ۋاكىلدەر مەن مۇشەلەر ءۋاجى

    وبلىسىمىزدىڭ مال شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك

    حان شاشا (ءوز ءتىلشىمىز)

    وبلىستىق ساياسي كەڭەستىڭ مۇشەسى، موڭعۇلكۇرە اۋداندىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى، ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى نۇرمامەت مەجيت بىلاي دەدى: «ىلە اڭعارىندا مال شارۋاشىلىعىن دامىتۋدىڭ ابزال بايلىق قاينارى بار، جايىلىم بايلىعى مول، اسىل تۇقىمدى مال ءوسىرۋ ابزالدىعى كورنەكتى، مال شارۋاشىلىق ونىمدەرى بازارىنىڭ ءوتىمى جاقسى، الايدا شەشۋگە ٴتيىستى كەيبىر ماسەلەلەر دە ورىن تەۋىپ وتىر: بىرىنشىدەن، تۇتاس وبلىستا نەگىزىنەن سيىر، قوي، جىلقى ٴوندىرىسى نەگىز ەتىلەدى، وبلىستاعى ابزال بايلىق قاينارى بىركەلكىسىز، ابزال مال شارۋاشىلىعى ٴوڭىرىن پارىقتاۋ قىزمەتىنىڭ قيىندىعى زور، مال شارۋاشىلىعى ونىمدەرىن مانەرلەۋ جانە ايگىلى ماركا جاراتۋ جاعى سالىستىرمالى تۇردە كەنجەلەپ تۇر. ەكىنشىدەن، مال شارۋاشىلىعىنىڭ دامۋىندا باستاماشى كاسىپورىندار از، كاسىپ سالاسىنىڭ قوزعاۋشى كۇشى جەتكىلىكتى ەمەس، كاسىپ تيبىنىڭ وزگەرىسى باياۋ. ۇشىنشىدەن، مال شارۋاشىلىق تيجاراتىنىڭ كوبى شاعىن وتباسى ٴوندىرىسىن نەگىز ەتەدى، مال شارۋاشىلىعىن بىرلەستىرە دامىتۋ مەن جاڭاشا تيجارات تۇلعالارىنىڭ باستاماشىلىق قۋاتى ٴالسىز، ساپالى تۇقىم جەتىلدىرۋگە، حايۋاناتتاردا بولاتىن جۇقپالى اۋرۋلاردان ساقتانۋعا، ۇلگى كورسەتۋدە جەتەكشىلىك ەتۋگە، سەلبەسىپ دامۋ سياقتىلاردى كۇشەيتۋگە تۋرا كەلەدى، جاڭاشا تيجارات تۇلعالارىن، وتباسىلىق مال فەرمالارىن، باعىمشىلىقپەن شۇعىلداناتىن ٴىرى وتباسىلاردى جەتىلدىرۋ، دامىتۋ كەزەك كۇتتىرمەيدى. تورتىنشىدەن، مال شارۋاشىلىعىنىڭ دامۋ ۇسىنىلىمى زور، ٴوندىرىس پەريودى ۇزاق، قوسىلعان قارجىنىڭ قارىمجى قايتارۋى باياۋ بولۋ سياقتى وزگەشەلىكتەر مال شارۋاشىلىعىمەن اينالىسۋشىلاردىڭ بەلسەندىلىگى مەن اۋىل - قىستاق ەكونوميكاسىنىڭ اقاۋسىز، باياندى دامۋىنا زور ىقپال جاساۋدا. بەسىنشىدەن، كاسىپتىك - تەحنيكالىق دارىندىلار قوسىنى تاپشى، اۋىل - قالاشىقتاردا مال شارۋاشىلىق، مال دارىگەرلىك پۋنكتىندەگى تەحنيكتەر وتە تاپشى بولىپ وتىر، نەگىزگى ساتىدا مال تۇقىمىن اسىلداندىرۋ جانە حايۋاناتتاردا بولاتىن جۇقپالى اۋرۋلاردان ساقتانۋ - تىزگىندەۋ قىزمەتىنىڭ مىندەتى اۋىر».

    ول وبلىستىڭ مال شارۋاشىلىعىن دامىتۋ بايلىعىن ٴبىر تۇتاس جوسپارلاپ، ٴبىر تۇتاس ورنالاستىرىپ، ٴبىر تۇتاس دامىتۋىن؛ وبلىستا ٴبىر تۇتاس جوبانى جەتەكشى ەتىپ، ساۋداگەر شاقىرىپ، قارجى ەنگىزۋ ساياساتىن بەلگىلەپ، اۋدان، قالالار ارا پارىقتى ساياساتتىق بەتالىستى اتقارۋدى؛ مال شارۋاشىلىق، مال دارىگەرلىك كاسىپتىك قوسىنى قۇرىلىسىن كۇشەيتۋدى؛ مال شارۋاشىلىق تەحنيكاسىن شوعىرلاندىرۋ مەن جالپىلاستىرۋدى كۇشەيتىپ، مال شارۋاشىلىعىنىڭ جوعارى ساپالى دامۋ قابىلەتىن جوعارىلاتۋدى؛ ساياساتتىق قولداۋدى ۇزدىكسىز كۇشەيتىپ، مال شارۋاشىلىعىنىڭ جوعارى ساپالى دامۋىنىڭ قارجى قاجەتىن قامتاماسىزداندىرۋدى ۇسىنىس ەتتى.