پارتيانىڭ مەيىر ـ شاپاعاتىن جەتكىزىپ، حالىق تىلەگىن توعىستىردى

    قورعاستاعى قارت كادرلاردىڭ ۇگىت ـ لەكسيا ۇيىرمەسىندەگىلەر نەگىزگى ساتىلارعا بارىپ ۇگىت ـ لەكسيا جاسادى

    ءتىلشىمىز ءباتيما حابارلايدى. «بۇل جولعى ۇگىت ـ لەكسيا ادامدى ەرەكشە جىگەرلەندىردى، ٴبىز پارتيا مەن ۇكىمەتتىڭ بۇقاراعا دەگەن قامقورلىعىن، اسىرەسە، اۋىل ـ قىستاقتى گۇلدەندىرۋ جاعىنداعى مازمۇنىن نەعۇرلىم تەرەڭ سەزىنىپ، جاڭا جىلدا جاڭا جوبالار جاسادىق، بولاشاعىمىزدىڭ ٴتىپتى دە نۇرلى بولاتىنىنا سەنىمىمىز كامىل». جۋىقتا قورعاس اۋدانى كۇرە قالاشىعى جانبۇلاق قىستاعىنىڭ تۇرعىنى ٴالىمجان ءابدىراحمان سەنىمدى تۇردە بىلاي دەدى: «قورعاس اۋداندىق قارت كادرلار مەكەمەسى ۇيىمداستىرعان قارت كادرلاردىڭ ۇگىت ـ لەكسيا ۇيىرمەسىندەگىلەر وسى قىستاقتا ۇگىت ـ لەكسيا جاساپ، بۇقاراعا ەڭ ۇيلەسىمدى تاسىلمەن ٴار ۇلت قىستاق تۇرعىندارىنا پارتيانىڭ ٴۇنىن جەتكىزىپ، پارتيانىڭ قامقورلىعىن سەزىندىردى».

    قىسقى ارەدىكتەن بەرى ۇگىت ـ لەكسيا ۇيىرمەسىنىڭ مۇشەلەرى قورعاس اۋدانىنداعى 10 اۋىل ـ قالاشىقتىڭ (ورتالىق) 97 قىستاعىن (الەۋمەتتىك اۋماق) ۇگىت ـ لەكسيا شەبىنە اينالدىردى. پارتيا 19 ـ كەزەكتى ورتالىق كوميتەتىنىڭ بەسىنشى جالپى ٴماجىلىسى، 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسى اشىلعاننان كەيىن قورعاس اۋدانىنداعى قارت كادرلاردىڭ ۇگىت ـ لەكسيا ۇيىرمەسى مۇشەلەردى ۇيرەنۋگە جابال اتتانىسقا كەلتىردى، سونىمەن بىرگە، قاتىستى ماتەريالدارمەن بىرلەستىرىپ، ءماجىلىستىڭ رۋحاني ٴمانىن تەرەڭ ۇعىندىردى. وسىدان كەيىن پارتيا 19 ـ كەزەكتى ورتالىق كوميتەتىنىڭ بەسىنشى جالپى ٴماجىلىسىنىڭ، 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحى جانە پارتيانىڭ حالىققا تيىمدىلىك جاساۋ ساياساتتارى، ازاماتتىق ىستەر زاڭناماسى سياقتى 10 ۇگىت ـ لەكسيا تاقىرىبىن تۇراقتاندىرىپ، قاراپايىم دا ۇعىنىقتى تىلمەن حالىق بۇقاراسىنا ەگجەي ـ تەگجەيلى ءتۇسىندىرىپ، پارتيانىڭ ٴۇنىن وسى اۋدانداعى جالپى حالىققا جەتكىزدى.

    قاقاعان اياز جانبۇلاق قىستاعىنىڭ ۇگىتشىسى، 64 جاستاعى ساقا كادر، ۇگىت ۇيىرمەسىنىڭ باستىعى گۇلجاقان ٴاسىمنىڭ ۇگىت جاساۋىنا بوگەت بولا المادى، ول پارتيا 19 ـ كەزەكتى ورتالىق كوميتەتى بەسىنشى جالپى ٴماجىلىسىنىڭ حالىق تۇرمىسىنا ساياتىن مازمۇندارىن ەكشەپ، قىستاق تۇرعىندارىنىڭ ناقتى احۋالىمەن سايكەستىرىپ، ساياساتتى ۇعىنىقتى تىلمەن مۇقيات ءتۇسىندىردى.

    گۇلجاقان تىلشىگە: «پارتيا 19 ـ كەزەكتى ورتالىق كوميتەتى بەسىنشى جالپى ٴماجىلىسىنىڭ، 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن جۇرت كوڭىلىنە جەتكىزۋ ۇگىت ۇيىرمەمىزدىڭ قازىرگى جانە بۇدان كەيىنگى ماڭىزدى مىندەتى. ٴاربىر ۇگىتشى قارت كادر ارتىقشىلىقتى ساۋلەلەندىرىپ، ٴتۇرلى ۇگىت ـ تاربيە قيمىلىن تياناقتى ورىستەتەدى، نەگىزگى ساتى بۇقاراسى ۇعىنا الاتىن، تۇسىنە الاتىن تاسىلدەرمەن پارتيا 19 ـ كەزەكتى ورتالىق كوميتەتى بەسىنشى جالپى ٴماجىلىسىنىڭ جانە 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن جۇرت كوڭىلىنە ۇيالاتىپ، پارتيانىڭ ۇگىت قىزمەتىنە جاناشىر بولىپ، ۇگىت قىزمەتىنىڭ الدىڭعى شەبىن ويداعىداي قورعايمىز» دەدى.

    ٴتىلشىنىڭ ۇعىسۋىنشا، قورعاس اۋدانىنداعى قارت كادرلاردىڭ ۇگىت - لەكسيا ۇيىرمەسى 20 ساقا كادردان قۇرالعان. بيىل قارت كادرلاردىڭ ۇگىت - لەكسيا ۇيىرمەسى اۋىل، قالاشىق، قىستاقتارعا (الەۋمەتتىك اۋماق) ىشكەرىلەي بارىپ 8 مايدان ۇگىت قيمىلىن ورىستەتكەن. سونداي - اق، قورعاس اۋداندىق قارت كادرلار مەكەمەسى ٴار اۋىل ـ قالاشىقتىڭ قاجەتىنە قاراي، قىستاق تۇرعىندارىنىڭ تاپسىرىسى بويىنشا ۇگىت مازمۇنىن تۇراقتاندىرىپ، 30 مايداننان ارتىق تاپسىرىستى ۇگىت ورىستەتۋگە دايىندالعان، قازىرگە دەيىن 10 نەشە مايدان ۇگىت جۇرگىزىلگەن.