جۇڭحۋا ۇلتى ورتاق تۇلعاسى تانىمىن بەرىك ورناتىپ، ۇلتتار ىنتىماعىنىڭ «تىلەك توعىستىرۋ كوپىرىن» سالدى
پاتيما (ءوز ءتىلشىمىز)
جۋىرداعى جىلداردان بەرى اۆتونوميالى وبلىس جۇڭحۋا ۇلتى ورتاق تۇلعاسى تانىمىن بەرىك ورناتۋدى نەگىزگى جەلى، مەملەكەت بويىنشا ۇلتتاردىڭ ىنتىماعى، العا باسۋىنان ۇلگى كورسەتەتىن وبلىس جانە اۆتونوميالى رايون بويىنشا ۇلتتاردىڭ ىنتىماعى، العا باسۋىنان ونەگەلى وبلىس قۇرۋدى نىسانا ەتىپ، ۇلتتاردىڭ ىنتىماعى، العا باسۋىنان ۇلگى كورسەتەتىن ورىن قۇرۋدى «11 ورىنعا ەنگىزۋ» قىزمەتىن جانە ۇلتتار ىنتىماعىنا قاتىستى ءتۇرلى قيمىلداردى جاپپاي ورىستەتىپ، ۇلتتاردىڭ كەڭ كولەمدەگى ارالاسۋىن، توعىسۋىن، ىشتەسۋىن ۇزدىكسىز ىلگەرىلەتتى.
اۆتونوميالى وبلىستىڭ ەكى ءماجىلىسى كەزىندە حالىق قۇرىلتايىنىڭ ۋاكىلدەرى مەن ساياسي كەڭەس مۇشەلەرى ءوز قىزمەت امالياتىنا ۇشتاستىرا وتىرىپ، ۇلتتار ىنتىماعى قىزمەتىن قايتكەندە ويداعىداي ورىستەتۋگە بولاتىندىعى جونىندە الىمدى اقىل، كەلەلى كەڭەس بەردى.
وبلىستىق حالىق قۇرىلتايىنىڭ ۋاكىلى، قورعاس اۋدانى گاۋجيڭ ساۋدا شەكتى سەرىكتىگىنىڭ القا باستىعى دياۋ كۇيلين بىلاي دەپ قارادى: ۇلتتار ىنتىماعى قىزمەتىن ويداعىداي جاقسارتۋ ءۇشىن، ونى ۇيرەنۋ، قىزمەت، ءوندىرىس، تۇرمىسپەن تىعىز توعىستىرىپ، قاتىستى مەكەمە، كاسىپورىن، جەكەلەر بىرىككەن كۇش قالىپتاستىرىپ، بارلىق ادام بەلسەنە ات سالىساتىن، بارلىق ادام كۇش قوساتىن تاماشا اۋقىم قالىپتاستىرۋ قاجەت. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتاردا تۇراتىن قىزمەت اترەتتەرى، الەۋمەتتىك اۋماق، قىستاق تۇرعىندار كوميتەتى، جۇپ قۇراپ تۋىس بولعان مەكەمە، ورىندار ۇلتتار ىنتىماعى قىزمەتىن تياناقتى ورىستەتۋدەن تىس، كاسىپورىندار دا ءار ۇلت تۇرعىندارىن جۇمىسقا قابىلداپ جۇمىستاندىرۋ، كاسىپ جاعىندا كومەكتەسۋ، قولداۋ سياقتى جاقتاردا ۇلتتار ىنتىماعى قىزمەتىنە تيەسىلى ۇلەس قوسۋى كەرەك.
وبلىستىق ساياسي كەڭەستىڭ مۇشەسى، قۇلجا اۋدانى قاس اۋىلىنداعى مادەنيەت - كوركەمونەر سالاسىنداعى دارىندى نۇردالىم نۇرمان ۇلى بىلاي دەپ قارادى: ۇلتتار ىنتىماعى تاربيەسىن بالا كەزدەن باستاپ يگەرىپ، مەكتەپ تاربيەسى، وتباسى تاربيەسى، قوعامدىق ۇگىت سياقتىلار ارقىلى ەرەكشە مادەنيەت ساباقتارىن اشىپ، ەرەكشە مادەنيەت قيمىلدارىن ورىستەتۋ ارقىلى «بەس ورتاق تانىمدى» كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك.
ۇعىسۋىمىزشا، وبلىسقا توتە قاراستى اۋدان، قالالار ۇلتتار ىنتىماعى تاربيەسىن ءار دارەجەلى پارتكومداردىڭ، كادرلاردىڭ، جۇمىسشى - قىزمەتشىلەردىڭ ۇيرەنۋىنە جانە ءار دارەجەلى، ءار تۇردەگى مەكتەپتەردىڭ (شۋەيۋان) وقىتۋ مازمۇنىنا ەنگىزىپ، كادرلار تاربيەسىنىڭ، جاستار مەن ورەندەر تاربيەسىنىڭ، قوعامدىق تاربيەنىڭ جالپى بارىسىنا كىرىستىرىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا (الەۋمەتتىك اۋماق) تۇراتىن قىزمەت اترەتىنە، جۇپ قۇراپ تۋىس بولعان كادرلارعا جانە ءار دارەجەلى، ءار تۇردەگى ۇگىت – لەكسيا كۇشىنە سۇيەنىپ، ۇلتتار ىنتىماعى ۇگىت – تاربيەسى مەن قوعامدىق اماليات قيمىلدارىن ۇزدىكسىز ورىستەتكەن. ۇلتتاردىڭ ىنتىماعى، العا باسۋىنان ونەگەلى ورىن قۇرۋ مازمۇنىندا 37 مىڭ 500 پارشا ۇگىت جارناماسىن، 340 مىڭ پارشا قاتتاما ۇگىت قاعازىن باسىپ تاراتىپ، نەگىزگى اقپارات دانەكەرلەرى مەن جاڭا اقپارات دانەكەرلەرىنىڭ ۇگىتى نەگىزىندە «ەڭ ۇزدىك ءتۇسىندىرۋشىنى ءسىز تۇراقتاندىرىڭىز»، «كوڭىلىڭىزدەگى ۇلتتار ىنتىماعىنىڭ ەڭ ۇزدىك ساتتەرىن تەزدەن باعالاڭىز» اتىندا توراپ ارقىلى بەلەت تاستاۋ، سارالاۋ قيمىلى ورىستەتىلگەن، توراپ بەتىندەگى وقىلىم شاماسى 2 ميلليون 540 مىڭ ادام - رەتتەن اسقان.
توراپتا، توراپ سىرتىندا سەنترلەس شەڭبەر سىزىلىپ، ۇلتتاردىڭ ىنتىماعى، العا باسۋىنان وزات تيپتەر مەن ۇلگىلەردىڭ ىزگى ىستەرى ىشكەرىلەي اشىلىپ، ۇلتتار ىنتىماعى حيكاياسى تاماشا باياندالىپ، ۇلتتاردىڭ ورتاق رۋحاني باقشاسى قۇرىلىپ، ءار ۇلت كادر - جۇرتشىلىعىنىڭ جۇڭحۋا ۇلتى ورتاق تۇلعا تانىمىن بەكەمدەۋىنە باستاماشىلىق ەتىلگەن.
سونىمەن بىرگە، وبلىسقا توتە قاراستى اۋدان، قالالار «قوس وركەنيەتتى ورىن قۇرۋ» قىزمەتىن تياناقتى ىلگەرىلەتىپ، ۇلتتاردىڭ ىنتىماعى، العا باسۋىنان ۇلگى كورسەتەتىن ورىن قۇرۋداعى «11 ورىنعا ەنگىزۋ» قىزمەتىن ۇزدىكسىز ىلگەرىلەتتى. وتكەن جىلى 9 – ايدا اۆتونوميالى وبلىس اۆتونوميالى رايون بويىنشا ۇلتتاردىڭ ىنتىماعى، العا باسۋىنان ۇلگى كورسەتەتىن وبلىس اتاعىن الدى؛ قۇلجا قالاسى، قورعاس، توعىزتاراۋ، نىلقى اۋداندارى اۆتونوميالى رايون بويىنشا ۇلتتاردىڭ ىنتىماعى، العا باسۋىنان ۇلگى كورسەتەتىن اۋدان (قالا) اتاعىن الدى. كەزەكتە بۇكىل وبلىستاعى پارتيا، ۇكىمەت ورگاندارى، كاسىپورىن، ءىسورىندار، اۋىل – قالاشىق، ءمالى باسقارمالارى، قىستاق (الەۋمەتتىك اۋماق)، مەكتەپتەر ۇلگى كورسەتەتىن ورىن قۇرۋ جاعىنداعى جاپپاي قامتۋدى جۇزەگە اسىردى، 3A دارەجەلىدەن جوعارى كورىنىس وڭىرلەرىندە ۇلگى كورسەتەتىن ورىن قۇرۋ قىزمەتىنىڭ قامتۋ شاماسى %90 كە جەتتى، ءتۇيىن ارقىلى جەلىنى تۇتاستىرۋ، جەلى ارقىلى اۋماقتى تۇتاستىرۋ، اۋماق ارقىلى ءوڭىردى تۇتاستىرۋ سىندى ۇلتتاردىڭ ىنتىماعى، العا باسۋىنان ۇلگى كورسەتەتىن ورىن قۇرۋ جاعدايى قالىپتاستىرىلدى.