ٴتىلشىمىز حۋاڭ يان حابارلايدى. قىس كىرگەننەن بەرى اۆتونوميالى وبلىس كاسىپ اشۋ، جۇمىستاندىرۋ كاسىپتىك - تەحنيكالىق تاربيەلەۋ قيمىلدارىنا ۇشتاستىرىپ، بوس ەڭبەككۇشتەردى جوتكەپ جۇمىستاندىرۋ مەن كاسىپ اشىپ جۇمىستاندىرۋدى جەبەۋدى نىسانا ەتكەن تەحنيكاعا تاربيەلەۋ كۋرسىن كۇش سالا ورىستەتىپ، ٴار ۇلت بۇقاراسىنىڭ دەربەس كاسىپ اشۋ، جۇمىستانۋ قۋاتىن جوعارىلاتىپ، كىرىستى ارتتىرىپ اۋقاتتانۋعا بەت الۋ قادامىن جەدەلدەتتى.

    «مال شارۋاشىلىق مامانى ساپالى مال تۇقىمىنىڭ ەرەكشەلىكتەرىن ٴتۇسىندىرىپ، ءبىزدىڭ باعىمشىلىقپەن شۇعىلدانۋ بارىسىندا تاپ بولعان قيىن ماسەلەلەرىمىزگە ناق مايداندا جاۋاپ بەرىپ، بىزگە جاڭا تەحنيكا، جاڭا ادىستەر ۇيرەتتى، مەن قۇلشىنا ىستەپ اۋقاتتانۋعا بەت الامىن»، - دەدى 1 – ايدىڭ 24 – كۇنى قۇلجا قالاسى كەبەكجۇزى اۋىلى ارا ٴمالى قىستاعىنىڭ تۇرعىنى ابدۇحالىق ابلەميت تىلشىگە. ول تاعى بىلاي دەدى: «ٴبىر مەزەت جۇيەلى ۇيرەنۋ ارقىلى باعىمشىلىق تەحنيكاسىنىڭ ماڭىزدى، قيىن تۇيىندەرىن يگەردىم، بۇدان كەيىن كوزقاراستا بۇرىلىس جاساپ، عىلىم – تەحنيكادان پايدالانىپ باعىمشىلىقپەن شۇعىلدانىپ، ەكونوميكالىق كىرىسىمدى جوعارىلاتۋعا قۇلشىنامىن».

    بىرنەشە كۇننەن بەرى قۇلجا قالاسىنىڭ اۋىل، قالاشىقتارى (ٴمالى) مەن قىستاقتارىندا (الەۋمەتتىك اۋماق) پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ، 3 – رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ۇيرەنۋ، دايەكتىلەندىرۋ ورلەۋى ارت – ارتىنان كوتەرىلىپ، بارشا پارتيالى كادرلار مەن شارۋالار ٴتۇرلى فورماداعى ۇيرەنۋدى بەلسەنە ورىستەتىپ، كۋرستار اشىپ، كۋرس ارقىلى دامۋدى جەبەپ، ٴار ۇلت بۇقاراسىنىڭ كىرىستى ارتتىرۋ تەحنيكالىق قابىلەتىن جوعارىلاتىپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەدى.

    موڭعۇلكۇرە اۋدانى موڭعۇلكۇرە قالاشىعى تۇعىلشىن قىستاعىندا قىستاق «ەكى كوميتەتى» مەن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بىرلىكتە 45 كۇندىك اماندىق قورعاۋشىلاردىڭ كاسىپتىك دەڭگەيىن جوعارىلاتۋ كۋرسىن اشتى ءارى كاسىپتىك وقىتۋشىلاردى ساباق وتۋگە ۇسىنىس ەتىپ، قىستاق تۇرعىندارىنىڭ تەحنيكا تەتىگىن يگەرىپ، كىرىسىن ارتتىرۋىنا كومەكتەستى. قىستاق تۇرعىنى گىمىڭجان راقىمجان ۇلى بىلاي دەدى: «قازىر ۇكىمەت بىزگە اقىسىز تاربيەلەۋ كۋرستارىنا قاتىناسۋ ورايىن جاراتىپ بەردى، مەن، ءسوزسىز، جاقسى ۇيرەنەمىن، كۋرستى ءبىتىرىپ تولىمدىلىق كۋالىگىن العاننان كەيىن قىزمەت تابۋىما قولايلى بولادى».

    بال پراندىك، جاڭعاق قوسىلعان بالكۇلشە، باقالي… موڭعۇلكۇرە اۋدانى اسىل تۇقىمدى جىلقى فەرماسى جامبىل الەۋمەتتىك اۋماعىنىڭ پراندىك، بالكۇلشە پىسىرۋعا تاربيەلەۋ كۋرسىندا كاسىپتىك وقىتۋشى «نازاريا + اماليات» ۇلگىسىندەگى ءوزارا ۇشتاستىرىلعان وقىتۋ فورماسىن قولدانىپ، پراندىك، بالكۇلشە پىسىرۋدىڭ ناقتى بارىسىنا نازاريالىق بىلىمدەردى ءسىڭىرىپ، پراندىك، بالكۇلشە پىسىرۋدىڭ بارىسى، قاجەتتى ماتەريال، ءادىسى سياقتى نەگىزگى بىلىمدەردى تاپتىشتەي ءتۇسىندىردى، وسىلايشا وقىتۋشى مەن كۋرسانتتاردىڭ ءوزارا پىكىر اۋىستىرۋى، بىرگە جۇمىس جۇرگىزۋى بارىسىندا قويۋ ۇيرەنۋ اۋانى قالىپتاستى. كۋرستىڭ وقىتۋشىسى با شيايا بىلاي دەدى: «پراندىك، بالكۇلشە پىسىرۋ كۋرسىن اشۋداعى ماقسات - قىستاقتاعى ايەلدەردى ءتىپتى دە كوپ تەحنيكا تەتىگىن يگەرىپ، جۇمىستانۋ ارناسىن كەڭەيتىپ، ولاردى كاسىپ اشۋعا ىنتالاندىرىپ، كاسىپ اشىپ، اۋقاتتانۋ قۋاتىن جوعارىلاتۋ بولىپ تابىلادى». كۋرسانت سىنبايىر پراندىك، بالكۇلشە پىسىرۋ كۋرسىنا ءبىرىنشى بولىپ تىزىمدەلىپ قاتىناسقان، قىسقا عانا ءبىر اپتانىڭ ىشىندە ول بىرنەشە ءتۇرلى قاراپايىم پراندىك، بالكۇلشە پىسىرۋدى ۇيرەنىپ الدى. ول تىلشىگە: «تەحنيكا، ونەرگە تاربيەلەۋ كۋرسىنىڭ اشىلۋى بۇدان بىلاي ءوز الدىما كاسىپ اشۋىما جانە جٷمىستانۋىما نەگىز قالادى» دەدى.

    قازىرگە دەيىن موڭعۇلكۇرە اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى قىسقى سايابىر ۋاقىتتان پايدالانىپ، 33 رەت جىلۋ جۇيەسىن جوندەۋ، تام قالاۋ، بولات شىبىق مانەرلەۋ، ەلەكترمەن دانەكەرلەۋ، ءۇي اشەكەيلەۋ، كاسىپ اشۋ سياقتى كاسىپتىك ونەرگە تاربيەلەۋ كۋرسىن اشىپ، رەت سانى بويىنشا 965 ادام تاربيەلەپ، كۋرس ارقىلى جۇمىستانۋعا جەتەكتەۋدى جۇزەگە اسىرىپ، جۇمىستاندىرۋ قۋاتىن ارتتىرىپ، بۇقارانىڭ جۇمىستانىپ، كىرىسىن ارتتىرۋىن جەبەدى.

    وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى كاسىپتىك قابىلەت قۇرىلىسى باسقارماسىنىڭ كادرى ياڭ شياۋليڭ بىلاي دەدى: «ءبىز پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋدى 3 – رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، كۋرستىڭ باعىتتامالىلىعىن شىنايى جوعارىلاتىپ، نازاردى بازاردىڭ، كاسىپتىڭ قاجەتىنە جانە قۇرىلىس سالاسىنىڭ ادام ىستەتۋ قاجەتىنە شوعىرلاندىرىپ، كەدەيلىكتەن ارىلتۋدان قامال الۋ تابىستارىن بەكەمدەپ، الۋان ءتۇرلى تاربيەلەۋ مازمۇندارى ارقىلى ءار ۇلت بۇقاراسىنىڭ ءوزىن شىڭداۋىنا مۇمكىندىك جاراتامىز».

    ۇعىسۋعا قاراعاندا، اۆتونوميالى وبلىس ۇتىمدى شارالار ارقىلى قىسقى قاۋىرت تاربيەلەۋ قىزمەتىن بەلسەنە ورىستەتىپ، «قىسقى سايابىرلىقتى» «قىسقى قاربالاستىققا» اينالدىرعان. 2020 – جىلى 11 – ايدىڭ 15 – كۇنىنەن بەرى 11 مىڭ 354 ادام ونەرگە تاربيەلەنگەن. مۇنىڭ ىشىندە قالا – اۋىلداعى بوس ەڭبەككۇشتەردەن 5 مىڭ 760 ادام جۇمىستانۋعا تاربيەلەۋ كۋرسىنا قاتىناسقان، كاسىپورىنداردا ىستەيتىن 3 مىڭ 749 جۇمىسشى تاربيەلەۋ كۋرسىنا (توقىماشىلىق، كيىم – كەشەك كاسىپورىندارىنان 297 ادام)، ءبىر مىڭ 805 ادام كاسىپ اشۋ كۋرسىنا قاتىناسقان.