ءتۇيىن كورنەكتىلەنىپ، ناتيجە ايگىلەندى

    اۆتونوميالى وبلىس جاڭالىق اشۋ تيبىندەگى ەكونوميكالىق جۇيەنى جەدەل قالىپتاستىردى

    ءتىلشىمىز گۋ شۋە حابارلايدى. ءتىلشىنىڭ 1 – ايدىڭ 23 – كۇنى وبلىستىق عىلىم – تەحنيكا مەكەمەسىنەن ۇعىسۋىنشا، بيىل اۆتونوميالى وبلىس جاڭالىق اشۋ ارقىلى دامۋعا دەم بەرۋ ستراتەگياسىن تاباندىلىقپەن اتقارىپ، عىلىم – تەحنيكانىڭ ەكونوميكا مەن قوعامنىڭ دامۋىنداعى تىرەكتىك قۋاتىن كۇش سالا جوعارىلاتقان.

    2020 – جىلى اۆتونوميالى وبلىس عىلىم – تەحنيكالىق جوسپار نىساندارىن مىقتى يگەرىپ، عىلىم – تەحنيكالىق جەتىستىكتەردى كادەگە جاراتۋ قۋاتىن جوعارىلاتىپ، مەملەكەتتىك عىلىم – تەحنيكا مينيسترلىگىنىڭ جوسپارعا ەنگىزگەن 3 ءتۇيىندى نىسانىنا، اۆتونوميالى رايون دارەجەلى عىلىم – تەحنيكا جوسپارىنا ەنگىزىلگەن 45 نىسانعا قول جەتكىزدى، عىلىم – تەحنيكا جاعىنان شينجياڭعا كومەك بەرۋ نىسانىنان 3 نىسانعا ىزدەنىس جاسادى. «14 – بەسجىلدىق» عىلىم – تەحنيكالىق جوسپار نىسانى قامباسىن قۇرىپ، 533 عىلىم – تەحنيكا جوسپارى نىسانىن قابىلداپ، 162 ءىرى زەرتتەۋ – اشۋ نىسانىن توپتادى ءارى اۆتونوميالى رايوندىق عىلىم – تەحنيكا مەڭگەرمەسىنە تانىستىردى.

    اۆتونوميالى وبلىس عىلىم – تەحنيكالىق سەلبەستىك سالاسىن كەڭەيتىپ، سەلبەسىپ جاڭالىق اشۋ قۋاتىن جوعارىلاتىپ، نانجيڭ جابايى وسىمدىكتى ۋنيۆەرسالدى پايدالانۋ - زەرتتەۋ مەكەمەسىنىڭ وبلىستىق اۋىل شارۋاشىلىعىن عىلىم – تەحنيكالىق زەرتتەۋ ورنىمەن سەلبەستىك جۇلگەسى كەلىسىمىنە قول قويۋىن جەبەدى؛ وبلىستىڭ ەرەكشە ونىمدەرى جارمەنكەسىنىڭ عىلىم – تەحنيكالىق ونىمدەرى كورمەسىن ءساتتى وتكىزدى.

    اۆتونوميالى وبلىس ءتۇرلى جاڭالىق اشۋ تەكشەسى قۇرىلىسىن بەلسەنە ىلگەرىلەتىپ، تابىستاردى كادەگە جاراتۋدى جەبەدى. «اۆتونوميالى وبلىستىڭ بۇقارالىق جاڭالىق اشۋ تەكشەسى، عىلىم – تەحنيكالىق كاسىپورىنداردى جەتىلدىرۋ جانە شيڭچۋاڭ تياندي قولداۋ سيلىعىن بەرۋ ۋاقىتتىق ءادىسى»، «اۆتونوميالى وبلىستىڭ عىلىم – تەحنيكالىق جاڭالىق اشۋ تەكشەسى قۇرىلىسىن قولداۋ سيلىعىن بەرۋ ۋاقىتتىق ءادىسى» شىعارىلىپ، 7 اۆتونوميالى وبلىس دارەجەلى عىلىم – تەحنيكالىق جاڭالىق اشۋ تەكشەسى، 7 جاڭالىق اشۋ، كاسىپ جاراتۋ تەكشەسى جاڭادان قۇرىلىپ، تاراتىلعان سيلىق اقشا 2 ميلليون يۋاننان استى. جاڭالىق اشۋ دانەكەرلەرىن بەلسەنە جەتىلدىرۋ جانە كۇش سالا قۇرۋ ارقىلى جاڭالىق اشۋ بايلىعى ۇزدىكسىز شوعىرلانىپ، تابىستاردى كادەگە جاراتىپ قامداۋ جاعى ءونىمدى تۇردە كۇشەيتىلدى.

    سونىمەن بىرگە اۆتونوميالى وبلىس جاڭالىق اشۋ قيمىلى دانەكەرىن مولايتىپ، كاسىپورىنداردىڭ جاڭالىق اشۋ ومىرشەڭدىگىن جوعارىلاتىپ، جەلىدە 6 – كەزەكتى جاڭالىق اشۋ، كاسىپ جاراتۋ جارىسىن وتكىزدى، «جاڭالىق اشۋ ارقىلى جاڭا ەكونوميكاعا دەم بەرۋ، عىلىم – تەحنيكا ارقىلى جاڭا تۇرمىسقا جەتەكتەۋ» تاقىرىبىنداعى تۇڭعىش كەزەكتى ىلە وبلىسىنىڭ عىلىم – تەحنيكالىق ونىمدەرى جارمەنكەسىن وتكىزۋ ارقىلى جوعارى، جاڭا تەحنيكانى جانە باسىمدىققا يە ونىمدەردى ۇگىتتەپ تانىستىردى، 72 عىلىم – تەحنيكالىق كاسىپورىن كورمەگە قاتىناسىپ، 313 ءتۇرلى عىلىم – تەحنيكالىق ءونىم كورمەگە قويىلدى جانە ساتىلدى، 27 عىلىم – تەحنيكالىق تابىس نىسانىنا قول قويىلىپ، ساۋدا سوماسى 127 ميلليون يۋانعا جەتتى؛ اۋىل شارۋاشىلىق عىلىم – تەحنيكاسى 1 – شەبىنىڭ «قۇرىش قوسىنىن» قۇرۋ ءۇشىن عىلىم – تەحنيكالىق ارناۋلى ۋاكىل جىبەرىپ كەمەلدى باسقارۋ ەرەجەسى مەن ءادىسىن زەرتتەپ بەلگىلەدى، جىل سايىن وبلىس دارەجەلى عىلىم – تەحنيكالىق زەرتتەۋ، اشۋ قاراجاتىنىڭ %5 ىن عىلىم – تەحنيكالىق ارناۋلى ۋاكىلگە تولىقتاما رەتىندە بەرۋ نىسانى بەلگىلەندى. ءبىر جىلدان بەرى وبلىس دارەجەلى قازىنادان ناقتىلاندىرىلعان عىلىم – تەحنيكالىق ارناۋلى ۋاكىلگە بەرىلگەن تولىقتاما قاراجات 800 مىڭ يۋانعا جەتىپ، وبلىسقا توتە قاراستى اۋدان – قالالاردىڭ تۇلعالىق قازىنالىق قاراجاتى ءبىر ميلليون 160 مىڭ يۋان بولىپ، بارشا عىلىم – تەحنيكالىق ارناۋلى ۋاكىلدەردىڭ قىزمەت ىنتاسىن بارىنشا قوزعادى.

    اۆتونوميالى وبلىس اۋىل شارۋاشىلىق عىلىم – تەحنيكالىق قىزمەت وتەۋدىڭ جاڭا فورماسى جاعىندا بەلسەنە ىزدەنىس جاساپ، اۋىل – قىستاقتى كوركەيتۋگە قىزمەت وتەپ، اۋىل شارۋاشىلىق عىلىم – تەحنيكاسىندا ۇلگى كورسەتۋ بازاسى مەن اۋىل شارۋاشىلىق عىلىم – تەحنيكا وقۋ بازاسىن قۇردى.

    عىلىم – تەحنيكانىڭ وبلىستىڭ ەكونوميكالىق، قوعامدىق دامۋىنداعى ۇلەسى قاۋىرت ارتىپ، عىلىم – تەحنيكا تابىستارىن كادەگە جاراتۋ قۋاتى ۇزدىكسىز نىعايىپ، عىلىمنىڭ العا باسۋى دا ءار ۇلت بۇقاراسىنىڭ تۇرمىس ءتاسىلىن وزگەرتتى. ماسەلەن، وبلىستىق عىلىم – تەحنيكا مەكەمەسىنىڭ، قۇلجا قالالىق عىلىم – تەحنيكا مەكەمەسىنىڭ كومەكتەسۋىندە 2020 – جىلدىڭ سوڭعى جارتىسىندا قۇلجا قالاسى اقتوبە ونەركاسىپ باقشا رايونىنداعى ىلە اۋكاڭ ەنەرگيا عىلىم – تەحنيكا شەكتى جاۋاپكەرشىلىك سەرىكتىگى جاڭا ەنەرگيالى ماتەريال - الكوگول نەگىزدى جانار زاتتى جانە حاۋىپسىز ەنەرگيا ۇنەمدەيتىن تەحنيكالاردى اۋىل – قىستاق وتباسىلارىنىڭ تاماق جاساۋ، جىلىنۋ ىستەرىنە پايدالانا باستادى.

    جاڭا جىل جاڭا باستامامەن باستالدى. جۋىقتا وبلىستىق عىلىم – تەحنيكا مەكەمەسى تەكسەرۋ – زەرتتەۋ قوسىنىن ارناۋلى ۇيىمداستىرىپ، كاسىپورىندارعا ساراپتاۋ جانە تەكسەرۋ جۇرگىزىپ، تەكسەرۋ – زەرتتەۋ قورىتىندىسىنا ساي دامۋ ستراتەگياسىن بەلگىلەپ، جوعارى، جاڭا تەحنيكالى كاسىپتەردەن «قوس قۇرۋ» تەكشەسىن اشىپ، عىلىم – تەحنيكانىڭ ەكونوميكالىق، قوعامدىق دامۋداعى تىرەكتىك قۋاتىن جوعارىلاتتى.

    «عىلىم – تەحنيكادا جاڭالىق اشۋ اۆتونوميالى وبلىس ەكونوميكاسىنىڭ جوعارى ساپالى دامۋىن ءتارتىپتى ىلگەرىلەتتى. جاڭالىق اشۋدى جەتەكشى ەتكەن دامۋ ستراتەگياسىن ىشكەرىلەي اتقارىپ، جىبەك جولى ەكونوميكالىق بەلدەۋى جاڭالىق اشۋدى جەتەكشى ەتكەن دامۋ سىناق رايونىن قۇرۋدى وراي ەتىپ، «عىلىم – تەحنيكادا جاڭالىق اشۋ + كاسىپ» جولىمەن ءجۇرىپ، جاڭالىق اشۋ تىزبەگى مەن كاسىپ تىزبەگىنىڭ ىشكەرىلەي توعىسۋىن جەبەپ، ەكونوميكانىڭ جوعارى ساپالى دامۋىنا قۋاتتى قوزعاۋشى كۇش ۇستەدى». وبلىستىق عىلىم – تەحنيكا مەكەمەسى ونەركاسىپ عىلىم – تەحنيكاسى جانە جوعارى جاڭا تەحنيكا باسقارماسىنىڭ باستىعى فۋ ياۋلۇڭ بيىلعى جاڭا جاعدايعا بارىنشا ءۇمىت ارتاتىندىعىن ءبىلدىرىپ، بىلاي دەدى: «بيىل ءبىز جاڭالىق اشۋدى جەتەكشى ەتكەن دامۋ ستراتەگياسىن باتىل اتقارىپ، جاڭا، ەسكى قوزعاۋشى قۋاتتى كادەگە جاراتۋدا ناقتى ونىمدىلىككە قول جەتكىزىپ، جاڭالىق جاراتۋ ۇلگىسىندەگى ەكونوميكالىق قۇرىلىم قالىپتاستىرۋدى جەدەلدەتەمىز».