ٴتىلشىمىز مىڭ شيا حابارلايدى. 3 ـ ايدىڭ 9 ـ كۇنىنەن 15 ـ كۇنىنە دەيىن اۆتونوميالى رايوندىق ايەلدەر بىرلەستىگىنىڭ «شينجياڭدى مادەنيەتپەن نارلەندىرۋدى وتباسىلارىنا جەتكىزۋ» جەلەكتىلەر ۇگىت ـ لەكسيا ۇيىرمەسى ىلە وبلىسىنا كەلىپ، ىلگەرىندى ـ كەيىندى كۇيتۇن قالاسى، قورعاس اۋدانى، قۇلجا قالاسىنداعى ٴىشىنارا اۋىل ـ قالاشىق، ٴمالى باسقارماسى، الەۋمەتتىك اۋماقتاردا نەگىزگى تاقىرىپتىق ۇگىت ـ لەكسيا جاسادى.

    «باس شۋجي شي جينپيڭ 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە شينجياڭ ەرەكشەلىگىنە يە ابزال كاسىپتەردى جەتىلدىرىپ، زورايتىپ، جەرگىلىكتى ورىندارداعى بۇقارانىڭ كىرىسىن ارتتىرىپ، اۋقاتتانۋىنا باستاماشىلىق ەتۋدى ورتاعا قويعان بولاتىن. جارتى الەمدىك رول اتقارىپ وتىرعان ءبىز ايەل جولداستار شىنداپ ىسكە كىرىسىپ قانا قويماي كەستەشىلىك، كيىم ـ كەشەك سىندى ەرەكشە كاسىپتەردى دامىتىپ زورايتۋىمىز كەرەك» دەدى اۆتونوميالى رايوننىڭ ۇگىت ـ لەكسيا ۇيىرمەسىنىڭ لەكتورى گۇلار ومەر. ول كۇيتۇن قالاسى، قورعاس اۋدانى جانە قۇلجا قالاسىندا بۇقارا اراسىنا بارىپ پارتيا 19 ـ كەزەكتى ورتالىق كوميتەتى بەسىنشى جالپى ٴماجىلىسىنىڭ جانە 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن توڭىرەكتەپ، وتباسى تاربيەسى، وتباسى ستيلى قۇرىلىسىمەن بىرلەستىرە وتىرىپ، جۇڭحۋا ۇلتى ورتاق تۇلعا تانىمىن ەستە بەرىك ساقتاۋ، سوتسياليستىك وزەكتى قۇن كوزقاراسىنىڭ وتباسىلارىندا تەرەڭ تامىر تارتىپ، وركەن جايۋىن جەبەۋ سياقتى مازمۇنداردا تەرەڭ ماعىنالى لەكسيا جاسادى.ۇگىت - لەكسياشىلار «بۇقارانىڭ اراسىنا بارىپ، بۇقارانىڭ قاسىندا بولىپ بۇقاراعا ٴتۇرلى ساياساتتاردى بەتپە - بەت ۇگىتتەپ، حالىق بۇقاراسىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا جاساعان كومەگى مەن قامقورلىعىن سەزىندىردى. ٴبىز ۇزدىكسىز تاباندىلىقپەن شىنداپ ىسكە كىرىسىپ، بۇقارانىڭ بەلسەندىلىگىن جەبەپ، شينجياڭدى مادەنيەتپەن نارلەندىرۋ ينجەنەرياسىنا، اۋىل ـ قىستاقتى گۇلدەندىرۋ ستراتەگياسىنا ات سالىسىپ، جاڭاشا اۋىل ـ قىستاق قۇرىلىسىنا ۇلەس قوسامىز» دەدى قورعاس اۋدانى ساربۇلاق قالاشىعى شاتىرتال قىستاعىنا «ۇعىسۋ، تيىمدىلىك جاساۋ، توعىستىرۋ» بويىنشا تۇسكەن قىزمەت اترەتىنىڭ ورىنباسار باستىعى داڭ شياۋجيە.

    كۇيتۇن قالالىق ايەلدەر بىرلەستىگىنىڭ ٴتورايىمى ۋاڭ ليچيڭ: «3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن جاقسى ۇيرەنۋ - ٴبىزدىڭ كەزەكتەگى ماڭىزدى مىندەتىمىز، مۇنان كەيىن ٴبىز جاڭا داۋىردەگى ايەلدەردىڭ يدەيالىق ـ ساياسي جەتەكشىسى، وتباسى ستيلى مەن وتباسى تاربيەسىنىڭ جالعاستىرۋشىسى، باقىتتى تۇرمىستىڭ جاراتۋشىسى بولۋىمىز كەرەك» دەدى.

    ۇگىت ـ لەكسيانى تىڭداعان قۇلجا قالاسى تاشكورىك اۋىلىنىڭ تۇرعىنى ايگۇل ءىليار: «ۇگىت ـ لەكسيادا سويلەنگەن مازمۇندار وزىمىزگە قانىق ىستەر بولعاندىقتان تۇرمىسقا جاناسىمدى بولدى، بيىل مەن ەڭ كورىكتى وتباسى باعالاۋىنا قاتىناسىپ، بالامدى جاقسى تاربيەلەيمىن» دەدى.

    ۇعىسۋىمىزشا، ۇگىت ـ لەكسيا ۇيىرمەسى ۇگىت ـ لەكسيا جاساعان ورىندارىنداعى ناق مايداندا ايەلدەر قاۋىمىنا «جاڭا ٴداۋىر ايەلدەرىنىڭ جاڭا سالتى»، «نارەستە بالالاردى كۇتىمدەۋ» سىندى ۇگىت قولدانباسىن تاراتىپ، مادەنيەتپەن نارلەندىرۋدى ايەلدەر ورتاسىنا جەتكىزگەن.