مىندەتىن باتىلدىقپەن ادا ەتىپ، جىگەرلەنە العا باسۋدا ىسكەرلىك تانىتتى

    - اۆتونوميالى وبلىستىق 14 - كەزەكتى حالىق قۇرىلتايى تۇراقتى كوميتەتىنىڭ 2020 - جىلعى قىزمەتىنە شولۋ

    ءتىلشىمىز شى شۋەحۇڭ

    2020 - جىل ــ «13 - بەسجىلدىق» جوبا نىساناسىن جۇزەگە اسىرۋدىڭ سىرگە جيار جىلى، اۆتونوميالى وبلىستىق حالىق قۇرىلتايى تۇراقتى كوميتەتىنىڭ وتكەن ءبىر جىلداعى مىندەتىن اتقارۋ بارىسىنا قايىرىلا كوز جىبەرسەك، ءبىر - بىرلەگەن تىڭعىلىقتى دا ءونىمدى شارالارى اۆتونوميالى وبلىستىق حالىق قۇرىلتايى تۇراقتى كوميتەتىنىڭ شىندىققا جۇگىنىپ، ناقتى ءىس ىستەۋ قىزمەت ستيلىن ايگىلەي تۇسەدى؛ ءتۇرلى جاڭالىق اشۋ شارالارى اۆتونوميالى رايوندىق حالىق قۇرىلتايى تۇراقتى كوميتەتىنىڭ مىندەتىن ادا ەتۋدەگى نىق قادامىن ايگىلەپ، جاندى جەلپىندىرەدى.

    ساياسي بەتالىستان جازباي، ورىندى ءدال تۇراقتاندىرۋ بارسىندا ادالدىق پەن جاۋاپكەرلىك ارقالاۋدى ايگىلەدى

    پارتيانىڭ باسشىلىعىنا تاباندى بولۋ - حالىق قۇرىلتايى ءتۇزىمىنىڭ ماندىك تالابى جانە ەڭ ۇلكەن ابزالدىعى، جاڭا داۋىردە اۆتونوميالى وبلىستىق حالىق قۇرىلتايى قىزمەتىن ويداعىداي ىستەۋدىڭ ءتۇبىرلى كەپىلى جانە تەتىگى.

    ءبىر جىلدان بەرى اۆتونوميالى وبلىستىق حالىق قۇرىلتايى تۇراقتى كوميتەتى قالا مەن اۋىلدى ءبىر تۇلعالاندىرۋدى، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋدى توڭىرەكتەي وتىرىپ، كۇنەس اۋدانىن اۋدان دارەجەلى كۇنەس قالاسى ەتىپ قۇرۋدى كۇشىنەن قالدىرۋ جونىندە قاۋلى شىعاردى؛ ەكونوميكانىڭ اقاۋسىز اينالىمى مەن قوعامدىق ىستەردىڭ دامۋىن توڭىرەكتەي وتىرىپ، 2019 - جىلعى اۆتونوميالى وبلىستىڭ وبلىس دارەجەلى قازىنالىق سوڭعى ەسەبىن رەتتەۋدى بەكىتۋ، 2020 - جىلعى اۆتونوميالى وبلىستىڭ وبلىس دارەجەلى قازىنالىق مەجە ەسەبىن رەتتەۋدى بەكىتۋ جونىندە قاۋلى شىعاردى؛ ىندەتكە قارسى اتتانۋ، ورنىقتىلىق جانە دامۋدى قامتاماسىزداندىرۋداعى ءتۇرلى قىزمەتتەرگە قازىنالىق قولداۋ كورسەتۋدى توڭىرەكتەي وتىرىپ، 2020 - جىلعى ىلە وبلىسىنا توتە قاراستى جەرگىلىكتى ۇكىمەتتەردىڭ قارىز شەگى مولشەرى مەن ىندەتكە قارسى تۇرۋداعى مەملەكەتتىك ەرەكشە زايوم قارجى مەجە ەسەبىن رەتتەۋدى بەكىتۋ جونىندە قاۋلى شىعارىپ، رەتتەۋ جونىندەگى قاۋلىنى شىعاردى. كادرلاردى پارتيا باسقارۋ پرينسيبى مەن حالىق قۇرىلتايىنىڭ زاڭ بويىنشا سايلاۋ جۇرگىزىپ، كادرلاردى مىندەتكە تاعايىنداۋ، مىندەتىنەن بوساتۋدىڭ بىرلىگىنە تاباندى بولىپ، مەملەكەت ورگانى قىزمەتكەرلەرىن 89 ادام رەت زاڭ بويىنشا سايلادى، مىندەتكە تاعايىندادى، مىندەتىنەن بوساتتى.

    داۋىرمەن بىرگە العا باسۋدان جازباي، حالىق ءۇشىن مىندەت اتقارۋ بارىسىندا تىڭ ىسكەرلىك كورسەتتى

    داۋىرمەن بىرگە العا باسۋدا وزگەرەتىنى - حالىققا ءتىپتى دە جاقسى قىزمەت وتەۋ ءتاسىلى؛ ۋاقىت وتكەن سايىن بەكەمدەلىپ، وزگەرمەيتىنى – حالىققا باقىت جاراتاتىن اۋەلگى ماقساتتان جازباۋ.

    ءبىر جىلدان بەرى اۆتونوميالى وبلىستىق حالىق قۇرىلتايى تۇراقتى كوميتەتى ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ كەلەلى ءمانىن جەتە تانىپ، ءار ۇلت حالىق بۇقاراسىنىڭ باس اماندىعى مەن دەنساۋلىعىن باتىل قورعادى. «8 ءتۇرلى باقىلاۋ ـ مەجەلەۋ، ساقتاندىرۋ مەحانيزمىن» ەگجەي - تەگجەيلى جاپپاي تياناقتاندىرىپ،

 «جۇقپالى اۋرۋدان ساقتانۋ - ەمدەۋ زاڭىنىڭ» دايەكتىلەندىرىلۋ، اتقارىلۋ جاعدايىنا تەكسەرۋ جۇرگىزىپ، اۆتونوميالى وبلىستىڭ جۇقپالى اۋرۋدان ساقتانۋ - تىزگىندەۋ جۇيەسى قۇرىلىسىن ىلگەرىلەتتى؛ وبلىسقا توتە قاراستى ورىندارداعى ەمدەۋ قوقىر ـ قوقسىقتارىن تۇرگە ايىرۋ جانە ءبىر جاقتى ەتۋ جاعدايى، تۇرمىستىق بۇيىمداردىڭ باعاسىن ورنىقتىرۋ، تىزگىندەۋ جاعدايى جونىندە تەكسەرۋ ـ زەرتتەۋ جۇرگىزىپ، ىندەتتەن ساقتانۋ – تىزگىندەۋ جونىندەگى زاڭ بىلىمدەرى قولدانباسىن قۇراستىرىپ باسىپ، ىندەتتەن ساقتانۋ - تىزگىندەۋدىڭ زاڭ بويىنشا ءتارتىپتى ورىستەتىلۋىن جەبەدى؛ بۇكىل وبلىستاعى حالىق قۇرىلتايى جۇيەسىندەگى 768 پارتيالى كادر الەۋمەتتىك اۋماقتا (قىستاق اترەت) قىزمەت ورىستەتتى؛ 8 مىڭ 359 ءار دارەجەلى حالىق قۇرىلتايى ۋاكىلى ىندەتكە قارسى تۇرۋدىڭ ءبىرىنشى شەبىنە بەلسەنە اتتانىپ، ءتۇرلى ساقتانۋ - تىزگىندەۋ شارالارىن تياناقتاندىرۋعا سەلبەستى.

    «التىنى ورنىقتىرۋ» قىزمەتى مەن «التىنى قامتاماسىز ەتۋ» مىندەتىن تىعىز توڭىرەكتەي وتىرىپ، ورتالىقتىڭ ەكونوميكالىق قىزمەتى ءماجىلىسىنىڭ، اۆتونوميالى رايوندىق پارتكومنىڭ ەكونوميكالىق قىزمەتى ءماجىلىسىنىڭ رۋحىن مۇقيات دايەكتىلەندىرىپ، وبلىستىق حالىق ۇكىمەتىنىڭ «ورتا، شاعىن كاسىپورىنداردى جەبەۋ زاڭىن»، « اۆتونوميالى رايوننىڭ ‹ورتا، شاعىن كاسىپورىنداردى جەبەۋ زاڭىن› اتقارۋ ءادىسىن» دايەكتىلەندىرۋ جاعدايىن تىڭداپ جانە قاراپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن ىلگەرىلەتىپ، حالىق تۇرمىسىنىڭ ۇزدىكسىز جاقسارۋىن جەبەدى.

    نىسان قىزمەتى مەن قۇرىلىسىن توڭىرەكتەي وتىرىپ، وبلىستىق پارتكومنىڭ ورنالاستىرۋى بويىنشا باسشىلىق القاداعىلار 20 ٴتۇيىندى نىساندى كوتەرمەگە الىپ، بايلانىس جاساپ، نىساننىڭ ٴونىمدى اتقارىلۋىن ىلگەرىلەتتى؛ ساۋداگەر شاقىرىپ، قارجى ەنگىزۋ قيمىلىن بەلسەنە ورىستەتىپ، نىسان جوسپارى بويىنشا 780 ميلليون يۋان قارجى ەنگىزىپ، دامۋدىڭ ىشكى قوزعاۋشى كۇشى مەن دامۋدىڭ ومىرشەڭدىك كۇشىن ارتتىرۋ جاعىندا اقىل - كەڭەس بەرىپ، كۇش قوستى.

    اۆتونوميالى وبلىستىق حالىق قۇرىلتايى تۇراقتى كوميتەتى مەن تارباعاتاي، التاي ايماقتىق حالىق قۇرىلتايى قىزمەت كوميتەتىنىڭ باسشىلىق القاسىنداعىلار كەدەيلىكتەن ارىلتۋدان قامال الۋ شايقاسىن اشىق – اشكەرە قاداعالاپ جانە ٴتۇيىندى تۇردە تىڭعىلىقتى سۇيەمەلدەپ، كەدەيلەردى سۇيەمەلدەۋ ساياساتتارى مەن شارالارىن دالمە ـ ٴدال، ٴونىمدى تياناقتاندىردى. وبلىس بويىنشا 691 حالىق قۇرىلتايى كادرى، 4 مىڭ 980 حالىق قۇرىلتايى ۋاكىلى تۋىستاسىپ سۇيەمەلدەۋ قىزمەتىن ورىستەتىپ، كەدەي وتباسىلارىنىڭ اۋلا شارۋاشىلىعىن دامىتۋىن زاتتىق ماتەريالدارمەن قامداۋ سياقتى جاقتاردا بەلسەنە سۇيەمەلدەپ، كەدەي وتباسىلارىنىڭ ٴوزىن ـ ٴوزى دامىتۋ قابىلەتى مەن العىس ايتۋ تانىمىن ٴونىمدى تۇردە كۇشەيتتى.

    حالىقتىڭ نەگىزگى تۇلعالىق ورنىن كورنەكتىلەندىرىپ، بۇقارامەن تىعىز بايلانىس جاساۋدا حالىق تىلەگىنە قۇلاق اسىپ، حالىقتىڭ اقىل - پاراساتىن ۇيىستىردى

    بۇقارامەن بايلانىس ورناتۋ، حالىق تىلەگىن اڭىس ەتۋ، ماسەلەنى شەشۋ - جاڭا داۋىردەگى حالىق قۇرىلتايى ۋاكىلدەرىنىڭ مىندەتى مەن قۇنىنىڭ بەينەلەنۋى. ٴبىر جىلدان بەرى اۆتونوميالى وبلىستىق حالىق قۇرىلتايى تۇراقتى كوميتەتى بەلسەنە ىزدەنىس جاساپ، باتىلدىقپەن جاڭالىق اشىپ، ۋاكىلدەردىڭ زاڭ بويىنشا مىندەت اتقارۋ قىزمەتىن اناعۇرلىم مۇقيات، اناعۇرلىم ناقتى، اناعۇرلىم ٴونىمدى ىستەۋىنە قولداۋ كورسەتتى جانە ونى قامتاماسىز ەتتى.

    ءبىر جىلدان بەرى اۆتونوميالى وبلىستىق حالىق قۇرىلتايى تۇراقتى كوميتەتى 10 رەت حالىق قۇرىلتايىنىڭ پارتيا باسشىلىق گرۋپپاسى جيىنىن، 8 رەت مەڭگەرۋشىلەر جيىنىن، 6 رەت تۇراقتى كوميتەتىنىڭ جيىنىن اشىپ، 25 دوكلادتى تىڭدادى، قارادى، 5 زاڭنىڭ اتقارىلۋ جاعدايىن تەكسەرىپ، 3 ٴتۇرلى ارناۋلى تاقىرىپتا تەكسەرۋ ـ زەرتتەۋ جۇرگىزدى. اۆتونوميالى وبلىستىق حالىق قۇرىلتايى تۇراقتى كوميتەتى «توپىراقتىڭ لاستانۋىنان زاڭ بويىنشا ساقتانۋ جانە ونى وڭاۋ، تازا توپىراقتى قورعاۋ شايقاسىن ويداعىداي جۇرگىزۋگە دەم بەرۋدى» نەگىزگى تاقىرىپ ەتكەن «ىلەنىڭ قورشاعان ورتاسىن قورعاۋ ساپارى» اتىنداعى زاڭ اتقارۋ، تەكسەرۋىن ورىستەتتى.

    ٴبىر جىلدان بەرى اۆتونوميالى وبلىستىق حالىق قۇرىلتايى تۇراقتى كوميتەتى ٴار ۇلت بۇقاراسىنا پارتيانىڭ ساياساتىن، نەگىزگى زاڭ، زاڭ - ەرەجەلەردى جانە «4 اق تىستى كىتاپتى» ۇگىتتەپ، ۋاكىلدەردىڭ ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ، ەكونوميكانى دامىتۋ جانە ورنىقتىلىقتى قورعاۋ سياقتى جاقتارداعى رولىن ساۋلەلەندىردى.