىڭ ٴۇمىتىن اقتاپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋ ٴۇشىن اناعۇرلىم زور ۇلەس قوسۋلارىن ٴۇمىت ەتەمىز» دەدى.

    وبلىسقا توتە قاراستى ورىنداردان 300 دەن استام شاباندوز قاتىناسىپ، 17 شاباندوز قارا ءۇزىپ شەشۋشى جارىسقا قاتىناستى، ولاردىڭ ىشىندە وقۋ ـ اعارتۋ قىزمەتكەرلەرى دە، نەگىزگى ساتى كادرلارى دا بار. ولار اسقاق رۋحپەن مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋ كەشىرمەلەرىن بايانداپ، مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋ شەبەرلىگىن يگەرۋ - وسىزامانعى عىلىم ـ تەحنيكا، مادەنيەت بىلىمدەرىن قابىلداۋدىڭ، ٴتىپتى، وسى زامانعى قوعاممەن توعىسۋدىڭ كىلتى ەكەنىن كوپشىلىككە ۇعىندىردى.

    بۇل رەتكى قيمىلدى وبلىستىق پارتكومنىڭ بىرلىكساپ ٴبولىمى، وبلىستىق «ۇلتتار ىنتىماعىنىڭ بەرەكەلى شاڭىراعى» قيمىلى باسشىلىق گرۋپپاسى كەڭسەسى، وبلىستىق ۇلتتاردىڭ ىنتىماعى، العا باسۋىنان ۇلگىلى ورىن قۇرۋ قىزمەتى باسشىلىق گرۋپپاسى كەڭسەسى بىرلەسىپ وتكىزدى. قيان - كەسكى بەلدەسۋ ارقىلى جارىستىڭ ەڭ سوڭىندا 1 ـ دارەجەلىدەن بىرەۋ، 2 ـ دارەجەلىدەن ەكەۋ، 3 ـ دارەجەلىدەن التاۋ، ۇزدىكتەن 7 شاباندوز سارالانىپ شىقتى. 17 شاباندوز وبلىستاعى مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋ وبراز ەلشىسى بولىپ باعالاندى.

    جارىسقا قاتىناسقاندار ءبىر اۋىزدان: «مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋىمىز، مەملەكەتتە ٴبىر تۇتاس قولدانىلاتىن ٴتىل ـ جازۋدى بارىنشا جالپىلاستىرۋىمىز، مەملەكەتتە ٴبىرتۇتاس قولدانىلاتىن ٴتىل ـ جازۋ ارقىلى كوپشىلىككە جۇڭگونىڭ قاتپارلى تاريحىن، ٴتىل ەستەتيكاسى مەن مەملەكەت قۋاتىن سەزىندىرۋىمىز كەرەك» دەدى.

    ٴبىرىنشى دارەجەلى سيلىقتىڭ يەگەرى ٴدىلدار مامەت - وبلىستىق قىزىلتۋ بالالار باقشاسىنىڭ وقىتۋشىسى. وقىتۋشىلىقپەن شۇعىلدانعانىنا 30 جىلعا تاياعان، جاڭالىققا تولى وقىتۋ ادىسىمەن، بالاقايلار قۋانا قابىلدايتىن تاسىلمەن مەملەكەتتە ٴبىرتۇتاس قولدانىلاتىن ٴتىل ـ جازۋدان ساباق بەرەدى. ول: «بۇگىن وبلىس بويىنشا مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋدىڭ وبراز ەلشىسىنە اينالىپ قاتتى قۋاندىم ءارى جاۋاپكەرلىگىمدى دە سەزىندىم. بۇدان كەيىن ۇزدىكسىز قۇلشىنىپ، ٴوز قىزمەتىممەن سايكەستىرىپ، قاسىمداعى جاناشىرلارىما، دوستارىما جانە بالا باقشاداعى بالالارعا مەملەكەتتە ٴبىر تۇتاس قولدانىلاتىن ٴتىل ـ جازۋدى بەلسەنە جالپىلاستىرىپ، ۇيىمنىڭ سەنىمىن اقتايمىن» دەدى.

    وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى نۇرجان مامەت جانە وبلىسقا توتە قاراستى ورىنداردىڭ، اۋدان، قالالاردىڭ قاتىستى باسشىلارى قيمىلعا قاتىناستى.