سىناق ءتۇيىنى ءتيىمدى ورايىن قولدان بەرمەي، بايلىق ابزالدىعىن مىقتى يگەرىپ، سىرتقى ساۋدانىڭ جاڭا ارتۋ ءتۇيىنىن جەتىلدىردى

    شينجياڭ (ىلە وبلىسى) تۇڭعىش توپتا ەكىنشى قول اۆتوكولىك ەكسپورت ەتتى

    ءتىلشىمىز پاتيما حابارلايدى. 4 - ايدىڭ 26 - كۇنى وبلىستىق ۇكىمەت قورعاس قالاسىندا شينجياڭ (ىلە وبلىسى) تۇڭعىش توپتاعى ەكىنشى قول اۆتوكولىك ەكسپورت ەتۋ سالتىن وتكىزدى، 21 شاعىن تيپتى جاڭا ەنەرگيالى ەكىنشى قول اۆتوكولىك قورعاس وتكەلىنەن شىعارىلىپ، قازاقستان ارقىلى وزبەكستانعا جەتكىزىلدى، بۇل مەملەكەت بويىنشا ەكىنشى توپتا ەكىنشى قول اۆتوكولىك ەكسپورت ەتۋ كاسىبىنىڭ ىلە وبلىسىندا تۇڭعىش تابىستى بولعاندىعىن، ءساتتى باستالعاندىعىن ايگىلەيدى.

    وبلىستىق ساياسي كەڭەس پارتگرۋپپاسىنىڭ شۋجيى جياۋ ي - مين، وبلىستىق ۇكىمەت پارتگرۋپپاسىنىڭ مۇشەسى، جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى پارتكومىنىڭ ورىنباسار شۋجيى، ورىنباسار باس جەتەكشىسى چىن شياڭ اۆتوكولىك شىعارۋ سالتىنا قاتىناستى. وسى رەتكى اۆتوكولىك شىعارۋ سالتىنا تاعى دا اۆتونوميالى رايوندىق ساۋدا ىستەرى مەڭگەرمەسى پارتگرۋپپاسىنىڭ شۋجيى، مەڭگەرمە باستىعى رۇڭ جۇن، ءۇرىمجى كەدەنىنىڭ ورىنباسار باستىعى لان شىڭبين قاتىناستى.

    وبلىستىق پارتكومنىڭ تۇراقتى مۇشەسى، قورعاس ەكونوميكالىق اشۋ رايونى پارتيا قىزمەتى كوميتەتىنىڭ ۇنەمىلىك ىستەرگە جاۋاپتى ورىنباسار شۋجيى، باسقارۋ كوميتەتىنىڭ مەڭگەرۋشىسى، قورعاس قالالىق پارتكومنىڭ شۋجيى حاۋ جيانمين اۆتوكولىك شىعارۋ سالتىن باسقاردى.

    جياۋ ي - مين اۆتوكولىك شىعارۋ سالتىندا بىلاي دەدى: ىلە وبلىسى شينجياڭنىڭ تۇڭعىش ەكىنشى قول اۆتوكولىك ەكسپورت ەتەتىن سىناق ءتۇيىنى رايونى سانالادى، وڭىرلىك ەرەكشەلىكتەگى وزىندىك ابزالدىققا، كورنەكتى قاتىناس تورابىندىق ورىنعا، قولايلى دا جوعارى ءونىمدى كەدەن ونىمدىلىگىنە، تاماشا تيجارات - ساۋدا ورتاسىنا، «ءبىر بەلدەۋ، ءبىر جول» جەلىسى بويىنداعى ەلدەرگە ەكىنشى قول اۆتوكولىك ەكسپورت ەتۋ كاسىبىن ورىستەتۋگە بەت الۋ تاماشا نەگىزىنە يە. مەملەكەت، اۆتونوميالى رايون قورعاستى «جۇڭگونىڭ باتىسقا ەسىك اشۋداعى ماڭىزدى تەرەزەسى، شينجياڭنىڭ جوعارى ساپالى دامۋىنداعى تىڭ ەكونوميكالىق ارتۋ ۇيەگى، شەكارانى كوركەيتۋ، اشىق ۇستاۋداعى ۇلگى كورسەتۋ رايونى» ەتىپ بەلگىلەپ، مەحانيزم جانە ساياسات جاعىنان ەرەكشە تيىمدىلىك بەردى، قورعاس قازىر مەملەكەت بويىنشا كەدەننەن وتكىزۋ شارت - جاعدايى جاعىندا ەڭ قولايلى، نەگىزدىك قۇرىلعىلارى ەڭ كەمەلدى، جالپى تاسىمال مولشەرى ەڭ زور، ونىمدىلىگى ەڭ جوعارى قۇرلىق وتكەلىنە اينالدى. قورعاستىڭ «ۋنيۆەرسالدى باجىسىز رايونى + سايكەستى رايون» سىندى جاقتارداعى ساياسات ابزالدىعى ءتىپتى دە كورنەكتىلەنە ءتۇستى، بۇل ەكىنشى قول اۆتوكولىك ەكسپورت ساۋداسىنا ءتيىمدى بولىپ قالماستان، ىلە وبلىسىنىڭ ۋنيۆەرسالدى باجىسىز رايونى ساياساتىنان پايدالانىپ، ەكىنشى قول اۆتوكولىك وتكەرمەلەۋ ساۋداسىن جۇزەگە اسىرۋىن جەبەپ، ۋنيۆەرسالدى باجىسىز رايونىنىڭ باجىسىز زات اينالىمى يقۋاتىن كۇشەيتىپ، ەكىنشى قول اۆتوكولىك ەكسپورت ەتۋ كاسىبى ءۇشىن پارمەندى كەڭىستىك قامتاماسىزدىعىن ازىرلەدى. ىلە وبلىسى وسى رەتكى اۆتوكولىك شىعارۋ سالتى ارقىلى ورايدى ءتىپتى دە مىقتى يگەرىپ، ەكىنشى قول اۆتوكولىك ەكسپورت ەتۋ قىزمەتىن جوعارى ولشەممەن، جوعارى ورەمەن، جوعارى ساپامەن ىلگەرىلەتىپ، تۇتاس رايونىمىزدىڭ سىرتقى ساۋدا ىستەرىنىڭ دامۋىنا تىڭ ۇلەس قوسپاقشى.

    اۆتونوميالى رايوندىق ساۋدا مەڭگەرمەسى پارتگرۋپپاسىنىڭ مۇشەسى، مەڭگەرمەنىڭ ورىنباسار باستىعى جۋ يۇڭ ارناۋ سوزىندە بىلاي دەدى: «ءبىز ەكسپورت ەتكەن اۆتوكولىك ەكىنشى قول اۆتوكولىك ءارى <جاڭا> اۆتوكولىك. مۇنىڭ تىڭ بەينەسى ورنىقتى سىرتقى ساۋدا قىزمەتىندە جاڭالىق اشۋدا. 2019 - جىلى مەملەكەت بويىنشا ەكىنشى قول اۆتوكولىك ەكسپورت ەتۋ قىزمەتى ورىستەتىلگەننەن بەرى ساۋدا مينيسترلىگى قوعام حاۋىپسىزدىگى مينيسترلىگىمەن، كەدەن باس مەكەمەسىمەن بىرلەسىپ ارت - ارتىنان 4 قۇجات شىعارىپ، تاسىمالداۋ، كۇشىنەن قالدىرۋ، كەدەننەن وتكىزۋ سياقتى قيىن ماسەلەلەردى شەشتى. بيىل جىل باسىنان بەرى ىلە وبلىسى شينجياڭنىڭ تۇڭعىش ەكىنشى قول اۆتوكولىك ەكسپورت سىناق ءتۇيىنى رايونى بولدى، ىلە وبلىستىق ساۋدا مەكەمەسى ىرىقتىلىق كورسەتىپ، ەكىنشى قول اۆتوكولىك ەكسپورتى ءتيىمدى ورايىن مىقتى يگەرىپ، جوعارى ورەلى بولۋ، جالپى اۋقىمدى كوزدەۋ يدەياسىن ۇستانىپ، شينجياڭنىڭ ەكىنشى قول اۆتوكولىك ەكسپورتىن جەدەلدەتىپ، سىرتقى ساۋداداعى تىڭ ارتۋ ءتۇيىنىن نىسانا ەتىپ، ۇلگى كورسەتۋ، باستاماشىلىق ەتۋ رولىن تولىق ساۋلەلەندىردى. قورعاس كەدەنى، وبلىستىق قوعام حاۋىپسىزدىگى مەكەمەسى، وبلىستىق بازاردى باقىلاۋ - باسقارۋ مەكەمەسى، وبلىستىق باجى مەكەمەسى، وبلىستىق ەكولوگيالىق ورتانى قورعاۋ مەكەمەسى سياقتى ورىنداردى نەگىز ەتكەن سەلبەسىپ قيمىلداۋ مەحانيزمىن ورناتىپ، ەكىنشى قول اۆتوكولىك ەكسپورت كاسىبىنىڭ جۇيەلى، ءتارتىپتى دامۋىن جەبەپ، تۇڭعىش توپتا اۆتوكولىك ەكسپورت ەتكەن كاسىپورىندار توپقا ءبولىپ ەكسپورت ەتۋدى جۇزەگە اسىرىپ، مۇنى سىرتقى ساۋدانىڭ تىڭ ارتۋ تۇيىنىنە اينالدىردى. قوس اينالىم تاسىلىندە جاڭالىق اشۋدا تىڭ بەينە بايقاتۋ - ەل ىشىندەگى اۆتوكولىك پايدالانۋ مولشەرىن جوعارىلاتۋدىڭ ماڭىزدى جولى ءارى اۆتوكولىك ساۋداسىنىڭ ەل ءىشى مەن حالىقاراداعى قوس اينالىمنىڭ ءبىر-ءبىرىن جەبەۋىن جەدەلدەتۋدەگى ءونىمدى ىزدەنىس سانالادى. قازىر تۇتاس ەلىمىزدەگى اۆتوكولىك مولشەرى 287 ميلليون دانا، شينجياڭدا مولشەرمەن 6 ميلليون 500 مىڭ دانا بار بولىپ، ەكىنشى قول اۆتوكولىك ەكسپورتىنا ماشينا قورى نەگىزىن قالاپ وتىر. باتىسقا ەسىك اشۋدىڭ جوعارى ولشەمدى دانەكەرىن قۇرۋدا جاڭالىق اشۋدا تىڭ بەينە بايقالدى. قورعاس قالاسى باتىسقا ەسىك اشۋداعى ماڭىزدى قالا بولۋ تۇرعىسىنان ەكىنشى قول اۆتوكولىكتى ەكسپورت ەتۋ ورايىن مىقتى يگەرىپ، ۇزاق بولاشاقتىق جوبا ورنالاستىرۋىن ءبىر تۇتاس جاساپ، شوعىرلى كورمەلەۋ، ساتۋ، جوندەۋ، زاپاس ساقتاۋ، زات اينالىمىن تەكسەرۋ سياقتىلار ءبىر تۇلعالاندىرىلعان اۆتوكولىك كاسىبى ونەركاسىپ باقشاسىن كۇش سالا قۇرىپ، قاتىناس ەكونوميكاسىنىڭ وتكەل ەكونوميكاسىنا قاراي دامۋىن جەبەدى.

    ىلەنىڭ ەكىنشى قول اۆتوكولىك ەكسپورت ەتۋ كاسىبىن اشۋىنا قولداۋ كورسەتۋ - ساۋدا مينيسترلىگىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدەگى ماڭىزدى شاراسىنىڭ ءبىرى. شينجياڭ وڭىرلىك ابزالدىقتى، وتكەل ابزالدىعىن، ماڭىنداعى بازار ابزالدىعىن، اۆتوكولىك پەن ونىڭ بولشەكتەرىن ەكسپورت ەتۋ جانە ساتۋدان كەيىنگى قىزمەت وتەۋ كاسىبى ابزالدىعىن، سونداي-اق ساياسات ابزالدىعىن ءوزارا توعىستىرىپ، وسكەلەڭ ءمان بەرىپ، بىرىككەن كۇش قالىپتاستىرماقشى. قىسقا ۋاقىت ىشىندە سايكەستىرۋ مەحانيزمىن ورناتىپ، قىزمەت جوباسىن جاساپ، ەكىنشى قول اۆتوكولىك ەكسپورت ەتۋ قىزمەتى ارناۋلى ءبولىمىن قۇردى. ساياساتتى ۇگىتتەۋدەن بازار كورسەتكىشىن جاريالاۋ، كاسىپورىنداردىڭ حالىقارالىق تيجاراتتاعى ولقىلىقتارىن تولىقتاۋىنا جەتەكشىلىك ەتۋ، الۋەتتى كاسىپورىنداردى تاڭداۋ، ەكىنشى قول اۆتوكولىكتى جوتكەۋ، تىزىمدەۋ، اۆتوكولىكتى تىزىمنەن ءوشىرۋ، رۇقسات كۋالىگىن تەكسەرىپ تاراتۋ، كەدەننەن ءوتۋ رەسمياتىن قولايلاستىرۋ سياقتى ءتۇرلى قىزمەتتەرگە دەيىن الدىن الا جوبا جاساپ ورتاق ىلگەرىلەتتى. بۇل ەكسپورت ەتىلگەن اۆتوكولىكتەردىڭ كوبى بەيچي، گۋاڭچي، جياڭحۋاي جانە بيادي سياقتى كوپتەگەن كاسىپورىنداردىڭ ماركالى اۆتوكولىكتەرى بولىپ، جالپى قۇنى 410 مىڭ امەريكا دوللارىنا جەتىپ، ورتا ەسەپپەن جەكە ساتىلۋ سوماسى 19 مىڭ امەريكا دوللارى بولدى.

    ۇعىسۋعا قاراعاندا، شينجياڭداعى ەكىنشى قول اۆتوكولىك ەكسپورتىمەن شۇعىلداناتىن كاسىپورىندار ماڭايىنداعى بازارلاردىڭ ەكىنشى قول اۆتوكولىككە بولعان قاجەتىنە نەگىزدەلە وتىرىپ جەلىدە قاريدالارمەن تىكە بايلانىس جاساپ، 40 دانا ەكىنشى قول اۆتوكولىك ەكسپورت ەتۋ توقتامىنا قول قويىسقان. سونىمەن بىرگە جەلىدە ساتۋ، جەلى سىرتىندا ساتۋ جاڭا فورماسىن قولدانىپ، بۇدان كەيىنگى كولەمدەندىرۋ جاعىندا جاڭالىق اشىپ، ەكىنشى قول اۆتوكولىك ەكسپورتىنىڭ جوعارى ساپالى دامۋىنا بەرىك نەگىز قالاعان.