«ەمدەۋ مەن كۇتىمدەۋدى ۇشتاستىرۋ» قارتتاردى كۇتىمدەۋ قىزمەت وتەۋىن اناعۇرلىم ساپالىلاندىرىپ، جانداندىرا ٴتۇستى

    جاڭ جينفىڭ (ٴوز ٴتىلشىمىز)

    كەزەكتە وبلىسقا توتە قاراستى ورىنداردا جالپى 36 قارتتاردى كۇتىمدەۋ قۇرىلىمى، تارباعاتاي ايماعىندا 15 قارتتاردى كۇتىمدەۋ قۇرىلىمى، التاي ايماعىندا 8 قارتتاردى كۇتىمدەۋ قۇرىلىمى بار. قارتتاردى كۇتىمدەۋ قىزمەت وتەۋى بازارىنىڭ اشىق ۇستالۋىمەن قوعامدىق كۇشتەردىڭ قاتىناسۋىنا اناعۇرلىم دەم بەرىلىپ، قارتتاردى كۇتىمدەۋ قىزمەت وتەۋىنىڭ ساپاسى كورنەكتى جوعارىلاتىلدى.

    بىلتىر وبلىستىق حالىق ىستەرى مەكەمەسى قارتتاردى كۇتىمدەۋ - قىزمەت وتەۋ ساپاسى ارناۋلى ارەكەتىن ورىستەتۋ بارىسىندا، شارتقا ۇيلەسەتىن حالىق باسقارۋىنداعى پايدا تابۋدى كوزدەمەيتىن 11 قارتتاردى كۇتىمدەۋ قۇرىلىمى ٴۇشىن ٴبىر جولدا 2 ميلليون 620 مىڭ 400 يۋان ىرگە قالاۋ كومەك اقشاسىن، اينالىس قوسىمشا قاراجاتىن بوساتتى؛ تارباعاتاي ايماعى شارتقا ۇيلەسەتىن حالىق باسقارۋىنداعى پايدا تابۋدى كوزدەمەيتىن 3 قارتتاردى كۇتىمدەۋ قۇرىلىمى ٴۇشىن ٴبىر جولدا ٴبىر ميلليون 152 مىڭ يۋان تيجارات قوسىمشا قاراجاتىن بوساتتى؛ التاي ايماعى شارتقا ۇيلەسەتىن حالىق باسقارۋىنداعى پايدا تابۋدى كوزدەمەيتىن 3 قارتتاردى كۇتىمدەۋ قۇرىلىمى ٴۇشىن ٴبىر ميلليون 320 مىڭ يۋان اينالىس قوسىمشا قاراجاتىن بوساتتى.

    وبلىستىق حالىق قۇرىلتايىنىڭ ۋاكىلى، تەكەس اۋداندىق حالىق قۇرىلتايى تۇراقتى كوميتەتىنىڭ مەڭگەرۋشىسى قالمۇرات ساكەن ۇلى بىلاي دەدى: «تۇرمىس ورەسىنىڭ كۇننەن - كۇنگە جوعارىلاۋىنا ىلەسە، ادامداردىڭ قارتتاردى كۇتىمدەۋ قىزمەت وتەۋىنە قوياتىن تالابى اناعۇرلىم جوعارىلادى، ۇكىمەتتىڭ ۇزدىكسىز قارجى قوسۋى ارقىلى مەيلى قالادا، الدە اۋىل – قىستاقتا بولسىن قارتتاردى كۇتىمدەۋ قۇرىلىمدارىنىڭ نەگىزدىك قۇرىلعىلارى كورنەكتى جاقسارىپ، قارتتار قوناق ٴۇي سياقتى بولمەلەرگە ورنالاسىپ، اۋىرىپ – سىرقاسا باسقالار قارايلاسىپ، قىزمەت وتەۋ مەن ساپا بارىنشا جوعارىلادى، اۋەلى كەيبىر قارتتاردى كۇتىمدەۋ قۇرىلىمدارى ەمدەۋ قىزمەتكەرلەرىن دە سەپتەدى. الايدا اۋىل – قالاشىق قارتتاردى كۇتىمدەۋ قۇرىلىمدارى مەن ەمحانالاردىڭ تىعىز سەلبەسۋ مەحانيزمىن قۇرىپ، اۋىل – قىستاقتاعى قارتتاردى كۇتىمدەۋ ورىندارىنىڭ ەمدەۋ، كۇتىمدەۋ قۋاتىن ۇزدىكسىز جوعارىلاتۋعا تۋرا كەلەدى. قالمۇرات بىلاي دەپ قارادى: «وتباسىندا قارتتاردى كۇتىمدەۋ مەن الەۋمەتتىك اۋماقتا قارتتاردى كۇتىمدەۋ وتە جاقسى، ونى بەلسەنە دامىتىپ، جاپپاي جالپىلاستىرىپ، وتباسىن نەگىز، الەۋمەتتىك اۋماقتى سۇيەنىش، قۇرىلىمدى تولىقتاما ەتكەن، ەمدەلۋ مەن كۇتىمدەۋ ٴوزارا ۇشتاستىرىلعان قارتتاردى كۇتىمدەۋ قىزمەت وتەۋ جۇيەسىن ۇزدىكسىز كەمەلدەندىرۋ كەرەك. تەكەس اۋدانىنىڭ كليماتى جانعا جايلى، قىسى قاقاعان ايازدى، جازى شىلىڭگىر ىستىق ەمەس، >جۇڭگونىڭ كليمات ارقىلى ساۋىقتىرۋ، كۇتىمدەۋ ورنى< قاتارىنا ەنگەن، جىلىنا مول ساياحاتشى قابىلدايدى، سوندىقتان ساياحات پەن ساۋىقتىرىپ كۇتىمدەۋدى ۇشتاستىرىپ، ساۋىقتىرۋ، ەمدەۋ ايگىلى ورنىن قۇرۋ كەرەك».

    وبلىستىق ساياسي كەڭەستىڭ مۇشەسى، وبلىستىق دەنساۋلىق ساقتاۋ جانە سالاماتتىق كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى، 1 – دارەجەلى تەكسەرىپ زەرتتەۋشى يلحام مەجيت بىلاي دەدى: ەمدەۋ مەن كۇتىمدەۋ ۇشتاستىرىلعان قىزمەت وتەۋ ۇلگىسىن بەلسەنە زەرتتەپ، ەمدەۋ مەن كۇتىمدەۋدىڭ توعىسپالى دامۋىن جەبەپ، ٴداستۇرلى جۇڭگوشا ٴدارى – دارمەكپەن ەمدەۋ، اۋرۋدان ساقتانۋ وزگەشە ەرەكشەلىگىن ساۋلەلەندىرىپ، جۇڭگوشا ەرەكشەلىككە يە تۇتىندەۋ بولمەسى، بۋلاۋ بولمەسى، قىزدىرىپ ەمدەۋ بولمەسى، ۋقالاۋ بولمەسى، قۇممەن ەمدەۋ بولمەسى، اياق جۋۋ بولمەسى سياقتىلاردى اشىپ، تاۋلىك بويى جالعاساتىن جۇڭگوشا ەرەكشەلىككە يە ەمدەۋ قىزمەت وتەۋىمەن قامداۋ كەرەك. ٴار دارەجەلى پارتكوم مەن ۇكىمەت قارتتار سالاماتتىق قىزمەتىن تۇلعالىق قىزمەت ورنالاستىرۋىنا ەنگىزىپ، «مەملەكەتتىڭ حالىق سانىنىڭ قارتتانۋىنا بەلسەنە توتەپ بەرۋ ورتا، ۇزاق مەرزىمدىك جوسپارىن» نەگىزگى جەلى ەتىپ، قارتتار ىستەرىنە قاتىستى ساياساتتىق جەتەكشىلىك پەن سۇيەمەلدەۋ تەبىنىن ۇزدىكسىز ارتتىرىپ، ۋنيۆەرسالدى ۇلاسقان، قالا مەن اۋىلدى قامتىعان قارتتار سالاماتتىعىنا قىزمەت وتەۋ جۇيەسىن قۇرۋعا كۇش سالۋ كەرەك. باسقا تاراۋلار مەن قارتتار قوعامدىق توپتارى دا قارتتار ىستەرىن دامىتۋدى توڭىرەكتەپ، ٴىس جۇزىندىكتى شىعار ٴتۇيىن ەتىپ، قارتتار قىزمەتىن بەلسەنە ويداعىداي ىستەپ، قارتتار ٴۇشىن كوبىرەك ناقتى، يگى ٴىس ىستەپ، جوعارى – تومەن بىرلەسىپ ارەكەتتەنگەن، ىركىلىسسىز، پارمەندى، اينالىمى ەركىن ورگانيكالى تۇتاس تۇلعا قالىپتاستىرىپ، قارتتار ىستەرىنىڭ جاپپاي دامۋىن بىرگە ىلگەرىلەتۋى كەرەك. بۇدان تىس، قارتتاردىڭ سالاماتتىعىن جەبەۋ قيمىلىن بارىنشا اتقارىپ، قارتتاردىڭ سالاماتتىق تاربيەسى مەن پسيحولوگيالىق قامقورلىق قيمىلىن ورىستەتىپ، قارتتاردىڭ سالاماتتىق تاربيەلەنۋى مەن دەنساۋلىق ورەسى سياقتىلاردى جوعارىلاتۋ كەرەك.